Author: LANKA24X7

කටුනායක ගුවන් තොටුපළ අවට ප්‍රදේශයට ඊයේ (04) රාත්‍රී පැවති අධික වැසි සහ අකුණු ගැසීම් සහිත අයහපත් කාළගුණික තත්ත්වය නිසා කටුනායක ගුවන් තොටුපළ වෙත ගොඩ බැස්සවීමට පැමිණි ගුවන් යානා දෙකක් මත්තල ගුවන් තොටුපළ වෙත යොමු කළ බව කටුනායක ගුවන් තොටුපළ කාර්යය භාර නිලධාරීවරයා පවසනවා. ඒ අනුව, ඕස්ට්‍රේලියාවේ මෙල්බර්න් නුවර සිට ඊයේ (04) රාත්‍රී 10.25 කටුනායක ගුවන් තොටුපළ වෙත පැමිණි ශ්‍රී ලන්කන් ගුවන් සේවයේ යූ.එල්.- 605 දරන යානය මත්තල ගුවන් තොටුපළ වෙත යොමු කෙරුණා. එම ගුවන් යානය ඊයේ (04) රාත්‍රී 11.35ට මත්තල ගුවන් තොටුපළ වෙත ගොඩ බස්වා තිබෙනවා. මෙම ගුවන් යානය තුළ මගීන් 297 දෙනෙකු සහ ගුවන් යානා කාර්යය මණ්ඩලය 15 දෙනෙකු…

වෙසක් පුර පසළොස්වක පෝය අදට(05) යෙදී තිබෙනවා. ලොව්තුරු අමාමෑණි බුදු පියාණන් වහන්සේගේ තෙමඟුල අද වැනි වෙසක් පොහොය දිනක සිදුවීම ලෝකවාසි බෞද්ධ ජනතාව සමරන්නේ මහත් හරසරින්. ආමිෂ හා ප්‍රතිපත්ති පූජාවන්ට මුල්තැන දෙමින් බෞද්ධ ජනතාව වෙසක් දිනය සමරන්නේ මහත් බැතියෙන්. සිද්ධර්ථ කුමරුගේ උපත, බෝධිසත්වයන් වහන්සේගේ බුදුවීම හා පිරිනිවන් පෑම වෙසක් දින සිදු වූ සුවිශේෂී සිදුවීම ලෙස හදුන්වා දෙන්න පුලුවන්. බුදු හිමියෝ බුද්ධත්වයෙන් අටවන වර්ෂයේ මණිඅක්ඛිත නා රජුගේ ආරාධනයෙන් කැලණියට වැඩම කරවන ලද්දේ අදවන් වෙසක් ‍පොහෝ දිනක වීම විශේෂත්වයක්. එම ගමනේදී සමනළ කඳු මුදුනට වැඩම කළ බුදු හිමියෝ සිරිපා සටහන එහි තැබූ අතර එය සිහිපත් කරමින් කෙරෙන සිරිපා සමය නිමවන්නේ ද වෙසක් පුර…

අධ්‍යයන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීම් කටයුතු සඳහා සහභාගීවීමට විශ්වවිද්‍යාල ආචාර්යවරුන්ගේ සමිති සම්මේලනය තීරණය කර තිබේ. අද (04) පැවති විධායක සභා රැස්වීමේදී එම තීරණය ගත් බව එහි සභාපති මහාචාර්ය ශ්‍යාම බන්නැහැක මහතා පැවසීය. උසස් පෙළ විභාගයේ පිළිතුරු පත්‍ර ඇගයීම් කටයුතු වර්ජනය කිරීමට විශ්වවිද්‍යාල ආචාර්යවරුන් ගත් තීරණය හේතුවෙන් මේ වනවිට එම කටයුතු මාස 02කට අධික කාලයක් ප්‍රමාදවී තිබේ. රජයේ බදු ප්‍රතිපත්තියට එරෙහිව වෘත්තීය සමිති ක්‍රියාමාර්ගයක් ආරම්භ කළ විශ්වවිද්‍යාල ආචාර්යවරුන්, විශ්වවිද්‍යාල අධ්‍යයන කටයුතු සඳහා සහභාගීවීමට මීට පෙර තීරණය කර තිබුණ ද උසස් පෙළ පිළිතුරු පත්‍ර ඇගයීම් කටයුතු තවදුරටත් වර්ජනය කිරීමට පියවර ගෙන තිබුණි. කෙසේවෙතත් එම ක්‍රියාමාර්ගය අත්හැර පිළිතුරු…

ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකගේ නඩු ගාස්තුව නිව් සවුත් වේල්ස් නීති බලධාරීන් විසින් ගෙවිය යුතු බවට අධිකරණයේ හමුවේ ඔහුගේ නීතිඥයා විසින් තර්කයක් ඉදිරිපත් කර තිබේ. එහිදී ධනුෂ්ක ගුණතිලකගේ නීතිඥයා පවසා ඇත්තේ නඩු විභාගය දිගින් දිගටම පමාද වීම හමුවේ මෙම නඩු ගාස්තු අදාළ බලධාරීන් විසින් ගෙවිය යුතු බවය. ඔස්ට්‍රේලියාවේ සිඩ්නි අධිකරණයකදී අද ඊට අදාළ නඩුව කැඳවූ අවස්ථාවේදී ධනුෂ්කගේ නීතිඥයින් මෙම තර්කය ඉදිරිපත් කර තිබේ. ධනුෂ්ක ගුණතිලක වෙනුවෙන් ඇප ඉල්ලීම තවත් සති දෙකක කාලයක් දක්වා කල්දැමීම හේතුවෙන් ඔහුගේ නීතිඥයින් මේ බව පවසා ඇත. එහිදී ඔහුගේ නීතිඥන් වැඩිදුරටත් පවසා ඇත්තේ ධනුෂ්ක ගුණතිලක විදෙස් ජාතිකයෙකු බවත් දීර්ඝ කාලයක් තිස්සේ එරට නඩු කටයුත්තකට සම්බන්ධ…

එළඹෙන වෙසක් උත්සවය නිමිත්තෙන් දිවයින පුරා දන්සැල් 7,160 ක් ලියාපදිංචි කර ඇති බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පවසනවා. එහි සභාපති උපුල් රෝහණ පැවසුවේ මෙම දන්සැල් පරීක්ෂා කිරීම සදහා මහජන සෞඛ්‍ය පරීක්ෂකවරුන් 3000 ක් සේවයේ යොදවා ඇති බවයි. බැතිමතුන්ට අහිතකර ආහාර පාන ලබා දෙන දන්සැල් වන්නේ නම් ඒවා ඉවත් කිරීමට කටයුතු කරන බවද ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ වැඩිදුරටත් සඳහන් කළා.

වෙසක් උත්සවය නිමිත්තෙන් දිවයින පුරා විශේෂ ආරක්ෂක වැඩපිළිවෙලක් ක්‍රියාත්මක කිරීමට සැලසුම් කර ඇති බව පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී නිහාල් තල්දූව මහතා පවසයි. ඔහු පෙන්වා දෙන්නේ විහාරස්ථාන, වෙසක් කලාප ඇතුළු විවිධ ආගමික වැඩසටහන් සිදුකරන ස්ථාන ආශ්‍රිතව මෙම ආරක්ෂක වැඩපිළිවෙල ක්‍රියාත්මක කිරීමට සැලසුම් කර ඇති බවය. කොළඹ පැවති මාධ්‍ය හමුවකට එක්වෙමින් පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා මෙම අදහස් පල කළේය. මේ අතර වෙසෙක් පොහොය වෙනුවෙන් බන්ධනාගාරගත සිරකරුවන් හට අමුත්තන් බැලීම සදහා විශේෂ අවස්ථාවක් ලබා දී තිබේ. ඒ අනුව හෙට සහ අනිද්දා යන දින දෙක තුළ සිරකරුවන් සදහා අමුත්තන් බැලීමට අවස්ථාව ලබා දී ඇති බව බන්ධනාගාර…

දරුවන් ඝාතනය වීම, හිරිහැරයට ලක් වීම හා මහමග දමා යාමේ සිදුවීම් වැඩි වශයෙන් වාර්තා වීම හේතුවෙන් දෙමාපියන්ට හදා වඩා ගැනීමට නොහැකි මාස 3ට අඩු දරුවන් භාරදීම සඳහා පළාත් මට්ටමින් කවුළු පිහිටුවීමට රජය විසින් තීරණය කර තිබෙනවා. පරිවාස හා ළමාරක්ෂක දෙපාර්තමේන්තුව පැවසුවේ ඊට අදාළ නීති කඩිනමින් සම්පාදනය කරන බවයි. එමෙන්ම 2017 වසරේ සිට මේ දක්වා ළමයින් 80 ක් ඝාතනයට ලක්ව ඇති බවත් තවත් ළමුන් 60 ක් මහ මග අතහැර දමා ගොස් ඇති බවත් එම දෙපාර්තමේන්තුව වැඩිදුරටත් සඳහන් කළා. දැනට පවතින නීතිය අනුව දරුවන් අතහැර යන මව්පියන්ට එරෙහිව නීති ක්‍රියාමාර්ගගත හැකි බවත් නව සංශෝධන අනුව දරුවන් භාර ගැනීමේ කවුළු වෙත සිය දරුවන්…

