Author: LANKA24X7

කුරුණෑගල ප්‍රදේශයේ පිහිටි රජයේ වී ගබඩා දෙකකින් වී තොග ලක්ෂ 7ක ප්‍රමාණයක් අස්ථානගත වී ඇති බව වී අලෙවි මණ්ඩලයේ සභාපතිවරයා පවසයි. ඒ සම්බන්ධයෙන් නිලධාරීන් දෙදෙනෙකුගේ වැඩතහනම් කර ඇති බව ද ඒ මහතා දැනුම්දෙයි. අස්ථානගත වී ඇති වී තොගවල වටිනාකම රුපියල් ලක්ෂ 650 – 700ත් අතර බව ඇස්තමේන්තු ගත කර ඇතැයි ද ඒ මහතා වැඩිදුරටත් පැවසීය.

හිඟුරක්ගොඩ ප්‍රාදේශීය ලේකම් කොට්ඨාසයට අයත් යුදගනාව ගම්මානයේ දී සැමියා විසින් උදැල්ලකින් පහරදී බිරිඳව ඝාතනය කර තිබේ. එලෙස ඝාතනයට ලක්ව ඇත්තේ, එම ප්‍රදේශයේ පදිංචිව සිටි හෙට්ටිආරච්චිලාගේ ලසන්තා සඳමාලි නැමති 27 හැවිරිදි දෙදරු මවකි. සැමියා විසින් බිරිඳට උදැල්ලෙන් පහරදෙන අවස්ථාවේ දී ඔවුන්ගේ දෙහැවිරිදි දරුවා ද සුළු තුවාල ලබා ඇතැයි වාර්තාවේ. අදාළ පුද්ගලයා විසින් ඝාතනය වූ කාන්තාවගේ පියාට ද උදැල්ලෙන් පහරදී ඇති අතර, ඔහු ද බරපතළ තත්ත්වයෙන් මැදිරිගිරිය මුලික රෝහලට ඇතුළත් කර වැඩිදුර ප්‍රතිකාර සඳහා පොළොන්නරුව මහ රෝහලට මාරු කර යවා තිබේ. ඝාතනය සිදුකළ මියගිය කාන්තාවගේ සැමියා මැදිරිගිරිය ප්‍රදේශයේ සැඟව සිටිය දී හිඟුරක්ගොඩ පොලීසිය විසින් අත්අඩංගුවට ගෙන ඇති අතර, හිඟුරක්ගොඩ මහෙස්ත්‍රාත් අධිකරණය වෙත…

අයගම ඉන්නකන්ද ප්‍රදේශයේ පහරදීමක් හේතුවෙන් කාන්තාවක් ජීවිතක්ෂයට පත්ව තිබේ. ඊයේ (29) රාත්‍රී කාලයේ පහරදීමක් හේතුවෙන් කාන්තාවක් බිම ඇද වැටී සිටින බවට අයගම පොලිස් ස්ථානයට ලද තොරතුරක් මත විමර්ශන ආරම්භ කර ඇත. පොලිස් නිලධාරීන් විසින් තුවාලකාරිය අයගම රෝහලට ඇතුළත් කිරීමෙන් පසුව මියගොස් තිබුණි. මෙසේ මියගොස් ඇත්තේ අවුරුදු 45ක් වන ඉන්නකන්ද, අයගම ප්‍රදේශයේ පදිංචිකාරියකි. පවුල් ආරවුලක් හේතුවෙන් අනියම් ස්වාමිපුරුෂයා විසින් පහරදී මෙම ඝාතනය සිදුකර ඇති බව පොලිස් විමර්ශනවලදී අනාවරණය වී ඇත. සිද්ධියට සම්බන්ධ සැකකරු මේ වන විට ප්‍රදේශයෙන් පළාගොස් ඇති අතර ඔහුව අත්අඩංගුවට ගැනීම සඳහා අයගම පොලීසිය වැඩිදුර විමර්ශන සිදුකරයි.

