Subscribe to Updates
Get the latest creative news from FooBar about art, design and business.
Author: LANKA24X7
බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්වලත් විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි. බස්නාහිර සහ සබරගමුව පළාත්වලත් පුත්තලම, ගාල්ල සහ මාතර දිස්ත්රික්වලත් ඇතැම් ස්ථානවලට මිලිමීටර 50ක පමණ තරමක් තද වැසි ද ඇති විය හැකිය. අනුරාධපුර සහ මන්නාරම දිස්ත්රික්වල වැසි ස්වල්පයක් ඇති විය හැකි බව වාර්තා වේ. මඩකලපුව සහ අම්පාර දිස්ත්රික්වල සවස් කාලයේ දී හෝ රාත්රී කාලයේ දී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව සඳහන්ය. මධ්යම කඳුකරයේ බටහිර බෑවුම් ප්රදේශවලත් උතුරු, උතුරු-මැද සහ වයඹ පළාත්වලත්, ත්රිකුණාමලය සහ හම්බන්තොට දිස්ත්රික්වලත් විටින් විට හමන…
සෞඛ්ය අමාත්ය කෙහෙළිය රඹුක්වැල්ල මහතාට එරෙහි ව විපක්ෂය ඉදිරිපත් කළ විශ්වාසභංග යෝජනාව මීට වැඩි ඡන්ද 40කින් පරාජයට පත් විය. යෝජනාවට විරුද්ධ ව ඡන්ද 113ක් හිමි වූ අතර, විශ්වාසභංග යෝජනාවට පක්ෂ ව හිමි වූයේ ඡන්ද 73ක් පමණි. සමගි ජන බලවේගය, ජාතික ජන බලවේගය, දෙමළ ජාතික සන්ධානය ඇතුළු විපක්ෂයේ මන්ත්රීවරු යෝජනාවට පක්ෂ ව ඡන්දය ලබා දුන්හ.
“G77 කණ්ඩායම සහ චීනය” රාජ්ය නායක සමුළුව ඇමතීම සඳහා ජනාධිපති රනිල් වික්රමසිංහ මහතා ඉදිරි සතියේ දී කියුබාව බලා පිටත්ව යාමට නියමිතය. “වත්මන් සංවර්ධන අභියෝග හමුවේ විද්යාව, තාක්ෂණය සහ නවෝත්පාදනයේ කාර්යභාරය” මැයෙන් “G77 සහ චීනය” රාජ්ය නායක සමුළුව 2023 සැප්තැම්බර් 15 සහ 16 දෙදින කියුබාවේ හවානා නුවර දී පැවැත්වේ. “G77 සහ චීනය” රාජ්ය නායක සමුළුවේ වත්මන් සභාපති, කියුබානු ජනාධිපති මිගායෙල් ඩියෙස් කැනල් (Miguel Diaz-Canel) මහතාගේ නිල ආරාධනයක් අනුව ජනාධිපති රනිල් වික්රමසිංහ මහතා ඊට සහභාගී වෙයි. මෙම රාජ්ය නායක සමුළුවට සමගාමීව ශ්රී ලංකාව සහ කියුබාව අතර ද්වීපාර්ශ්වික සහයෝගීතාව තවදුරටත් වර්ධනය කරගැනීමේ අරමුණින් ජනාධිපති රනිල් වික්රමසිංහ මහතා සහ කියුබානු ජනාධිපතිවරයා අතර ද්විපාර්ශ්වික සාකච්ඡා…
පාර්ලිමේන්තු මන්ත්රී දයාසිරි ජයසේකර මහතා ශ්රී ලංකා නිදහස් පක්ෂයේ මහ ලේකම් ධුරයෙන් ඉවත් කිරීමට විරෝධය පළ කරමින් පක්ෂ සභාපති හිටපු ජනාධිපති මෛත්රීපාල සිරිසේන මහතාට ලබා දීම සඳහා නිදහස ජනතා සන්ධානයේ මන්ත්රීවරු ඊයේ (7) ලිපියකට අත්සන් තැබූහ. හෙලිකොප්ටරය ලකුණින් පළාත් පාලන මැතිවරණය සඳහා නාමයෝජනා ලබාදුන් නිදහස ජනතා සන්ධානයේ විධායක කමිටු රැස්වීමක් බත්තරමුල්ල වෝටර්ස් ඒජ් හෝටලයේ දී පැවැත්වුණු අතර එහිදී මෙම ලිපියට අත්සන් තබා තිබේ. ශ්රී ලංකා නිදහස් පක්ෂයේ හිටපු මහලේකම් දයාසිරි ජයසේකර මහතාටද මෙම රැස්වීමට ආරාධනා කර තිබිණි. මෙම රැස්වීම සඳහා තිලංග සුමතිපාල පාර්ලිමේන්තු මන්ත්රීවරුන් වන මහචාර්ය ජී.