Author: LANKA24X7

මිරිහාන ප්‍රදේශයේ ආපන ශාලාවක් මුවාවෙන් පවත්වාගෙන ගිය තැබෑරුමක් වැටලීමට පොලීසිය සමත්ව ඇත. පානදුර වලාන දූෂණ මර්ධන ඒකකය විසින් මෙම වැටලීම සිදුකර ඇත. එහිදී තැබෑරුම පවත්වාගෙන යාම සම්බන්ධයෙන් එහි හිමිකරු අත්අඩංගුවට ගෙන තිබේ. මේ අතර වැටලීමේදී ඉහළ මිල ගණන්වල, විවිධ මත්පැන් බෝතල් 57 ක් බියර් ටින් 119 ක් මෙන්ම නීතිවිරෝධී මත්පැන් හා දුම්වැටි 620 ක තොගයක් පොලිස් භාරයට ගෙන ඇත. පොලීසිය පවසන්නේ එහිදී සොයාගෙන ඇති මත්පැන්වල වටිනාකම රුපියල් ලක්ෂ 10කට අධික බවය. මේ අතර නීතිවිරෝධී මත්පැන් කලවම් කර අලෙවි කරන ජාවාරමක් ද මෙම ස්ථානයේ සිදුව ඇති බවට එහි තිබූ මත්පැන් බෝතල්වලින් පැහැදිළි වූ බව පොලීසිය පවසයි. අත්අඩංගුවට ගත් සැකකරු නුගේගොඩ මහෙස්ත්‍රාත්…

ලංකා සතොස අත්‍යවශ්‍ය භාණ්ඩ වර්ග 3 ක මිල තව දුරටත් අඩු කිරීමට පියවර ගෙන තිබේ. එම භාණ්ඩ අඩු කළ මිලට අද (7) සිට ලංකා සතොස අළෙවිසැල්වලින් මිලදී ගත හැකි බව ද සතොස පවසයි. ලොකු ලූණු කිලෝවක් රුපියල් 22 කින්, පාන් පිටි කිලෝවක් රුපියල් 10 කින් සහ ටින් මාළු (ග්‍රෑම් 425) ටින් එකක් රුපියල් 30 කින් අඩු කළ බව ද සතොස කීය. ඒ අනුව ලොකු ලූණු කිලෝවක් රුපියල් 97 කට, පාන් පිටි කිලෝවක් රුපියල් 225 කට සහ ටින් මාළු (ග්‍රෑම් 425) ටින් එකක් රුපියල් 490 කට මිලදී ගත හැකි බව ද සතොස සදඟන් කරයි.

වනඅලි සඳහා හිතකර පරිසරයක් නොමැතිවීම හේතුවෙන් මේ වන විට වන අලි උඩවලව ජාතික වනෝද්‍යානය හැරයාම ඉහළ ගොස් තිබෙනවා. උඩවලව අලි පර්යේෂණ ව්‍යාප්තියේ පර්යේෂණ කළමනාකරු සමීර වීරතුංග සඳහන් කළේ ජාතික වනෝද්‍යානය තුළ මීට පෙර පිරිමි අලි 600ක පමණ පිරිසක් සිටිය ද මේ වන විට සංචාරකයින්ට දිනකට නිරීක්ෂණය කළ හැක්කේ වන අලි 10කටත් අඩු ප්‍රමාණයක් බවයි. උඩවලව ජාතික වනෝද්‍යානයේ වන අලි ව්‍යාප්තිය මේ පිළිබඳ පර්යේෂණයක් ද සිදුකර තිබෙනවා. එම පර්යේෂණයෙන් වැඩිදුරටත් හෙළිව ඇත්තේ මව් අලි ඇතුන්ගේ පැටවුන් බිහිකිරීමේ කාල සීමාවද වසර තුනේ සිට 4ත් 06ත් දක්වා දීර්ඝ වී ඇති බවයි. එමෙන්ම ජාතික වනෝද්‍යානය තුළ අලින්ට අවශ්‍ය තෘණ සහ කටු පදුරු නොමැති වීම…

