Author: LANKA24X7

කෝටිපති ව්‍යාපාරිකයෙකු වූ සුරේන්ද්‍ර පෙරේරා නොහොත් ක්ලබ් වසන්ත ඝාතනයට අත්අඩංගුවට ගත්, වෙඩික්කරු ඇතුළු සැකකරුවන් 03 දෙනා පැය 72ක් රඳවාගෙන ප්‍රශ්න ප්‍රශ්න කිරීමට අධිකරණයෙන් අවසර ලබා ගත් බව පොලිස් මූලස්ථානය පවසයි. මෙම වෙඩික්කරු යුද හමුදාවේ හිටපු සෙබළෙකු බව කියයි. ඝාතනයට සම්බන්ධ තවත් පිරිසක් අත්අඩංගුවට ගැනීමට පරීක්ෂණ පවත්වන බව පොලිස් මූලස්ථානයේ උසස් නිලධාරියෙක් පැවසීය.

ජනාධිපතිවරණය සම්බන්ධයෙන් විවිධ පර්ශව කරන සමීක්ෂණ සම්බන්ධයෙන් නොමග නොයන ලෙස මැතිවරණ කොමිෂන් සභාව ඡන්ද දායකයින්ගෙන් ඉල්ලීමක් කළේය. සමීක්ෂණ මත පදනම්ව තමන්ගේ මතය වෙනස් කිරීමේ අවශ්‍යතාවක් නොමැති බව මැතිවරණ කොමිෂන් සභාවේ කොමසාරිස් ජනරාල් සමන් ශ්‍රී රත්නායක මහතා පැවසීය. ජනාධිපතිවරණයට අදාළ සමීක්ෂණ වාර්තා කිහිපයක් පසුගිය දිනවල නිකුත් විය.

පවුල් දෙකක් අතර ඇතිවූ ආරවුලක් දුරදිග යාමෙන් මන්නා පිහියකින් පහරදී කාන්තාවක ඝාතනය කර ඇති බව හොරණ මූලස්ථාන පොලිසිය පවසයි . මෙසේ මියගොස් ඇත්තේ හොරණ ,මීවන පලාන ප්‍රදේශයේ පදිංචිව සිටී ප්‍රදීපිකා කුමාරි නමැති 42 හැවිරිදි කාන්තාවක බව පොලිසිය කීය. පහරකෑ කාන්තාව හොරණ දිස්ත්‍රික් රෝහලට ඇතුලත් කර ඇති අතර එහිදී මියගොස් ඇති බව රෝහල් ප්‍රකාශකයෙක් කීය. පානදුර කොට්ඨාස අපරාධ ස්ථාන පරීක්ෂණාගාර නිළධාරින් පරීක්ෂණ සිදුකිරීමට නියමිත බව පොලිසිය සදහන් කරයි. පහරදුන් පුද්ගලයා හදුනාගෙන ඇති අතර , ඔහු අත්අඩංගුවට ගෙන නොමැති බව පොලිසිය පවසයි

තුන් හැවිරිදි එකම දියණිය සමග ස්කුටරයක යමින් මවක් සහ පියෙක් හොරණ බොරලුගොඩ ආයෝජන කලාපයට හැරෙන හන්දිය අසලදී බොලරෝ වර්ගයේ ජීප් රථයක ගැටීමෙන් මව මියගොස් ඇතැයි හොරණ මූලස්ථාන පොලිසිය කියයි සිදුවූ අනතුරින් පියා සහ දියණියද තුවාල ලබා ඇතැයි පොලිසිය කියයි එලෙස මියගොස් ඇත්තේ හොරණ උතුරු උඩුව පදිංචිව සිටි කේ. ජි .ගිම්හානි නැමති 26 හැවිරිදි එක්දරු මවකි පියා සේවය කරන ආයතනයේන් පවුලේ සාමාජිකයන් අනුරාධපුර ප්‍රදේශයේ වන්දනාවක රැගෙන යාමට අද (24) කටයුතු සලසා තිබී ඇති අතර ඊට සහභාගි වීම සඳහා හොරණ උතුරු උඩුව නිවසේ සිට රත්නපුර මාර්ගයේ පැමිණ බොරලුගොඩ ආයෝජන කලාපය ඉදිරිපිට මාර්ගයේ මධ්‍ය රේඛාවේ නවතා දකුණට හැරවීම සඳහා සූදානමින් සිටියදී හොරණ සිට…

කලාපීය ආරක්ෂාව තහවුරු කිරීම සඳහා දැනුම හා තාක්ෂණය හුවමාරැ කරගැනීම අරමුණු කරගෙන ඉන්දිය හා ශ්‍රී ලංකා යුධ හමුදාව ඒකාබද්ධව සිදුකරන මිත්‍ර ශක්ති යුධ අභ්‍යාසය පසුගිය 12 වන දින ආරම්භ කළ අතර එහි අවසාන යුධ අභ්‍යාසය මාදුරුඔය යුද හමුදා පුහුණු පාසල් නගරබද සටන් ප්‍රදේශයේ දී පැවැත්විණි. කර්නල් රවින්දා අහලවට් ගේ ප්‍රධානත්වයෙන් මෙරටට පැමිණි ඉන්දීය යුධ හමුදාවේ භට පිරිස් හා ශ්‍රී ලංකා යුද හමුදාවේ භට පිරිස් ප්‍රතිත්‍රස්ත යුධ සටන් පිළිබඳව න්‍යායාත්මක හා ප්‍රායෝගික දැනුම හුවමාරු කරගැනිමට මෙම අභ්‍යාසයේ දී සිදුවිය. මෙරටට පැමිණි දින සිට යුද අභ්‍යාසය අදාළ ක්‍රියාකාරකම්වල නිරත වු ඉන්දු – ශ්‍රී ලංකා හමුදා භට පිරිස් මෙහිදි තම දැනුම හා අත්දැකීම්…

