Author: LANKA24X7

දිවයිනේ බොහෝ ප්‍රදේශවල, සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවන බව කාලගුණවිද්‍යා දෙපාර්තමේන්තුව කියයි. මධ්‍යම, සබරගමුව, වයඹ සහ උතුරුමැද පළාත්වල ඇතැම් ස්ථානවලට මි.මී. 50 ට වැඩිතරමකතද වැසිද ඇති විය හැක. දකුණු පළාතේ උදෑසන කාලයේදීත් වැසි ඇති විය හැක. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.

අවුරුදු දොළහට අඩු දරුවන්ට ලෝක ළමා දිනය නිමිත්තෙන් ලංකාවේ සියලුම සත්වෝද්‍යාන වලට අද(1) නොමිලේ පිවිසීමට අවස්ථාව දෙන බව සත්වෝද්‍යාන දෙපාර්තමේන්තුව පවසයි. ඒ අනුව දෙහිවල ජාතික සත්වෝද්‍යානය, පින්නවල අලි සුරැකුම් මධ්‍යස්ථානය, පින්නවල සත්වෝද්‍යානය, හම්බන්තොට සෆාරි යන උද්‍යානයන් සදහා වයස අවූරදු 12 න් පහල සියලු ළමුන්ට නොමිලයේ ඇතුල්වීමට පහසුකම් සලසා තිබේ. සෑම දරුවෙකුටම – සෑම අයිතියක්” යන තේමාව යටතේ ලෝක ළමා දිනය සැමරීමේ වැඩසටහනක් පින්නවල සත්වෝද්‍යානය සංවිධානය කර තිබේ. සත්වෝද්‍යානය නැරඹීමට පැමිණෙන කුඩා දරුවන් සඳහා සත්වෝද්‍යානයට ඇතුල් වීමේ දී තම මුහුණු සතුන්ගේ හැඩතල සහිතව වර්ණ ගන්වා ගැනීමට කැමැත්තක් දක්වන්නේ නම් ඒ සඳහා මුහුණු වර්ණ ගැන්වීමේ වැඩසටහනක් ප්‍රවේශ පත්‍ර කවුළුව ආශ්‍රිතව පැවැත්වීමට සංවිධානය…

තමන් ජනාධිපති ධුරයෙන් විශ්‍රාම ගන්නාවිට බැංකු ගිණුමේ මුදල් නොතිබූ බවත් මේ වනවිට තමා ජීවත් වන්නේ ඉඩම් විකුණමින් බවත් හිටපු ජනපති චන්ද්‍රිකා බණ්ඩාරනායක කුමාරතුංග මහත්මිය පවසයි. ආණ්ඩුවෙන් තමන්ට කිසි දෙයක් නොලැබෙන බවත් හිටපු ජනපති මහින්ද රාජපක්ෂ මහතා අවුරුදු නවයක් තමන්ට විශ්‍රාම වැටුප ලබා නොදුන් බවත් ඇය සඳහන් කරයි අපි කාගෙන්වත් කාලා නැහැ. අපේ තියෙන ඒවා අනික් අයට දුන්නා පමනයි යැයි ද ඇය සඳහන් කරයි. ජනාධිපති ධුරයෙන් ගෙදර යනකොට තම බැංකු ගිණුම ඕවර් ඩ්‍රාෆ්ට්වී තිබූ බවත් සිය සේවක මණ්ඩලයේ පඩි ගෙවන්නේ ද තමා බවත් ලයිට් බිල්, වතුර බිල් ගෙවන්නේ ද තමාම යැයි ද ඇය සදහන් කරයි. තමාට ලැබිලා තියෙන්නේ රජයේ ගෙයක් සහ…

කලින් පුරෝකථනය කළ ප්‍රමාණයට වඩා ඉහළ ආර්ථික වර්ධනයක් මේ වසරේ (2024) දී වාර්තා කරනු ඇතැයි ශ්‍රී ලංකා මහ බැංකුව පවසයි. ඒ සඳහා ප්‍රබල සාක්ෂි පවතින බවද නවතම ආර්ථික දර්ශක මගින් ඒ බව පෙන්නුම් කරන බවද මහ බැංකුව නිකුත් කළ නවතම වාර්තාවක දැක්වේ. ඉකුත් අප්‍රේල් මස නිකුත් වූ ශ්‍රී ලංකා මහ බැංකුවේ 2023 වාර්ෂික වාර්තාවේ සඳහන් වූයේ මේ වසරේ ආර්ථිකය සියයට 3කින් වර්ධනය වනු ඇති බවයි. මේ අනුව සියයට 3 ඉක්මවා ගිය ආර්ථික වර්ධනයක් මේ වසරේ වාර්තා කරනු ඇතැයි අපේක්ෂා කෙරේ. මේ වසරේ පළමු කාර්තුවේදී සියයට 5.3කින් සහ දෙවන කාර්තුවේදී සියයට 4.7කින් ශ්‍රී ලංකා ආර්ථිකය වර්ධනය වූ අතර මෙසේ වසරේ පළමු…

