Author: LANKA24X7

සමගි ජන බලවේගය විසින් පුළුල් සන්ධානයක් ගොඩනගන්නේ කිසිවකුට ඇමතිකම් තනතුරු ලබා දීමට නොව ඔවුන්ගේ යහපත් ප්‍රතිපත්ති සහ ජනතා සේවය ලබා ගැනීම සඳහා පමනක් යැයි විපක්ෂ නායක සජිත් ප්‍රේමදාස මහතා කොළඹදී පැවසීය. රජයේ හෙංචයියන් කියනවා මෙන් සමගි ජනබලවේගයේ ඔලුගෙඩි සෙල්ලම් නොමැති බවත් තම පක්ෂය සන්ධාන ගත වෙන්නේ මහජන සේවයට පමණක් බවත් – විපක්ෂ නායකවරයා සඳහන් කළේය. රජයට සම්බන්ධ ඇතැම් මාධ්‍ය කණ්ඩායම් මුදල් ලබා ගෙන වැරදි ප්‍රචාර ගෙන යමින් ජනතාව ඇන්දවීමට කටයුතු කරන බවත් කොළඹ විපක්ෂනායක කාර්්‍යාලයේදී මාධ්‍ය හමුවේ අදහස් දක්වමින් ඔහු පැවසීය. සමගි ජන බලවේග රජයක් තුළ කිසිදු ඇමතිවරයකුට සුර සැප විදිය නොහැකි බවත් ඔවුන්ට අතිශය දුෂ්කර ජීවිතයක් ගත කරමින් ජනතාවට…

රාජ්‍ය වාණිජ විවිධ නීතිගත සංස්ථාව සතුව ඉන්දීය බිත්තර කෝටි දෙකකට අධික සංචිතයක් ඇති බව එම සංස්ථාවේ සභාපති ආසිරි වලිසුන්දර මහතා ඊයේ (2) පැවසීය. රාජ්‍ය වාණිජ විවිධ නීතිගත සංස්ථාවේ ගබඩාවල, කොළඹ වරාය තුළ සහ ඉන්දියාවේ සිට මෙරටට ළගා වෙමින් ඇති බිත්තර තොග ලෙස බිත්තර ලක්‍ෂ 70 බැගින් ඇති බවත් අඛණ්ඩව බිත්තර තොග ඇනවුම් කරන බවත් වලිසුන්දර මහතා කීය. සතොසට බිත්තර ලක්‍ෂ 10 බැගින් දෛනිකව නිකුත් කරන බව කී ආසිරි වලිසුන්දර මහතා එම බිත්තර සැපයුම අඛණ්ඩව පවත්වාගෙන යෑමට බලාපොරොත්තු වන බව ද වැඩි දුරටත් කීය.

ජපානයේ ටෝකියෝ නුවර හෙනෙඩා ගුවන් තොටුපොළේ ගුවන් යානා දෙකක් එකිනෙක ගැටීමෙන් මහා අනතුරක් සිදුවිය. අනතුර සිදුවූයේ ගුවන්තොටුපොළට ගොඩබෑමට පැමිණි එයාර් බස් 350 වර්ගයේ මගී ගුවන් යානයක්, ගුවන් පථයේ පිටත් වීමට සූදානම් වූ ජපාන වෙරළාරක්ෂක නිලධාරීන්ට අයත් මගී ගුවන් යානයක ගැටීමෙනි. මගී ගුවන් යානය, රට අභ්‍යන්තර ගුවන් යානයකි. එය හොකයිඩෝ සැපරෝ නුවර සිට හෙනෙඩා ගුවන් තොටුපොළට පැමිණියේ මගීන් සහ කාර්ය මණ්ඩල සාමාජිකයන් 379 දෙනකු සමඟය. මගී ගුවන් යානයේ ගැටීමෙන් වෙරළාරක්ෂක නිලධාරීන්ගේ ගුවන් යානය පිපිරී ගිනි ගත්තේය. මගී ගුවන් යානය ද ගිනි ගත් බව පැවැසෙයි. වෙරළාරක්ෂක නිලධාරීන්ගේ යානයේ සිටි නිලධාරීන් පස් දෙනා ජීවිතක්ෂයට පත්වූ බව ජපන් මාධ්‍ය වාර්තා කර තිබේ. එම නිලධාරීන්,…

