Author: LANKA24X7

ශ්‍රී ලංකාවේ බාල වයස්කාර දරුවකු යොදා නිර්මාණය කළ ලිංගික හිංසන වීඩියෝ දර්ශනයක් අන්තර්ජාලය ඔස්සේ ප්‍රචාරය වන බව ඇමෙරිකා එක්සත් ජනපදයේ නෙක්මැක්ස් (NCMEC) ආයතනය ශ්‍රී ලංකා පොලිසියට පැමිණිල්ලක් ඉදිරිපත් කරමින් සඳහන් කර ඇත. වයස අවුරුදු නවයක් පමණ වයසැති දරුවෙකු ගේ දර්ශන සහිතව අන්තර්ජාලයේ සංසරණය වන මෙම වීඩියෝව සැබවින්ම ශ්‍රී ලංකාවේ දරුවෙකු යොදාගෙන නිර්මාණයක කළ වීඩියෝවක් දැයි අනාවරණය කර ගැනීම සඳහා විමර්ශනයක් සිදු කරන බවත්,එම දරුවා ශ්‍රී ලංකාවේ නම් සැකකරුවන් අනාවරණය කර අධිකරණයට ඉදිරිපත් කිරීමට විමර්ශනයක් ආරම්භ කළ බවත්,ළමා හා කාන්තා කාර්යාංශය කොළඹ මහේස්ත්‍රාත් අධිකරණයට කරුණු දක්වමින් අද පැවසීය. අදාල වීඩියෝ දර්ශන ඇතුලත් වාර්තාවක් කොළඹ අතිරේක මහේස්ත්‍රාත් කෙමින්ද පෙරේරා මහතා හමුවට ඉදිරිපත්…

ලාෆ් ගෘහස්ථ ගෑස් මිල මෙම මස (පෙබරවාරි) සංශෝධනය නොවන බව එම සමාගම ඊයේ (2) පැවසීය. ලාෆ් ගෑස් කිලෝග්‍රෑම් 12.5 ගෑස් සිලින්ඩරයක මිල රුපියල් 4,740 ක සහ කිලෝග්‍රෑම් 5 ගෑස් සිලින්ඩරයක මිල රුපියල් 1,900 ක තව දුරටත් පවතින බව ද එම සමාගම සඳහන් කරයි.

අපෙ ජන බලපක්ෂයේ සභාපති සමන් පෙරේරා ඇතුලු පංච පුද්ගල ඝාතනයේ මහා මොළකරු යුද හමුදාවේ කලක් මේජර්වරයකු සේවය කර ඇති බවට අනාවරණය වී ඇතැයි පොලිස් විශේෂ කාර්ය බළකාය පවසයි. සංවිධානාත්මක අපරාධ කල්ලි නායක කොස්ගොඩ සුජීගේ ගෝලයකු වන නාවික හමුදාවේ සේවය කර දැනට ඩුබායි රැදී සිටින පුද්ගලයකු‌ගේ උපදෙස් මත මෙම හිටපු යුද හමුදා මේජර්වරයා මොටර් රථයකින් වෙඩික්කරුවන් දෙදෙනා අදාල ස්ථානයන්ට රැගෙන යමින් මෙම ඝාතනය සැලසුම් කර ක්‍රියාත්මක කර ඇති බව අනාවරණය කර ගැනීමට හැකි වූ බව පොලිස් විශේෂ කාර්ය බළකාය කියයි. වෙඩික්කරුවන්ගෙන් එක් අයකු හිටපු නාවික සෙබළකු බවට ද හඳුනාගෙන ඇත.

