Author: LANKA24X7

බඩඉරිඟු ආනයනය කිරීම සඳහා අවසර ලබා දෙන්නේ නම්, දෙසැම්බර් මාසය වන විට බිත්තරයක් රුපියල් 35ක මිලකට ලබා දිය හැකි බව ශ්‍රී ලංකා සත්ත්ව නිෂ්පාදකයන්ගේ සංගමය අවධාරණය කරයි. එහි සභාපති අජිත් ගුණසේකර මහතා සඳහන් කරන්නේ, පාලන මිල ඉවත් කිරීමට පියවර ගැනීම හේතුවෙන් මේ වන විට බිත්තර අලෙවි ජාලය ශක්තිමත් වෙමින් පවතින බවය. ශීත කළ කුකුළු මස් කිලෝ ග්‍රෑමයක් රුපියල් 1,250ක මිලකට අලෙවි කිරීමට පියවර ගෙන ඇති බව ද අජිත් ගුණසේකර මහතා තවදුරටත් සඳහන් කරයි.

තියුණු ආයුධයකින් පහර දී පුද්ගලයකුට තුවාල සිදුකිරීමේ සිද්ධියක් සම්බන්ධයෙන් පුද්ගලයින් සිව් දෙනෙකු අත්අඩංගුවට ගෙන තිබේ. පොලීසිය පවසන්නේ, ලැබුණු තොරතුරකට අනුව සැකකරුවන් රත්මලාන ප්‍රදේශයේ දී අත්අඩංගුවට ගැනිමට හැකි වූ බවයි. සැකකරුවන් විසින් අදාළ පුද්ගලයාට පහර දී නිවසේ දේපොළවලට ද අලාභ හානි සිදුකර ඇති බව මූලික විමර්ශනවල දී අනාවරණය වී ඇත. අත්අඩංගුවට ගෙන ඇත්තේ, වයස අවුරුදු 19,25,27 හා 47 යන වයස්වල පසුවන රත්මලාන ප්‍රදේශයේ පදිංචිකරුවන් බව පොලීසිය වාර්තා කරයි. සැකකරුවන් ගල්කිස්ස මහේස්ත්‍රාත් අධිකරණය වෙත ඉදිරිපත් කිරීමට නියමිතයි.

සෞඛ්‍ය අමාත්‍ය කෙහෙළිය රඹුක්වැල්ල මහතාට එරෙහි විශ්වාසභංග යෝජනාව පිළිබඳ විවාදය සැප්තැම්බර් මස පළමු පාර්ලිමේන්තු සතියේ පැවැත්වීමට තීරණය වී තිබේ. ඊයෙ (11) පැවති පාර්ලිමේන්තු කටයුතු පිළිබඳ කාරක සභා රැස්වීමේ දී මෙම තීරණය ගෙන ඇති බව වාර්තා වෙයි. ඉදිරි පාර්ලිමේන්තු කටයුතු පිළිබඳ සාකච්ඡා කිරීම සඳහා කතානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තු කටයුතු පිළිබඳ කාරක සභාව අද පෙරවරුවේ රැස්විය. එහි දී සැප්තැම්බර් මස 05 වනදා ආරම්භ වන පාර්ලිමේන්තු සතියේ දින 03ක් සෞඛ්‍ය අමාත්‍යවරයාට එරෙහි විශ්වාසභංග යෝජනාව පිළිබඳ විවාදය සඳහා ලබාදීමට තීරණය වූ බව විපක්ෂයේ ප්‍රධාන සංවිධායක ලක්ෂ්මන් කිරිඇල්ල මන්ත්‍රීවරයා පවසා තිබේ.

අවුරුදු දාහතරක් වයසැති බාල වයස්කාර තම දියණියව ලිංගික අපයෝජනය සදහා මුදලට විකිණූ කාන්තාව, එළැඹෙන 22 දින දක්වා රිමාන්ඩ් බන්ධනාගාර භාරයේ තබන ලෙසට මිනුවන්ගොඩ වැඩ බලන මහේස්ත්‍රාත් අතුල ගුණසේකර මහතා ඊයේ (11) නියම කර තිබේ. එසේම, දැරිය ලිංගික අපයෝජනයට ලක් කළ සැකකරුවන් දෙදෙනෙකු ද එළැඹෙන 22 දින දක්වා රිමාන්ඩ් බන්ධනාගාර භාරයේ තැබීමට අධිකරණය නියෝග කර ඇත. දිවුලපිටිය, වෙලගාන ප්‍රදේශයේ පදිංචි 43 හැවිරිදි සිව් දරු මවක් මෙසේ රිමාන්ඩ් බන්ධනාගාරගත කෙරිණි. ඇනෙක් සැකකරුවන් දෙදෙනා දිවුලපිටිය, උල්ලලපොළ ප්‍රදේශයේ පදිංචි 52 හැවිරිදි පුද්ගලයකු හා මිනුවන්ගොඩ, නිල්පනාගොඩ පදිංචි 42 හැවිරිදි පුද්ගලයකු බව වාර්තා වෙයි. මේ අතර, සැකකාරිය සහ සැකකරුවන් දෙදෙනා මීගමු මහ රෝහලේ සමාජ රෝග සම්බන්ධ…