කෘෂි කාර්මික ක්ෂේත්‍රයේ රැකියා සඳහා විදේශගත වන සියලුම ශ්‍රමිකයින් යළි මෙරටට පැමිණි පසු කෘෂි ව්‍යවසාකයින් බවට පත්කිරීමට ඉඩම් අමාත්‍යාංශය සමග එක්ව අක්කර දෙකක ඉඩමක් දීමට රජය තීරණය කර ඇතැයි කම්කරු හා විදේශ රැකියා අමාත්‍ය මනූෂ නානායක්කාර මහතා පැවසීය. නව වසරේ රාජකාරී ආරම්භ කිරීම වෙනුවෙන් ශ්‍රී ලංකා විදේශ රැකියා නියුක්ති කාර්යාංශයේ පැවති වැඩසටහනට එක්වෙමින් අමාත්‍යවරයා එසේ පැවසීය. විදේශයන්හි කෘෂී කාර්මික ක්ෂේත්‍රයට අදාල රැකියාවල නිරතවූවන් ලබාගත් දැනුම මෙරට ආර්ථිකය සෘජුවම දායකකරගැනීමට මෙම ඉඩම් ලබාදීම තීරණය කර ඇති බව කී අමාත්‍යවරයා මෙම වැඩසහන මෙරට කෘෂි කාර්මික ක්ෂේත්‍රය තුළ පිබිදීමක් මෙන්ම කෘෂි ක්ෂේත්‍රය අදාල නව ව්‍යවසාකයින් බිහිකිරීමට අවස්ථාවක් බවත් අමාත්‍යවරයා කීය.

අරගල අවස්ථාවේදී විදේශ බලවේග පරාජය කළ පොහොට්ටුව නැමැති සිංහල බෞද්ධ බලවේගයට ස්තුතිවන්ත විය යුතු බව එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබේවර්ධන මහතා පැවසීය. පොහොට්ටුව ශ්‍රී ලාංකික ජනතාවට යටත් වුවද විදේශ බලවේගවලට යටත් වුණේ නැතැයි වජිර අබේවර්ධන මහතා කීය. අරගල අවස්ථාවේ දී ජාත්‍යන්තරය පොහොට්ටුවෙන් කළ ඉල්ලීම හොඳින්ම දන්නා බව කී අබේවර්ධන මහතා නමුත් ඔවුන් එම ඉල්ලීමට යට වුණේ නැතැයි පැවසීය. පොහොට්ටුව නොකියා කියා ඇත්තේ ඔවුන් යුද්ධය ජයග්‍රහණය කළ අතර ආර්ථිකය ජය ගැනීම සඳහා රනිල් වික්‍රමසිංහට රට බාර දිය යුතු බව යැයි එජාප සභාපතිවරයා පැවසීය. පිටකෝට්ටේ සිරිකොත එක්සත් ජාතික පක්ෂ මූලස්ථානයේ පැවැති මාධ්‍ය හමුවකදී වජිර අබේවර්ධන මහතා මේ බව කීය.

යුක්තිය මෙහෙයුමට තොරතුරු ලබාදීම සඳහා ක්ෂණික දුරකතන අංකයක් හඳුන්වාදීම අද (02) සිදුකළේය. ඒ වැඩබලන පොලිස්පති දේශබන්දු තෙන්නකෝන් මහතාගේ ප්‍රධානත්වයෙන්. එලෙස හඳුන්වාදුන් දුරකතන අංකය 071 859 88 00 වන අතර එය පොලිස් මූලස්ථානයේ ස්ථාපනය කර ඇත. මෙම දුරකථන අංකය සහිත ස්ටීකර් ත්‍රිරෝද රථ වල ඇලවීම අද සිදු කෙරිණි.

දීර්ඝ කාලයක් පුරා දේවගැතිවරයකුගේ විවිධ ලිංගික අතවරයන්ට ලක්වූ බව පැවසෙන දැරියන් 5 දෙනෙකුට අදාළ වෛද්‍ය වාර්තා ඉදිරිපත් කරන ලෙස අධිකරණය, පොලීසියට ඊයේ (01) නියම කළේය. ලියාපදිංචි නොකරන ලද කාන්තා නේවාසිකාගාරයක සිටි වයස අවුරුදු 9ත්, 17ත් අතර වයසේ පසුවන දැරියන්ට විවිධ තෑගිබෝග ලබාදෙමින් අසභ්‍ය චිත්‍රපට පෙන්වා සැකකාර දේවගැතිවරයා ලිංගික අතවරයන් කර ඇතැයි දන්වා සිටි කිරුළපන පොලීසියේ නිලධාරීන් ඊට දේවගැතිවරයාගේ බිරිඳ ද සහයෝගය දක්වා තිබෙන බව විමර්ශනයේදී අනාවරණය වුණේ යැයි දන්වා සිටියේය. සැකකාර දේවගැතිවරයා විසින් තමන්ට සිදුකළ අතවරයන් සම්බන්ධයෙන් වින්දිත දැරියක් විසින් ඇය ඉගෙනුම ලබන පාසලේ විදුහල්පතිනියට පැවැසීමෙන් අනතුරුව, විදුහල්පතිනිය විසින් කිරුළපන පොලීසිය වෙත කරන ලද පැමිණිල්ලක් මත විමර්ශන පවත්වා සැකකාර දේවගැතිවරයා…