දුම්රිය මාර්ගය අසලින් ගමන් කරමින් සිටී පුද්ගලයකු බෙලිඅත්ත බලා ධාවනය වූ සීඝ්‍රගාමී දුම්රියේ ගැටී මියගොස් ඇති බව බේරුවල දුම්රිය ප්‍රකාශකයෙක් පැවසීය. අනතුරෙන් මියගොස් ඇත්තේ බේරුවල , සිරිනිවාස මාවතේ පදිංචිව සිටී 51 හැවිරිදි පුද්ගලයෙකි. මියගොස් ඇති තැනැත්තා දුම්රිය මාර්ගය ආසන්නයේ ගමන් කරමින් සිටියදී ගැටී ඇති අතර , බරපතළ තුවාල ලබා සිටියදී බේරුවල ප්‍රාදේශීය රෝහලට රැගෙන ගොස් ඇති අතර එහිදී මියගොස් ඇති බව සදහන් වේ.

අම්පාර සිට කොළඹ බලා 23 වැනි දින රාත්‍රී ගමන් ගත් ලංගම බස් රථයක රියදුරකු රාත්‍රී 8.15 ට පමණ හදිසියේ ඇතිවූ හෘදයාබාධයක් හේතුවෙන් ජීවිතක්ෂයට පත්වි ඇති අතර, බස් රථය මාර්ගයෙන් ඉවතට පැන නතරවි ඇති බව ඉගිණියාගල පොලිසිය පවසයි. අම්පාර ඩිපෝවෙන් කොළඹ බලා ඊයේ 23 රාත්‍රි 7.00 ට පමන බස් රථය පිටත්වි තිබේ.රියදුරුට ඇතිවු යම් අසනිප තත්වයක් නිසා ඔහු බස්රථය ඉගිණියාගල මහා විදුහල අසල නවත්වා එම ස්ථානයේ පෞද්ගලික ප්‍රතිකාර ලබන වෛද්‍යවරයකු ගෙන් බෙහෙත් රුගෙන නැවත කොළඹ බලා පිටත්ව තිබේ. ඔහුගේ අසනිප තත්වය බැරෑරුම් බැවින් මෙම ගමන නොයන ලෙසට වෛද්‍යවරයා උපදෙස් දි ඇතත් වෙනත් රියදුරකු නැති බව පවසමින් එහු කොළඹ බලා බස් රථය…

බස්නාහිර, සබරගමුව, දකුණ සහ වයඹ පළාත්වලත් මහනුවර සහ නුවරඑළිය දිස්ත්‍රික්කවලත් සිහින් වැසි වාර කීපයක් ඇති වන බව කාලගුණ විදයා දෙපාර්තමේන්තුව කියයි. නැගෙනහිර සහ ඌව පළාත්වලත් සවස් කාලයේ හෝ රාත්‍රී කාලයේ ස්ථාන ස්වල්පයක වැසි හෝ ගිගුරුම් සහිත වැසි ඇති වේ උතුරු,උතුරු මැද සහ වයඹ පළාත්වලත්. හම්බන්තොට දිස්ත්‍රික්කයෙත් විටින් විට තරමක තද සුළං ඇති වේ.

පාපැදියෙන් රට වටා කිලෝ මීටර් 1400 ක පමණවූ දිගු ගමනක යෙදුණු දිරිය දියණිය දිවුලපිටිය මාබොදලේ පදිංචි ප්‍රතිනි සමරදිවාකර සිය සංචාරයේ දොළොස් වන දවස අවසානයේ ඊයේ 23 සන්ධ්‍යාවේ මීගමුව වෙරළ තීරයෙ තම ගමන ආරම්භ කළ ස්ථානයෙන්ම සිය ජයග්‍රාහී සවාරිය කරනු ලැබුවාය . 33 හැවිරිදි වියේ පසු වන කැළනිය විශ්ව විද්‍යාලයේ උපාධිධාරිනියක් වන ඇය පසුගිය 12 වැනිදා අලුයම 5.30 ට මීගමුව බන්ධනාගාරය අසලින් සිය ගමන ආරම්භ කළාය. එදින ඇගේ ගමනාන්තය වූයේ කිලෝ මීටර් 155 ක දුර ගෙවමින් පුත්තලම නගරය ඔස්සේ නොච්චියාගමය. එතැන් සිට මන්නාරම, යාපනය, මිරිසුවිල්, මුලතිව්, ත්‍රිකුණාමලය, මඩකලපුව, ආරුගම්බේ, බුත්තල, අම්බලන්තොට, ගාල්ල, ඇගේ පැපැදි ගමනේ නවාතැන් පලවල් වූයේය. ගාල්ලෙන් පිටත්වූ ඇය…

ජනාධිපති අපේක්ෂකයන්ට සිය ප්‍රතිපත්තිය රජයේ ගුවන් විදුලියෙන් සහ රූපවාහිනියෙන් ඉදිරිපත් කිරීම සඳහා ලබන 6 වෙනිදා සිට අවස්ථාව උදාවෙයි. කාලය වෙන් කර ගැනීම සඳහා කුසපත් ඇදීම මැතිවරණ කොමිෂන් සභා කාර්යාලයේදී පසුගිය 22 වැනි දා සිදු කෙරිණ. සෑම අපේක්ෂකයෙකුටම රජයේ ගුවන්විදුලියෙන් සහ රූපවාහිනීයෙන් සිය ප්‍රතිපත්ති ඉදිරිපත් කිරීම සඳහා විනාඩි පහළොව බැගින් අවස්ථා තුනක් හිමි වෙයි.