නීතිවිරෝධී ලෙස කෘමිනාශක තොගයක් මෙරටට රැගෙන ඒමට උත්සහ කළ සැකකරුවන් දෙදෙනෙකු නාවික හමුදා භාරයට ගෙන තිබේ. කල්පිටිය, කරෙයිතිව් හා පල්ලියවත්ත මුහුදු ප්‍රදේශයන් හි සිදුකළ විශේෂ සෝදිසි මෙහෙයුමකදී මොවුන් සිය භාරයට ගත් බව නාවික හමුදාව පවසයි. අදාළ මුහුදු ප්‍රදේශය ඔස්සේ යාත්‍රාකරමින් තිබූ සැකකටයුතු ඩිංගි යාත්‍රාවක් නිරීක්ෂණය කර පරීක්ෂා කිරීමේ දී උර පහළොවක අසුරන ලද මෙම කෘමිනාශක තොගය සොයාගෙන තිබේ. එමෙන්ම පල්ලියවත්ත මුහුදු ප්‍රදේශයේ සිදුකළ වැඩිදුර පරීක්ෂා කිරීම්වලදී ගොඩබිමට රැගෙන ඒමට නොහැකිව ජාවාරම්කරුවන් විසින් අතහැර දමා ගොස් තිබූ තවත් කෘමිනාශක තොගයක් සොයාගත් බව නාවික හමුදාව පැවසුවේය. අත්අඩංගුවයට ගත් සැකකරුවන් වයස අවුරුදු 43ක් සහ 46ක් වන කල්පිටිය ප්‍රදේශයේ පදිංචිකරුවන් දෙදෙනෙකු බවට හඳුනාගෙන ඇති…

තුවාල ලැබූ භික්ෂූන් වහන්සේ ඇතුළු දොළොස් දෙනා තෙල්දෙණිය සහ උඩුදුම්බර රෝහල්වලට ඇතුළත් කර ප්‍රතිකාර ලබමින් පසුවන බව තෙල්දෙණිය මූලස්ථාන පොලිසියේ නිලධාරියෙක් ලංකාදීපයට පැවැසීය. හසලක කොලොන්ගොඩ ගංගාරාම විහාරස්ථානය වෙත යමින් සිටියදී මෙම අනතුර සිදුව ඇති බව පොලිස් නිලධාරියා වැඩිදුරටත් කීය

පුත්තලම දිස්ත්‍රික්කයේ උදැසන කාලයේදීත් වැසි හෝ ගිගුරුම් සහිත වැසි ඇති වේ. බස්නාහිර,සබරගමුව,මධ්‍යම දකුණ සහ ඌව පළාත්වලත් – කුරුණෑගල දිස්ත්‍රික්කයේත් ඇතැම් ස්ථානවලට මිලි මීටර් 75ට වැඩි තරමක තද වැසි ඇති විය හැකියි.

මුහුණු පොතෙන් හදුනාගත් අවුරුදු 16ක් වයස පාසල් සිසුවියක හා ප්‍රේම සම්බන්ධතාවයක් පවත්වාගෙන යන අතරේ ඇගේ සහ ඇගේ 13 හැවිරිදි නැගණියගේ නිරුවත් ඡායාරූප වට්ස්ඇප් මගින් සිය ජංගම දුරකථනයට ගෙන්වා ගෙන එම ඡායාරූප අන්තර්ජාලයට මුදාහරින බවට තර්ජනය කර බිය ගන්වා වැඩිමහල් සොයුරියගෙන් රුපියල් 50,000 මුදලක් බලහත්කාරයෙන් බැංකු ගිණුමක තැන්පත් කර ගත්තේ යැයි කියන තරුණ යුද හමුදා සෙබළෙක් පොලිස් ළමා හා කාන්තා කාර්යාංශයේ නිලධාරින් කණ්ඩායමක් විසින් අත්අඩංගුවට ගනු ලැබීය. අත්අඩංගුවට ගත් සැකකාර සෙබළා උතුරේ යුද හමුදා කදවුරක රාජකාරි කරන 21ක් හැවිරිදි වියේ පසු වන කුලියාපිටිය ප්‍රදේශයේ පදිංචි අයෙකි. මෙම සැකකාර සෙබළා මුහුණු පොත ඔස්සේ මෙම 16 හැවිරිදි පාසල් සිසුවිය ප්‍රේම සම්බන්ධතාවයක් ඇති කර…

