Author: LANKA24X7

සෞඛ්‍ය, අධ්‍යාපන, තැපැල් , වාරිමාර්ග ජනාධිපති ලේකම් කාර්යාලය ඇතුළු රාජ්‍ය ආයතන රැසක වාහන 4000ක පමණ ප්‍රමාණයක් පසුගිය කාලයේදී අතුරුදන්ව හෝ අස්ථානගතවී ඇති බවට තොරතුරු අනාවරණයවී ඇති බැවින් ජාතික විගණන කාර්යාලය සියලුම රජයේ ආයතන ආවරණය වන පරිදි විශේෂ විගණනයක් ඊයේ(27) ආරම්භ කළේය. මෙම විගණනයෙන් පසු අතුරුදන් හෝ අස්ථානගත රජයේ වාහන සම්බන්ධයෙන් සම්පූර්ණ වාර්තාවක් පාර්ලිමේන්තුවට ඉදිරිපත් කිරීමට කටයුතු කරන බව රජයේ විගණකාධිපති ඩබ්ලිව්.පී.සී වික්‍රමරත්න මහතා ලංකාදීපයට පැවසීය. කොළඹ ගාලු මුවදොර පිටියේ දමා ගොස් තිබූ සුඛෝපභෝගී වාහන 110 සම්බන්ධයෙන් තොරතුරු සොයා බැලීම සඳහාද විශේෂ විගණන කණ්ඩායමක් එහි පිටත් කර යැවූ බවද ඔහු සඳහන් කළේය. මෝටර් රථ ප්‍රවාහන කොමසාරිස් දෙපාර්තමේන්තුව සමග එක්ව එම විමර්ශනය…

පසුගිය ජනාධිපතිවරණයේදී ශ්‍රී ලංකා පොදුජන පෙරමුණ හැරදා හිටපු ජනාධිපති රනිල් වික්‍රමසිංහ සමග එක්වූ පළාත්සභා සහ පළාත් පාලන ආයතන නියෝජිතයින්ට නැවතත් ශ්‍රී ලංකා පොදුජන පෙරමුණ සමග එකතුවීමට ආරාධනා කරන බව ශ්‍රීලංකා පොදුජන පෙරමුණේ ජාතික සංවිධායක නාමල් රාජපක්ෂ පවසයි.ඉදිරි මහ මැතිවරණය සදහා පක්ෂය ප්‍රතිසංවිධානය කරන බවත් දක්ෂ තරුණ තරුණයින්ට වැඩි අවස්ථාවන් ලබාදීමට කටයුතු කරන බවත් නාමල් රාජපක්ෂ පැවසීය.

හිටපු අගමැති දිනේෂ් ගුණවර්ධන මහතා ඇතුළු ශ්‍රී ලංකා පොදු ජන පෙරමුණ පක්ෂයෙන් ඉවත්ව හිටපු ජනාධිපති රනිල් වික්‍රමසිංහ මහතාට ජනාධිපතිවරණයේ දී සහාය දැක්වූ කණ්ඩායම දිලිත් ජයවීර මහතාගේ මවුබිම ජනතා පක්ෂය සමග සාකච්ඡා ආරම්භ කර ඇත.මේ සම්බන්ධයෙන් හිටපු අමාත්‍ය ප්‍රසන්න රණතුංග මහතා සදහන් කළේ තම කණ්ඩායම ඉදිරි පාර්ලිමේන්තු මැතිවරණය සඳහා ඉදිරිපත් වන ආකාරය ගැන සාකච්ඡා කිරීමට දිලිත් ජයවීර මහතා හමුවන බවය.මේ වන විට හිටපු අමාත්‍යවරයෙකු වන දිලුම් අමුණුගම මහතා මවුබිම ජනතා පක්ෂය සමග එක්වී ඇත.ඔහුට එහි ජාතික සංවිධායක ධුරය ද පිරිනමා ඇත.එම පක්ෂය සමග විමල් වීරවංශ සහ උදය ගම්මන්පිල යන හිටපු පාර්ලිමේන්තු මන්ත්‍රීවරුද එක්ව සිටිති.

හිටපු අමාත්‍යවරයෙකු වන කුමාර වෙල්ගම මහතා අභාවප්‍රාප්ත වී ඇත.පෞද්ගලික රෝහලක් ප්‍රතිකාර ලබමින් සිටියදී ඒ මහතා මිය ගොස් තිබේ.මියයන විට 74 වැනි වියේ පසු විය.

තානාපති කාර්යාල හා සම්බන්ධ විදෙස් සේවයට ලබාදී ඇති සියලු දේශපාලන පත්කිරීම් වහාම අවලංගු කර ඔවුන් මෙරටට ආපසු කැඳවීමට ජනාධිපති අනුර කුමාර දිසානායක මහතා තීරණය කර ඇතැයි වාර්තා වේ. මෙම දේශපාලන පත්කිරීම් අතුරින් බොහෝමයක් හිටපු මැති ඇමැතිවරුන්ගේ ඥාතීන් හා හිතවතුන් වන අතර ඔවුන් කිසිදු රාජ්‍ය තාන්ත්‍රික දැනුමක් හෝ පළපුරුද්දක් සහිත අය නොවන බව අනාවරණය වී ඇත. එසේම එවැනි පත්කිරීම් විදෙස් තානාපති කාර්යාලවලට කිසිදු ප්‍රයෝජනයක් නොවන බව ජ්‍යෙෂ්ඨ රාජ්‍ය තාන්ත්‍රික නිලධාරීන් රජයට පෙන්වා දී ඇත. ඒ අනුව ඉදිරි දින කිහිපයේදී මෙම දේශපාලන හිතවත්කම් හා ඥාති සම්බන්ධතා මත සිදුකළ ඇති සියලු විදෙස් සේවයේ නිරත පුද්ගලයන් මෙරටට කැඳවීමට නියමිතය.

විද්‍යුත් ගමන් බලපත්‍ර මිලියන පහක් සැපයීම සඳහා වන මූලික ප්‍රසම්පාදනයේ කොටසක් ලෙස සමාගම් දෙකකින් එන්.සීරිස් (N-Series) විද්‍යුත් විදේශ ගමන් බලපත්‍ර හත්ලක්ෂ පනස් දහසක් (750,000) මිලදී ගැනීමට ලබාදුන් කැබිනට් තීරණය ක්‍රියාත්මක කිරීම අත්හිටුවමින් අභියාචනාධිකරණ අතුරු තහනම් නියෝගයක් නිකුත් කළේය. එකී කැබිනට් තීරණය මෙරටේ පිළිගත් ටෙන්ඩර් පටිපාටිය උල්ලංඝනය කරන දූෂිත ගනුදෙනුවක් බව කියමින් එනික් ලංකා පුද්ගලික සමාගමේ සහ එහි විධායක සභාපතිවරයා ගොනු කර තිබූ පෙත්සමක් සලකා බැලූ අභියාචනාධිකරණ විනිසුරු මොහොමඩ් ලෆාර් මහතා ලබන ඔක්තෝබර් මස පළමු වැනිදා දක්වා බල පැවැත්වෙන පරිදි එම අතුරු තහනම් නියෝගය නිකුත් කළේය. මහජන ආරක්ෂක අමාත්‍යවරයා ලෙස කටයුතු කළ ටිරාන් අලස්, ආගමන විගමන පාලකවරයා හිටපු කැබිනට් මණ්ඩලය ඇතුළු…

වැඩ බලන පොලිස්පති ලෙස ජ්‍යෙෂ්ඨ නියෝජ්‍ය පොලිස්පති ප්‍රියන්ත වීරසූරිය මහතා පත්කර ඇතැයි පොලිස් මාධ්‍ය ප්‍රකාශක කාර්යාලය පවසයි.1988 වසරේදී පොලිස් විශේෂ කාර්ය බලකායේ කොස්තාපල්වරයෙකු ලෙස සේවයට බැදී ඇති ඒ මහතා 1992 වසරේදී උප පොලිස් පරීක්ෂකවරයෙකු ලෙස උසස්වීම් ලබා ඇත.කොළඹ විශ්ව විද්‍යාලයේ නීතිවේදී උපාධිධාරියෙකු ලෙසද ශ්‍රී ලංකා නීති විද්‍යාලයේ නීතීඥවරයෙකු ලෙසද දිවුරුම්දීමෙන් පසු සහකාර පොලිස් අධිකාරී තනතුර සඳහා උසස්වීම් ලබා ඇත.

