Author: LANKA24X7

මෙරට මුහුදු සීමාව තුළ අනවසර ධීවර කර්මාන්තයේ යෙදුණු ඉන්දීය ධීවරයින් 22 දෙදෙනෙකු නාවිකා හමුදා භාරයට ගෙන තිබේ. පේදුරුතුඩුවට ඔබ්බෙන් වූ මෙරට මුහුදු ප්‍රදේශයේ සිදුකළ විශේෂ මෙහෙයුමකදී එම ඉන්දීය ධීවරයින් සිය භාරයට ගත් බව නාවික හමුදාව සඳහන් කළේය. එහිදී මෙරට මුහුදු සීමාව තුළ අනවසර ධීවර කටයුතු සිදුකළ ඉන්දීය ධීවර යාත්‍රා දෙකක් ද නාවික හමුදා භාරයට ගෙන තිබේ. නාවික හමුදා භාරයට ගත් ඉන්දීය ධීවර යාත්‍රා සහ ධීවරයින් පිරිස කන්කසන්තුරය වරාය වෙත රැගෙන ආ අතර ඉදිරි නීතිමය කටයුතු සඳහා මයිලඩි ධීවර පරීක්ෂක කාර්යාලය වෙත භාර දීමට නියමිත බව නාවික හමුදාව සඳහන් කළේය. නාවික හමුදාව 2023 වර්ෂයේ මේ දක්වා සිදුකළ මෙහෙයුම්වලින් මෙරට මුහුදු සීමාව…

ශ්‍රී ලංකා ක්‍රිකට් ආයතනයේ දූෂණ වංචා සහ අක්‍රමිකතා සෙවීමට විශේෂ තේරීම් කාරක සභාවක් පත් කරන්නැයි පත් කරන්නැයි ආණ්ඩු පක්ෂ ප්‍රධාන සංවිධායක අමාත්‍ය ප්‍රසන්න රණතුංග මහතා පාර්ලිමේන්තුවේදී අද ඉල්ලීමක් කළේය. මේ ගැන සෙවීමට විපක්ෂය වගේම ආණ්ඩු පක්ෂයේ මන්ත්‍රීවරුන් බහුතරයක් එකඟ බවද ඔහු සඳහන් කළේය . මෙහිදී අදහස් දැක්වූ විපක්ෂ නායක සජිත් ප්‍රේමදාස මහතා පැවසුවේ තේරීම් කාරක සභා පත් කිරීමෙන් ප්‍රශ්නය යට යා හැකි බවයි. බොහෝවිට තේරීම් කාරක සභාවට පත් වන්නේ ආණ්ඩුවේ මන්ත්‍රීවරයකු බවත් සංයුතිය අනුව ආණ්ඩුවේ මන්ත්‍රීවරුන් ඊට වැඩි වශයෙන් පත්වීමට ඉඩ ඇති බවත් විපක්ෂ නායකවරයා කීවේය.

මාලදිවයිනේ සංචාරයක නිරත වූ ජනාධිපති රනිල් වික්‍රමසිංහ මහතා යළි දිවයිනට පැමිණ තිබේ. මාලේ නුවර සිට අද (18) උදෑසන 09යි 30ට පමණ කටුනායක ජාත්‍යන්තර ගුවන් තොටුපොළට ළගා වූ ගුවන් යානයෙන් ජනාධිපතිවරයා දිවයිනට පැමිණි තිබේ. මාලදිවයිනේ නව ජනාධිපති මොහොමඩ් මුයිසු මහතා ගේ දිවුරුම් දීමේ උත්සවයට සහභාගි වීම සදහා ජනාධිපති රනිල් වික්‍රමසිංහ මහතා පසුගිය 16 වැනිදා පස්වරුවේ දිවයිනෙන් පිටත්ව ගියේය. මාලදිවයින් නව ජනාධිපතිවරයා ගේ දිවුරුම් දීමේ උත්සවය ඊයේ මාලේ අගනුවර දී පැවැත්විණි.

