Subscribe to Updates
Get the latest creative news from FooBar about art, design and business.
Author: LANKA24X7
කුඹුරු යායකදී පහරකෑමකට ලක්වූ කාන්තාවක් සහ පුද්ගලයෙකු අතරින් පිරිමි පුද්ගලයා මියගොස් කාන්තාව බරපතළ තුවාල ලබා තිබේ. කුඹුරු ඉඩම් ආරවුලක් හේතුවෙන් පුද්ගලයෙකු විසින් උදැල්ලකින් පහරදී මෙම ඝාතනය සිදුකර ඇති අතර පොලීසිය විසින් සැකකරුව අත්අඩංගුවට ගෙන ඇත. මරණයට පත්වී ඇත්තේ 72 හැවිරිදි පුද්ගලයෙකු වන අතර තුවාල ලබා ඇත්තේ මියගිය පුද්ගලයාගේ 65 හැවිරිදි බිරිඳ ය. පොලීසිය සඳහන් කළේ තුවාලකරුවන් දෙදෙනා රෝහල්ගත කිරීමෙන් අනතුරුව පිරිමි පුද්ගලයා මියගොස් තිබූ බවය. කාන්තාව වැඩිදුර ප්රතිකාර සඳහා අනුරාධපුර මහ රෝහලට මාරුකර යවා තිබේ. ගල්නෑව පොලිස් වසමේ හෙලබදුගම ප්රදේශයේ කුඹුරු යායකදී ඊයේ (19) සවස් කාලයේදී මෙම සිද්ධිය ඇතිවී තිබුණි.
ශ්රී ලංකාව සඳහා ජාත්යන්තර මූල්ය අරමුදලේ විස්තීර්ණ අරමුදල් පහසුකම යටතේ වූ සැකසුම ක්රියාත්මක කිරීම සඳහා වූ යෝජනා සම්මත කරගැනීම සඳහා වූ පාලිමේන්තු විවාදයට දින නියම වී තිබේ. ඒ් අනුව අප්රේල් මස 26, 27 සහ 28 යන දින තුන තුළ විවාදය පැවැත්වීමට අද (20) පෙරවරුවේ නියෝජ්ය කථානායක අජිත් රාජපක්ෂ මහතාගේ ප්රධානත්වයෙන් රැස්වූ පාර්ලිමේන්තු කටයුතු පිළිබඳ කාරක සභාවේදී තීරණය කර ඇත. පාර්ලිමේන්තුව ලබන 25 සිට 28 දක්වා රැස්වේ.
පසුගිය වසරේ මැයි 9 වනදා පංචිකාවත්ත ප්රදේශයේ දී පොලිස් කාර් රථයකට පහරදී කොටස් ගලවා ගිනි තබා අනර්ථයක් සිදුකිරීම සම්බන්ධයෙන් පුද්ගලයින් තිදෙනෙක් අත්අඩංගුවට ගෙන තිබේ. අපරාධ පරීක්ෂණ දෙපාර්තමේන්තුනේ වාණිජ අපරාධ විමර්ශන අංශය මඟින් සිදුකළ විමර්ශනයකින් අනතුරුව එම සැකකරුවන්ව අත්අඩංගුවට ගෙන ඇත. ඔවුන් අවුරුදු 18, 31 හා 46 යන වයස්වල පසුවෙන මාළිගාවත්ත හා කොළඹ 12 යන ප්රදේශවල පදිංචිකරුවන්ය. සැකකරුවන් අද (20) මාළිගාකන්ද මහෙස්ත්රාත් අධිකරණය වෙත ඉදිරිපත් කිරීමට නියමිතය.
කිලිනොචිචි ධර්මපුරම් ප්රදේශයේදීයි පියා සහ පුතා අතර ඇතිවූ ආරවුලක් දුරදිග යාමෙන් පුතා එල්ල කළ මෝල් ගස් පහරකින් පියා මියගොස් ඇතැයි ධර්මපුරම් පොලිසිය පවසයි. සිද්ධියෙන් මියගොස් ඇත්තේ පී රාමසාමි (66) නමැති වයෝවෘද්ධ පුද්ගලයෙකි. නිවසේදී පුතා සමඟ ඇතිකරගත් බහින්බස් වීමක් දුරදිග යාමෙන් සැකකරු මෙම ප්රහාරය එල්ල කර ඇති බව පොලිසිය කියයි. සිද්ධිය සම්බන්ධයෙන් ඔහුගේ (25) පොලිසිය විසින් අත්අඩංගුවට ගෙන ඇත.
