Author: LANKA24X7

පෘථිවියේ පැවැත්ම තහවුරු කිරීම වෙනුවෙන් දේශගුණික විපර්යාස අවම කිරීමට ලෝකයේ රටවල් කඩිනමින් ක්‍රියාත්මක වීම අත්‍යවශ්‍ය බවත් ඊට නායකත්වය ගැනීමට සූදානම්ද නැද්ද යන තීරණාත්මක එකඟතාවට මෙවර COP28 සමුළුවේ දී එළැඹිය යුතු බවත් ජනාධිපති රනිල් වික්‍රමසිංහ මහතා අවධාරණය කළේය. මෙය කිසිසේත් කල් මරමින් සිටිය නොහැකි අතර සතුරා සිටින්නේ දොරටුව අභියස බවද ජනාධිපතිවරයා පෙන්වා දුන්නේය. එක්සත් ජාතීන්ගේ 28 වන දේශගුණ විපර්යාස සමුළුව හෙවත් COP 28 ප්‍රධාන සමුළුව රටවල් 54ක රාජ්‍ය නායකයන් සහ නියෝජිතයන්ගේ සහභාගීත්වයෙන් ඩුබායිහි එක්ස්පෝ සිටිහිදී ආරම්භ කෙරුණු අතර සමුළුව අමතමින් ජනාධිපතිවරයා මේ බව අවධාරණය කළේය. පස්වැනි ආසියා පැසිෆික් කලාපීය පරිසර බලධාරීන්ගේ සහ අමාත්‍යවරුන්ගේ සංසදයේදී එකඟ වූ පරිදි, දේශගුණික යුක්ති සංසදය පිහිටුවීම…

කලට වේලාවට විදුලි බිල් නොගෙවීමේ හේතුව මත මේ වසරේ මේ දක්වා දිවයින පුරා පවුල් ලක්ෂ අටකට ආසන්න පිරිසකගේ විදුලිය සැපයුම විසන්ධි කර ඇතැයි විදුලි බල මණ්ඩල ආරංචි මාර්ගවලින් පැවසේ. මෙයට අමතරව විදුලිය බිල කලට වේලාවට නොගෙවීමේ හේතුව මත රටපුරා තවත් පවුල්( නිවාස)ලක්ෂ 12කට පමණ රතුබිල් යවා ඇතැයිද එම ආරංචි මාර්ග සඳහන් කළේය. විදුලිය ගාස්තු මේ වසරේ අවස්ථා දෙකකදී ඉහළ යෑමත් සමග බොහෝ අයගේ විදුලි බිල කිහිප ගුණයකින් ඉහළ ගියේය. බොහෝ පිරිස්වලට සිය ආර්ථික තත්වය අනුව විදුලි බිල් ගෙවීමට නොහැකිව ඇත්තේ මේ නිසා බව ආර්ථික විශේෂඥයෝ පෙන්වා දෙති. විදුලි බිල් ගෙවීමට නොහැකිවූ පිරිසේ වැඩි දෙනෙක් මධ්‍යම පංතිකයෝ වෙති. සමහරුන් විදුලි බිල…

කලාවැව ජාතික වනෝද්‍යානය නිජබිම කරගත් මේ දිනවල ජාතික නාමල් උයන ආශ්‍රිතව සැරිසරණ තනි දල ඇතා ඉකුත් දිනවලදී වෙඩි ප්‍රහාරයන්ට ලක්ව මේ වනවිට තුවාල ලබා සිටී. මින් දින කිහිපයකට ඉහතදී මෙම ඇතා මෙම වෙඩි පහරවල්වලට ලක්ව ඇතැයි වනජීවී නිලධාරීන් පවසයි. ගල්කිරියාගම වනසත්ව අඩවි ආරක්ෂක කාර්යාලයේ නිලධාරීන් එම ඇතා සම්බන්ධයෙන් කර තිබූ දැනුම් දීමක් අනුව වයඹ වනජීවී කලාපයේ නිකවැරටිය වනජීවී පශු වෛද්‍ය ඉසුරු හේවාකෝට්ටගේ මහතා ඇතුළ එම ඒකකයේ නිලධාරීහු පිරිසක් තනිදළයාට ප්‍රතිකාර කිරීමට කටයුතු කරනු ලැබූහ. ඇතාට එල්ලව ඇති වෙඩි පහරවල් රැසක් එම ඇතාගේ ශරීරය පුරා දක්නට ලැබේ. ඇතාගේ ඉදිරි වම් පාදයේ පහල කොටසේ ද වෙඩි සලකුණු කිහිපයක් දක්නට ලැබේන අතර ඒවා…

