Author: LANKA24X7

යෝජිත කම්කරු නීති ප්‍රතිසංස්කරණ අතිශය අමානුෂික බව හෝටල් සේවක මධ්‍යස්ථානයේ සභාපති නීතිඥ ජානක අධිකාරි මහතා පවසයි. කොළඹදී ප්‍රවෘත්ති සාකච්ඡාවක් පවත්වමින් ඔහු පැවසුවේ සේවකයින් බලවත් අසාධාරණයට ලක්වන ප්‍රතිසංස්කරණ රැසක් එම යෝජනාවලට ඇතුළත් බවය. හෝටල් සේවක මධ්‍යස්ථානයේ සභාපති නීතිඥ ජානක අධිකාරි මහතා, “අර්ධ කාලීන කියලා සේවකයින් බඳවාගැනීමේ හැකියාවක් යෝජිත කම්කරු නීති සංශෝධනය යටතේ ආණ්ඩුව ඉදිරිපත් කරලා තියෙනවා. හෝටල් පාලකයාට අයිතිය ලැබෙනවා.. කාර්යබහුල වේලාවේදී පමණක් පැය 03කට සේවකයෝ බඳව ගන්න. ඊට පස්සේ ගෙදර යවන්න. අලුත් සේවකයෙක් ඕනේ නම් ආයෙත් ගන්න. පාලකයාට පැය 08කට ගෙවන්න ඕනේ නැහැ. අතිකාල ගෙවන්න ඕනේ නැහැ. අතිකාල නැතුව වැඩ ගන්න පුළුවන්. මේක කුරිරු නීතියක්.”

පාර්ලිමේන්තු මන්ත්‍රී විමලවීර දිසානායක විසින් කෝට්ටේ, මාදිවෙල මන්ත්‍රී නිවාස සංකිර්ණ අවට සම්භාහන මධ්‍යස්ථාන හෙවත් ස්පා 42ක් පවතින බව පවසනවා. ඔහු මෙය ප්‍රකාශ කළේ දෙහිඅත්තකන්ඩිය ප්‍රාදේශීය සම්බන්ධිකරණ කමිටු රැස්වීමක් අමතමින්. ඔහු පෙන්වා දෙන්නේ මෙම සම්භාහන මධ්‍යස්ථාන වලින් රුපියල් 5,000ක් වැනි ඉහළ මිලක් අයකරගන්නා බවයි. මන්ත්‍රීවරයා වැඩිදුරටත් පැවසුවේ ආයුර්වේද පුවරු යොදාගනිමින් මෙම සම්භාහන මධ්‍යස්ථාන පවත්වන බවයි.

සිමෙන්ති කොට්ටයකින් රුපියල් 700 ක පමණ ලාභයක් සිමෙන්ති සමාගම් උපයන බව රජයේ මුදල් පිළිබඳ කාරක සභාවේදී අනාවරණය වුණා. වරායට ගොඩබාන අවස්ථාවේ සිමෙන්ති මිල සහ විකුණුම් මිල අතර සියලු බදු අඩු කළ විට මෙවැනි ලාභයක් උපයන බවයි මෙහිදී හෙළි වුණේ. එසේම යකඩ ආනයනයේදී ඒ අනුව අයථා ලාභයක් අදාළ සමාගම් උපයන බවට පෙනී යන බැවින් සිමෙන්ති සහ යකඩ පිළිබඳ වාර්තාවක් ලබාදෙන ලෙසයි මුදල් හා නාගරික සංවර්ධන හා ඉදිකිරීම් අමාත්‍යංශවල නිලධාරින්ට කාරක සභාවේ තාවකාලික සභාපති පාර්ලිමේන්තු මන්ත්‍රී පාඨලී චම්පික රණවක නියෝග කළේ. එසේම ප්‍රධාන සමාගම් ද්විත්වයට අතිරේක ලාභයක් ලැබිය නොහැකි වන පරිදි තිරිඟු පිටි කිලෝවක විකුණුම් මිල රුපියල් 198 ක් බව නිවේදනය කරන…

