Subscribe to Updates
Get the latest creative news from FooBar about art, design and business.
Author: LANKA24X7
ජාතික ඉන්ධන අවසරපත හෙවත් කිව්.ආර්. කේතය පිළිබඳව ජනාධිපතිවරයා ඇතුළු සියලුම පාර්ශව සමඟ සාකච්ඡා කර ඉදිරි මාස දෙක තුළ අහෝසි කිරීමේ හැකියාව ඇති බව විදුලිබල හා බලශක්ති අමාත්‍ය කංචන විජේසේකර පවසනවා. ඉන්ධන සඳහා කිව්.ආර්. කේතය හදුන්වා දී වසර කාලයක් සම්පූර්ණ වී ඇති අතර ඊයේ දිනය වන විට එහි වාහන 6,527,684 ක් ලියාපදිංචි වී තිබුනා.
ලංකා ප්‍රිමියර්ලීග් තරගාවලියේ ඊයේ (30) පැවති සමාරම්භක තරගයෙන් කලම්බෝ ස්ට්‍රයිකර්ස් කණ්ඩායම පරදවා ලකුණු 21 ක ජයක් ලැබීමට ජැෆ්නා කිංග්ස් කණ්ඩායම සමත්වුණා. කොළඹ ආර්. ප්‍රේමදාස ක්‍රීඩාංගණයේ පැවති තරගයේ කාසියේ වාසිය දිනූ කලම්බො කණ්ඩායමේ නායක නිරෝෂන් දික්වැල්ල, පළමුව පන්දුවට පහරදීම සදහා ජැෆ්නා කණ්ඩායමට ආරාධනා කළා. ඒ අනුව ජැෆ්නා කණ්ඩායම නියමිත පන්දු වාර විස්ස අවසානයේදී කඩුලු පහක් දැවී රැස් කළ ලකුණු සංඛ්‍යාව 173 ක්. ජැෆ්නා කණ්ඩායම වෙනුවෙන් තවුහිත් රිඩෝයි පන්දු 309 කදී ලකුණු 54 ක් ලබාගත්තා. දුනිත් වෙල්ලාලගේ නොදැවී ලකුණු 25 යි. පිළිතුරු ඉනිම ක්‍රීඩා කළ කලම්බො කණ්ඩායමට පන්දුවාර 19 යි පන්දු 4 ක් අවසානයේදී සියල්ලන් දැවී රැස් කළ හැකිවූයේ ලකුණු 152 ක්…
ඉකේට්‍රෝනික ගමන් බලපත්‍ර නිකුත් කිරීම තාකාලිකව නවතා දැමීමට රජය තීරණය කර තිබෙනවා. මහජන ආරක්ෂක අමාත්‍යංශය පවසන්නේ වර්ෂයක දී ඉලෙක්ට්‍රෙනික විදේශ ගමන් බලපත්‍ර 750,000 ක් පමණ නිකුත් කිරීමට සිදුවන බවයි. මේ සදහා ඇමෙරිකානු ඩොලර් මිලියන 15 ක් තරම් අති විශාල මුදලක් වැය වන අතර ඒ සඳහා අවශ්‍ය යන්ත්‍ර සදහා පමණක් ඩොලර් මිලියනයක් වැය කරන්නට සිදුව ඇති බවත් සඳහන් වෙයි. මේ නිසා දැනට ඇති විදේශ ගමන් බලපත්‍ර නිකුත් කිරීමේ ක්‍රමයම තව දුරටත් පවත්වාගෙන යාමටත් ඉදිරියේදී නැවත ඉලෙක්ට්‍රෝනික විදේශ ගමන් බලපත්‍රය පිළබඳව සලකා බැලීමටත් තිරණය කර ඇති බව සඳහන් වෙනවා.
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්ක වලත් අද (31) දිනයේ වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව පවසනවා. එම දෙපාර්තමේන්තුව නිකුත් කළ නිවේදනය අනුව අම්පාර සහ මඩකළපුව දිස්ත්‍රික්කවල සවස් කාලයේ දී හෝ රාත්‍රී කාලයේ දී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකියි. එමෙන්ම දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතින අතර, මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 40 ක පමණ තරමක තද සුළං ඇතිවිය හැකි බව සදහන්.