කුමන බාධා පැමිණියත් උසස් පෙළ සිසුන්ට විභාග මධ්‍යස්ථාන වෙත පැමිණීමට අවශ්‍ය සියලු කටයුතු සූදානම් කරන බව ආපදා කළමනාකරණ මධ්‍යස්ථානයේ අධ්‍යක්ෂ ජනරාල් විශ්‍රාමික මේජර් ජෙනරාල් සුදන්ත රණසිංහ මහතා පවසයි. අද (02) මාධ්‍ය වෙත අදහස් දක්වමින් ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල්වරයා ඒ බව සඳහන් කළේය. “ජනවාරි 04 සිට උසස් පෙළ විභාගය ආරම්භ කරනවා. දිවයිනේ දිස්ත්‍රික්ක 25ක සිටින උසස් පෙළට පෙනී සිටින දරුවන්හට අවහිරයකින් තොරව, මොන ආපදා පැමිණියත් ඔවුන්ට විභාග මධ්‍යස්ථානයට පැමිණීමට සහ කරදරයකින් තොරව විභාග ලිවීම සඳහා කටයුතු කිරීමට අපදා කලමනාකරණ, ත්‍රිවිධ හමුදාව, පොලීසිය සහ අනෙකුත් ආයතන සමග එක්වී කටයුතු කරනවා.” උසස් පෙළ විභාගය ජනවාරි මස 04 වැනි දා සිට 31 වැනි…

බන්ධනාගාර දෙපාර්තමේන්තුවේ කොමසාරිස්වරුන් සඳහා නව විෂයන් ලබා දී තිබේ. බන්ධනාගාර කොමසාරිස් කර්මාන්ත ලෙස කටයුතු කළ අජිත් බස්නායක මහතා බන්ධනාගාර කොමසාරිස් පාලන ලෙස ද, බන්ධනාගාර කොමසාරිස් පුනරුත්ථාපන ලෙස කටයුතු කළ ගාමිණී බී දිසානායක මහතා බන්ධනාගාර කොමසාරිස් මෙහෙයුම් සහ බුද්ධි හා ආරක්ෂණ ලෙස ද පත්කර තිබේ. මීට අමතරව බන්ධනාගාර අධිකාරීවරුන් කිහිපදෙනෙකුගේ ද විෂය පථයන් වෙනස් කර ඇති බව බන්ධනාගාර දෙපාර්තමේන්තුව පැවසුවේය. බන්ධනාගාර අධිකාරී සහ සහකාර බන්ධනාගාර අධිකාරීවරුන් 14දෙනෙකු සඳහා ද ස්ථාන මාරුවීම් ලබා දී තිබේ. එමෙන්ම වැඩ ආවරණ සහකාර බන්ධනාගාර අධිකාරීවරුන් ලෙස 11 දෙනෙකු සඳහා නව පත්වීම් සමග ස්ථාන මාරුකිරීම් සිදුකර ඇති බව වාර්තා වේ. බන්ධනාගාර ප්‍රධාන ජේලර්වරුන් 20 දෙනෙකු ද ස්ථාන…

2024 වසර සඳහා අස්වැසුම අයදුම්පත් කැඳවිම ජනවාරි මස අවසානයේ දී හෝ පෙබරවාරි මස මුලදී ආරම්භ කරන බව ද මුදල් රාජ්‍ය අමාත්‍ය ෂෙහාන් සේමසිංහ මහතා පවසයි. ජනාධිපති මාධ්‍ය කේන්ද්‍රයේ පැවති මාධ්‍ය හමුවකට එක්වෙමින් මුදල් රාජ්‍ය අමාත්‍ය ෂෙහාන් සේමසිංහ මහතා මේ බව සඳහන් කළේය. “අපි අස්වැසුම පුළුල් කරන්න කටයුතු කළා. මේ වෙනකොට අපිට පුළුවන් වෙලා තියෙන්නේ 1,410,000කට ගෙවීම් සිදුකරන්න. ඒ ගෙවීම් අපේ ඉහළම උද්ධමනයක් තිබුණ මාසයට සාපේක්ෂව තමා සිදුකරලා තියෙන්නේ. ඒ අනුව ඉදිරියේ දී තවදුරටත් එහි පවතින දුවර්ලතාත් මඟහැරගෙන ජනවාරි මාසයේ අග එහෙම නැත්නම් පෙබරවාරි මාසයේ මුල නැවත අස්වැසුම සඳහා ඉල්ලුම්පත්‍ර කැඳවීමට අපි බලාපොරොත්තු වෙනවා. එතකොට එකපැත්තකින් ආර්ථිකය නැවත ප්‍රකෘති වීමක් සිදුවෙනවා.…