Author: LANKA24X7

රජයේ මුදල් පිළිබඳ කාරකසභාවේ සභාපති ධූරය සම්බන්ධයෙන් මතුව ඇති ගැටලුකාරී තත්ත්වය පිළිබඳ හිටපු සභාපති පාර්ලිමේන්තු මන්ත්‍රී ආචාර්ය හර්ෂ ද සිල්වා, පාර්ලිමේන්තු මන්ත්‍රී පාඨලී චම්පික රණවක මුණගැසී සාකච්ඡා කර ඇති බව වාර්තා වනවා. ඒ, පාර්ලිමේන්තු සංකීර්ණයේදීයි. රජයේ මුදල් පිළිබඳ කාරක සභාවේ සභාපති ධූරය සඳහා විපක්ෂයේ මන්ත්‍රීවරුන් දෙදෙනෙකුගේ නම් යෝජනාවී ඇති බව එම කාරකසභාව නියෝජනය කරන ආණ්ඩු පක්ෂ මන්ත්‍රීවරුන් ඊයේ ප්‍රකාශ කළා. ඔවුන් එහිදී එම මන්ත්‍රීවරුන් දෙදෙනා කවුරුන්දැයි හෙළි නොකළත් ඇතැම් මාධ්‍ය වාර්තා කර තිබුණේ පාර්ලිමේන්තු මන්ත්‍රී හර්ෂ ද සිල්වාට අමතරව පාර්ලිමේන්තු මන්ත්‍රී පාඨලී චම්පික රණවකගේ ද නම එම තනතුර සඳහා යෝජනා වී ඇති බවයි. ඒ සම්බන්ධයෙන් හර්ෂ ද සිල්වා මන්ත්‍රීවරයා, පාර්ලිමේන්තු…

රාජකාරී විදේශ සංචාර සඳහා ගුවන් ටිකට්පත් මිලදී ගැනීමට රජයේ අරමුදල් භාවිත කරන අවස්ථාවේදී සියලුම රාජ්‍ය නිලධාරීන් පිරිමැසුම් පංතියේ හෙවත් ඉකොනොමි ක්ලාස් ගුවන් ටිකට්පත් පමණක් මිලදීගත යුතු බවට රජය විසින් චක්‍රලේඛයක් නිකුත් කර තිබෙනවා. ජනාධිපති රනිල් වික්‍රමසිංහ මහතාගේ නියමය පරිදි එම චක්‍රලේඛය නිකුත් කර ඇත්තේ ජනාධිපති ලේකම් සමන් ඒකනායක විසින්. කෙසේවෙතත් අගවිනිසුරු, ශ්‍රේෂ්ඨාධිකරණ විනිසුරුවරුන්, අභියාචනාධිකරණ සභාපති සහ අභියාචනාධිකරණ විනිසුරුවරුන්ට එම නීතිය අදාළ වන්නේ නැහැ. සෙසු නිලධාරියෙකුට ව්‍යාපාරික පන්තියේ ගමන් කිරීමට අවශ්‍ය වන්නේ නම් පිරිමැසුම් පංතියේ ගුවන්ටිකට්පතක් මිලදී ගැනීමට යන මුදල සහ ව්‍යාපාරික පංතියේ ගුවන් ටිකට්පතක් මිලදී ගැනීමට යන මුදල අතර වූ වෙනස සිය පෞද්ගලික මුදලින් වැයකර ගමන් කළ හැකි බවයි එම…

ඔස්ට්‍රේලියානු කාන්තාවක් දුෂණය කළ බවට චෝදනා එල්ලවී සිටින ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකට දී තිබූ ඇප කොන්දේසි ලිහිල් කිරීමට සිඩ්නි හි අධිකරණයක් නියෝග කර තිබේ. ඒ අනුව ඔහුට නැවතත් වට්ස්ඇප් භාවිතයට සහ රාත්‍රියේ නිවෙසින් එළියට යෑමට අවස්ථාව දී තිබේ. 31 හැවිරිදි ගුණතිලක අද (23) සිය ඇප කොන්දේසි වෙනස් කරන ලෙස ඉල්ලමින් මෝසමක් ඉදිරිපත්කර තිබුණි. ඔහුට ලිංගික අතවර කිරීමේ සිද්ධිය සම්බන්ධයෙන් චෝදනා 4ක් ගොනුකර ඇති අතර ඔහු මෙතෙක් වරද පිළිගෙන නැත.

ICC විස්සයි විස්ස පන්දු යවන්නන්ගේ ශ්‍රේණිගත කිරීම්වල පළමු ස්ථානයට පැමිණීමට ශ්‍රී ලංකා සුපිරි ක්‍රීඩක වනිඳු හසරංග සමත්ව තිබේ. ප්‍රසාද ලකුණු 695ක් ලබාගනිමින් ඔහු එහි ප්‍රථම ස්ථානයට පැමිණ ඇත. එසේම විස්සයි විස්ස තුන් ඉරියව් ක්‍රීඩක ශ්‍රේණිගත කිරීම්වලද වනිඳු හසරංග සිව්වන ස්ථානයේ රැඳී සිටී. ප්‍රසාද ලකුණු 175ක් ලබාගනිමින් වනිඳු එම ස්ථානයේ රැඳී සිටී. මේ අතර ICCයේ එක්දින තුන් ඉරියව් ක්‍රීඩක ශ්‍රේණිගත කිරීම්වල ප්‍රසාද ලකුණු 240ක් ලබාගනිමින් වනිඳු හසරංග 7 වන ස්ථානයේ රැඳී සිටී.