ඊශ්‍රායල් – හමාස් යුද්ධයේ මානුෂීය සටන් විරාමයක් ඉල්ලා සිටීමේ යෝජනාවක් එක්සත් ජාතීන්ගේ ආරක්ෂක කවුන්සිලය විසින් සම්මත කර තිබේ. ගාසා තීරයේ සිවිල් වැසියන් වෙත අත්‍යවශ්‍ය ආධාර ලබාදීම වෙනුවෙන් මෙම සටන් විරාමය ඉල්ලා සිටින බව එක්සත් ජාතීන්ගේ ආරක්ෂක කවුන්සිලය නිවේදනය කර ඇත. එමෙන්ම දෙපාර්ශ්වය අතර පවතින ගැටුම්වලදී ජාත්‍යන්තර නීතිවලට අනුකූල වන ලෙසද ඔවුන් මෙම යෝජනාව හරහා ඉල්ලා තිබේ. මෙම යෝජනාව වැඩි ඡන්ද 12 කින් සම්මතවී ඇති අතර අමෙරිකාව, බ්‍රිතාන්‍යය සහ රුසියාව ඡන්දය දීමෙන් වැළකී සිට ඇති බව විදෙස් වාර්තා වැඩිදුරටත් සඳහන් කරයි.

ජනාධිපති අනාවැකියත් කිව්වොත් බොහෝ විට සිදුවන්නේ ඒ අනාවැකියේ අනෙක් පැත්ත හෙයින් අයවැය කතාව අහනකොට තමාට මහා බියක් ඇති වූ බව පොදුජන පෙරමුණේ කොළඹ දිස්ත්‍රික් මන්ත්‍රී උදය ගම්මන්පිල මහතා පාර්ලිමේන්තුවේදී පැවසීය. මෙම අයවැය බුදුන් බුදුන්වහන්සේටත් කොකා පෙන්නූ අයවැයක් බව තම හැඟීම යැයි ගම්මන්පිල මහතා කීය. ලංකාවේ වෘත්තීය සමිති ආර්ථික අර්බුදය ගැන මෙලෝ හසරක අවබෝධයක් නැති බව පෙන්නුම් කරමින් සිටින බව කී ගම්මන්පිල මහතා ණයට අරං පඩි වැඩි කර වැඩක් නැතැයි ද පඩි වැඩි කළාට එහි ප්‍රතිඵලයක් ලෙස උද්ධමනය වැඩි වෙනවා නම් කලින් පඩියට ගත්ත භාණ්ඩ ප්‍රමාණයවත් පඩි වැඩි කළාම ගන්න බැරි වෙන බවද සඳහන් කළේය.

නැව ගිලෙද්දී පැනපු මීයො ටික දැන් කටමැත දොඩවමින් සිටින බව සංචාරක රාජ්‍ය අමාත්‍ය ඩයනා ගමගේ මහත්මිය පාර්ලිමේන්තුවේ දී පැවසුවාය. රනිල් වික්‍රමසිංහගේ ගෙට ගිනි ඇවිලෙද්දී දැන්වත් යන්නැයි කියූ අය සිටි බව කී රාජ්‍ය අමාත්‍යවරිය ඒ අවස්ථාවේ එතුමා ගියා නම් අද අප සියලුම දෙනා ඉන්නේ කොතැනදැයි හිතා ගන්නවත් බැරි බව සඳහන් කළාය. රෝමය එක දිනකින් හැදුනේ නැති බව කී රාජ්‍ය අමාත්‍යවරිය ඒ සඳහා මිනිසුන් ද විශාල කැප කිරීමක් කළ බව සඳහන් කළාය. මේ නැව ගිලුනොත් ජනාධිපති පමණක් නොව මිලියන 22 ක ජනතාවත් ගිලෙන බව සියලු දෙනා තේරුම් ගත යුතුව ඇතැයි ඩයනා ගමගේ මහත්මිය කීවාය.

අවුරුදු අටක් වයසැති බාලවස්කාර දැරියකට ලිංගික අතවර කිරීම සම්බන්දයෙන් යුධහමුදා කෝප්‍රල් වරයෙකු අද පස්වරුවේ අත්අඩංගුවට ගත්බව මොරොන්තුඩුව පොලිසිය පවසයි . මෙසේ අත්අඩංගුවට ගෙන ඇත්තේ පානදුර , නල්ලූරුව ඉංජිනේරු සේවා බලකා කදවුරේ රාජකාරි කරන කෝප්‍රල් වරයෙකු බව පොලිසිය කීය. සැකකරු නොවැම්බර් 15 සිට 21 දක්වා කාලය තුල නිවාඩු ලබා සිටින අයෙකු බවත් නිවාඩු මත සිටියදී දැරියට අතවර කර ඇති බවත් දැරියගේ මව විසින් කල පැමිණිල්ලක් මත සැකකරු අත්අඩංගුවට ගෙන ඇති බවත් පොලිසිය කීය. දැරිය කළුතර ශීක්ෂණ රෝහලට ඇතුලත් කිරීමට නියමිත බවද සදහන් වේ. සැකකරු පානදුර මහේස්ත්‍රාත් අධ්කරණයට ඉදිරිපත් කිරීමට නියමිතව තිබූණි . ස්ථානාධිපති පොලිස් පරීක්ෂක කැළුම් සිල්වා මහතාගේ උපදෙස් පරිදි ළමා…

