Author: LANKA24X7

රජය සතුව මේ වන විට ප්‍රමාණවත් තරම් ඉන්ධන තොග පවතින බව විදුලිබල හා බලශක්ති අමාත්‍යාංශය අවධාරණය කරයි. විදුලිබල හා බලශක්ති අමාත්‍ය කංචන විජේසේකර මහතා සිය ට්විටර් ගිණුමේ සටහනක් තබමින් නිවේදනය කර ඇත්තේ, අද (23) පෙරවරු 8.30 වන විට රජය සතුව ඩීසල් මෙට්‍රික් ටොන් එක් ලක්ෂ තිස් තුන්දහස් නවසිය තිස් හයක් පවතින අතර, සුපර් ඩීසල් මෙට්‍රික් ටොන් 6,192ක් පවතින බවයි. ඔක්ටේන් 92 වර්ගයේ පෙට්‍රල් මෙට්‍රික් ටොන් 35,402ක් සහ ඔක්ටේන් 95 වර්ගයේ පෙට්‍රල් මෙට්‍රික් ටොන් 5,367ක් රජය සතුව පවතින බවද විදුලිබල හා බලශක්ති අමාත්‍යාංශය සඳහන් කරයි. ඊට අමතරව ගුවන් යානා ඉන්ධන මෙට්‍ර්ක් ටොන් 30,173ක්ද අද පෙරවරුව වන විට රජය සතුව පවතින බව…

සිය පුත්‍රයාව ඔහුගේ පෙම්වතියගෙන් මුදවාදෙන ලෙස ඉල්ලමින් පොලිස් ස්ථානාධිපතිවරයෙකුට අල්ලස් දීමට උත්සාහ කළ පියෙකු පොලීසිය විසින් අත්අඩංගුවට ගෙන තිබේ. ඊයේ (22) පස්වරුවේ එම පුද්ගලයා අත්අඩංගුවට ගෙන තිබුණේ, ගලේවෙල පොලීසියේ ස්ථානාධිපතිවරයාට රුපියල් 5,000ක අල්ලස් මුදලක් ලබාදීමට උත්සාහ කළ අවස්ථාවේදීය. එසේ අත්අඩංගුවට ගෙන ඇත්තේ, ඉබ්බාගමුව ප්‍රදේශයේ පදිංචි මොහිදීන් මොහොමඩ් නැමැති 64 හැවිරිදි අයෙකි. අත්අඩංගුවට ගත් පුද්ගලයාගේ පුතෙකු ගලේවෙල ප්‍රදේශයේ පෙම්වතියගේ නිවසට පැමිණ සිටින බව ප්‍රකාශ කරමින් තම පුත්‍රයා එම නිවසෙන් රැගෙනවිත් තමා වෙත භාර දෙන ලෙස ඉල්ලා මෙම අල්ලස් මුදල ලබා දීමට උත්සාහ කර ඇතැයි පොලීසිය සඳහන් කරයි. එහිදී සැකකරු, තමන්ගේ පුත්‍රයා ගලේවෙල ප්‍රදේශයේ පෙම්වතියගේ නිවසේ රැඳී සිටින බවත් ඔවුන් ගෙන්වා අවවාද…

මීලග ජනාධිපතිවරණයේදී රටේ ජනාධිපතිවරයා බවට පත් වන්නේ ශ්‍රී ලංකා පොදුජන පෙරමුණ සහය ලබා දෙන අපේක්ෂකයා බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පැවසීය. ජනතා විමුක්ති පෙරමුණ මිනීමරු සංස්කෘතියක් තිබෙන පක්ෂයක් බව පැවසූ ඇමතිවරයා පොහොට්ටුව කවදාවත් මිනීමරා නැති බවත් රටට වැඩ කළ පක්ෂයක් බවත් සදහන් කළේය. අමාත්‍ය ප්‍රසන්න රණතුංග මහතා මේ බව සඳහන් කළේ ශ්‍රී ලංකා පොදුජන පෙරමුණේ අත්තනගල්ල ආසන බල මණ්ඩලයට සහභාගී වෙමිනි. වේයන්ගොඩ අනුර බණ්ඩාරනායක රංග ශාලාවේදී මෙම බල මණ්ඩලය පැවැත්විණි. “අපි ඉදිරි කාලය තුළ ගමට ගිහින් අපේ පක්ෂය සහ අපේ පාක්ෂිකයින් තව තවත් ශක්තිමත් කරනවා. අපේ පාක්ෂිකයින්ට මින් ඉදිරියට කරදර හිරිහැර කරන අයට ඒවට පොලියත් එක්කම…