සමගි ජනබලවේගයේ බදුල්ල දිස්ත්‍රික් පාර්ලිමේන්තු මන්ත්‍රී වඩිවෙල් සුරේෂ් ජනාධිපති ලේකම් කාර්යාලයේ දී ඊයේ (3) ජනාධිපති රනිල් වික්‍රමසිංහ හමුවී සාකච්ඡාවක නිරතවී තිබෙනවා. අනතුරුව ඔහු විපක්ෂනායක සජිත් ප්‍රේමදාස ද හමු වී තිබුණා. මැයි 01 වැනිදා මැයි දින රැළියක් බදුල්ලේ දී තනිවම සංවිධානය කළ වඩිවෙල් සුරේෂ් මන්ත්‍රීවරයා විපක්ෂ නායක සජිත් ප්‍රේමදාස මඩොල්සිම ප්‍රදේශයට පැමිණ තම ජනතාවගෙන් සමාව ගතයුතු බව ප්‍රකාශ කළා. ඒ මීට ඉහත දී මඩොල්සිමේ දී සංවිධානය කර තිබූ ජන හමුවකට විපක්ෂනායකවරයාට පැමිණීමට ආරාධනා කර තිබුණ ද විපක්ෂනායකවරයා ඊට සහභාගිනොවී බදුල්ල දිස්ත්‍රික්කයෙන් පැවති වෙනත් රැස්වීමකට සම්බන්ධ වීම සම්බන්ධයෙන්.

විපක්ෂ නායක සජිත් ප්‍රේමදාස සහ මාධ්‍ය ආයතවල ප්‍රවෘත්ති අංශ ප්‍රධානින් අතර හමුවක් ඊයේ (03) කොළඹ දී පැවැත්වුණා. ඊට විපක්ෂයේ සර්වපාක්ෂික එකමුතුව නියෝජනය කරමින් පාර්ලිමේන්තු මන්ත්‍රීවරුන් පිරිසක් ද එක්ව සිටියා. ඊට එක්ව සිටි මුස්ලිම් කොංග්‍රසයේ නායක පාර්ලිමේන්තු මන්ත්‍රී රවුෆ් හකීම් කියා සිටියේ සීමා නිර්ණය කොමිසම මගින් සුළු පක්ෂ නියෝජනයේ අඩුවීමේ අවදානමක් පවතින බවයි.

උසස් අධ්‍යාපනය සඳහා විදෙස්ගත වී යළි නොපැමිණි විශ්ව විද්‍යාල ආචාර්යවරුන්ගෙන් රුපියල් කෝටි 200කට ආසන්න මුදලක් රජයට අයවිය යුතු බව විශ්ව විද්‍යාල ප්‍රතිපාදන කොමිසම කෝප් කමිටුවේ දී අනාවරණය කළා. 2022.12 වන මාසය වන විට රුපියල් කෝටි 200ක් අය කර ගැනීමට ඇති බවයි ඔවුන් අනාවරණය කළේ. වැඩිම ආචාර්යවරුන් පිරිසක් විදෙස් ගත වී ඇත්තේ පේරාදෙණිය විශ්ව විද්‍යාලයේ බවත් වැඩිම මුදලක් අය කර ගැනීමට ඇත්තේ කැළණිය විශ්ව විද්‍යාලයෙන් බවත් කෝප් කමිටුව වැඩිදුරටත් සඳහන් කළා. ඒ අනුව කැළණිය විශ්ව විද්‍යාලයෙන් රුපියල් මිලියන 237 ද නැගනහිර විශ්ව විද්‍යාලයෙන් මිලියන් 188ක් ද වශයෙන් අය කර ගැනීමට ඇති බවයි එහි දී අනාවරණය වුණේ. ආචාර්යවරු 617කට අධික පිරිසක් මෙලෙස…