ඊයේ (30) දහවල් වත්තල, ප්‍රීතිපුර මුහුදු තීරයේ දිය නාමින් සිටි පුද්ගලයකු දිය රළකට හසු වී ගිලෙමින් සිටියදී වත්තල පොලිසියට අනුයුක්ත ප්‍රීතිපුර පොලිසියේ ජීවිතාරක්ෂක ඒකකයේ නිලධාරීන් පිරිසක් විසින් එම පුද්ගලයා බේරාගෙන තිබෙනවා. අනතුරට ලක් වූ පුද්ගලයා වයස අවුරුදු 21ක් වූ දොමෝදර ප්‍රදේශයේ පදිංචිකරුවෙක්. මොහු මිතුරන් තිදෙනෙකු සමඟින් බීමත්ව සිට දිය නෑමට මෙම මුහුදු තීරයට ගොස් ඇති අතර අනෙක් පුද්ගලයින්ට කිසිදු හානියක් සිදුව නොමැති බව පොලිසිය පවසනවා. මොවුන් සිවුදෙනාම එම ප්‍රදේශයේම කර්මාන්ත ශාලාවක සේවය කරනු ලබන කම්කරුවන් පිරිසක්. දියේ ගිලුණු තරුණයා බේරාගෙන ඇත්තේ, වත්තල පොලිසියට අනුයුක්ත ප්‍රීතිපුර පොලිස් ජීවිතාරක්ෂක ඒකකයේ පොලිස් සැරයන් 60572 ගයාන්, පොලිස් සැරයන් 43536 සුදත්, පොලිස් කොස්තාපල්වරුන් වන 90297…
සෞඛ්‍ය සේවකයින්ට මාධ්‍ය වෙත තොරතුරු ලබාදීම වළක්වාලමින් පනවා ඇති චක්‍රලේඛය අහෝසි නොකිරීමට එරෙහිව ලබන මස 03 වනදා සංකේත වැඩවර්ජනයක් ක්‍රියාත්මක කිරීමට සැලසුම් කර ඇති බව සෞඛ්‍ය වෘත්තීයවේදීන්ගේ විද්වත් සංගමය පවසයි. එහි සභාපති රවී කුමුදේශ් මහතා පවසන්නේ එම චක්‍රලේඛය සම්බන්ධයෙන් සෞඛ්‍ය අමාත්‍යංශ ලේකම්වරයා මෙතෙක් ප්‍රතිචාර දක්වා නොමැති බවය. සෞඛ්‍ය වෘත්තිකයින් සහ සිවිල් සංවිධාන එක්ව මෙරට සෞඛ්‍ය සේවාව පිළිබඳව හෙළිදරව් කිරීම් රැසක් සිදුකරනු ලබන විශේෂ සමුළුවක් ද ලබන 03 වනදා පවත්වන බව රවී කුමුදේශ් මහතා සඳහන් කළේය. මේ අතර අක්ෂි කාච ලක්ෂයක් මිලදී ගැනීම සඳහා වන ප්‍රසම්පාදන ක්‍රියාවලියේදී සිදුවූ අක්‍රමිකතාවක් සම්බන්ධයෙන් සෞඛ්‍ය අමාත්‍යංශ ලේකම්වරයා වහාම අත්අඩංගුවට ගත යුතු බව වෛද්‍ය හා සිවිල්…
නිසියාකාරව අවශ්‍ය අවම ඉන්ධන තොග පවත්වාගෙන යාමට අවශ්‍ය ඇණවුම් සිදුකරන ලෙස අමාත්‍ය කංචන විජේසේකර මහතා විසින් සියලුම ඉන්ධන පිරවුම්හල්හිමියන්ගෙන් ඉල්ලීමක් කරයි. මේ අතර අවශ්‍ය ප්‍රමාණවත් ඉන්ධන තොග ලංකා ඛනිජ තෙල් සංස්ථාව සතු බව ද අමාත්‍යවරයා දැනුම්දී තිබේ. සිය නිල ට්විටර් ගිණුමේ සටහනක් තබමින් අමාත්‍යවරයා සඳහන් කර ඇත්තේ, ඉන්ධන මිල සංශෝධනයක් බලාපොරොත්තුවෙන් ලංකා ඛනිජ තෙල් නීතිගත සංස්ථාව මගින් පාලනය කරන ඉන්ධන පිරවුම්හල් 101ක පෙට්‍රල් 92 සහ පිරවුම්හල් 61ක ලංකා ඔටෝ ඩීසල්, 50% ක් අවම තොග ඊයේ (29) දවස වන විට පවත්වාගෙන යාමට අපොහොසත් වී ඇති අතර ප්‍රමාණවත් තොග පවත්වාගෙන යාමට අවශ්‍ය ඉන්ධන ඊයේ දිනයේ ඇණවුම් කරද නොමැති බවය. නිසිපරිදි ඉන්ධන තොග…
ලෝක වෙළඳපොලේ බොරතෙල් මිල ඇමරිකානු ඩොලර් 85 දක්වා අද තවදුරටත් ඉහළ ගියා. බ්‍රෙන්ට් බොරතෙල් මිල සටහන් වුණේ ඩොලර් 84 ශත.99 ලෙසයි. මෙය මාසයක කාලයක් තුල වාර්තා වුණු ඉහළම බොරතෙල් මිලද වනවා.
දෙදින නිල සංචාරයක් සඳහා දිවයිනට පැමිණ සිටින ජපාන විදේශ අමාත්‍ය හයාෂි යොෂිමාසා ජනාධිපති රනිල් වික්‍රමසිංහ හමු වී සාකච්ඡා පවත්වනු ලැබුවා. කොළඹදී පැවති මෙම සාකච්ඡාවේදී දෙරට අතර පවත්නා දීර්ඝ කාලීන සබඳතා තවදුරටත් ශක්තිමත් කර ගැනීම සඳහා දෙපාර්ශවයම කැපවීමේ අවශ්‍යතාව අවධාරණය කෙරුණු බවයි ජනාධිපති මාධ්‍ය අංශය නිවේදනය කළේ. ශ්‍රී ලංකාවේ ණය ප්‍රශස්තකරණ ක්‍රියාවලිය සඳහා ජපාන රජය ලබා දෙන සහය සම්බන්ධයෙන් මෙහිදී ජනාධිපතිවරයා ජපාන විදේශ අමාත්‍යවරයාට සිය කෘතඥතාව පළ කර තිබෙනවා. එමෙන්ම ජපාන රජයේ ආධාර මත ක්‍රියාත්මක සැහැල්ලු දුම්රිය ව්‍යාපෘතිය, වරාය නැගෙනහිර පර්යන්තය, මහනුවර සංවර්ධන සැලැස්ම, මධ්‍යම අධිවේගී මාර්ගය සහ බණ්ඩාරනායක ජාත්‍යන්තර ගුවන්තොටුපළ පුලුල් කිරීමේ ව්‍යාපෘති කඩිනම් කිරීම සම්බන්ධයෙන් මෙහිදී ඔවුන් සාකච්ඡා කර…
තිස්සමහාරාම – කතරගම ප්‍රධාන මාර්ගයේ 6 කනුව ප්‍රදේශයේ දී යතුරු පැදියක් හා වෑන් රථයක් මුහුණට මුහුණ ගැටීමෙන් ගුරුවරියක සහ ඇගේ සැමියා මියගොස් 15 හැවිරිදි පුතා තුවාල ලබා මාතර රෝහලට ඇතුළත් කර ඇති බව පොලිසිය පවසනවා. අනතුර සිදුවන අවස්ථාවේ දී වෑන් රථය පැදවූ රියැදුරු අධික ලෙස බීමත්ව සිටි බවයි තිස්සමහරාම පොලීසිය පවසන්නේ. මෙලෙස අනතුරට ලක් වී ඇත්තේ කතරගම පූජාවකට කිරින්දේ සිට කතරගම බලා ගමන් ගත් වෑන් රථයක්.