ත්‍රස්තවාදී ක්‍රියා සම්බන්ධයෙන් දීර්ඝ කාලීන සිරදඬුවම් විඳිමින් සිටී එල්ටීටීඊ සංවිධානයේ සාමාජිකයින් යැයි කියන දෙමළ ජාතික සිරකරුවන් දෙදෙනකු ජනාධිපති පොදු සමාව යටතේ පසුගියදා නිදහස් කළ බව බන්ධනාගාර දෙපාර්තමේන්තුවේ උසස් නිලධාරියෙක් පැවැසීය. කිලිනොච්චිය මරුදනගර්හි පදිංචිකරුවකු වන 69 හැවිරිදි වෙල්ලයියා නවරත්නම් සහ යාපනය ප්‍රදේශයේ පදිංචිකරුවෙක් වන 56 හැවිරිදි ෂන්මුගරත්නම් සම්මුඛරාජා නැමැති පුද්ගලයන් දෙදෙනා මෙසේ නිදහස් කර ඇති බවත් වෙල්ලයියා නවරත්නම් නැමැති පුද්ගලයාට වසර 200 ක සිරදඬුවමක් නියම වී සිටිය අතර ෂන්මුගරත්නම් සම්මුඛරාජා නැමැති පුද්ගලයා ජීවිතාන්තය දක්වා සිරදඬුවමක් විඳිමින් සිටි බවත් එම නිලධාරියා සඳහන් කළේය. වෙල්ලයියා නවරත්නම් නැමැති පුද්ගලයාට 1996 වසරේ මහ බැංකුවට බෝම්බ ප්‍රහාර එල්ල කිරීමේ චෝදනාවට වරදකරු වී වසර 200 ක සිර…

නැඟී එන ලොව විශාලතම ආර්ථික කලාපයක් වන ඉන්දියානු සාගර කලාපයේ ඇති සංවර්ධන අවකාශයන්ගෙන් උපරිම ප්‍රයෝජන ලබා ගැනීම ජනාධිපති රනිල් වික්‍රමසිංහ මහතාගේ අපේක්ෂාව බව විදේශ කටයුතු අමාත්‍ය අලි සබ්‍රි මහතා පැවසීය. අද ලෝකයේ කිසිඳු රටකට තනිව ඉදිරියට යා නොහැකි අතර, ලොව දියුණු සෑම රටක්ම එම ප්‍රගතිය උදාකරගෙන ඇත්තේ කලාප හවුල්කාරිත්වය තුළින් බව පෙන්වා දුන් අමාත්‍යවරයා දෙපාර්ශ්වයටම ප්‍රතිලාභ ලැබෙන අයුරින් සහ තර්ජනයක් නොවන අයුරින් ඉන්දු – ලංකා සබඳතා වර්ධනය කර ගනිමින් ශ්‍රී ලංකාවේ සංවර්ධන අපේක්ෂා ඉටුකර ගැනීම ජනාධිපතිවරයාගේ වැඩපිළිවෙළ බවද සඳහන් කළේය. විදේශ කටයුතු අමාත්‍ය අලි සබ්‍රි මහතා මේ බව සදහන් කර සිටියේ ජනාධිපති රනිල් වික්‍රමසිංහ මහතාගේ දෙදින ඉන්දීය නිල සංචාරය සහ…

හේවාහැට රහතුන්ගොඩ රිවඩේල් ප්‍රදේශයේ මවක් සහ කුඩා දරුවකු පසුගිය දාහත්වන දින සිට අතුරුදන්ව ඇති බවට ඇයගේ ස්වාමියා හඟුරන්කෙත පොලීසියට පැමිණිල්ලක් ඉදිරිපත් කර ඇත. මෙසේ අතුරුදන්ව ඇත්තේ වයස අවුරුදු විසි දෙකක් වන වෙල්ලේඅම්මා සුරේන්ඩ්‍රනි රාණි හා වයස අවුරුදු එකයි මාස හතක් වන තරුෂිකා අබි නැමති ඇයගේ දියණියයි. ඇය තම දරුවාද සමග ඇයගේ රෝගි තත්වයකට ප්‍රතිකාර ලබා ගැනීම සදහා රිකිල්ලගස්කඩ රෝහලට පසුගිය දාහත්වන දින ගිය බවත් එසේ ගොස් මේ වන තෙක් නිවසට නොපැමිණි බවත් ඇයගේ සැමියා වන මෝහන්සුන්දරම් සම්පත් කුමාර් ප්‍රකාශ කර සිටී. ඇය දාහත්වන දින බස් රථයෙන් රිකිල්ලගස්කඩ නගරයට ගිය බවත් නගරයේ සිටිනු දැක්ක බවත් කිහිප දෙනකු තමාට පැවසූ බවද සැමියා…