නව බදු ප්‍රතිපත්තියට එරෙහිව වෘත්තිකයන්ගේ වෘත්තීය සමිති එකමුතුව නියෝජනය කරන විශ්වවිද්‍යාල ආචාර්යවරුන්ගේ සමිති සම්මේලනය අධ්‍යයන කටයුතුවලින් ඉවත්ව ආරම්භ කර ඇති වෘත්තීය ක්‍රියාමාර්ගයට දින 29ක් සපිරෙනවා. එසේම, ඔවුන් උසස් පෙළ උත්තර පත්‍ර ඇගයීම් කටයුතුවලින්ද ඉවත්වයි වෘත්තීය ක්‍රියාමාර්ගයේ නිරත වන්නේ. එවන් පසුබිමක ඊයේ (06) දිනයේ දී විශ්වවිද්‍යාල ආචාර්යවරුන්ගේ සමිති සම්මේලනයේ සභාපති මහාචාර්ය ශ්‍යාම බන්නැහැක රජයෙන් ඉල්ලා සිටියේ උපයන විට ගෙවීමේ බද්ද හරහා ලැබූ ආදායම, රජයේ අපේක්ෂිත ආදායම ඉක්මවා යන්නේ නම් වෘත්තිකයන්ට තාවකාලික සහනයක් හෝ ලබාදෙන ලෙසයි. එසේම, ලංකා ගුරු සංගමයේ ප්‍රධාන ලේකම් ජෝශප් ස්ටාලින් ද ඊයේ (06) කොළඹ දී කැඳවා තිබූ මාධ්‍ය හමුවකදී කියා සිටියේ උසස් පෙළ උත්තර පත්‍ර පරීක්ෂාව සඳහා විශ්වවිද්‍යාල…

යෝජිත නව ත්‍රස්ත විරෝධී පනතේ ප්‍රජාතන්ත්‍ර විරෝධී කරුණු අධිකරණ ක්‍රියාමාර්ග හරහා පරාජය කරන බව විපක්ෂ නායක සජිත් ප්‍රේමදාස මහතා පවසනවා. එසේ නොමැතිනම් අදාළ පනතට එරෙහිව ජනතාව ඒකරාශී කිරීමට සමගි ජනබලවේගය කටයුතු කරන බවයි විපක්ෂ නායකවරයා විශේෂ ප්‍රකාශයක් සිදුකරමින් සඳහන් කළේ.

පාස්කු සතිය තුළ දේවස්ථාන කේන්ද්‍ර කර ගනිමින් විශේෂ ආරක්ෂක වැඩපිළිවෙලක් ක්‍රියාත්මක කරන බව පොලිස් මාධ්‍ය ප්‍රකාශක පවසනවා. ඒ අනුව, (07) ආරම්භ වීමට නියමිත පාස්කු සතිය සඳහා මෙම ආරක්ෂක වැඩපිළිවෙල ක්‍රියාත්මක වනු ඇති.

ලොව විශාලතම රතු මැණික ජූනි මස 08 වැනිදා ඇමරිකාවේ නිව්යෝර්ක් හිදී වෙන්දේසියේ විකිණීමට නියමිතව තිබෙනවා. “එස්ටේ‍රලා ඩි ෆුරා” ලෙස නම් කර ඇති මෙම රතු මැණිකේ බර කැරට් 55.22ක්. සෝතිබීස් මැග්නිෆිෂන්ට් ජුවෙල්ස් නම් ආයතනය මගින් මෙම වෙන්දේසිය සිදුකරන අතර ඒ සදහා ඉදිරිපත් කර ඇති මූලික මිල ඇමරිකානු ඩොලර් මිලියන 30ක් ලෙසයි වාර්තා වෙන්නේ. එය එම මිලට අළෙවි වුවහොත් ලොව වැඩිම මිලක් නියම වු රතු මැණික ලෙස ද ඉතිහාසයට එක්වනු ඇති. පසුගිය වසරේ ජූලි මාසයේ දී මෙම රතු මැණික සොයා ගනු ලැබුවේ මියන්මාරයෙන් වන අතර පසුව එය මූලික අලෙවි කිරීම්වලින් පසු කපා ඔප දමා මෙලෙස වෙන්දේසිය සදහා ඉදරිපත් කර ඇති බව සදහන්.