එල් පීරිස්, විමල් වීරවංශ, උදය ගම්මන්පිල,මහාචාර්ය චරිත හේරත්,වීරසුමන වීරසිංහ මහත්වරු ද අතුරලියේ රතන හිමි…
නව දුෂණ විරෝධි පනත මේ මස 15 වනදා සිට ක්රියාත්මක කරන බව අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය විජයදාස රාජපක්ෂ මහතා පවසයි. ඒ සඳහා අදාළ ගැසට් පත්රය ද ඉදිරියේ දී පළ කිරීමට නියමිත බව ඔහු අවධාරණය කරයි. නව දූෂණ විරෝධී පනත සම්බන්ධයෙන් ජනතාව දැනුම්වත් කිරීම සඳහා අධිකරණ අමාත්යාංශයේ අද (07) පැවති මාධ්ය හමුවකට එක්වෙමින් අධිකරණ අමාත්යවරයා මෙම අදහස් පළ කළේය. එහි දී අදහස් දක්වමින් අමාත්යවරයා පැවසුවේ, දැනට පවතින අල්ලස් නීතිය ක්රියාත්මක වූයේ රාජ්ය අංශයට හා දේශපාලඥයන්ට පමණක් බවත් නව පනත තුළින් පෞද්ගලික අංශයේ දූෂණ සම්බන්ධයෙන් ද විමර්ශන සිදු කිරීමේ හැකියාව පවතින බවත්ය. එමෙන්ම දැනට පවතින අල්ලස් හෝ දුෂණ…
බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් අද (08) දිනයේ විටින්විට වැසි හෝ ගිගුරුම් සහිත වැසි ඇතිවිය හැකිය. බස්නාහිර සහ සබරගමුව පළාත්වලත් පුත්තලම, ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර 50 ට වැඩි තරමක් තද වැසිද ඇති වෙයි. අනුරාධපුර සහ හම්බන්තොට දිස්ත්රික්කවල වැසි වාර කිහිපයක් ද ඇතිවිය හැකි බව කාලගුණ නිවේදනයේ දැක්වෙයි. ඌව පළාතේත් මඩකලපුව සහ අම්පාර දිස්ත්රික්කවලත් සවස් කාලයේදී හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති වෙයි. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කරගැනීමට අවශ්ය පියවරගන්නා ලෙස ජනතාවගෙන් ඉල්ලීමක් ද කරයි. මධ්යම…
මාලි රාජ්යයේ ගංඟාවක යාත්රා කරමින් තිබූ බෝට්ටුවක ගමන් කරමින් සිටි පිරිසකට එල්ලවු ත්රස්ත ප්රහාරයකින් සිවිල් වැසියන් 49 දෙනෙකු මියගොස් තිබේ. එරට අන්තර්වාර රජය ප්රකාශ කළේ, ඉස්ලාමීය සටන්කාමීන් විසින් ප්රහාරය එල්ලකර ඇති බවය. එමෙන්ම හමුදා කඳවුරකට එල්ලවු ප්රහාරයකින් ද හමුදා නිළධාරීන් 15 දෙනෙකු මියගොස් තිබේ. එම ප්රහාරය අතරතුර සටන්කාමීන් 50 දෙනෙකු පමණ මියගොස් ඇති බවද විදෙස් වාර්තා සඳහන් කරයි. මේ අතර මාලි රාජ්යයේ දින 03ක ශෝක කාලයක් ප්රකාශයට පත්කර තිබේ. 2020 වසරේ සිට එම රාජ්යය හමුදා පාලනයක් යටතේ ක්රියාත්මකය.