උඩවලව ගොවීන් මේ වන විට ගැටලු සහගත තත්ත්වයකට පත්ව ඇත්තේ සැළසුමකින් තොරව ජලය නිදහස් කිරීම හේතුවෙන් බව ජනාධිපති රනිල් වික්‍රමසිංහ මහතා පවසයි. ජනාධිපතිවරයා මේ බව පැවසුවේ, කෘෂිකාර්මික අංශය නවීකරණය පිළිබඳ ජනාධිපති කාර්යාලයේදී පැවති සාකච්ඡාවකදීය. කෘෂිකාර්මික අංශය නවීකරණය සම්බන්ධයෙන් අදහස් හා යෝජනා විමසීම සඳහා විශේෂ සාකච්ඡාවක් ජනාධිපති කාර්යාලයේදී ඊයේ පැවැත්වුණි. එහිදී ජනාධිපතිවරයා නිලධාරීන්ට වැඩිදුරටත් පැවසුවේ, කෘෂි නවීකරණ කාර්යාලය පිහිටුවීම සහ එහි ක්‍රියාකාරීත්වය සම්බන්ධයෙන් වාර්තාවක් ලබා දෙන ලෙසය. “කෘෂිකර්මාන්තය නවීකරණය කිරීමේ වැඩසටහනක් ක්‍රියාත්මක කරලීමට නම්, අප පළමුවෙන්ම කෘෂිකර්මාන්ත සහායක ක්‍රමවේදයක් සකස් කළ යුතුයි. සියලුම භෝග ආවරණය වන පරිදි කෘෂිකර්මාන්ත නවීකරණ කාර්ය සාධක බලකායක් පිහිටුවීමට මට අවශ්‍ය වනවා. සත්ව පාලනය ඊට පසුව එක්…

එල්ටීටීඊ සංවිධානය මගින් අම්පාර හා මඩකලපුව යන දිස්ත්‍රික්කවල අහිංසක නිරායුධ මුස්ලිම් වැසියන් දෙසිය විසි එක් දෙනෙක්කු කපාකොටා සමූහ ඝාතනයක් සිදුකර 2023 අගෝස්තු එකොළොස් වෙනිදාට වසර 33 ක් පිරීම නිමිත්තෙන් අම්පාර සහ මඩකලපුව දිස්ත්‍රික්කවල නගර කීපයකම වෙළඳසැල් වසා කළුකොඩි ඔසවා නගරවාසින් ඊයේ (11) විරෝධතාවයක් ආරම්භ කර ඇත. අම්පාර දිස්ත්‍රික්කයේ අක්කරේපත්තු, අඩ්ඩාලච්චේන, නින්දවූර්, සමන්තුරේ, සයින්දමරුදු, හා කල්මුණ යන මුස්ලිම් නගරවල වෙළඳසැල් හිමියන් ඔවුන්ගේ වෙළඳසැල් සම්පූණර්යෙන් වසා වෙළඳසැල් ඉදිරිපිට සහ බස් නැවතුම් පොළවල්වල කළුකොඩි ඔසවා සමූහ ඝාතනයට එරෙහිව විරෝධතාවය පලකොට තිබේ, මඩකලපුව දිස්ත්‍රික්කයේ වාලච්චේන, එරාවුර්, ඔට්ටමාවඩි. කාත්තන්කුඩි. යන නගරවලද වෙළෙදසැල් වසා කළුකොඩි ඔසවා තිබේ. ඝාතනයක් කිරීම සිහිපත් කිරීමත්, එල්ටීටීඊ සංවිධානය එක්සත් ජාතීන්ගේ මානව…

ඉන්දියාවේ ශ්‍රී ලංකා මහ කොමසාරිස් ධුරයේ කටයුතු කළ මිලින්ද මොරගොඩ මහතාගේ නිල කාලය අවසන් වී තිබේ. ඒ අනුව වසර දෙකකට කැබිනට් බලතල සහිතව පත් කරන ලද මිලින්ද මොරගොඩ මහතා ලබන ඔක්තෝම්බර් 01 දින නැවත පැමිණෙනු ඇති බව අනාවරණය වේ. 2021 වසරේ අගෝස්තු මාසයේ දී ධුරය භාරගත් මිලින්ද මොරගොඩ මහතා, ඉන්දියාවේ පිහිටවූ දූත මණ්ඩල සඳහා ඒකාබද්ධ රාශ්ට්‍ර ක්‍රමෝපාය 2021-23 සැලැස්ම ද ප්‍රකාශයට පත් කළේය. විවිධ ක්ෂේත්‍ර අලලා ද්වීපාර්ශවික සැලැස්මක් එයින් අනාවරණය කර තිබිණි. ශ්‍රී ලංකාව ඉතාම දුෂ්කර කාල වකවානුවක පසුවන අතරතුර ඉන්දීය සහාය සහිතව කුලුනු සතරකින් යුතු ආධාර වැඩපිළිවෙළක් ක්‍රියාවට නංවන්නට සමත් වූ අතර, ජනාධිපති රනිල් වික්‍රමසිංහ මහතාගේ සංචාරය සමඟ ආර්ථීක…

