Author: LANKA24X7

ගාලුමුවදොර අරගලය මෙහෙයවූ තුන්වැනි පාර්ශ්වයේ පිරිස් හිටපු ජනාධිපති ගෝඨාභය රාජපක්ෂ මහතාගේ කාබනික පොහොර ව්‍යපෘතියට ද උපදෙස් දුන්නේදැයි සැකයක් පවතින බව පාර්ලිමේන්තු මන්ත්‍රී නාමල් රාජපක්ෂ මහතා පවසනවා. ඔහු මේ බව පැවසුවේ, ශ්‍රී ලංකා පොදුජන පෙරමුණේ හිරියාල ආසන බලමණ්ඩල රැස්වීම අමතමින්. ශ්‍රී ලංකා පොදුජන පෙරමුණේ හිරියාල ආසන බල මණ්ඩල රැස්වීම පක්ෂයේ ජ්‍යෙෂ්ඨයින් රැසකගේ ප්‍රධානත්වයෙන් පැවැත්වුණා. මේ අතර ශ්‍රී ලංකා නිදහස් පක්ෂ අම්බලන්ගොඩ ආසන බලමණ්ඩල රැස්වීම පැවැත්වුණේ පක්ෂ සභාපති හිටපු ජනාධිපති මෛත්‍රීපාල සිරිසේන මහතාගේ ප්‍රධානත්වයෙන්.

ඕවල් පිටියේ පැවැත්වෙන අළුබඳුන පස්වැනි ටෙස්ට් තරගයෙන් පසු තමන් සමුගන්නා බව එංගලන්ත පන්දු යවන ක්‍රීඩක ස්ටුවර්ට් බ්‍රෝඩ් පවසනවා. 37 හැවිරිදි ඔහු ටෙස්ට් තරග 167කදී කඩුලු 602ක් දවාගෙන ඇති අතර, ඔහු ටෙස්ට් ඉතිහාසයේ කණ්ඩායමේ සගයා වන ජේම්ස් ඇන්ඩර්සන්ට පසුව දෙවැනි සාර්ථකම වේග පන්දු යවන්නා බවට පත් වුණා. බ්‍රෝඩ් ඕස්ට්‍රේලියාවට එරෙහිව වාර්තාගත ටෙස්ට් කඩුලු 151ක් දවා ගනිමින් අළු බඳුන ක්‍රිකට් පිටියේ එංගලන්තයේ විශිෂ්ට දස්කම් දැක්වූවෙක්.

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව නිවේදනය කොට සිටිනවා. අම්පාර සහ මඩකළපුව දිස්ත්‍රික්කවල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බවයි එම නිවේදනයේ සඳහන් වෙන්නේ. දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතින බවයි වාර්තා වෙන්නේ. මධ්‍යම කඳුකරයේ බටහිර බෑවුම් ප්‍රදේශවලත්, උතුරු සහ උතුරු-මැද පළාත්වලත් හම්බන්තොට සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. 40 ක පමණ තරමක තද සුළං ඇතිවිය හැකි බවයි එම දෙපාර්තමේන්තුව වැඩිදුරටත් සඳහන් කොට සිටින්නේ.

භාණ්ඩ මිල ප්‍රදර්ශනය නොකරන වෙළෙඳසැල් සොයා පාරිභෝගික අධිකාරියේ නිලධාරීන් ඊයේ ‍(28) පිටකොටුව, 05වන හරස්වීදියේ විශේෂ මෙහෙයුමක් සිදුකළේය. එහිදී මිල ප්‍රදර්ශනය නොකළ වෙළෙඳසැල් රැසකට නඩු පවරා තිබේ. පිටකොටුවේ 05වන හරස්වීදියේ වෙළෙඳසැල්වල භාණ්ඩ මිල ප්‍රදර්ශනය කර නොමැති බවට ලද තොරතුරකට අනුව ඊයේ පස්වරුවේ පාරිභෝගික අධිකාරියේ නිලධාරීන් එම ප්‍රදේශයේ මෙම වැටලීම සිදු කළේය. එහිදී උපාය දූතයින් යොදාගනිමින් මිල දර්ශනය ප්‍රදර්ශනය නොකර ඇති වෙළඳසැල්වලට ගොස් භාණ්ඩ මිලදී ගැනීමට කටයුතු කර තිබුණි. එහිදී අනාවරණ වී තිබුණේ, ඔවුන් විවිධ අවස්ථාවලදී මිල ගණන් වෙනස් කරමින් භාණ්ඩ අලෙවිය සිදුකරන බවය. අනතුරුව එම වෙළෙඳසැල්වලට නඩු පවරනු ලැබූ අතර ඇතැම් වෙළෙඳසැල් සඳහා අවවාද කිරීම් හා දැනුවත් කිරීම සිදුකර තිබේ. එහිදී…