2030 වන විට “සැමට ඉංග්‍රීසි” වැඩසටහන මෙරට සියලු පාසල්වල ක්‍රියාත්මක කරන බව ජනාධිපති රනිල් වික්‍රමසිංහ මහතා පැවසීය. භාෂා දැනුම සිංහල සහ දෙමළ භාෂාවන්ට පමණක් සීමා කළ නොහැකි බවත් අනෙකුත් භාෂා දැනුමද සිසු පරපුරට ලබාදිය යුතු බවත් ජනාධිපතිවරයා කීය. එසේම විශ්ව විද්‍යාල සිසුන්ට ද ඉංග්‍රීසි දැනුම ලබාදීමට අවශ්‍ය වැඩපිළිවෙළ සකසන බව ද ජනාධිපතිවරයා සඳහන් කළේය. ජනාධිපති රනිල් වික්‍රමසිංහ මහතා මේ බව සඳහන් කළේ ඩී.එස්. සේනානායක විද්‍යාලයේ නිර්මාතෘ අධ්‍යාපනඥ ආර්.අයි.ටී. අලස් මහතාගේ 10 වන ගුණසමරු උත්සවයට එක් වෙමිනි. ඊයේ (16) පස්වරුවේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී මෙම උත්සවය පැවැත්විණි. ආර්.අයි.ටී. අලස් මහතාගේ 10 වන ගුණ සමරුව නිමිත්තෙන් “මගේ මංපෙත” ස්වයං චරිතාපදානය…

කොළඹ සිට අවිස්සාවේල්ල දක්වා ධාවනය වු ලංගම බස් රථයක ගමන් ගත් මගියකු හදිසියේ රෝගී වීම නිසාවෙන් කොස්ගම සාලාව රෝහල වෙත එම රෝගීයා ගෙනැවිත් භාර දීමට එම ලංගම බස් රථයේ රියදුරු සහ කොන්දොස්තර මහත්වරු ඊයේ දහවල් කටයුතු කළහ. බස් රථයෙහි රියදුරු ලෙස කටයුතු කළ යටියන්තොට වයි.ජී.එල්.එස්.කුමාර මහතා සහ කොන්දොස්තර ලෙස කටයුතු කල රුවන්වැල්ල ප්‍රදේශයේ පදිංචිකරුවකු වන සිසිර කුමාර යන දෙදෙනා විසින් රෝගී වූ මගියා මෙලෙස සාලාව රෝහලට භාර දීමට කටයුතු කර ඇත. සිද්ධිය පිළිබදව අදහස් දැක් වූ අදාල බස් රථයෙහි කොන්දොස්තර ලෙස කටයුතු කල සිසිර කුමාර මහතා මෙසේ කීය. අපි කොළඹ ඉදල අවිස්සාවේල්ල යන්න ආවේ. බස් රථයේ ආසන ගාණටම වගේ මගීන්…

ශ්‍රී ලංකා ක්‍රිකට් අතුරු කමිටිව පත් කරමින් නිකුත් කර ඇති ගැසට් නිවේදනය මෙම මස 20 වැනි දා තෙක් ක්‍රියාත්මක නොකරන බව ට ක්‍රීඩා අමාත්‍ය රොෂාන් රණසිංහ මහතා අභියාචනාධිකරණයට පොරොන්දු විය. ක්‍රීඩා අමාත්‍යවරයා වෙනුවෙන් පෙනී සිටි ජනාධිපති නීතිඥ උදිත ඉගල හේවා මහතා මෙසේ පොරොන්දු වූයේ අදාල ගැසට් නිවේදනයට එරෙහිවව ගොනුක තිබූ රිට් පෙත්සම අභියාචනාධිකරණයේදී කැඳවූ අවස්ථාවේදීය.