මාතලේ මහවෙල පොලිස් ස්ථානයේ රථ වාහන අංශයේ සේවයේ නියුතුව සිටි පොලිස් සැරයන්වරුන් දෙදෙනෙකු විසින් පුද්ගලයෙකුගෙන් රුපියල් 10000 මුදලක් අල්ලස් ලෙස ලබාගන්නට යෑමේදී එම පොලිස් නිලධාරින් දෙදෙනා අල්ලස් දෙපාර්තමේන්තු නිලධාරින් විසින් ඊයේ (02) වන දින සැකපිට අත්අඩංගුවට තිබේ. මාතලේ මහවෙල ප්‍රදේශයේ පදිංචිකරුවෙකුගෙන් රථ වාහන නඩුවක දඩ මුදල අඩු කර ගැනීම සඳහා අදාළ පුද්ගලයාගෙන් මුදල් ලබා ගැනීමට සූදානම් වූ අවස්ථාවේදී අල්ලස් දෙපාර්තමේන්තු නිලධාරීන් විසින් එම පොලිස් නිලධාරීන් දෙදෙනා අත්අඩංගුවට ගෙන ඇත. ආදායම් බලපත්‍ර හා රක්ෂණ සහතිකය නොමැතිව ගමන් කළ එම පුද්ගලයාට අඩු මුදලක දඩ කොළයක් ලබාදීම සඳහා මෙම පොලිස් සැරයන්වරුන් දෙදෙනා අල්ලස් ලෙස රුපියල් 10000 ක මුදලක් තමාගෙන් ඉල්ලූ බවට එම පුද්ගලයා…

කොහු අඹරණ යන්ත්‍රයකට අසුවී දකුණු අත වෙන් වූ කාන්තාවකගේ එම අත සාර්ථකව බද්ධ කිරීමට මහනුවර ජාතික රෝහලේ විශේෂඥ ශල්‍ය වෛද්‍ය අමිල සසංක රත්නායක මහතා ප්‍රමුඛ කණ්ඩායමක් සමත් වූහ. කොහු අඹරණ යන්ත්‍රය පිරිසිදු කරමින් සිටියදී හිටිහැටියේ එය ක්‍රියාත්මක වි ඇගේ දකුණු අතේ වැලමිටට ඉහලින් කොටස යන්ත්‍රයට අසුවී උරහිසේ සිට අඟල් හතරක් පමණ පහලින් වෙන් වූ අතර වෙන් වූ කොටස අයිස් වල ගිල්වා ඉතා සුරක්ෂිතව මහනුවර රෝහල කරා යොමු කිරීමට අනුරාධපුර රෝහලේ වෛද්‍යවරු ඇතුළු කාර්ය මණ්ඩලය කටයුතු කිරීම නිසා අත සාර්ථකව බද්ධ කිරීමට හැකි වූ බව සැත්කමට සම්බන්ධ වූ වෛද්‍යවරු පැවසූහ. අනුරාධපුර පදිංචි තිස්පස් හැවිරිදි කාන්තාවක මෙම අනතුරට මුහුණ පා ඇත. මහනුවර…

ඉන්දීය සුරූපී නිළි පූනම් පාන්ඩේ දිවියෙන් සමුගත්තාය. ඇය මියගියේ ගැබ්ගෙල පිළිකා රෝගී තත්ත්වය හේතුවෙනි. ඇගේ වයස අවුරුදු 32 කි. පූනම් පාන්ඩේ ජනප්‍රිය වූයේ වැඩිහිටියන්ට පමණයි තේමාව යටතේ එළි දැක්වූ ගුරුවරියක සහ ළාබාල ශිෂ්‍යයකු අතර ප්‍රේම සම්බන්ධයක් ගැන කියැවෙන “නාෂා” චිත්‍රපටයේ ප්‍රධාන චරිතයට පණ පෙවීමෙනි. “නාෂා” චිත්‍රපටය තිරගත වූයේ 2013 වසරේදීය. එය බොලිවුඩයේ දිග හැරුණු ආන්දෝලනාත්මක චිත්‍රපටවලින් එකකි. “නාෂා” පූනම් පාන්ඩේගේ පළමු චිත්‍රපටයයි.

තම මිතුරන් සමඟ හැංගිමුත්තන් සෙල්ලම් කිරීම සඳහා ගිය 14 හැවිරිදි පාසල් සිසුවෙක් ඉදි කරමින් තිබෙන දෙමහල් නිවසක පළමු මහලෙන් බිමට ඇද වැටී මරණයට පත්ව සිටින බව දොරටියාව පොලීසිය පවසයි. පසුගිය (1) පස්වරුවේදී සිදුවූ එම අනතුරෙන් දොරටියාව ගල්පොත්තවත්ත හිඳගොල්ල පදිංචි දිගම්පිටිය විද්‍යාලයේ නවවන වසරේ ඉගෙනුම ලැබු සුදේශ් මධුෂංඛ සිසුවා මරණයට පත්ව ඇත. ඔහුගේ මිතුරන් සිව් දෙනෙකු සමග නිවසට යාබඳව පිහිටි ඉදි කරමින් පවතින දෙමහල් නිවසේ ඉහල මාලයේ සෙල්ලම් කරමින් සිටියදී තාවකාලිකව සකසා තිබූ ගඩොල් බිත්තියක හැපී එයද කඩාගෙන බිමට ඇදවැටීමෙන් බරපතළ තුවාල ලබා කුරුණෑගල ශික්ෂණ රෝහලට ඇතුලත් කිරීමෙන් පසුව මියගොස් ඇත.