පොලිස් අත්අඩංගුවට පත්වූ තරිඳු උඩුවරගෙදර අද (29) දින අලුත්කඩේ මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව ඇප නියම කර තිබේ. කම්කරු අරගල මධ්‍යස්ථානය හා ඒකාබද්ධ සංවර්ධන නිලධාරී මධ්‍යස්ථානය ඊයේ (28) පැවැත්වු විරෝධතාව අතරතුරදී තරිඳු උඩුවරගෙදර පොලිස් අත්අඩංගුවට ගැනුණි. පසුව ඔහුගේ සුවදුක් විමසා බැලීමට විපක්ෂනායක සජිත් ප්‍රේමදාස මහතා ද ඊයේ රාත්‍රියේ බොරැල්ල පොලීසියට පැමිණ සිටියේය.

දෙවන ලෝක යුද්ධය අවසානයේ සැන් ෆ්‍රැන්සිස්කෝ නුවර පැවති සාම සම්මුති සමුළුවේදී හිටපු ජනාධිපති ජේ. ආර්. ජයවර්ධන මහතා සිදුකළ සංවේදී කතාව ජපාන ජනතාව කිසිදා අමතක නොකරන බව ජපාන විදේශ කටයුතු අමාත්‍ය හයාෂි යොෂිමාසා මහතා පවසයි. දෙදින නිල සංචාරයක් සඳහා මෙරටට පැමිණ සිටින ජපාන විදේශ අමාත්‍ය හයාෂි යොෂිමාසා මහතා විශේෂ ඒකාබද්ධ මාධ්‍ය හමුවකදී ඒ බව පැවසීය. ජනාධිපතිවරයා සමග පැවති සාකච්ඡාවෙන් අනතුරුව ජපන් විදේශ කටයුතු අමාත්‍ය හයාෂි යොෂිමාසා මහතා සහ විදේශ කටයුතු අමාත්‍ය ජනාධිපති නීතිඥ අලි සබ්රි මහතා විශේෂ ඒකාබද්ධ මාධ්‍ය හමුවක් පවත්වා තිබුණි. එහිදී වැඩිදුරටත් අදහස් දැක්වූ ජපාන විදේශ කටයුතු අමාත්‍ය හයාෂි යොෂිමාසා මහතා, “මගේ ජීවිතයේ ප්‍රථම වතාවට සහ ජපාන විදේශ අමාත්‍යවරයා…

තම පියා විසින් එල්ල කරන ලද පිහි පහරක් හේතුවෙන් තුවාල ලැබූ කුඩා දරුවකු ප්‍රතිකාර සඳහා රෝහල්ගත කර ඇති බව කොබෙයිගනේ පොලීසිය පවසයි. තුවාල ලබා ඇත්තේ, බොරළුවැව – රත්මල්ගස්වැව පදිංචි වයස අවුරුදු 10ක පිරිමි දරුවකු බව වාර්තා වී ඇත. ඊයේ (28) වනදා රාත්‍රී 8.00ට පමණ මෙම සිද්ධිය සිදුවී ඇති අතර, නිවසේ ඇතිවූ ගැටුමක් අතරතුර දරුවාට පිහි පහර වැදී ඇති බව පොලීසිය සඳහන් කරයි. කෙසේවෙතත් සැකකාර පියාව මෙතෙක් අත්අඩංගුවට ගෙන නැති අතර, කොබෙයිගනේ පොලීසිය වැඩිදුර විමර්ශන කටයුතු මෙහෙයවයි.