ජාතික අක්ෂි රෝහලේ සිදුකරන ශල්යකර්ම නවතා දමා ඇති බව සෞඛ්ය වෘත්තීයවේදීන්ගේ විද්වත් සංගමය පවසනවා. එහි සභාපති රවී කුමුදේශ් සදහන් කළේ ශල්යාගාරයට විෂබීජයක් ඇතුළු වීම හේතුවෙන් ශල්යකර්ම නතර කර ඇති බවට රෝගී ජනතාව වෙත දැනුම්දී ඇති බවයි. මේ සම්බන්ධයෙන් හිරු ප්රවෘත්ති අංශය ජාතික අක්ෂි රෝහලෙන් විමසීමක් කළා. එහි ප්රකාශකයෙකු සඳහන් කළේ පසුගිය 13 වැනිදා සිට රෝහලේ සිදුකෙරෙන ශල්යකර්ම තාවකාලිකව නවතා දමා ඇති බවයි. මේ අතර, රජයේ වෛද්ය නිලධාරින්ගේ සංගමය අද කොළඹදී මාධ්ය හමුවක් කැඳවමින් ඇඹිලිපිටිය දිස්ත්රික් මහරෝහලේ විශේෂඥ වෛද්යවරුන් නොමැති වීම සහ අනෙකුත් රෝහල්වල පවතින වෛද්යවරුන්ගේ හිඟය පිළිබඳව අදහස් පළ කළා. මේ අතර, පශ්චාත් සීමාවාසික වෛද්යවරුන්, 1320කට ලබන 25 වැනිදා සිට…
අද(20) දිනයේ දී බස්නාහිර, සබරගමුව, මධ්යම, වයඹ සහ උතුරු මැද පළාත්වලත්, ගාල්ල සහ මාතර දිස්ත්රික්කවලත් තැනින් තැන සවස් කාලයේ දී හෝ රාත්රී කාලයේ දී වැසි හෝ ගිගුරුම් සහිත වැසි ඇති වන බව කාලගුණ විද්යා දෙපාර්තමේන්තුව නිවේදනය කරනවා. එමෙන්ම ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙසද එම දෙපාර්තමේන්තුව ජනතාවගෙන් ඉල්ලා සිටී.
අද (20) සිට ක්රියාත්මක වන පරිදි බිත්තර සඳහා බර අනුව උපරිම සිල්ලර මිලක් ප්රකාශයට පත්කරමින් ගැසටි නිවේදනයක් නිකුත් කර තිබෙනවා. පාරිභෝගික කටයුතු අධිකාරිය මගින් නිකුත් කර ඇති මෙම ගැසටි නිවේදනයට අනුව, සුදු බිත්තර කිලෝ ග්රෑමයක මිල සටහන් වන්නේ රුපියල් 880ක් ලෙසයි. එමෙන්ම දුඹුරු බිත්තර කිලෝ ග්රෑමයක මිල රුපියල් 920ක් ලෙස සටහන් වෙනවා. ඊට අමතරව සුදු බිත්තරයක උපරිම සිල්ලර මිල රුපියල් 44ක් ලෙස එලෙසම පවතිනවා. එමෙන්ම දුඹුරු බිත්තරයක උපරිම සිල්ලර මිල තවදුරටත් සටහන් වන්නේ රුපියල් 46ක් ලෙසයි.
