Author: LANKA24X7

යුක්තිය මෙහෙයුමේදී ගෙවුණු පැය 24 තුළදී මත්ද්‍රව්‍ය සම්බන්ධව සැකකරුවන් 1422 දෙනෙකු අත්අඩංගුවට ගෙන ඇති අතර, ඉන් සැකකරුවන් 35 ක් සම්බන්ධයෙන් රැඳවුම් නියෝග මත විමර්ශන සිදුකරයි. එමෙන්ම පොලිස් මත්ද්‍රව්‍ය නාශක කාර්යාංශය සහ විශේෂ කාර්යාංශය ලේඛනගත කර සිටි සැකකරුවන් 73 දෙනෙකු ද ඊයේ සිදුකළ මෙහෙයුම්වලදී අත්අඩංගුවට ගෙන තිබේ. යුක්තිය මෙහෙයුමට සමගාමීව පානදුර හිරණ පාලම අසළ ප්‍රදේශයේ සිදුකළ වැටලීමකදී හඳුනා නොගත් මත් කරල් තොගයක් හා ජාවාරමෙන් උපයාගත් මුදල් සමග මත්ද්‍රව්‍ය ජාවාරම්කරුවෙක් වන ‘සින්නා’ නමැත්තා හිරණ පොලිසිය මගින් අත්අඩංගුවට ගෙන තිබේ. සැකකරු සන්තකයේ තිබී මත්කරල් 400 ක් හා ජාවාරමෙන් උපයා ගත් බවට සැක කරන රුපියල් 60,000ක මුදලක් පොලිස් භාරයට ගෙන තිබුණි. සැකකරුගෙන් සිදුකළ ප්‍රශ්නකිරීම්වලදී…

ගම්පහ මහ රෝහලේ දී මියගිය කාන්තාවකට කොවිඩ් 19 වෛරසය ආසාදනය වී ඇති බවට හඳුනාගෙන තිබේ. රෝගාබාධ කිහිපයකින් පෙළෙමින් සිට ඇති අදාළ කාන්තාව ශ්වසන රෝග තත්ත්වයක් හේතුවෙන් පසුගියදා ගම්පහ රෝහලට ඇතුළත් කර තිබුණි. කෙසේවෙතත් එහිදී ඇය අසාධ්‍ය තත්ත්වයට පත්වීම හේතුවෙන් දැඩි සත්කාර ඒකකයට ඇතුළත් කිරීමට සිදුව ඇති අතර ඊට පෙර සිදුකළ පී.සී.ආර් පරීක්ෂණයක දී ඇයට කොවිඩ් 19 වෛරසය ආසාදනය වී ඇති බවට හඳුනාගෙන තිබේ. රෝහල් ප්‍රකාශකයෙකු පැවසුවේ එම ඒකකයේ ප්‍රතිකාර ලබමින් සිටි අදාළ කාන්තාව පසුව මියගොස් ඇති බවය. මෙලෙස මියගොස් ඇත්තේ වයස අවුරුදු 65ක පමණ කාන්තාවක් වන අතර ඇය සමග රෝහල් ගතකළ ඇයගේ ඥාති කාන්තාවකට ද කොවිඩ් වෛරසය ආසාදනය වී ඇති…

ප්‍රමිතියෙන් තොර ප්‍රතිදේහ එන්නත් සැපයීම සම්බන්ධයෙන් රක්ෂිත බන්ධනාගාරගතකර සිටින අදාළ සමාගමේ හිමිකරුගෙන් අපරාධ පරීක්ෂණ දෙපාර්තමේන්තුව ඊයේ (28) යළි පැය තුනහමාරකට ආසන්න කාලයක් ප්‍රකාශ සටහන් කරගෙන තිබේ. ඒ ප්‍රශ්නගත සිදුවීම් මාලාව සම්බන්ධයෙන් සැකකරුගෙන් යළි ප්‍රකාශ සටහන් කරගන්නා ලෙස මාලිගාකන්ද මහේස්ත්‍රාත් අධිකරණය ඊයේ ලබාදුන් නියෝගයට අනුවය. ව්‍යාජ ලේඛන සකස් කරමින් ප්‍රමිතියෙන් තොර හියුමන් ඉමියුනොග්ලොබියුලින් එන්නත් මාත්‍රා සැපයීම සහ ඒවා මිලදීගෙන මෙරට රෝහල් පද්ධතිය තුළ බෙදාහැරීම සම්බන්ධයෙන් වූ නීති කෘත්‍යය ඊයේ යළි මාලිගාකන්ද මහේස්ත්‍රාත් අධිකරණයේදී කැඳවනු ලැබීය. එහිදී නඩුවේ පළමු සැකකරු වන ප්‍රශ්නගත ප්‍රමිතියෙන් තොර එන්නත් මාත්‍රා සැපයූ සමාගමේ හිමිකරු වෙනුවෙන් පෙනී සිටි නීතිඥවරයා අධිකරණය ඉදිරියේ කියා සිටියේ අදාළ එන්නත් සැපයීමේ සිදුවීම් මාලාවට…

