Author: LANKA24X7

විදෙස් ගතව සිට මෙරටට පැමිණ සිටින පුද්ගලයින් ට නැවත ව්‍යාපාර ආරම්භ කිරීමට අඩු සහන පොලියට ණයක් ලබාදීමට තීරණය කර තිබේ. අද (25) පාර්ලිමේන්තුවේ දී විශේෂ ප්‍රකාශයක් සිදුකරමින් මනූෂ නානායක්කාර අමාත්‍යවරයා මේ බව කියා සිටියේය. එහිදී වැඩිදුරටත් අදහස් දැක්වු අමාත්‍යවරයා, “ඊයේ දවසේ කැබිනට් මණ්ඩලය අනුමැතිය ලබාදුන්නා, විදෙස් ගත ශ්‍රමිකයින්ට මිලියන 2ක් දක්වා අඩු පොලියට ණයක් ගන්න කැබිනට් මණ්ඩලයට යෝජනාවක් ඉදිරිපත් කළා. විදේශ රැකියා නියුක්ති කාර්යාංශය බිලියන 5ක යොමු කරලා. කැබිනට් මණ්ඩලය යෝජනා කළා ඒ ලබාදෙන මුදලට අමතරව රුපියල් මිලියන 2ක ණය මුදලට අමතරව, ඒක ලබාදෙන්නේ රට ඉන්න අයට. දැනට ඇවිල්ලා ඉන්න අයටත් ඒ අයගේ ව්‍යාපාර කටයුතු කරගෙන යන්න, නැවත ව්‍යවසායකයෙක් බවට…

සත්කාරක ශ්‍රී ලංකාව සහ අයර්ලන්තය අතර දෙවන ටෙස්ට් තරඟයේ දෙවන දිනය අදයි. ඊයේ දිනයේ දී කාසියේ වාසිය හිමිකරගත් අයර්ලන්ත කණ්ඩායම පළමුව පන්දුවට පහර දීම සඳහා තීරණය කළා. ඒ අනුව ඊයේ දිනයේ දී තරඟය අවසන් වන විට ලකුණු පුවරුව කඩුළු 04ක් දැවී ලකුණු 319ක් ව පැවතියා. අයර්ලන්ත නායක ඇන්ඩි බල්බර්නි ලකුණු 95ක් රැස් කල අතර, පෝල් ස්ටර්ලින්ට ලකුණු 74 සීමාවේ දී පාදයේ ආබාධයක් නිසා තරඟයෙන් ඉවත් වීමටද සිදු වුණා.

අද(25) දිනයේ දී සබරගමුව, මධ්‍යම, උතුරු-මැද, ඌව සහ වයඹ පළාත්වලත් ත්‍රිකුණාමලය සහ මුලතිවු සවස් කාලයේ දී හෝ රාත්‍රී කාලයේ දී තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව නිවේදනය කරනවා. මේ අතර එම ප්‍රදේශවල ඇතැම් ස්ථාන වලට මි. මී. 50ට වැඩි තරමක තද වැසි ද ඇතිවිය හැකි බව සඳහන්. තවද සෙසු පළාත්වල ස්ථාන ස්වල්පයක සවස් කාලයේ දී හෝ රාත්‍රී කාලයේ දී වැසි හෝ ගිගුරුම් සහිත වැසි ඇති වන බවත්, ගාල්ල සහ මාතර දිස්ත්‍රික්ක වල උදෑසන කාලයේ දී ද වැසි ඇති වන බව පවසනවා. තවද ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ…

කොළඹ සංචාරක හෝටල් සහ ඒවාට පැමිණෙන සංචාරකයන්ගේ ආරක්ෂාව තහවුරු කරන ලෙසට ජාතික ආරක්ෂාව පිළිබඳ ජනාධිපති උපදේශක සාගල රත්නායක එම හෝටල්වල ආරක්ෂක ප්‍රධානින්ට දැනුම්දී තිබෙනවා. ඒ සමඟම ඉදිරියේදී සංචාරක හෝටල්වලට ඇතිවිය හැකි ගැටලුවලට පිළියම් යොදන ලෙසද ඔහු උපදෙස් දී ඇති බවයි වාර්තා වන්නේ. ජාතික ආරක්ෂාව පිළිබඳ ජනාධිපති උපදේශකවරයා කොළඹ සංචාරක හෝටල්හි ආරක්ෂක ප්‍රධානීන් සමඟ පැවැත්වූ සාකච්ඡාවකදී මේ බව දැනුම් දී ඇති බව සඳහන් එමෙන්ම වර්තමානයේ සංචාරක හෝටල් හා සංචාරකයන් මුහුණදෙන ආරක්ෂක ගැටලු පිළිබඳව මෙහිදී අවධානය යොමුව ඇත.