ආසියානු කුසලාන නැගී එන කණ්ඩායම් අතර ක්‍රිකට් තරගාවලියේ අවසන් මහා තරගය අද (23) පැවැත්වීමට නියමිතයි. තරගය පස්වරු 02ට කොළඹ ආර්.ප්‍රේමදාස ක්‍රීඩාංගණයේදී ආරම්භ වීමට නියමිත ව ඇත. අවසන් තරගය සඳහා ඉන්දීය A කණ්ඩායම සහ පාකිස්තාන A කණ්ඩායම සුදුසුකම් ලබා සිටින අතර, අවසන් පූර්ව තරගයෙන් ශ්‍රී ලංකා කණ්ඩායම පාකිස්තානය හමුවේ පරාජයට පත්විය. අනෙක් අවසන් පූර්ව තරගය ඉන්දියාව ජයගත්තේ, බංගලාදේශය පරාජයට පත්කරමිනි. මෙම තරගාවලියේ ඉන්දියාව සහ පාකිස්තානය අතර පළමු වටයේ පැවති තරගයෙන් පාකිස්තානය පරදවා ඉන්දීය කණ්ඩායම කඩුලු 08ක ජයක් හිමිකර ගැනීමට සමත් විය. මේ අතර, මෙම තරගය නොමිලයේ නැරඹීමට ක්‍රිකට් ප්‍රේක්ෂකයන්ට අවස්ථාව සැලසෙන බව ශ්‍රී ලංකා ක්‍රිකට් ආයතනය පවසයි.

අනාරක්ෂිත දුම්රිය හරස් මාර්ගයක් හරහා ගමන් ගත් කුඩා ලොරි රථයක් දුම්රියක ගැටී සිදුවූ අනතුරකින් පුද්ගලයෙකු ජීවිතක්ෂයට පත්ව තිබේ. ඊයේ (22) එම අනතුර සිදුව තිබුණේ, වැල්ලව, වරද්දන ප්‍රදේශයේදීය. අනුරාධපුර දෙස සිට කොළඹ දෙසට ධාවනය වූ දුම්රියක එම ලොරි රථය ගැටී ඇති බව පොලීසිය පවසයි. අනතුර සිදුවන අවස්ථාවේදී ලොරි රථයේ දෙදෙනෙකු ගමන් කර ඇති අතර, මියගොස් ඇත්තේ, ලොරි රථයේ රියදුරා බව වාර්තා වෙයි. අනතුරින් බරපතළ තුවාල ලැබූ ලොරි රථයේ රියදුරු සහ අනෙක් පුද්ගලයා, වැල්ලව රෝහලට ඇතුළත් කර වැඩිදුර ප්‍රතිකාර සඳහා කුරුණෑගල රෝහලට ඇතුළත් කර ඇති අතර, එහිදී ලොරි රථයේ රියදුරා ජීවිතක්ෂයට පත්වූ බව පොලීසිය වාර්තා කර ඇත. මියගොස් ඇත්තේ, 38 හැවිරිදි නාරම්මල…

මෙරට නිෂ්පාදනය කරන ඇස්ප්‍රින් ඖෂධයේ කාණ්ඩ 02ක් රජයේ රෝහල්වල භාවිතයෙන් ඉවත් කිරීමට සෞඛ්‍ය අමාත්‍යාංශය තීරණය කර තිබේ. ජාතික ඖෂධ නියාමන අධිකාරියේ නිර්දේශවලට අනුව වෛද්‍ය සැපයුම් අංශය විසින් ඊට අදාළ චක්‍රලේඛය නිකුත් කර ඇති බව වාර්තා වෙයි. රජයේ රෝහල් කිහිපයක භාවිත කරන ඇස්ප්‍රින් ඖෂධයේ සාම්පල කිහිපයක් පසුගියදා ජාතික ඖෂධ නියාමන අධිකාරිය විසින් පරීක්ෂාවට ලක්කර තිබිණි. එහිදී අදාළ ඖෂධයේ කාණ්ඩ 02ක් නිසි ප්‍රමිතියෙන් තොර බවට හදුනාගෙන ඇති බව වාර්තා වී ඇත. ඒ අනුව අදාළ කාණ්ඩ 02ට අයත් ඇස්ප්‍රින් ඖෂධ සියල්ල භාවිතයෙන් ඉවත් කිරීමට කටයුතු කරන ලෙස වෛද්‍ය සැපයුම් අංශය විසින් සියලු රෝහල් වෙත චක්‍රලේඛයක් නිකුත් කරමින් දැනුම් දී තිබේ. කෙසේවෙතත් අදාළ කාණ්ඩ…

අකුරැස්ස, අමලගොඩ මංසන්ධියේ වාහන අලුත් වැඩියා කරන ස්ථානයක් අසළ ගසක් කඩා වැටීමෙන් පුද්ගලයින් දෙදෙනෙකු ජීවිතක්ෂයට පත්ව තිබෙනවා. එම අනතුරෙන් තවත් පුද්ගලයින් තිදෙනෙකු තුවාල ලබා ඇති බවත් ඔවුන් අකුරැස්ස මූලික රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා කරාපිටිය ශික්ෂණ රෝහල වෙත මාරු කර යවා තිබෙනවා. අදාළ වාහන අලුත්වැඩියා කරන ස්ථානයෙන් සේවා ලබා ගැනීමට පැමිණි සිව් දෙනෙකු සහ එහි හිමිකරු එලෙස අනතුරට ලක්ව ඇති බවට වාර්තාවේ.