Author: LANKA24X7

නිරිතදිග බෙංගාල බොක්ක මුහුදු ප්‍රදේශපෙැවැති ‘‘මීඡවුම්‘‘ සුළි කුණාටුව ඊයේ 03 රාත්‍රී 23.30 වන විට උතුරු අක්ෂාංශ 12.8° සහ නැගෙනහිර 81.6° දේශාංශ ආසන්යෙ යාපනයේ සිට කිලෝමීටර් 365ක් පමණ ඊසාන දෙසින් පැවැති බව කාලගුණ විද්‍යා දෙපාර්තමේන්තුව කියයි. මෙම පද්ධතිය තවදුරටත් වර්ධනය වෙමින් ශ්‍රී ලංකාවෙන් ඉවතට,වයඹ දෙසට ගමන් කරනු ඇත. එය උතුරු තමිල්නාඩුව දෙසට ගොස් පසුව උතුරු දෙසට ගමන් කර හෙට (5) වන විට දකුණු අන්ද්‍රා වෙරළ තිරයෙන් ගොඩබිමට ඇතුළු වනු ඇතැයි බලා පොරොත්තු වේ. බස්නාහිර, සබරගමුව, උතුර,දකුණු සහ වයඹ පළාත්වලට විටින් විට වැසි හෝ ගිගුරුම් සහිත වැති ඇති වන බවත් ඇතැම් ස්ථානවලට මිලි මීටර් 75 වැඩි තද වැසි ඇති වන බවත් කාලගුණ…

ශ්‍රී ලංකා කාන්තා ක්‍රිකට් පිලේ නායිකා සුපිරි පිතිකාරී චමරි අතපත්තු ඉන්දීය ප්‍රිමියර් ලීග් (අයි.පී.එල්.) කාන්තා තරගාවලියේ වෙන්දේසියට ඇතුළත්ව ඇති අතර ඇය ඉන්දීය රුපියල් ලක්‍ෂ 30 ක මූලික ලංසුවකට ඉදිරිපත් කර තිබීම කැපී පෙනේ. චමරි මෙවර ඕස්ටේ්‍රලියානු බිග් බෑෂ් කාන්තා තරගාවලියේ දැක්වූ දස්කම් හේතුවෙන් මෙම අවස්ථාව උදාවී තිබේ. මෙවර අයි.පී.එල්. කාන්තා තරගාවලියේ ක්‍රීඩිකාවන්ගේ වෙන්දේසිය මේ මස 9 වැනිදා මුම්බායි නුවරදී පැවැත්වීමට නියමිත අතර එම වෙන්දේසියට ඉන්දීය ක්‍රීඩිකාවන් 104 ක් සහ විදේශ ක්‍රීඩිකාවන් 61 ක් ඇතුළත්ව සිටිති.

හංවැල්ල සිරිනිවාස වත්ත ප්‍රදේශයේ නිවසක සිටි පුද්ගලයකුට යතුරු පැදියකින් පැමිණි කිහිප දෙනකු ඊයේ (03) රාත්‍රි තියුණු ආයුධයකින් සිදුකළ පහරදීමක් නිසාවෙන් බරපතල තුවාල ලබා සාලාව දිසා රෝහලට ඇතුලත් කිරීමෙන් පසු මියගොස් ඇතැයි හංවැල්ල පොලිසිය පවසයි. මෙලෙස මියගොස් ඇත්තේ හංවැල්ල වග සිරිනිවාස වත්ත පහල කොටස ප්‍රදේශයේ පදිංචිකරුවකු වන කේ. විජේකුමාර නැමැති පුද්ගලයෙකි. පහරදීමෙන් අනතුරුව පහරදීමට සම්බන්ධ සැකකරුවන් තිදෙනා පලා ගොස් ඇති බවත් සැකකරුවන් අත් අඩංගුවට ගැනීමට පොලිස් පරීක්ෂණ ආරම්භ කළ බවද පොලිසිය පවසයි. සිද්ධිය වූ ස්ථානයට පැමිණි සීතාවකපුර පොලිස් කොට්ඨාසයේ අපරාධ ස්ථාන විමර්ශනය නිළධාරීන් සහ හංවැල්ල පොලිසියේ අපරාධ විමර්ශන ඒකකයේ නිළධාරීන් පරීක්ෂණ පවත්වයි.

