Author: LANKA24X7

ඉන්දුනීසියාවේ, බටහිර ජාවා පළාතේ, මගී දුම්රිය දෙකක් එකිනෙක ගැටී සිදුවුණු අනතුරකින් තිදෙනෙක් ජීවිතක්ෂයට පත්වූහ. තුවාල ලැබූ ගණන 28 කි. දුම්රිය දෙක ගැටෙද්දී, දුම්රිය මැදිරි දුම්රිය මාර්ගයේ ගොඩගැසුණු බවත් පොඩිපට්ටම් වුණු මැදිරි තුළ සිරවුණු පිරිස් මුදා ගැනීමට මහත් පරිශ්‍රමයක් දැරීමට සිදුවුණු බවත් පැවැසෙයි.

සිම්බාබ්වේට එරෙහිව අද (6) පැවැත්වෙන පළමු එක්දින ක්‍රිකට් තරගයේදී ශ්‍රී ලංකා පිලේ ආරම්භක පිතිකරු ලෙස ක්‍රීඩා කිරීමට නියමිතව සිටි පැතුම් නිස්සංක උණ රෝගයෙන් පෙළීම නිසා තරගය අහිමිවන වේ. ශ්‍රී ලංකා ක්‍රිකට් පිලේ කළමනාකරු මහින්ද හලන්ගොඩ මහතාගෙන් මේ පිළිබඳව කළ විමසුමකදී පැවසුවේ පැතුම්ට ‘ඩෙංගු’ උණ වැළදී ඇති බවට සැක කරන බවත් පැතුම් මේ වන විට කොළඹ ප්‍රධාන පෞද්ගලික රෝහලකට යොමුකර ඇති බවත්ය.

කොළඹ – අවිස්සාවේල්ල මාර්ගයේ වැල්ලම්පිටිය මංසන්ධියේ සිට කොටිකාවත්ත මංසන්ධිය දක්වා මාර්ග කොටස අද (6) රාත්‍රී 10.00 හෙට (7) පස්වරු 5.00 දක්වා වසා තබන බව මාර්ග සංවර්ධන අධිකාරියේ අධ්‍යක්ෂ ජනරාල් එල්. වී. එස්. වීරකෝන් මහතා පැවසීය. ජාතික ජල සම්පාදන සහ ජලප්‍රවහාන මණ්ඩලයේ ඉල්ලීමකට අනුව එම ආයතනයේ හදිසි අත්‍යවශ්‍ය ඉදිකිරීම් කටයුත්තක් සදහා මෙසේ මාර්ගය වසා තැබීමට සිදුව ඇති බව ද වීරකෝන් මහතා කීය. අවිස්සාවේල්ල සිට කොළඹට පැමිණෙන වාහනවලට කොටිකාවත්ත මංසන්ධියෙන් වමට හැරී, ගොතටුව, කොලොන්නාව හරහා දෙමටගොඩ දෙසින් බේස්ලයින් මාර්ගය හෝ කොලොන්නාව මංසන්ධියෙන් නැවත අවිස්සාවේල්ල මාර්ගයට ද, කොළඹ සිට අවිස්සාවේල්ලට පැමිණෙන වාහනවලට වැල්ලම්පිටිය පොලිස්ථානය ඉදිරියෙන් දකුණට හැරී, කොළොන්නාව හරහා ගොතටුව නගරයෙන් වමට හැරී…

පොලිස් නිලධාරීන් තරුණයෙක් සහ තරුණියක් හිරිහැර වන ලෙස සෝදිසි කළේ යැයි කියන සිද්ධියක් පිළිබඳ පරීක්ෂණයක් කරන ලෙස උපදෙස් දුන් බව මහජන ආරක්ෂක අමාත්‍ය ටිරාන් අලස් මහතා පවසයි. එම සිදුවීම සම්බන්ධයෙන් වගවීම හා යුක්තිය සහතික කිරීම සඳහා වැරදිකරුවන්ට එරෙහිව දැඩි පියවර ගන්නා ලෙස අදාළ නිලධාරීන්ට උපදෙස් ලබාදුන් බව ද අමාත්‍ය ටිරාන් අලස් මහතා සිය ‘එක්ස්’ ගිණුමේ සටහනක් තබමින් වැඩි දුටත් පැවසුවාය.