මාස 6 ක කාලයක් සඳහා මෙගාවොට් 100 ක් පෞද්ගලික අංශයෙන් විදුලිය මිලදීගැනීමට කොන්දේසි තුනක් යටතේ ලංකා විදුලිබල මණ්ඩලයට අනුමැතිය දුන් බව ශ්‍රී ලංකා මහජන උපයෝගිතා කොමිෂන් සභාව ඊයේ (17) පස්වරුවේ පැවසුවා. ශ්‍රී ලංකා විදුලිබල පනතේ 43 වන වගන්තිය යටතේ මෙම අනුමැතිය දුන් අතර ප්‍රධාන කොන්දේසි 3 ක් යටතේ 2023 අගෝස්තු මස 18 වැනි දින සිට මාස 6 ක කාලයක් සඳහා පමණක් විදුලිය මිලදී ගැනීමට අනුමැතිය දුන් බවත් එම කොමිසම පැවසුවා. කුසලතා පදනම මත අදාල විදුලි මිලදී ගැනීම කළ යුතු අතර විදුලිය මිලදී ගැනීමේ ගිවිසුම් කාලය අවසානයේදී එම මිලදීගැනීම පිළිබද ස්වාධීන විගණනයක් කළ යුතුය, කොත්මලේ පොල්පිටිය විදුලි සම්බන්ධතාව 2024 අගෝස්තු 31…

කේබල් දෙකකට හානි වීම නිසා හැව්ලොක්-වැල්ලවත්ත ප්‍රදේශයේ ස්ථාන කිහිපයකට විදුලිය විසන්ධි විය හැකි බව විදුලි බල මණ්ඩලය පවසනවා. අළුත්වැඩියා අවසන් වනතුරු ජනන යන්ත්‍ර මගින් ඇතැම් ස්ථානවලට විදුලිය ලබා දීමට විදුලි බල මණ්ඩලය කටයුතු කර තිබෙනවා.

ලංකා ප්‍රිමියර් ලීග් ක්‍රිකට් තරගාවලියේ අවසන් වටයේ එළිමිනේටර් තරගය ඊයේ කොළඹ ආර් ප්‍රේමදාස ක්‍රීඩාංගණයේදී පැවැත්වුණා. ඒ B-Love Kandy කණ්ඩායම හා Jaffna Kings කණ්ඩායම අතර. කාසියේ වාසිය ලබාගත් Jaffna Kings පළමුව පන්දුවට පහරදීමට B-Love Kandy ට ආරාධනා කළා. පන්දු වාර 20 අවසානයේ B-Love Kandy කණ්ඩායම කඩුලු 08 ක් දැවී ලකුණු 188 ලබා ගත්තා. දිනේෂ් චන්දිමාල් ලකුණු 41, මොහොමඩ් හැරිස් 79, වනිදු හසරංග ලකුණු 19 යි. පන්දු යැවීමේදි නුවන් තුෂාර කඩුලු 4 ක් ද මහේෂ් තීක්ෂණ හා අසේල ගුණරත්න අතර කඩුලු 02 බැගින් බෙදී ගියා. පිළිතුරු ඉනිම ක්‍රීඩා කිරීමට පිටියට පිවිසි Jaffna Kings කණ්ඩායම පන්දු වාර 17 යි පන්දු 1 දී සියලු…

ව්‍යාජ ස්ටිකර් මධ්‍යාසර බෝතල් මත ඇලවීම සම්බන්ධයෙන් ආදාළ පුද්ගලයන්ට තරාතිරම නොබලා දඬුවම් ලබා දීමට කටයුතු කරන බව මුදල් අමාත්‍ය රංජිත් සියඹලාපිටිය පවසනවා. ඔහු මේ බව පැවසුවේ ඊයේ (17) කොළඹ පැවති උත්සවයකින් අනතුරුව මාධ්‍යවේදීන් යොමු කළ ප්‍රශ්නයකට පිළිතුරු වශයෙන්. මේ සම්බන්ධයෙන් කොතරම් විශාල මධ්‍යසාර නිෂ්පාදනයක් වුවත් නීතිය ක්‍රියාත්මක කිරීමට පසුබට නොවන බව අමාත්‍යවරයා පවසනවා. මධ්‍යසාර නිෂ්පාදනාගාර අධික්ෂනට සුරාබදු නිලධාරින් පත් කර ඇති බවටයි සඳහන් කළේ. වැඩිදුරටත් ඔහු පැවසුවේ වරද නිලධාරීන්ගේ නම් ඔවුන්ට ද නීතිය ක්‍රියාත්මක කිරීමට සූදානම් බවයි.