තම දියණියට වසර 02ක පමණ කාලයක් ලිංගික අතවර සිදු කළ බව කියන යුද හමුදා කම්කරුවෙකු කොබෙයිගනේ පොලීසිය විසින් ඊයේ (01) අත්අඩංගුවට ගෙන තිබේ. අත්අඩංගුවට ගෙන ඇත්තේ, විතිකුලිය, වන්නිගම පදිංචි වයස අවුරුදු 46ක පුද්ගලයෙකි. සැකකරු වව්නියාව, පම්පෙමඩුව 17 වන පාබල හමුදා කඳවුරේ කම්කරුවෙකු ලෙස සේවය කරන අයෙකු බවට අනාවරණය වී ඇත. වයස 12ක් වන දියණියට සැකකරු විසින් වසර 02ක පමණ කාලයක සිට ලිංගික අතවර සිදු කරන බවට කොළඹ ළමා ආරක්ෂණ අධිකාරියට තොරතුරක් ලැබී තිබිණි. එම තොරතුර සම්බන්ධයෙන් විමර්ශනයක් සිදු කරන ලෙස ළමා ආරක්ෂණ අධිකාරිය විසින් කොබෙයිගනේ පොලීසියට දැනුම් දී ඇති අතර, ඒ අනුව සිදු කළ විමර්ශන හරහා සැකකරු අත්අඩංගුවට ගෙන ඇත.…

ලිට්‍රෝ ගෑස් මිලෙහි සංශෝධනයක් සිදු නොවන බව ලිට්‍රෝ සභාපති මුදිත පීරිස් මහතා පවසයි. ඒ අනුව මාසික ගෑස් මිල සංශෝධනය යටතේ ලිට්‍රෝ ගෘහස්ථ LP ගෑස් මිලෙහි වෙනසක් සිදු නොවනු ඇත.

ඖෂධ ආනයනයේදී සිදුවන දූෂණ අක්‍රමිකතා ඇතුළු අනෙකුත් ප්‍රශ්නගත සිදුවීම් වලක්වා ගැනීම සඳහා 2024 අයවැය යෝජනා මඟින් ඖෂධ ප්‍රසම්පාදනය සම්බන්ධයෙන් සුවිශේෂී මාර්ගෝපදේශ නිකුත් කිරීම සහ ඒ සඳහා වෙනම ආයතනයක් පිහිටුවීමට අවධානය යොමු කර ඇති බව සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොළ මහත්මිය පැවසුවාය. එසේම සෞඛ්‍ය ක්ෂේත්‍රයේ පවතින ගැටලු විසඳීම සඳහා අමාත්‍යාංශ මාවව සම්පතේ සහ නීති රීති කෙටුම්පත්වල වෙනස්කම් කිරීමට බලාපොරොත්තු වන බව ද රාජ්‍ය අමාත්‍යවරිය සදහන් කළාය. සෞඛ්‍ය රාජ්‍ය අමාත්‍ය විශේෂඥ වෛද්‍ය සීතා අරඹේපොළ මහත්මිය මේ බව සඳහන් කළේ ‘ස්ථාවර රටකට සැවොම එක මඟකට’ මැයෙන් අද (01) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක්වෙමිනි. සෞඛ්‍ය අමාත්‍යාංශයේ ව්‍යුහාත්මක වෙනස්කම් රාශියක් සිද්ධ…

යළි සඳ තරණය කිරීමේ අරමුණින් ඇමෙරිකාවේ නාසා ආයතනය ‘ආටිමිස්’ යනුවෙන් නව මෙහෙයුම් මාලාවක් ආරම්භ කර තිබේ. එම මෙහෙයුම් මාලාව යටතේ, ‘ආටිමිස් 2’ මෙහෙයුම මෙහෙයුම ලබන ජනවාරියේ ආරම්භ වනු ඇති බවත්, ජනවාරි 25 වැනිදා ‘ආටිමිස් 2’ මෙහෙයුම යටතේ ගගනගාමීන් තිදෙනකු රැගත් චන්ද්‍ර යානයක්, සඳ මතට ගොඩ බෑමට නියමිතය. මෙම ගගනගාමීන් සඳට පය තබන්නේ නැත. ඔවුන්ගේ මෛහයුම චන්ද්‍ර යානය සඳ මතට ගොඩබැස්සවීම සහ ආපසු පෘථිවිය බලා පැමිණීම යැයි නාසා ආයතනය පවසා තිබේ. මීට පෙර නාසා ආයතනය සඳ තරණය කළේ ඇපලෝ මෙහෙයුම් මාලාව යටතේය. ඇපලෝ මෙහෙයුම් අවසන් වී වසර 50 කට වැඩි කාලයක් ගතවී ඇත.