සහල් සහ බඩඉරිඟු පිටරටින් ආනයනය කර රටේ කෘෂිකර්මාන්තය විනාශ කර දැමීමට ආණ්ඩුව උත්සහ කරන්නේ යැයි සමගි ජනබලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා කොළඹදී පැවැසීය. සීනි බද්ද අඩු කර තම ගජ මිතුරන්ට සහන ලබාදීමට සීනි ආනයනය සිදු කළ ආකාරයට ආණ්ඩුව හාල් සඳහා අයකළ රුපියල් 68 බද්ද රුපියලට බස්සා හාල් ආනයනයට කටයුතු කරන බවත් බවත් මහලේකම්වරයා සඳහන් කළේය. ආණ්ඩුව බාල බෙහෙත් ආනයනය කළා මෙන් බාල හාල් ආනයනයට සුදානම් වන බව මෙම තීරණයෙන් පැහැදිලි වන බවත් විපක්ෂ නායක කාර්යාලයේ පැවති මාධ්‍ය හමුවකට එක්වෙමින් ඔහු පැවසීය. වී අස්වැන්න හොදින් ලැබෙන කාලයක හාල් ටොන් ලක්ෂ ගණනක් පිටරටින් ගෙන්න ආණ්ඩුව කටයුතු කරන බවත් මේ හෛ්තුවෙන්…

දීප ව්‍යාප්ත ඩෙංගු මර්දන සතියක් ඉරිදා සිට ක්‍රියාත්මක කෙරේ. ඒ අනුව එහි පළමු දිනය වන ඉරිදා දින දි දිවයිනේ සෑම පරිශ්‍රයක්ම පරික්ෂාවට ලක් කරන බව ජාතික ඩෙංගු මර්ධන ඒකකය පවසයි. ගත වූ දින හතර තුළ ඩෙංගු රෝගීන් 676 දෙනකු පිළිබඳව වාර්තා වූ බව එම මර්ධන ඒකකයේ අධ්‍යක්ෂ විශේෂඥ වෛද්‍ය සුදත් සමරවීර මහතා පවසයි. මෙම ඩෙංගු මර්දන සතියේදී දිස්ත්‍රික්ක 15ක ඩෙංගු අධි අවදානම් සෞඛ්‍ය

උතුරු සහ නැගෙනහිර පළාත්වල වැසි වාර කීපයක් ඇති වන බව කාලගුණ විද්‍යා දෙපාර්තමේන්තුව කියයි. දිවයිනේ සෙසු ප්‍රදේශවලට පස්වරු 2.00 පමණ පසු වැසි හෝ ගිගුරුම් සහිත වැසි ඇති වේ. ගිගුරුම් සහිත වැසි සමග තාවකාලිකතව තද සුළං සහ අකුණු ඇති විය හැකි බව ද කාලගුණ විද්‍යා දෙපාර්තමේන්තුව අනතුරු අඟවයි.