වත්තල ප්‍රදේශයේ හෝටලයක සේවය කළ 68 හැවිරිදි හෝටල් සේවකයකු වත්තල පල්ලියවත්ත ප්‍රදේශයේදී තියුණු ආයුධවලින් පහර දී ඝාතනය කිරීමේ සිද්ධියක් සම්බන්ධයෙන් සැකකරුවෝ තිදෙනෙක් පෙරේදා 2 වත්තල පොලීසිය සහ පෑලියගොඩ කොට්ඨාස අපරාධ විමර්ශන අංශය මගින් අත්අඩංගුවට ගනු ලැබූහ. මාතර වෙහෙරහේන ප්‍රදේශයේ පදිංචි 68 හැවිරිදි හෝටල් සේවකයකු එසේ ඝාතනය කර තිබු බව පොලිසිය පවසයි. දෙමටගොඩ සහ කටුනායක යන ප්‍රදේශවලදී සැකකරුවන් අත්අඩංගුවට ගත් අතර ඔවුන් වයස අවුරුදු 36 හා 44 වියේ පසුවන කොළඹ 9 පදිංචිකරුවන් බව පොලිසිය පවසයි. මට්ටක්කුලිය රජමල්වත්ත ප්‍රදේශයේදී ඉකුත් 25 දින ඇතිවූ ආරවුලක් මත පුද්ගලයකුට තියුණු ආයුධවලින් පහර දී තුවාල කිරීමකට පළිගැනීමක් ලෙස මෙම ඝාතනය සිදුකර ඇති බව පොලිසිය කියයි. දැනට…

වැල්ලව නගරයේ මත්පැන් අලෙවි සැලක් ආරම්භ කිරීම සඳහා අනුමැතියක් ලබා දුන් බව කියන සිද්ධියක් මුල් කර ගනිමින් ප්‍රදේශවාසින් පිරිසක් සමඟ ඇතිවූ ආරාවුලකින් පසුව පහර කෑමට ලක්වූ භික්ෂූන් වහන්සේලා දෙනමක් සමග පොලිස් නිලධාරියකු ප්‍රතිකාර සඳහා රෝහල් ගත කර ඇති බව වාර්තාවේ. වැල්ලව නගරයේ පිහිටි විහාරස්ථාන භූමියකදී මෙම ගැටුම්කාරී තත්ත්වය ඇතිවී තිබේ. වැල්ලව නගරයේ පවත්වාගෙන යන බියර් අලෙවි සැලට අමතරව තවත් මත්පැන් අලෙවි සැලක් ආරම්භ කිරීම සඳහා විරෝධතාවයක් නොමැති බවට එම විහාරස්ථානයේ විහාරාධිපති හිමියන් අනුමැතිය ලබාදී ඇති බවට සැක කරමින් ඒ සම්බන්ධයෙන් විහාරස්ථානයේ දායකයන් ඇතුළු පිරිසක් විරෝධය පළ කිරීමට ගිය අවස්ථාවේදී මෙම ගැටුම්කාරී තත්ත්වය හටගෙන තිබෙන බව කියයි.

ආණ්ඩු මාරු වූ පමණින් සමාජ පෙරළි සිදුවන්නේ නෑ. දැන් ජනතාවට අවශ්‍ය ආණ්ඩු මාරුවක් නොව සමාජ පරිවර්තනයක් යැයි ජාතික ජන බලවේගය නායක අනුර කුමාර දිසානායක මහතා දෙහිවලදී පැවසීය. ඔහු මේ බව පැවසූවේ ජාතික ජන බලවේගයේ දෙහිවල ආසන සමුළුවට සහභාගි වෙමිනි. ඒ කාලේ මතයක් තිබුණා රනිල් බටහිර ගැතියි. මහින්ද දේශප්‍රේමීයි කියලා. දෙන්න වේදිකා දෙකට ගොඩවෙලා කඩු අමෝරාගෙන සටනට කැඳෙව්වා. ඒත් එයාලගේ කඩුව කඩදාසි කියලා ජනතාව එදා දැනගෙන හිටියේ නෑ. ඒ නිසා බිම් මට්ටමේ ජනතාව දෙපිල බෙදිලා ගහමරා ගත්තා. දැන් ඒ ඒ දෙන්නම ඉන්නේ එකම වේදිකාවේ. එයා මෙයා වෙනුවෙන් පෙනී ඉන්නවා. මෙයා එයා වෙනුවෙන් පෙනී ඉන්නවා. ඒත් එහෙම ආණ්ඩුවලින් සමාජ පෙරළි සිදුවන්නේ නෑ.…

83 හැවිරිදි ප්‍රසිද්ධ සමාජ සේවිකාවකගේ හිසට අලවංගුවකින් පහරදී පිංකමකට එකතු කර තිබූ මුදල් ශක්ති ජනක විටමින් වර්ග මිල දී ගැනීම සඳහා කොල්ලකෑ 18 හැවිරිදි කායවර්ධන ක්‍රීඩකයා අත්අඩංගුවට ගත් බව ගල්කිස්ස කොට්ඨාස අපරාධ විමර්ශන අංශය කියයි. මෙලෙස ඝාතනයට ලක්ව තිබුනේ මොරටුව පහළ ඉදිබැද්ද ” නිසසල” නිවසේ තනිව විසූ උන්ගාමන්ඩාඩිගේ තිලක නාලිනි ප්‍රනාන්දු නැමැති 83 හැවිරිදි අවිවාහක කාන්තාවකි. යාබද නිවසේ පදිංචි සැකකරු ජාත්‍යන්තර පාසලක අධ්‍යාපනය ලද එක්සත් රාජධානියේ පුරවැසිභාවය හිමි තැනැත්තකු බව පොලිසිය කියයි. සැකකරු ගෙන් සිදු කළ ප්‍රශ්න කිරීමේදී එම නිවස තුළ තිබී පහර දීමට යොදා ගත් අලවංගුව , කාන්තාවගෙන් කොල්ල කන ලද ස්මාර්ට් වර්ගයේ ජංගම දුරකථනය , ඝාතනය සිදු කරන…