මූල්‍ය ප්‍රතිපාදන නොලැබීම හේතුවෙන් පාසල්වල දිවා ආහාරය සැපයීමේ සේවාවන් බොහෝ පිරිසක් ඉවත්ව ඇතැයි අණාවරණය වෙනවා. පවතින ආර්ථික අර්බුදය සමඟ එදිනෙදා වියදම් කළමනාකරණය කරගත නොහැකිව ආහාර සපයන පිරිස් දැඩි අර්බුද රැසකට මුහුණ දී ඇති බවටයි වාර්තා වන්නේ. දකුණු පළාතේ පාසල්වල ප්‍රාථමික අංශයට දිවා ආහාර සපයන පුද්ගලයන්ට මේ වසරේ පෙබරවාරි මස සිට මෙතෙක් අදාළ මුදල් නොගෙවා ඇති බවද සඳහන් වෙනවා. අධ්‍යාපන අමාත්‍යංශය මේ පිළිබඳ විමසීමේදී ප්‍රකාශ කළ සිටින්නේ, මුදල් ප්‍රතිපාදන සම්බන්ධ ගැටලුවක් පවතින නිසා මෙම මුදල් ගෙවීම සිදු කිරීම නොහැකි වී ඇති බවයි. ඒ අනුව මේ වසරේ පෙබරවාරි මාසයේ සිට මෙතෙක් අදාළ මුදල් දකුණු පළාතේ සියලුම පාසල්වලට නොගෙවා ඇති නමුත් බස්නාහිර පළාතේ…

මට්ටක්කුළිය ප්‍රදේශයේ මිනී මැරුමක් සම්බන්ධව සැකකරුවන් තිදෙනක් ඊයේ (24) දිනයේ පෑලියගොඩ දී අත්අඩංගුවට ගෙන තිබෙනවා. ඒ කොළඹ අපරාධ අංශයේ නිළධාරීන් සිදුකළ විශේෂ විමර්ශනකට අනුවයි. පසුගිය මාර්තු මස 30 වනදා මට්ටක්කුලිය ප්‍රදේශයේ දී තියුණු ආයුධකින් පහර දී පුද්ගලයෙකු ඝාතනය කිරීම සම්බන්ධයෙන් එම සැකැකරුවන් අත්අඩංගුවට ගත් බවයි පොලීසිය සඳහන් කළේ. අදාළ පුද්ගලයින් අත්අඩංගුවට ගැනීමේ දී ඔවුන් ලඟ තිබී හෙරොයින් ග්‍රෑම් 5 මිලිග්‍රෑම් 570 ක් සොයා ගත් බව ද පොලිසිය වැඩිදුරටත් සඳහන් කළා. අත්අඩංගුවට ගත් සැකකරුවන් 22-32 වයස්වල පසුවන්නන් බවයි වාර්තා වී ඇත්තේ. අදාළ පුද්ගලයින් අධිකරණයට ඉදිරිපත් කිරීමෙන් අනතුරුව රැදව්ම් නියෝග ලබා ගෙන තිබෙනවා.

2023 වසර සඳහා ඡන්ද හිමි නාමලේඛනය පිළියෙළ කිරීම ආරම්භ කර ඇතැයි මැතිවරණ කොමිෂන් සභාවේ සභාපති නීතීඥ නිමල් පුංචි හේවා ප්‍රකාශ කරනවා. සභාපතිවරයා සඳහන් කළේ, ග්‍රාම නිලධරීන් විසින් නිවෙස් කරා ගොස් තොරතුරු එක්රැස් කිරීම සිදුකරන බවයි. අලුතින් නම් ඇතුළත් කිරීම සහ නම් ඉවත් කිරීම පිළිබඳ පරීක්ෂණ පැවැත්වීමෙන් අනතුරුව ප්‍රධාන ලේඛනය පිළියෙළ කිරීමට නියමිත බවද සභාපතිවරයා පවසනවා.