විශේෂ පක්ෂ නායක රැස්වීමක් අද (20) පෙරවරුවේ පැවැත්වෙනවා. පාර්ලිමේන්තුවේ සන්නිවේදන දෙපාර්තමේන්තුව සඳහන් කළේ පෙරවරු 11ට කථානායක මහින්ද යාපා අබේවර්ධනගේ ප්රධානත්වයෙන් මෙම රැස්වීම ආරම්භ වන බවයි. අලුත් අවුරුද්දෙන් පසුව පැවැත්වෙන පළමු පක්ෂ නායක රැස්වීම මෙය වෙනවා. අලුත් අවුරුද්දෙන් පසු පාර්ලිමේන්තුව මුල් වරට ලබන 25 වැනිදා රැස්වන අතර එදිනට ප්රතිත්රස්ත පනත් කෙටුම්පත පාර්ලිමේන්තුවට ඉදිරිපත් කිරීමටයි සැළසුම් කර ඇත්තේ. මේ අතර ශ්රී ලංකන් ගුවන් සමාගම, ඉඩම් ප්රතිසංස්කරණ කොමිෂන් සභාව, විශ්ව විද්යාල ප්රතිපාදන කොමිෂන් සභාව ඇතුළු ආයතන කිහිපයක් එළඹෙන පාර්ලිමේන්තු සතියේ කෝප් කමිටුව හමුවට කැඳවා තිබෙනවා. ඒ අනුව ලබන 25 වැනිදා අපනයන ණය රක්ෂණ සංස්ථාවත්, 26 වැනිදා ඉඩම් ප්රතිසංස්කරණ කොමිෂන් සභාවත්, ලබන 27 වැනිදා…
පිළිතුරු පත්ර ඇගයීම වෙනුවෙන් අධ්යාපනය අත්යවශ්ය සේවාවක් බවට පත් කිරීම සුදුසු නැහැ – විශ්වවිද්යාල ආචාර්යවරු
සැබෑ අවශ්යතාවය ගැන සලකා බලා අධ්යාපනය අත්යවශ්ය සේවාවක් බවට පත් කරන්නේ නම් එය වැදගත් බවත්, පිළිතුරු පත්ර ඇගයීම වෙනුවෙන් එය අත්යවශ්ය සේවාවක් බවට පත් කිරීම සුදුසු නොවන බවත් විශ්වවිද්යාල ආචාර්යවරුන්ගේ සමිති සම්මේලනය පවසනවා. උසස් පෙළ පිළිතුරු පත්ර ඇගයීම තවත් පමා වුවහොත් අධ්යාපන අත්යාවශ්ය සේවාවක් බවට පත් කරන බවයි ජනාධිපති රනිල් වික්රමසිංහ ඊයේ (19) ප්රකාශ කළේ. මේ සම්බන්ධයෙන් හිරු ප්රවෘත්ති අංශයට අදහස් දක්වමින් විශ්වවිද්යාල ආචාර්යවරුන්ගේ සමිති සම්මේලනයේ සභාපති මහාචාර්ය ශ්යාම බන්නැහක කියා සිටියේ තවමත් රජය විසින් සිය ගැටළු විසඳීම සඳහා මැදිහත් වී නොමැති බවයි.
රටේ බැංකුවල ඉහළ වෘත්තීයවේදීන් 3800ට වැඩි පිරිසක් රට හැර ගොස් ඇති බව ජනතා විමුක්ති පෙරමුණේ නායක කොළඹ දිස්ත්රික් පාර්ලිමේන්තු මන්ත්රී අනුර කුමාර දිසානායක පවසනවා. මන්ත්රීවරයා මේ බව සඳහන් කළේ පසුගිය 16වන දා දකුණු කොරියාවේ තේතු නගරයේ පැවති රැස්වීමකට සහභාගී වෙමින්. අනුරාධපුර ශික්ෂණ රෝහලේ ළමා රෝග විශේෂඥ වෛද්යවරු හතර දෙනාම රට හැර ගොස් ඇති නිසා ළමා රෝග ඒකකය වසා දැමීමට සිදුව ඇති බවත්, මෙසේ වෘත්තීයවේදීන් රට හැර යාම රටෙහි සංවර්ධනයට ප්රබලවම බලපානු ඇති බවත් මන්ත්රීවරයා එහිදී සඳහන් කළා. එමෙන්ම වැඩිදුර අදහස් දක්වමින් ඔහු පැවසූවේ කැළණිය විශ්ව විද්යාලයේ තොරතුරු තාක්ෂණ අධ්යයන අංශයට අවශ්ය ආචාර්යවරු ගණන 26 ක් වුවත් දැන් සිටින්නේ හතර දෙනෙකු…