බදුල්ල සිට කොළඹ බලා ධාවනය වෙමින් තිබූ දුම්රියක් පීළි පැනීමෙන් අවහිර වී තිබූ උඩරට දුම්රිය මාර්ගය පැය දහයකට පමණ පසු යළි යථා තත්ත්වයට පත් කළ බව දුම්රිය පාලක මැදිරිය පැවසීය. බදුල්ල සිට කොළඹ බලා ධාවනය වෙමින් තිබූ දුම්රියක් නානුඔය හා ග්‍රේට්වෙස්ටන් දුම්රිය ස්ථාන දෙක අතර පිළිපැනීමට ලක්වීම නිසා උඩරට දුම්රිය ගමනාගමනය ඊයේ සවස තුන පමණ සිට සම්පූර්ණයෙන්ම අඩපණ වී තිබුණි. කොළඹ සිට බදුල්ල බලා ධාවනයෙන් තිබූ උඩරට මැණිකේ දුම්රියෙන් පැමිණි මගීහු විශාල සංඛ්‍යාවක් නාවලපිටිය සිට බස් රථ මගින් හපුතලේ බදුල්ල බණ්ඩාරවල දියතලාව දක්වා ගමන් ගැනීමට පහසුකම් සලසා දී තිබුණි. අද (06) අලුයම සිට සියලු දුම්රියන් සාමාන්‍ය පරිදි දහවෙනි වන බවත්…

ආගමික දේශන පැවැත් වූ බව පැවසෙන රුවන් ප්‍රසන්න ගුණරත්න නැමැති පුද්ගලයා සහ ඔහුගේ ඉගැන්වීම් සම්බන්ධයෙන් අපරාධ පරීක්ෂණ දෙපාර්තමේන්තුව මේ වන විට පුළුල් පරීක්ෂණ ආරම්භ කර තිබේ. ඊට සමගාමීව අපරාධ පර්යේෂණ දෙපාර්තමේන්තුව අද (05) දිනයේ කොටුව මහෙස්ත්‍රාත් අධිකරණයට කරුණු වාර්තා කර තිබිණි. තවද එම පුද්ගලයාට වෙනත් සංවිධානවලින් මුදල් ලැබී ඇත්දැයි සොයා බැලීම සඳහා මුදල් ලැබුණු ආකාරය හා එම මුදල් වියදම් කළ ආකාරය පිළිබඳව ද විමර්ශනයක් සිදුකිරීමටද කොටුව මහෙස්ත්‍රාත් අදිකරණයෙන් නියෝගයක් ලබා දී තිබේ. හෝමාගම ප්‍රදේශයේදී සියදිවි හානිකරගත් ආගම් සම්බන්ධ දේශකයෙකු ලෙස කටයුතු කළ රුවන් ප්‍රසන්න ගුණරත්නගේ අනුගාමිකයින් දෙදෙනෙකු බව පැවසෙන තරුණියක් සහ තරුණයෙකු විෂ ශරීරගත වීමෙන් පසුගිය දා මියගොස් සිටියදී සොයාගැණුනි.…

ජනතාවගේ විදුලි බිල අඩුකිරීම සඳහා අවශ්‍ය කරන දත්ත විදුලිබල මණ්ඩලය විසින් මහජන උපයෝගීතා කොමිසමට මේ වනවිට ලබාදී ඇති බව රාජ්‍ය අමාත්‍ය ඉන්දික අරුන්දික මහතා පවසයි. විදුලිබල සහ බලශක්ති රාජ්‍ය අමාත්‍ය ඉන්දික අරුන්දික මහතා වැඩිදුරටත් සඳහන් කළේ ලබන මාසය ආරම්භයට පෙර විදුලි බිල අඩුකිරීම සඳහා අවශ්‍ය මූලික කටයුතු හෙවත් මිලේ සංශෝධනයක් ගෙනඒමට කටයුතු කරන බවය. “මට ප්‍රතිශතය මෙතන කියන්න බැහැ. එහි සම්පූර්ණ වගකීම තියෙන්නේ මහජන උපයෝගීතා කොමිසමට. අපි පෙන්වන ඉලක්කමත් ඒ ඉලක්කමත් අතර පරස්පරතා තිබුණොත් ඒක ප්‍රශ්නයක් වෙනවා. දැනෙන අඩු කිරීමක් කරන්න පුළුවන් වෙයි. අඩු කරලා ආයේ පායද්දි වැඩි කරන්නත් නෙමෙයි. ඒක අඛණ්ඩව ගෙනියන්න පුළුවන් සැලැස්මක්..” “අපි විසින් ලබාදුන් දත්ත මහජන…