අද(07) දින‍යේ දී බස්නාහිර, සබරගමුව, දකුණු, ඌව, මධ්‍යම, වයඹ සහ උතුරු මැද පළාත්වලත් මන්නාරම දිස්ත්‍රික්කයේත් සවස් කාලයේදී හෝ රාත්‍රී කාලයේ දී තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසනවා. ඒ අතර එම පළාත්වල ඇතැම් ස්ථානවලට මි. මී. 50 ට වැඩි තරමක් තද වැසි ද ඇති විය හැකි බවයි එම දෙපාර්තමේන්තුව පවසන්නේ. තවද අප්‍රේල් 05 සිට 15 දක්වා දිනවලදී ශ්‍රී ලංකාව ආශ්‍රිත අක්ෂාංශ වලට සෘජුවම ඉහලින් පවතින බැවින් අද දින (07) දහවල් 12:13 ට කොරලවැල්ල, ඉංගිරිය, කිරිඇල්ල, ඇඹුල්දෙණිය, හල්දුම්මුල්ල, රත්මල්වෙහෙර සහ වරදෙනියාව යන ප්‍රදේශවලට හිරු මුදුන් වන බව එම දෙපාර්තමේන්තුව පවසනවා. මේ අතර ගිගුරුම් සහිත…

තනිවම රජයට එකතුවීමට තමන්ගේ කිසිම අදහසක් නොමැති බවත් කුමන පුද්ගලයෙක් හෝ ජනතාව අසරණභාවයේ මුදවයිනම් එය විශාල දෙයක් බවත් පාර්ලමේන්තු මන්ත්‍රී රාජිත සේනාරත්න මහතා කියයි. “කාටවත් ආණ්ඩුවට යාමේ බලාපොරොත්තුවක් නෑ. නමුත් මම පැහැදිලිවම කියනවා එක්සත් ජාතික පක්ෂය හා සමගි ජනබලවේගය අතර බෙදීම සිදුවුණේ ප්‍රතිපත්ති නිසා නෙමෙයි. රනිල් වික්‍රමසිංහ මැතිතුමාගේ දේශපාලන තීන්දු මත. නමුත් අපි දෙගොල්ලන්ගේම එක ප්‍රතිපත්ති. මේ ආණ්ඩුව අයි.එම්.එෆ්. ගියානේ. එතකොට අපි දිගින් දිගටම පක්ෂයක් ලෙස කිව්වේ අයි.එම්.එෆ්. යන්න කියලා. කවුරුහරි මේක ගොඩදානවානම් කවුරුහරි මේ ජනතාව අසරණභාවයෙන් මුදවනවානම් ඒක විශාල දෙයක්.එක කොයිපැත්තෙන් කවුරුකරනවද කියන එක නෙමෙයි වැදගත් වෙන්නේ. එකතුවෙන එකක් නෙමෙයි මෙතන තියන්නේ සහයෝගය දීම හා විරෝධය දැක්වීමයි. සමහර කොටස්…

ලංකා ධීවර සංස්ථාවේ නව සභාපතිවරයා ලෙස දකුණු පළාත් සභා හිටපු ඇමැතිවරයකු වූ ඩී.වී.උපුල් මහතා පත් කර ඇත. ධීවර හා ජලසම්පත් අමාත්‍ය ඩග්ලස් දේවානන්ද මහතා විසින් මෙම පත් කිරීම සිදුකර තිබේ. නව සභාපතිවරයා හිටපු ධීවර අමාත්‍ය සහ වත්මන් ඛනිජ තෙල් සම්පත් රාජ්‍ය අමාත්‍ය ඩී.වී චානක මහතාගේ පියා වේ.