යුක්තිය මෙහෙයුම අතරතුරදී අත්අඩංගුවට පත්වූ මත්ද්‍රව්‍ය ජාවාරම්කාර කුඩු රොෂාන් නමැත්තාගේ රුපියල් කෝටි හතරකට අධික දේපොළ පොලිස් භාරයට ගෙන තිබේ. ප්‍රබල මත්ද්‍රව්‍ය ජාවාරම්කරුවෙකු වන කුඩු රොෂාන් ඇතුළු පිරිසක් වරකාපොල ප්‍රදේශයේ හෝටලයක නවාතැන් ගෙන සිටියදී ඊයේ පොලිස් අත්අඩංගුවට ගත්තේය. ඔවුන් නුවරඑළියේ සිට කොළඹ බලා පැමිණෙමින් සිටියදී යුක්තිය මෙහෙයුම නැවත ආරම්භ කර ඇතැයි දැනගැනීමෙන් පසුව වරකාපොල හෝටලයක නැවතී සිට ඇති අතර ලැබුණු තොරතුරු මත පොලිසිය එම ස්ථානය වටලා තිබේ. එහිදී එම පිරිස සමග සුඛෝපභෝගී වෑන් රථයක් සහ මෝටර් රථයක් පොලිස් භාරයට ගැනුණි. ඉන්පසු සිදුකළ දීර්ඝ විමර්ශනයේ ප්‍රතිඵලයක් ලෙස කුඩු රොෂාන් නැමැත්තාට අයත් රුපියල් කෝටි 4කට අධික දේපළ පොලිසිය විසින් අද සිය භාරයට ගනු…

අද (29) දිනයේ නැගෙනහිර සහ ඌව පළාත්වල විටින්විට වැසි හෝ ගිගුරුම් සහිත වැසි ඇතිවිය හැකිය. කාලගුණ විද්‍යා දෙපාර්තමේන්තුව පවසන්නේ උතුරු, උතුරු-මැද පළාත්වලත් මාතලේ, නුවරඑළිය සහ හම්බන්තොට දිස්ත්‍රික්කවලත් වැසි වාර කිහිපයක් ඇතිවෙන බවය. අම්පාර සහ මඩකළපුව දිස්ත්‍රික්කවල ඇතැම් ස්ථානවලට මි.මී. 50 ට වැඩි තරමක තද වැසි ඇති වෙයි. දිවයිනේ සෙසු ප්‍රදේශවල සවස 2.00 න් පමණ පසු තැනින්තැන වැසි හෝ ගිගුරුම් සහිත වැසි ඇති විය හැකිය. මධ්‍යම කඳුකරයේ නැගෙනහිර බැවුම් ප්‍රදේශවලත් උතුරු, උතුරු-මැද, වයඹ, නැගෙනහිර, ඌව සහ දකුණු පළාත්වලත් විටින්විට හමන පැ.කි.මී. (30-40) පමණ තරමක තද සුළං ද ඇති වෙයි. මධ්‍යම, සබරගමුව සහ බස්නාහිර පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල උදෑසන…

උඩවලව වන රක්ෂිතය තුළ මහා පරිමාණයෙන් පවත්වාගන යනු ලබන ගංජා වගාවක් සම්බන්ධයෙන් යුද්ධ හමුදා බුද්ධි අංශය වෙත ලද තොරතුරකට අනුව ඊයේ (27) දින යුද්ධ හමුදා බුද්ධි අංශය හා මාතර අපරාධ කොට්ඨාශ පොලිස් නිලධාරීන් විසින් සිදුකරන ලද ඒකාබද්ධ වැටලීමකින් අනතුරුව උඩවලව රක්‍ෂිතයේ වෙහෙරගොල්ල වන රක්‍ෂිතය තුළ වගාකරන ලද අක්කර 06ක පමණ වපසරියකින් යුත් මහා පරිමාණ ගංජා වගාවක් අත්අඩංගුවට ගෙන ඇති ඇති බවට වාර්තාවේ. එහි අඩි 6ක පමණ උසින් යුත් ගංජා පැල ලක්ෂ දෙකකට අධික ප්‍රමාණයක් තිබී ඇති අතර, සැකකරුවන් අත්අඩංගුවට ගැනීම සඳහා විමර්ශන කටයුතු සිදුකරමින් පවතින බව පොලිස් ආරංචි මාර්ග සදහන් කර ඇති බවට වාර්තාවේ.