කැබිතිගොල්ලෑව පොලිස් වසමේ ගලවැව ප්‍රදේශයේදී උදැල්ලකින් පහර දී සිදුවූ පුද්ගල ඝාතනයක් වාර්තා වී තිබේ. පහර කෑ පුද්ගලයා අනුරාධපුර රෝහලට ඇතුළත් කර ඇති අතර, එහි ප්‍රථිකාර ලබමින් සිටියදී ඔහු මියගොස් ඇත. මරණකරු වයස අවුරුදු 64ක කටුවලගාලේවැව, කැබිතිගොල්ලෑව ප්‍රදේශයේ පදිංචිකරුවෙකි. මරණකරු සිය නිවස ආසන්නයේ වී මෝලක රැඳී සිට ඇති අතර, එම ප්‍රදේශයේ පදිංචි තවත් පුද්ගලයන් දෙදෙනෙකු පෞද්ගලික ආරවුලක් මත මරණකරුගේ හිසට උදැල්ලකින් පහර දී ඇති බව වාර්තා වෙයි. පසුව ප්‍රදේශවාසින් විසින් ඔහුව රෝහල්ගත කර ඇති බවත් පසුව ඔහු මියගිය බවත් සඳහන්ය. පහරදීමට සම්බන්ධ සැකකරුවන්ගේ බවට අනාවරණය වූ ජංගම දුරකථන 02ක් අදාළ ස්ථානයේ තිබී පොලීසිය භාරයට ගෙන ඇත. සැකකරුවන් අත් අඩංගුවට ගැනීම සඳහා…

පාස්කු ප්‍රහාරය සම්බන්ධයෙන් දැනට අත්අඩංගුවේ පසුවන සැකකරුවන් පුනරුත්ථාපනය වැඩසටහනකින් තොරව නිදහස් කිරීම උචිත නොවන බව ත්‍රස්තවාදය පිළිබඳ ජාත්‍යන්තර යුධ විශ්ලේශක මහාචාර්ය රොහාන් ගුණරත්න මහතා පවසයි. එවැන්නක් කළහොත් නැවතත් එවැනි ප්‍රහාරයක් එල්ල විය හැකි බව ඔහුගේ අදහසයි. කොළඹ පැවති සම්මන්ත්‍රණයකට එක් වෙමින් ඔහු සඳහන් කළේ, ප්‍රහාරයෙන් සිව් වසරක් ගෙවී ගියද පුනරුත්ථාපන වැඩසටහනක් ආරම්භ නොකිරීම කනගාටුදායක බවය.

ක්ෂණිකව ගලවා ඉවත් කර වළ දමා තිබූ ගම්පහ – දාරලුවේ, කෲඩියා සෙලනිකා හෙවත් පඩුකරද ශාකය අද (28) ගම්පහ හෙනරත්ගොඩ උද්භිත උද්‍යානයේ යළි රෝපනය කර තිබෙනවා. ඒ ගම්පහ අතිරේක මහේස්ත්‍රාත් ඉන්ද්‍රානි අත්තනායක හමුවේ එය යළි ගොඩ ගැනීමෙන් අනතුරුවයි. අමාත්‍ය මණ්ඩල තීරණයක් අනුව පසුගිය ජූලි 10 වනදා අදාල ශාකය ගලවා ඉවත් කර තිබුණා. මේ සම්බන්ධයෙන් වන නඩුව විභාගයට ගත් අවස්ථාවේ පළමුව එම ශාකය වල දමා තිබූ ස්ථානයට පොලිස් ආරක්ෂාව ලබා දීමට පියවර ගත් අතර අද ශාකය ගොඩගැනීමට නියෝග කෙරුණා. අදාල නඩුව අද යලි කැද වූ අවස්ථාවේ ගම්පහ මහේස්ත්‍රාත් ෆාතිමා හසානා මාර්ග සංවර්ධන අධිකාරය වෙත නියෝග කලේ වළ දමා ඇති ශාකය ගොඩ ගෙන…