හෙට (09) සිට ආසියානු කුසලානයේ ක්රිකට් තරග පැවැත්වෙන දිනයන්වලදී කොළඹ ආර්. ප්රේමදාස ක්රීඩාංගණය අවට මාර්ගවල විශේෂ රථවාහන සැලැස්මක් ක්රියාත්මක කිරීමට පොලීසිය පියවර ගෙන තිබේ. ඒ සම්බන්ධයෙන් අද දිනයේ දීර්ඝ පැහැදිලි කිරීමක් සිදුකිරීමට නියමිත බව පොලීසිය පවසයි. 2023 ආසියානු කුසලාන ක්රිකට් තරගාවලියේ අවසන් තරග හෙට 09, 10, 12, 14, 15 සහ අවසන් මහා තරගය 17 වනදා කොළඹ ආර් ප්රේමදාස ක්රීඩාංගණයේදී පැවැත්වීමට නියමිතය.
නිවසක් තුළ කැපුම් තුවාල සහිතව පුද්ගලයෙකු මියගොස් සිටියදී හමුවී තිබේ. සිද්ධිය වාර්තා වන්නේ වැල්ලවාය පොලිස් වසමේ ගංපංගුව ප්රදේශයෙනි. ඒ පිළිබඳව වැල්ලවාය පොලිස් ස්ථානයට 118 අංකය ඔස්සේ ලද පණිවුඩයක් මත විමර්ශන ආරම්භ කර ඇත. මියගොස් ඇත්තේ අවුරුදු 33ක් වන ගංපංගුව ප්රදේශයේ පදිංචිකරුවෙකි. මියගොස් ඇති පුද්ගලයා තම මව සහ වැඩිමහල් සහෝදර සහෝදරියන් සමග නිවසේ වාසය කර ඇති අතර නිවසේ කිසිවෙකුත් නොමැති අවස්ථාවක මෙම ඝාතනය සිදුවී ඇත. මරණකරු මත්පැන් පානයට ඇබ්බැහිවූ අයෙකු වන අතර නිවැසියන් සහ අසල්වැසියන් සමග නිතර ආරවුල් ඇති කරගන්නා අයෙකු බවද විමර්ශනවලදී අනාවරණය වී තිබේ. ඝාතනය සම්බන්ධව සැකකරුවන් අත්අඩංගුවට ගැනීම සඳහා වැල්ලවාය පොලීසිය වැඩිදුර විමර්ශන සිදුකරයි.
ශ්රී ලංකාවේ නිල සංචිත වත්කම් ප්රමාණය සුළු වශයෙන් අඩුවී ඇති බව මහ බැංකුව පවසයි. මහ බැංකුව පෙන්වා දෙන පරිදි මෙරට නිල සංචිත වත්කම් 2023 ජුලි මාසයේදී ඩොලර් මිලියන 3,765 සිට 2023 අගෝස්තු මාසයේදී ඩොලර් මිලියන 3,598ක් දක්වා 4.4%කින් අඩුවී ඇත. චීන මහජන බැංකුවේ හුවමාරු පහසුකම යටතේ සපයා ඇති ඩොලර් බිලියන 1.4ක මූල්ය පහසුකමද ඊට ඇතුළත් වෙයි.