ගල්කිස්ස පොලිස් වසමේ රත්මලාන ප්‍රදේශයේ පිහිටි දුම්රිය දෙපාර්තමේන්තුවට අයත් කර්මාන්ත ශාලාවක දේපළ සොරකම් කළ තිදෙනෙකුට වෙඩි තැබීමක් සිදුකර තිබේ. ඊයේ (26) දින උදෑසන අදාළ සැකකරුවන් තිදෙනා දේපළ සොරාගැනීමට උත්සාහ දැරීමේ දී දුම්රිය ආරක්ෂක නිලධාරියෙකු විසින් එය නැවැත්වීමට යාමේදී ඔහුට සැකකරුවන් විසින් තියුණු ආයුධයකින් පහරදීමට තැත්කර ඇත. එහිදී දුම්රිය ආරක්ෂක නිලධාරියා විසින් සැකකරුවන් දෙසට වෙඩිතැබීමක් සිදුකර තිබේ. එම වෙඩිතැබීමේ දී එක් සැකකරුවෙක් තුවාල ලබා ඇති අතර, අනෙක් සැකකරුවන් දෙදෙනා පළාගොස් ඇත. තුවාල ලබා ඇත්තේ අවුරුදු 51ක් වූ මොරටුව ප්‍රදේශයේ පදිංචිකරුවෙකි. ඔහු මේ වනවිට පොලිස් ආරක්ෂාව යටතේ කළුබෝවිල රෝහලේ ප්‍රතිකාර ලබමින් සිටී. පළාගිය සැකකරුවන් අත්අඩංගුවට ගැනීමට ගල්කිස්ස පොලීසිය වැඩිදුර විමර්ශන සිදුකරයි.

ජාතික සුරක්ෂිත දිනය අදට(26) යෙදී ඇත. ශ්‍රී ලංකාවේ සුනාමි ව්‍යසනය සිදුවී අදට වසර 19කි. මේ අනුව සුනාමි ව්‍යසනයෙන් සහ අනෙකුත් ආපදා හේතුවෙන් මියගිය ජනතාව සිහිපත් කිරීම සඳහා දිවයින පුරා අද (26) පෙරවරු 9.25සිට පෙරවරු 9.27 දක්වා විනාඩි දෙකක නිශ්ශබ්දතාවක් පවත්වන ලෙස ආපදා කළමනාකරණ මධ්‍යස්ථානය ජනතාවගෙන් ඉල්ලා සිටි. ජාතික සුරක්ෂිත දිනය සර්වාගමික වතාවත් වලට මුල් තැන දෙමින් සැමරීමට රජය තීරණය කර ඇත. ප්‍රධාන සැමරුම් උත්සවය පැරැලිය සුනාමි ස්මාරකය අබියසදී ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතාගේ ප්‍රධානත්වයෙන් අද (26) පෙරවරු 8.30 සිට පැවැත්වේ. මෙම උත්සවයට ආරක්ෂක අමාත්‍යාංශයේ ලේකම් ජනරාල්( විශ්‍රාමික) කමල් ගුණරත්න මහතා සහ ත්‍රිවිධ හමුදා ප්‍රධානීහු සහ නිලධාරීහු සහභාගි වෙති.…

රුහුණු කතරගම මහ දේවාලයේ සොමිපාල ටී. රත්නායක ප්‍රධාන කපු මහතා අබිරහස් ලෙස අතුරුදන්ව සිටින බවට ඒ මහතාගේ දියණියන් දෙදෙනකු සහ මුනුපුරකු පෙරේදා (23) පැමිණිලි ඉදිරිපත් කර ඇතැයි කතරගම පොලිසිය පවසයි. තම පියාගේ අතුරුදන්වීමට අඹුසැමි යුවළක් සම්බන්ධ බවට එම පැමිණිලිවල සඳහන් කර ඇතැයිද පොලිස් ආරංචි මාර්ග සඳහන් කළේය. එම අඹුසැමි යුවළ පවුලේ සමීපතමයන් බවද පැමිණිල්ලේ සඳහන් වේ. තම පියා එම දෙදෙනාගේ නිවෙසට ඉකුත් 8 වැනිදා ගිය පසු මෙසේ අතුරුදන්ව සිටින බව ද දරුවන් පොලිසියට ප්‍රකාශ කර ඇත. මෙම අඹුසැමි යුවළගෙන් තම පියා ගැන විමසුවත් ඔවුන් දෙදෙනා ඊට පැහැදිලි පිළිතුරක් දීමට අපොහොසත් වූ බවද ඔවුන් පවසා ඇත. පාතාල ලෝකයේ නායකයකු ලෙස සැලකෙන…

මත්ද්‍රව්‍ය ජලයේ සිටින තෝරු මෝරු අල්ලා ගැනීමේ මෙහෙයුමද ළඟදීම අරඹන බව වැඩ බලන පොලිස්පති දේශපන්දු දෙන්නකෝන් මහතා පැවසීය. මැද ඉන්න මාළු ටික අල්ලගත් පසු තෝරු මෝරු කවුදැයි වෙන්කර හඳුනා ගත හැකි බව පැවසූ වැඩ බලන පොලිස්පතිවරයා තෝරු මෝරුන්ට අත තියෙන දවස වැඩි ඈතක නැතැයිද ප්‍රකාශ කළේය.