ඉන්දියාවේ ආන්ද්‍රා ප්‍රදේශ් ප්‍රාන්තයේ දුම්රිය දෙකක් එකිනෙක ගැටී, නව දෙනෙක් ජීවිතක්ෂයට පත්වූහ. තුවාල ලැබූ ගණන 29 කි. විශාඛාපට්නම් සිට පලාසා තෙක් ධාවනය වෙමින් තිබූ විශේෂ මගී දුම්රියක් සංඥා නොමැතිව, අලමන්දා සහ කන්ඨකපාලේ අතර, කොත්සවත්සාලා දුම්රිය පොළට නුදුරින් නවත්වා තිබුණු බවත්, විසාග් සිට රායිගාද් බලා යන සීඝ්‍රගාමී දුම්රිය එම දුම්රියේ හැපුණු බවත් පැවැසෙයි. අනතුරුන් දුම්රිය දෙකේ මැදිරි දුම්රිය මාර්ගයෙන් පිටතට විසිවී ගියේය. ඒවායේ සිරවුණු පිරිස් බේරා ගැනීමට මහත් පරිශ්‍රමයක් දැරීමට සිදුවුණු බව පැවැසෙයි. අනතුර සම්බන්ධයෙන් විමර්ශනයක් පැවැත්වෙයි. අනතුරට හේතුව සංඥා දෝෂයක් බව සැක කෙරේ. මීට මාස කීපයකට පෙර, ඉන්දියාවේ ඔඩිෂා ප්‍රාන්තයේ දුම්රිය තුනක් ගැටීමෙන් අනතුරක් සිදුවිය. එම අනතුරින් 280 ක් ජීවිතක්ෂයට…

ලොකු දේපළ හිමි පුද්ගලයන්ගෙන් 2025 වාර්ෂයේ සිට නව බද්දක් අය කිරීමට සැලසුම් කර ඇති බව මුදල් රාජ්‍ය අමාත්‍ය රංජිත් සියඹලාපිටිය මහතා පැවසීය. මෙම බද්ද හඳුන්වා දීමට බලාපොරොත්තු වන්නේ ජාත්‍යන්තර මූල්‍ය අරමුදලේ නිර්දේශවලට අනුව බවද ඔහු සඳහන් කළේය. විශාල වශයෙන් දේපොළ පවතින පුද්ගලයන්ගෙන් එම බද්ද අය කිරීමට බලාපොරොත්තු වන බව රාජ්‍ය අමාත්‍යවරයා සඳහන් කළේය. සමහර දේපළ හිමියන්ගේ ඉඩකඩම් ඇතුළු දේපළ නිසි පරිදි ගණනයවී නැතැයි පෙනී ගොස් ඇති බව මුදල් අමාත්‍යාංශය පවසයි. මේ සම්බන්ධයෙන් දැනටමත් යෝජනා ගණනාවක් මුදල් අමාත්‍යාංශයට ලැබීය ඇත. එම යෝජනා පිළිබඳව ද අමාත්‍යාංශයේ ඉහළ අවධානය යොමුවීඇත.

ආණ්ඩුක්‍රම ව්‍යවස්ථා සභාවේ ලේකම් තනතුරට පත්කෙරුණු පාර්ලිමේන්තුවේ හිටපු මහලේකම් ධම්මික දසනායක මහතාට රුපියල් ලක්ෂ පහක පමණ දීමනාවක් ගෙවීමට ඉදිරිපත් කෙරුණු යෝජනාවක් කැබිනට් මණ්ඩලය ප්‍රතික්ෂේප කර ඇතැයි මුදල් අමාත්‍යාංශ ආරංචි මාර්ගවලින් පැවසේ. එම යෝජනාව සැලකිල්ලට ගත් අවස්ථාවේදී එපමණ ලොකු මුදලක් මේ අවස්ථාවේදී ගෙවීම කළ නොහැකි බව කැබිනට් මණ්ඩල සාමාජිකයන් දැනුම්දී ඇතැයිද දැනගන්නට ඇත. මේ හේතුවෙන් එම දීමනා මුදල සංශෝධනය කර යෝජනාවක් අලුතින් ඉදිරිපත් කරන ලෙස කැබිනට් මණ්ඩලය දැනුම්දී ඇත. ආණ්ඩුක්‍රම ව්‍යවස්ථා සභාවේ ලේකම් තනතුරට සාමාන්‍යයෙන් මෙතෙක් පත් කෙරුණේ දැනට සේවයේ යෙදී සිටින පාර්ලිමේන්තු මහ ලේකම්වරයාය. නමුත් මේ අවස්ථාවේදී කිසියම් විශේෂයක් කර හිටපු මහ ලේකම්වරයාට එම තනතුර දීමට රජය කටයුතු කළේය. සාමාන්‍ය…