අද (18) දිවයිනේ ගාල්ල සහ මාතර දිස්ත්‍රික්කවල වැසි වාර කිහිපයක් ඇති විය හැකි අතර බස්නාහිර සහ සබරගමුව පළාත්වල ද වැසි වාර කිහිපයක් ඇති වන බව කාලගුණවිද්‍යා දෙපාර්තමේන්තුව පවසනවා. එමෙන්ම, දිවයින පුරා සෙසු ප්‍රදේශවල ප්‍රධාන වශයෙන් සාමාන්‍ය කාලගුණයක් පවතින බවත් එම දෙපාර්තමේන්තුවෙන් නිකුත් කළ නිවේදනයේ සඳහන්. උතුරු, උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට පැයට කිලෝමීටර් (40-45) පමණ තරමක් තද සුළං බලාපොරොත්තු විය හැකියි.

5 ශ්‍රේණිය ශිෂ්‍යත්ව විභාගයේ උත්තර පත්‍ර පරීක්ෂකරවැන් තෝරා ගැනීම සදහා මාර්ග ගත ක්‍රමය ඔස්සේ පමණක් අයදුම්පත් කැදවීම ලබන මස පළමුවනදා දක්වා සිදුකෙරෙන බව විභාග දෙපාර්තමේන්තුව පවසනවා. ඒ අනුව, විභාග දෙපාර්තමේන්තුවේ නිල වෙබ් අඩවිය වන www.doenets.lk වෙත පිවිස මාර්ගගත ක්‍රමය ඔස්සේ අයදුම්පත් ඉදිරිපත් කළ හැකි බවයි එම දෙපාර්තමේන්තුව සදහන් කළේ. එමෙන්ම එහි නිල ජංගම දුරකථන යෙදුම වන ඩී.ඕ.ඊ වෙත පිවිස මාර්ගගත අයදුම්පත් ලබා ගත හැකියි.

හෝමාගම කටුවාන ප්‍රදේශයේ කර්මාන්ත පුරයේ පිහිටි කර්මාන්තශාලාවක හටගත් ගින්න මේ වනවිට මැඩපවත්වා තිබේ. තීන්ත නිෂ්පාදනාගාරයක් සහ රෙදි පිළි නිෂ්පාදනාගාරයක් ගින්නට හසුවීමෙන් විනාශවී ඇති බව වාර්තාවේ. ඊයේ (17) රාත්‍රියේ හටගත් ගින්න මැඩපැවැත්වීම සඳහා හොරණ සහ කෝට්ටේ ගිනිනිවන ඒකකවල ගිනිනිවන රථ 07ක් යොදවා තිබු අතර පනාගොඩ යුද හමුදා කඳවුරේ ගිනිනිවන ඒකකයේ රථ ද යොමුකර තිබුණි. ගින්න පාලනය කිරිම සඳහා අවශ්‍ය සහයෝගය දැක්වීමට යුද හමුදා කණ්ඩායමක් යොමු කළ බව යුද හමුදා මාධ්‍ය ප්‍රකාශක බ්‍රිගේඩියර් රවී හේරත් මහතා පැවසීය. ගින්නෙන් ජිවිත හානි කිසිවක් වාර්තා නොවන අතර හෝමාගම පොලීසිය සිද්ධිය පිළිබඳ වැඩිදුර විමර්ශන සිදුකරයි. මේ අතර ඊයේ පස්වරුවේ හඟුරන්කෙත නාරංමැඩිල්ල ප්‍රදේශයේ හටගත් ගින්නකින් අක්කර 10ක…