රජය මගින් අද (01දා) සිට ක්‍රියාත්මක කිරීමට නියමිතව තිබූ පොහොර සහනාධාරය සහ ධීවරයන් සඳහා ලබාදීමට නියමිතව තිබූ ඉන්ධන සහනාධාරය මහ මැතිවරණය අවසන් වනතෙක් අත්හිටුවීමට මැතිවරණ කොමිසම කටයුතු කර ඇත. මහ මැතිවරණය පැවැත්වීමට නියමිතව තිබෙන වකවානුවක මෙවැනි සහනාධාර ලබාදීමට යෑම නිසා අනෙකුත් අපේක්ෂකයන්ට අසාධාරණයක් වන නිසා මෙම තීරණය ගත් බව මැතිවරණ කොමිසම පවසයි. මහ කන්නය සඳහා ලබාදී තිබූ රුපියල් 15,000ක පොහොර සහනාධාරය අද සිට රුපියල් 25,000 දක්වා ඉහළ දැමීමටත් බහුදින සහ එක්දින ධීවර කර්මාන්තය සඳහා ඉන්ධන සහනාධාරයක් ලබාදීමටත් තීරණය කර තිබුණි.

මේ වසරේ (2024) අගෝස්තු මාසය අවසාන වනවිට මෙරට දළ නිල සංචිත ප්‍රමාණය ඇමරිකානු ඩොලර් බිලියන 6ක් දක්වා ඉහළ ගොස් ඇත. මෙයට චීන මහජන බැංකුවෙන් ලද විදේශ විනිමය හුවමාරු පහසුකම් ද ඇතුළත්ය. ජාත්‍යන්තර මූල්‍ය අරමුදල සමග පවතින විස්තීරණ ණය පහසුකම් වැඩපිළිවෙළ නව රජය මගින් ද අඛණ්ඩව පවත්වාගෙන යෑම සහ ණය ප්‍රතිව්‍යුහගතකරණ ක්‍රියාවලිය කඩිනමින් අවසන් කිරීම රටේ විදේශ සංචිත තවදුරටත් ශක්තිමත් කිරීමට ද හේතුවනු ඇතැයි අපේක්ෂා කෙරේ. මෙසේ විදේශ සංචිත ප්‍රමාණය වර්ධනය කර ගැනීම සඳහා මහ බැංකුව විසින් දේශීය වෙළෙඳපොළෙන් සැලකිය යුතු විදේශ විනිමය ප්‍රමාණයක් මිලදී ගෙන ඇතැයි මහ බැංකුව කියයි.

මාතර මහානාම පාලම මතින් නිල්වලා ගගට පැන ජීවිතයත් මරණයත් අතර සටනක නිරත වෙමින් සිටි පුද්ගලයකුගේ ජීවිතය බේරු ගැනීමට යුද හමුදා සාමාජිකයන් පිරිසක් අද (30) උදෑසන සමත් විය. එසේ දිවි බේරා ගත් පුද්ගලයා බෝට්ටුවකින් ගොඩබිමට රැගෙනවිත් වෛද්‍ය ප්‍රතිකාර සදහා මාතර මහ රෝහල වෙත ඇතුලත් කෙරිණි. අවුරුදු 60 ක් පමණ වයසැති ඔහු කවුරුන්ද යන්න මෙතෙක් අනාවරණය වී නොමැත. දැඩි ලෙස කම්පනයට පත්ව සිටින ඔහු ඊයේ සවස් වන තෙක්ම එකදු වචනයක් හෝ කතා බහ නොකල බව රෝහල් ප්‍රකාශකයෙකු පැවසීය.