සසෙක්ස් හි ආදිපාදවරයා වන හැරී කුමරු සහ ආදිපදවරිය වන මේගන් මාර්කෙල් ඔවුන්ගේ පදවිවලින් නෙරපීම සඳහා පනත් කෙටුම්පතක් පාර්ලිමේන්තුවට ගෙන එන බව බ්‍රිතාන්‍ය පාර්ලිමේන්තු මන්ත්‍රීවරයෙකු ප්‍රකාශ කර ඇතැයි බ්‍රිතාන්‍ය මාධ්‍ය වාර්තා කළේය. හැරී සහ මේගන් සිදුකර ඇති ආන්දෝලනාත්මක ප්‍රකාශයක් සම්බන්ධයෙන් දැඩි විවේචන එල්ල වීමට පටන් ගැනීමත් සමඟ මෙම තීරණයට එළඹ ඇති බව බ්‍රිතාන්‍ය මාධ්‍ය පැවැසුවේය. එසේම ආර්චි කුමරුගේ සමෙහි වර්ණය පිළිබඳ තෙවැනි චාල්ස් රජු සහ කේට් කුමරිය සැලකිල්ලක් දැක්වූ බවට හැරී කුමරු සහ මේගන් චෝදනා කිරීම සම්බන්ධයෙන් ක්‍රියාමාර්ගයක් ගත යුතු බව විලියම් කුමරුගේ ස්ථාවරය බවත් ඒ පිළිබඳ සාකච්ඡා කිරීමට එළඹෙන සතියේදී තෙවැනි චාල්ස් රජු සහ විලියම් කුමරු අතර හමුවක් පැවැත්වීමටද නියමිත…

බදු බර සහ බඩු මිල දරාගත නොහැකි ලෙස වැඩිවී ජීවත්වීමට නොහැකි වීමෙන් ආණ්ඩුව කෙරෙහි ජනතාවගේ සිත් තුළ විශ්වාසභංගයක් හටගෙන ඇතැයි සමගි ජනබලවේගයේ හිටපු පාර්ලිමේන්තු මන්ත්‍රී මුජිබර් රහුමාන් මහතා කොළඹදී පැවසීය. ගෝඨාභය රාජපක්ෂ මහතා ප්‍රමුඛ ආණ්ඩුව කෙරෙහි හටගත් විශ්වාසභංගයට සමාන විශ්වාසභංගයක් වත්මන් ජනාධිපතිවරයා ප්‍රමුඛ ආණ්ඩුව කෙරෙහි ජනතාවට ඇති වෙමින් පවතින බවත් ඔහු සඳහන් කළේය. ආණ්ඩුව ජනතාවට දිනෙන් දින එල්ල කරන පීඩනය මෙම තත්ත්වයට හේතු වී ඇති බවත් කොළඹ විපක්ෂනායක කාර්යාලයේ පැවති මාධ්‍ය හමුවකට එක්වෙමින් ඔහු කීවේය. මෙවර අය-වැය තුළින් රාජ්‍ය සේවක වැටුප් රුපියල් 10,000 කින් ඉහළ දමන බවට පැවැසුවත් ආණ්ඩුව දිනෙන් දින බඩු මිල සහ බදු බර වැඩි කරමින් ජනතාව පීඩාවට…

මේ වනවිට දේශීය බිත්තර මිල අඩු වී බිත්තරයක් රුපියල් 40,42,43 ට පාරිභෝගිකයින්ට මිලදී ගත හැකි බව බිත්තර නිෂ්පාදකයින් පවසයි. රුපියල් 65,70 දක්වා ඉහළ ගොස් තිබූ බිත්තර මිල පහත වැටීමට හේතුව දේශීය බිත්තර නිෂ්පාදනය ඉහළයාම බව සමස්ථ ලංකා බිත්තර නිෂ්පාදකයන් ගේ සංගමයේ සභාපති සරත් රත්නායක මහතා පැවසීය. ඒ අනුව සුදු බිත්තරයක් රුපියල් 37 කටත් රතු බිත්තරයක් රුපියල් 38 කටත් ගොවිපළෙන් නිකුත් කරන බවද ඔහු කීහ. මේ වනවිට බිත්තර නිෂ්පාදනයද සැලකිය යුතු අන්දමින් ඉහළ යමින් තිබෙන බවත් පැවසූ සභාපති සරත් මහතා මාසයකට බිත්තර ලක්ෂ පහ බැගින් නිෂ්පාදනයට එකතු වන අතර මේ මාසයේ නිෂ්පාදනය ලක්ෂ 60,65 දක්වා වැඩි වී ඇතැයි ද කීය. ඒ…