කච්චතිවු දූපත ශ්‍රී ලංකාවට ලබාදීම සම්බන්ධයෙන් ඉන්දීය අග්‍රාමාත්‍ය නරේන්ද්‍ර මෝදි කොංග්‍රස් පක්ෂයට චෝදනා කර තිබේ. තමිල්නාඩුව සහ ශ්‍රී ලංකාව අතර පිහිටි කච්චතිවු දූපත සාම්ප්‍රදායිකව දෙරටේ ධීවරයන් විසින් අතීතයේ සිට භාවිත කළ බව ඉන්දීය අග්‍රාමාත්‍යවරයා ප්‍රකාශ කර ඇත. කෙසේවෙතත් දේශපාලන අරමුණු පදනම් කරගනිමින් 1974 වසරේ දී ඉන්දු-ලංකා සමුද්‍ර ගිවිසුම යටතේ එම දූපත ශ්‍රී ලංකාවට අයත් භූමියක් ලෙස එවකට ඉන්දිරා ගාන්ධි අග්‍රාමාත්‍යවරිය පිළිගත් බව නරේන්ද්‍ර මෝදි සඳහන් කර තිබේ. ඉන්දීය රජයට එරෙහි විශ්වාසභංග යෝජනාව පිළිබඳ එරට පාර්ලිමේන්තුවේ පැවති විවාදයට එක්වෙමින් ඔහු මේ බව ප්‍රකාශ කර තිබිණි. මෙවැනි සිදුවීම් හරහා ඉන්දීය භූමිය කැබලි කිරීමට කොංග්‍රස් පක්ෂය කටයුතු කළ බව නරේන්ද්‍ර මෝදි අග්‍රාමාත්‍යවරයා කොංග්‍රස්…

ශ්‍රී ලංකා ජාතික ක්‍රිකට් කණ්ඩායමේ දඟ පන්දු යවන ක්‍රීඩක වනිඳු හසරංග LPL තරගාවලියේදී අංක 03 පිතිකරුවෙකු ලෙස පිටියට පිවිසියේය. එම තීරණය ගැන අදහස් දක්වමින් ඔහු සඳහන් කළේ, “උඩට ඇවිත් බැට් කරන්න පුළුවන් කියන්නේ යට පෙළේ හොඳ පිතිකරුවන් ඉතුරු වෙනවා. ඒ නිසා තමයි අංක 03 සහ අංක 04 පිතිකරුවෙකු ලෙස පන්දුවට පහරදෙන්න තීරණය කළේ.” මාධ්‍යවේදියෙක් – “අංක 03 ස්ථානයේ ඉදිරියටත් ජාතික කණ්ඩායම තුළ ක්‍රීඩා කරන්න අවස්ථාවක් ලැබෙයි කියලා බලාපොරොත්තු වෙනවාද ?” “හොඳ ප්‍රශ්නයක්. මං හිතන්නේ.. මං ආවේ කණ්ඩායමේ සැලසුම්වලට ගොඩක් වැදගත් වෙන නිසා.” මේ අතර ලංකා ප්‍රිමියර් ලිග් ක්‍රිකට් තරගාවලියේ පළමු වටයේ ඉතිරි තරග කොළඹ ආර්. ප්‍රේමදාස ක්‍රීඩාංගණයේදී අද (11) ආරම්භ…

මෙරට රාජ්‍ය බැංකුවල සිදුවී ඇති අක්‍රමිකතා පිළිබඳ සොයාබැලීමට පත් කළ කමිටුවේ වාර්තාව ප්‍රකාශයට පත් නොකිරීම තුළ ඉන් අනාවරණය කරගත් දුෂණ වංචා හෙළිදරව්වීම නැවතී ඇති බව ලංකා බැංකු සංගමයේ සභාපති චන්න දිසානායක මහතා පවසයි. ඔහු පැවසුවේ ලංකා බැංකුව තුළ වෝහාරික විගණනයක් සිදුකරන ලෙසට වත්මන් රජයෙන් ඉල්ලීමක් සිදුකළ ද එය මෙතෙක් ඉටුකර නොමැති බවය. කොළඹ පැවැති මාධ්‍ය හමුවකට එක්වෙමින් ලංකා බැංකු සංගමයේ සභාපති චන්න දිසානායක මහතා මෙම අදහස් පළ කළේය. මේ අතර නව ගෙවීම් යෙදවුම් හරහා මුල්‍ය ගනුදෙනු කිරීමට රටේ ජනතාව අනවශ්‍ය බියක් ඇති කරගත යුතු නොවන බව ශ්‍රී ලංකා මහ බැංකුවේ හිටපු නියෝජ්‍ය අධිපතිවරයෙකු වන ධර්මශ්‍රී කුමාරතුංග මහතා කොළඹ පැවැති උත්සවයකින්…