බස්නාහිර පළාත් සභාවේ හිටපු මන්ත්‍රීවරයකුවූ බාප්පා විසින් ලබා දුන් බව කියන ටී පනස් හය ගිනි අවියක් විශ්‍රාමික ආබාධිත යුද හමුදා සෙබලෙකු සතුව තිබී අත් අඩංගුවට ගෙන ඇතැයි නූංගමුව පොලිසිය කියයි . ඊයේ( 26) මධ්‍යම රාත්‍රියේ දී නුංගමුව පොලිස් වසමේ දෙල්ගහමැඩිල්ල, ප්‍රදේශයේ සිදු කළ සෝදිසි මෙහෙයුමක දී මෙම සැකකරු හා ගිනි අවිය අත්අඩංගුවට ගැනීමට හැකි වී ඇත. විශ්‍රාමික ආබාධිත හමුදා නිලධාරියකු සතුව ගිනි අවියක් ඇති බවට ගම්පහ කොට්ඨාස අපරාධ විමර්ශණ අංශයේ නිලධාරින්ට ලැබුණු වැඩ තොරතුරක් මත මෙම වැටලීම සිදු කර ඇත . අත්අඩංගුවට ගත් සැකකරු යුද හමුදාවේ සේවය කරමින් සිට පාදයකට චෙඩි වැදීම හේතුවෙන් ආඛාධිත සෙබලෙකු ලෙස 1993 වර්ෂයේ දී සේවයෙන්…

ශ්‍රී ලංකා පොදු ජන පෙරමුණේ දිනේෂ් කණ්ඩායම ඉදිරි මහ මැතිවරණය වෙනුවෙන් ව්‍යවසායක දිලිත් ජයවීර මහතාගේ නායකත්වයෙන් යුතු මව්බිම ජනතා පක්ෂය සමග සන්ධානගත වීමට සාකච්ඡා අරඹා ඇත. මේ සම්බන්ධයෙන් හිටපු අමාත්‍ය ප්‍රසන්න රණතුංග මහතාගෙන් කළ විමසුමකදී ඔහු පැවැසුවේ ඒ සම්බන්ධයෙන් සාකච්ඡාවක් පසුගියදා කළ බවයි. ශ්‍රී ලංකා පොදු ජන පෙරමුණේ හිටපු පාර්ලිමේන්තු මන්ත්‍රීවරයකු වන දිලුම් අමුණුගම මහතා ද මව්බිම ජනතා පක්ෂය සමග අද එක් විය. ඔහුට එම පක්ෂයේ ජාතික සංවිධායක ධුරය ද අනතුරුව පිරිනමා ඇත. හිටපු ජනාධිපති රනිල් වික්‍රමසිංහ මහතාට පසුගිය ජනපතිවරණයේදී සහාය දීමට ඉදිරිපත්වූ ශ්‍රී ලංකා පොදු ජන පෙරමුණේ පාර්ලිමේන්තු මන්ත්‍රීවරුන් හිටපු අගමැති දිනේෂ් ගුණවර්ධන මහතාගේ සභාපතිත්වයෙන් පොදු ජන එක්සත් නිදහස්…

ඉන්දියාවේ බිහාර් ප්‍රාන්තයේ හින්දු ආගමික උත්සවයක් අතරතුරේ ඊට සහභාගී වූ 46 දෙනකු ජීවිතක්ෂයට පත්වුණු බවත්, එම 46 දෙනාගෙන් 37 දෙනකු කාන්තාවන් සහ කුඩා දරුවන් බවත් පැවැසෙයි. මරණ වාර්තා වන්නේ, ඉන්දියාවේ වාර්ෂිකව, තෙදිනක් තිස්සේ පැවැත්වෙන ‘ජීවිත්පූත්‍රිකා’ හින්දු ආගමික උත්සවයේදීය. මෙය ඉන්දියාවේ ප්‍රධාන හින්දු ආගමික උත්සවයක් වන අතර, කුඩා දරුවන්ටත්, ඔවුන්ගේ මවුවරුන්ටත් ආශිර්වාද කිරීම සිදුවෙයි. ඒ ගංගාවල ස්නානය කිරීමෙනි. මවුවරුන් ආගමික උත්සවයට සහභාගී වන්නේ උපවාස කරමිනි. දිස්ත්‍රික්ක රැසකින් හින්දු බැතිමත්හු මෙම ආගමික උත්සවයට සහභාගී වෙති. ඉන්දීය මාධ්‍ය වාර්තා කළේ දියේ ගිලී මියගිය පිරිස අතර දිස්ත්‍රික්ක 15 කින් ආ බැතිමතුන් සිටින බවය. පසුගිය කාලයේ නොකඩවා ඇද හැලුණු මහ වැසි හේතුවෙන් ගංගා සියල්ල පිටාර…