ඔක්තෝබර් මාසයේ දී ජනාධිපතිවරණය පැවැත්වෙක බව එජාප මහලේකම් පාලිත රංගේ බණ්ඩාර මහතා ඊයේ (02) අනුරාධපුරයේ දී පැවැසීය. අනුරාධපුර දිස්ත්‍රික් එජාප සම්මේලනය ඇමතූ රංගේ බණ්ඩාර මහතා මීළඟ ජනාධිපතිවරණය සඳහා රනිල් වික්‍රමසිංහ මහතා අනිවාර්යයෙන් ඉදිරිපත්වන නිසා සියලුම දෙනා ඊට සූදානම් වන්නැයි ද ඉල්ලා සිටියේය. 2020 දී මහ මැතිවරණයෙන් පක්ෂය වැටුණු වැටිල්ල නිසා නැවත නැඟිටීමක් නැතැයි බොහෝදෙනා සිතුවා. නමුත් රට අමාරුවට පත් වූ අවස්ථාවේ නොබියව ඉදිරිපත්ව රට ඉදිරියට ගෙනයාමේ අභියෝගය බාරගත්තා. අවුරුදු දෙකක් ගතවීමට පෙර රනිල් වික්‍රමසිංහ මහතා රට නැවතත් නිවැරදි මාවතට යොමුකර ආර්ථිකය ගොඩගැනීමට පියවර ගනිමින් සිටිනවා . ඒ නිසා රනිල් වික්‍රමසිංහ මහතාට සහයෝගය දී ඔක්තෝබර් මාසයේ පැවැත්වෙන ජනාධිපති ධුරයට නැවත පත්කරන්නැයි…

ප්‍රමිතියෙන් තොර හියුමන් ඉමියුනෝග්ලොබියුලින් ආනයනය කිරීමේ ගැටලුව සම්බන්ධයෙන් අමාත්‍ය කෙහෙළිය රඹුක්වැල්ල මහතා අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ. ඒ, පැය 10කට අධික කාලයක් ඔහුගෙන් ප්‍රශ්න කිරීමෙන් අනතුරුවයි.

මූල්‍ය අංශයේ ආරක්ෂණ ජාලය ශක්තිමත් කිරීමේ ව්‍යාපෘතිය ක්‍රියාත්මක කිරීම සඳහා ලෝක බැංකු සමූහයේ ජාත්‍යන්තර සංවර්ධන සමායතනය (IDA) වෙතින් ඇමෙරිකානු ඩොලර් මිලියන 150ක ණය පහසුකමක් ලබා ගැනීමට ශ්‍රී ලංකා රජය කටයුතු කර ඇති බව මුදල් අමාත්‍යංශය නිවේදනය කරයි. අදාළ මූල්‍ය ගිවිසුම සඳහා පසුගිය දා අත්සන් තැබුණු බව මුදල් අමාත්‍යංශය සඳහන් කර ඇත. ශ්‍රී ලංකා මහ බැංකුව විසින් කළමනාකරණය කරනු ලබන ශ්‍රී ලංකා තැන්පතු රක්ෂණ යෝජනා ක්‍රමය ශක්තිමත් කිරීම තුළින් ශ්‍රී ලංකාවේ මූල්‍ය අංශයේ ආරක්ෂණ ජාලය ශක්තිමත් කිරීමට මෙම ව්‍යාපෘතිය දායක වනු ඇති බව මුදල් අමාත්‍යාංශය පෙන්වා දී තිබේ. ඵලදායී තැන්පතු රක්ෂණ යෝජනා ක්‍රමය සඳහා ජාත්‍යන්තර වශයෙන් පිළිගත් ඉහළම භාවිතයන්ට අනුකූලව ශ්‍රී…