මන්ත්‍රීවරුන්ට දෙන සියලු වරප්‍රසාද සිය ආණ්ඩුවක් තුළ ඉවත් කර ඔවුන්ද සාමාන්‍ය රාජ්‍ය සේවකයින්ගේ තත්ත්වයට පත් කරන බව ජාතික ජන බලවේගයේ නායක අනුර කුමාර දිසානායක මහතා පවසයි. බදුල්ලේ පැවති ජනරැලියක් අමතමින් ඔහු වැඩිදුරටත් සඳහන් කළේ ජනාධිපතිවරුන්ගේ විශ්‍රාම වැටුප මෙන්ම අමාත්‍යවරුන්ට ලබාදී ඇති අසීමිත වරප්‍රසාද ද අහෝසි කරන බවය.

හිටපු ජනාධිපතිනි චන්ද්‍රිකා බණ්ඩාරනායක කුමාරතුංග රජයේ ඇමති තනතුරු භාරගෙන කිසිවක් නොකළ ජනතා විමුක්ති පෙරමුණේ නායකයින් අද නව බලවේගයක් ලෙස පෙනීසිටිමින් ජනතාව රවටන බව විපක්ෂ නායක සජිත් ප්‍රේමදාස මහතා පවසයි. විපක්ෂ නායකවරයා මේ බව සඳහන් කළේ නොච්චියාගම පැවති ජන රැලියකදීය.

හිටපු ජනාධිපතිනි චන්ද්‍රිකා බණ්ඩාරනායක කුමාරතුංග රජයේ ඇමති තනතුරු භාරගෙන කිසිවක් නොකළ ජනතා විමුක්ති පෙරමුණේ නායකයින් අද නව බලවේගයක් ලෙස පෙනීසිටිමින් ජනතාව රවටන බව විපක්ෂ නායක සජිත් ප්‍රේමදාස මහතා පවසයි. විපක්ෂ නායකවරයා මේ බව සඳහන් කළේ නොච්චියාගම පැවති ජන රැලියකදීය.

මෙරට සුළං විදුලි බලාගාර දෙකක් ස්ථාපනය කිරීම සඳහා ඉන්දියාවේ අදානි සමාගමට ආයෝජන මණ්ඩලයේ අනුමැතිය ලබා දී තිබේ. ඒ අනුව අදානි ග්‍රීන් එනර්ජි සමාගමට මන්නාරම සහ පුනරීන් හි සුළං විදුලි බලාගාර දෙකක් සඳහා ආයෝජනයට අවස්ථාව හිමිවෙයි. මෙම ව්‍යාපෘති සඳහා එම සමාගම ආයෝජනයට සැරසෙන මුදල අමෙරිකානු ඩොලර් මිලියන 442කි. මෙම සුළං විදුලි බලාගාර හරහා මෙගාවොට් 350ක ධාරිතාවයක් උත්පාදනය කිරීමට අපේක්ෂා කෙරේ.

අලි මිනිස් ගැටුම් අවම කිරීමේ අරමුණින් වනජීවි සංරක්ෂණ දෙපාර්තමේන්තුව විසින් නව වැඩපිළිවෙලක් ආරම්භ කර තිබේ. හඳුනාගත් අලිමංකඩ 16ක් යළි වන අලින් සඳහා විවෘත කිරීම, ඒ යටතේ සිදුකිරීමට නියමිත බව එම දෙපාර්තමේන්තුව සඳහන් කළේය. ඒ අනුව අදාළ අලිමංකඩවල පදිංචිව සිටින ජනතාව ඉන් ඉවත් කිරීමේ කටයුතු සම්බන්ධයෙන් මේ වන විට සාකච්ඡා සිදුකෙරෙමින් පවතින බව සඳහන්ය. වනජිවි කලාප මට්ටමින් මේ සම්බන්ධයෙන් ජනතාව දැනුවත් කිරීමේ වැඩසටහන් ද ආරම්භ කර තිබේ. මේ වසර තුළ දී අදාළ වැඩසටහන යටතේ අලිමංකඩ කිහිපයක් වන අලින් සඳහා යළි විවෘත කිරීමට අපේක්ෂා කරන බව ද වනජීවි සංරක්ෂණ දෙපාර්තමේන්තුව සඳහන් කළේය. මේ අතර පසුගිය වසර තුළ දී පමණ අලි මිනිස් ගැටුම්…

ත්‍රිරෝද රථ සොරකම් කිරීමේ සිද්ධි ගණනාවකට සම්බන්ධ සැකකරුවෙක් නුගේගොඩ කොට්ඨාස අපරාධ විමර්ශන අංශය විසින් අත්අඩංගුවට ගෙන තිබේ. ඊයේ (22) එම නිලධාරින් විසින් මිරිහාන පොලිස් වසමේ පිටකෝට්ටේ දී සිදුකළ මෙහෙයුමක් අතරතුර හෙරොයින් ග්‍රෑම් 5යි මිලිග්‍රෑම් 560ක් සමග සැකකරුව අත්අඩංගුවට ගෙන ඇත. අත්අඩංගුවට ගත් සැකකරු අවුරුදු 31ක් වූ නාවල පාර, රාජගිරිය ප්‍රදේශයේ පදිංචිකරුවෙකි සැකකරුගෙන් සිදුකළ වැඩිදුර විමර්ශනවලදී තලංගම, කඩුවෙල, ග්‍රෑන්ඩ්පාස්, කොටුව හා කිරිබත්ගොඩ යන පොලිස් වසම්වලදී සොරකම් කරන ලද ත්‍රීරෝද රථ 5ක් පොලීසිය සොයාගෙන ඇත. සැකකරුව අද (23) නුගේගොඩ මහෙස්ත්‍රාත් අධිකරණය වෙත ඉදිරිපත් කිරීමට නියමිතය.