පවතින උෂ්ණාධික කාලගුණ තත්වය පහව යනතුරු ආරක්ෂක අංශවල අත්‍යාවශ්‍ය රාජකාරීවල සේවා මුර පිළිබඳ ආයතන ප්‍රධානීන් අවධානය යොමු කළ යුතු බව ශ්‍රී ලංකා වෛද්‍ය සංගමය පවසනවා. ඒ අනුව එම කාලසීමාව තුළ දී සේවා මුර සංශෝධනය කිරීමේ හැකියාව පිළිබඳ සොයා බැලීම යෝග්‍ය බවයි එම සංගමයේ සභාපති විශේෂඥ වෛද්‍ය වින්‍යා ආරියරත්න සඳහන් කළේ.

අද (25) දින ඉන්දුනීසියාවේ සුමාත්‍රා දූපතට බටහිර දෙසින් ප්‍රබල භූමිකම්පාවක් ඇති වී තිබෙනවා. එම භූමිකම්පාව රිච්ටර් මාපකයේ 7.3 ක අගයක් ගෙන ඇත. ප්‍රාදේශීය වේලාවෙන් අලුයම 3 ට පමණ මෙම භූමිකම්පාව කිලෝමීටර 84ක් ගැඹුරට මෙම භූමිකම්පාව විහිදී ඇති බව සඳහන්. ආපදා කළමණාකරණ මධ්‍යස්ථානය ප්‍රකාශ කළේ, ශ්‍රී ලංකාවේ වෙරළබඩ ප්‍රදේශ ආරක්ෂිත බවට දැනුම් දී ඇති බවයි. විදෙස් වාර්තා සඳහන් කළේ අද අළුයම සිදුවූ මෙම භූචලනය හේතුවෙන් සුමාත්‍රා දිවයින් වෙත සුනාමි අනතුරු ඇගවීම් නිකුත් කර තිබූ අතර පැය දෙකකට පසුව එය ඉවත් කළ බවයි. අදාළ කාලය තුළ වෙරළාසන්නයේ සිටි ජනතාව ආරක්ෂිත ස්ථාන කරා යොමුකර තිබෙනවා. යුරේපීය මධ්‍යධරණී භූකම්පන මධ්‍යස්ථාන මෙම භූචලනයේ ප්‍රබලත්වය දැක්වුණේ…

ඉදිරි ජනාධිපතිවරණයේදී පොහොට්ටුව පොදු අපේක්ෂකයකු ඉදිරිපත් කරන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය. එම අපේක්ෂකයා වත්මන් ජනාධිපති රනිල් වික්‍රමසිංහ මහතා වුවහොත් තම සහාය ඔහුට පළ කරන බවද රණතුංග මහතා කීය. එහෙත් ජනාධිපතිවරණයට ඉදිරිපත් වන්නේද නැද්ද යන්න සම්බන්ධයෙන් රනිල් වික්‍රමසිංහ ජනාධිපතිවරයා කිසිවක් ප්‍රකාශ කර නොමැති බවද අමාත්‍යවරයා පැවසීය. ඉකුත් වසරේ මැයි මස 9 වැනිදා අරගලකරුවන් විසින් සිය නිවස ගිණි තබා විනාශ කිරීම සම්බන්ධයෙන් සිදුකරනු ලැබු පැමිණිල්ල පිළිබඳ විමර්ශන කටයුතු සොයා බැලීමට හා ඒ සම්බන්ධයෙන් ප්‍රකාශයක් ලබාදීමට අද (24) දින ශ්‍රී ලංකා මානව හිමිකම් කොමිසමට පැමිණි අවස්ථාවේදී මාධ්‍යවේදීන් නැඟූ ප්‍රශ්නවලට පිලිතුරු දෙමින් අමාත්‍යවරයා මේ බව සඳහන් කළේය.