ජනාධිපති ලේකම් කාර්යාලය අසල පරිශ්‍රයේ ගාල් කර තිබෙන රථ වාහන කඩිනමින් අත්‍යවශ්‍ය සේවා සඳහා ලබා දීමට මේ වන විටත් කටයුතු සකස් කරමින් තිබෙන බවද ජනාධිපති කාර්යාලය පවසයි. මෙම වාහන ජනාධිපති ලේකම් කාර්යාලයේ නිත්‍ය කාර්ය මණ්ඩලය වෙත ලබා දී තිබු රථ වාහන නොවන අතර හිටපු ජනාධිපතිවරයා විසින් සිය ධූර කාලයේ ආණ්ඩුක්‍රම ව්‍යවස්ථාවේ 41 (1) වගන්තිය යටතේ පත් කරන ලද සිය පෞද්ගලික කාර්ය මණ්ඩලය වෙත ලබා දී තිබු රථ වාහන බව ජනාධිපති කාර්යාලය පවසයි. එසේම මෙම රථ වාහන ජනාධිපති ලේකම් කාර්යාලයෙන් පිටත පරිශ්‍රයේ ගාල් කර ඇත්තේ ජනාධිපති ලේකම් කාර්යාලයේ එතරම් වාහන ප්‍රමාණයක් ගාල් කිරීමට ඉඩ කඩ නොමැති නිසා මිස එම වාහන ප්‍රදර්ශනය…

විදෙස් රටක සිටින බවට ඒත්තු ගන්වා විදෙස් දුරකථන අංක භාවිත කරමින් අපරාධයකට සැරසී සිටි පොඩි ලැසී ගේ මාමා ගිනි අවියක් සහ ජීව උණ්ඩ සමග වැලිවේරිය ප්‍රදේශයේදී අත්අඩංගුවට ගත් බව පොලිස් විශේෂ කාර්ය බලකාය පවසයි. මෙසේ අත්අඩංගුවට ගෙන ඇත්තේ ඇටිකෙහෙල්ගල්ල, කිරිකිත්ත ප්‍රදේශයේ පදිංචි 46 හැවිරිදි පුද්ගලයෙකි. විශේෂ කාර්ය බලකාය මූලස්ථාන කඳවුරේ ස්ථාපිත විශේෂ මෙහෙයුම් ඒකකයේ ස්ථානාධිපති පොලිස් පරීක්ෂක බී.එස්.එච් පීරිස් ඇතුළු නිලධාරීන් කණ්‌ඩායමක් විසින් ලද බුද්ධි තොරතුරක් මත මෙම වැටලීම සිදු කර ඇත. සංවිධානාත්මක අපරාධ කරුවෙකු සහ මහා පරිමාණ මත්ද්‍රව්‍ය ජාවාරම්කරුවකු වන දැනට බූස්ස බන්ධනාගාරයේ රඳවා සිටින ජනිත් මදුසංක නොහොත් පොඩි ලැසි සහ සංවිධානාත්මක අපරාධ කරුවෙකු සහ මහා පරිමාණ මත්ද්‍රව්‍ය ජාවාරම්කරුවකු…

ආදායම් බදු ගෙවිය යුතු සෑම අයෙකු විසින්ම 2023/2024 තක්සේරු වර්ෂය සඳහා ගෙවිය යුතු සියලු ම ආදායම් බදු මුදල් අද (30) දිනයේ දී ගෙවා අවසන් කළ යුතු බව දේශීය ආදායම් දෙපාර්තමේන්තුව දැනුම් දී තිබේ. එම දෙපාර්තමේන්තුව පැවසුවේ යම් තැනැත්තෙක් එම ගෙවීම් පැහැර හරින්නේ නම් හෝ ප්‍රමාද වීම් සිදු කරන්නේ නම් නීති ප්‍රකාරව දණ්ඩනයකට හා පොලියකට යටත් කිරීමක් සිදුකරන බවය. එමෙන්ම කිසියම් තැනැත්තෙකු විසින් ඕනෑම බදු වර්ගයක් සඳහා ගෙවිය යුතු හිඟ බදු පවතින්නේ නම් ඒ සියල්ල ද ඔක්තොබර් මස 30වන දින හෝ එදිනට පෙර ගෙවා අවසන් කළ යුතු ව තිබේ. එදිනට පසුව තවදුරටත් නොගෙවා සිටින හිඟ බදු පවතින්නේ නම් ඒවා අයකර ගැනීම…