ජනාධිපති රනිල් වික්‍රමසිංහ මහතා සහ ඉන්දීය අග්‍රාමාත්‍ය නරේන්ද්‍ර මෝදි මහතා අතර විශේෂ හමුවක් ඩුබායිහි දී ඊයේ සිදු විය. එක්සත් ජාතීන්ගේ දේශගුණික විපර්යාස පිළිබඳ සමුළුවට (COP 28) සහභාගී වීම සඳහා ජනාධිපති රනිල් වික්‍රමසිංහ මහතා මෙන්ම ඉන්දීය අග්‍රාමාත්‍ය නරේන්ද්‍ර මෝදි මහතා ඩුබායි වෙත ගොස් සිටින අතරවාරයේ මෙම හමුව සිදුව තිබේ.

වැල්ලවාය මහේස්ත්‍රාත් අධිකරණයේ නඩු භාණ්ඩ කාමරයේ නඩු බඩු වශයෙන් තිබූ වියලි ගංජා කිලෝ හයක් සොරා ගෙන ළඟ තබාගෙන සිටි බව කියන එම අධිකරණය කාර්යාල කාර්ය සහායකයකු පානදුර මධ්‍යම වලාන දූෂණ මර්ධන ප්‍රහාරක බලකායේ නිලධාරීන් ෙ ඊයේ (1) සවස කොස්ලන්ද ප්‍රදේශයේ දී සැකපිට අත්අඩංගුවට ගෙන ඇත. මෙම කාර්ය සහායකයා සමඟ සිටි ඔහුගේ මිතුරකු බව කියන පුද්ගලයෙක් ද වියළි ගංජා ග්‍රෑම් 550 ක් සමඟ සැකපිට අත්අඩංගුවට ගත් බව පොලිසිය කියයි. මෙම වියළි ගංජා වැල්ලවාය මහේස්ත්‍රාත් අධිකරණයේ කාර්යාල කාර්ය සහයකයා නඩු භාණ්ඩ කාමරයෙන් හොරාගත් ඒවා බවට තොරතුරු හෙළිවී ඇතැයි උසස් පොලිස් නිලධාරියෙක් පැවැසීය. පානදුර වලාන මධ්‍යම දුෂණ ප්‍රහාරක බළකායේ නිලධාරීන් කණ්ඩායමක් වැටලීමක් සිදුකර…

මීගලෑව මහවැලි ජාතික පාසලේ දැරියන් දෙදෙනෙක් මහමඟ තිබී අහුලාගත් රුපියල් ලක්ෂ 5ක් පමණ වටිනා රන් ආභරණ සහ මුදල් සහිත පාර්සලයක් එහි අයිතිකාරිය අතට කළහ මිගලෑව මහවැලි ජාතික පාසලේ 10 වැනි වසරේ ඉගෙනුම ලබන සිසුවියන් දෙදෙනා රටටම ආදර්ශයක් ලබාදී ඇත. මෙම සත්ක්‍රියාව සිදු කරනු ලැබුවේ මිගලෑව, තම්මිට ගම්මානයේ පදිංචි එන්. පී. තිසුරි යුවනිකා සහ ඒ. ඩබ්ලිව්. ජී. සඳුනි ඉමල්කා ජයසූරිය යන සිසුවියන් දෙදෙනාය. මෙම සිසුවියන් දෙදෙනා ඉගෙනීමට දස්කම් දක්වන දැඩි ආර්ථික අපහසුතාවලින් පෙලෙන පවුල්වල අය බව මීගලෑව මහවැලි ජාතික පාසැලේ විදුහල්පතිනි ඩබ්ලිව්. බී .එම් ලිලානි මංගලිකා වීරසේකර මහත්මිය ලංකාදීපය කළ විමසුමකදී පැවසුවාය. මෙම සිසුවියන් දෙදෙනා අපේ පාසලට කීර්තියක් ලබා දී තිබෙනවා.…