Author: LANKA24X7

පොලීසියෙන් බව පවසමින් කටුගස්තොට ධර්මවිජය විද්‍යාලයට පැමිණි පුද්ගලයකු ගුරුවරියකට හා සිසුන් පස් දෙනකුට පහරදී පළාගොස් ඇතැයි කටුගස්තොට පොලීසිය කියයි. මෙම පහරදීමෙන් අනතුරුව ගුරුවරිය සන්තකයේ පැවති ජංගම දුරකථනයක් ,මුදල් හා රන් ආභරණද කොල්ලකා සැකකරු පළාගිය බවට පල්ලේගුණ්නැපාන පදිංචි එම ගරුවරිය කටුගස්තොට පොලීසියට පැමිණිළි කළාය. සිද්ධියෙන් පහරකා ඇති සිසුන් පස්දෙනා එම අනපේක්ෂිත සිද්ධියෙන් ගුරුවරිය බේරාගැනීමට උත්සාහ ගත් එම විද්‍යාලයේ ඉගනුම ලබන 9 වසරේ සිසුන් බව අප පාසලෙන් කළ විමසුමකදී එහි ආචාර්ය මණ්ඩලයේ සාමාජිකයෙක් පැවසීය. මෙම පාසල කටුගස්තොට පොලීසිය ආසන්නයේ පිහිටා ඇත.

කාන්තාවන්ගේ නීත්‍යානුකූල විවාහ වයස් සීමාව අවුරුදු 9 දක්වා අඩු කිරීමට අදාළ යෝජනාවක් ඉරාක පාර්ලිමේන්තුවට ඉදිරිපත්ව තිබේ. කාන්තාවන්ගේ නීත්‍යානුකූල විවාහ වයස් සීමාව ලෙස පැවති අවුරුදු 18ක වයස් සීමාව, අවුරුදු 9ක දක්වා අඩු කිරීමට ඉරාකය සූදානම් වෙයි. ඒ සඳහා වන සංශෝධිත පනත් කෙටුම්පතක් ඉරාක අධිකරණ අමාත්‍යවරයා විසින් මන්ත්‍රණ සභාවට ඉදිරිපත් කර ඇතැයි ද පැවැසෙයි. කෙසේ නමුත් එම යෝජිත පනත් කෙටුම්පත සම්බන්ධයෙන් පාර්ශව රැසක අප්‍රසාදය පළ වී ඇත. ඒ, පනත් කෙටුම්පත සම්මත වුවහොත් ගැටලු රැසක් නිර්මාණය වනු ඇතැයි පෙන්වා දෙමිනි.

ජනාධිපති අපේක්ෂකයන්ට සහ හිටපු ජනපතිවරුන්ට ආරක්ෂාව සැපයීම සදහා මහජන ආරක්ෂ අමාත්‍යංශ ලේකම්වරයාගේ ප්‍රධානත්වයෙන් පංච පුද්ගල ආරක්ෂක කමිටුවක් පත්කර ඇති බව මහජන ආරක්ෂක අමාත්‍ය ටිරාන් අලස් මහතා පැවැසීය. ජනාධිපතිවරණ අපේක්ෂකයන්ට සහ හිටපු ජනාධිපතිවරුන්ට පවතින සදහා ආරක්ෂාව ප්‍රමාණවත් ද නැතහොත් තවත් ආරක්ෂාව වැඩි කළ යුතු ද යන්න පිළිබදව අධ්‍යයනය කර ආරක්ෂාව තර කිරීමට උපදෙස් ලබාදී ඇති බවද අමාත්‍යවරයා කීය.

වත්මන් බංගලාදේශය රනිල් වික්‍රමසිංහ මහතා වැනි නායකයෙකු සොයමින් සිටින බව අමාත්‍ය පවිත්‍රා වන්නිආරච්චි මහත්මිය පවසන්නීය. මේ වන විට කොළඹදී පැවැත්වෙන “කාන්තා අපේ බලය” කාන්තා සමුළුව අමතමින් අමාත්‍යවරිය මේ බව කියා සිටියාය. බංග්ලාදේශයට වැනි භයානක තත්ත්වයක් ලංකාවට උරුම නොවූයේ රනිල් වික්‍රමසිංහ මහතා වැනි ධෛර්ය සම්පන්න නායකයෙකු බිහිව සිටි නිසා බව ද ඇය වැඩිදුරටත් සඳහන් කළාය. “මුළු බංග්ලාදේශයම ගිනි ගොඩක් බවට පත්වුණා. අද බංග්ලාදේශය රනිල් වික්‍රමසිංහ වැනි නායකයෙකු සොයමින් සිටිනවා. අපිට ඒ දේ උරුම නොවුණේ මේ මාතෘ භූමියේ මහ පොළොවේ රනිල් වික්‍රමසිංහ වැනි නායකයෙකු වැනි බිහි වුයේ නිසයි. ඒ නිසා මේවට තර්ක විතර්ක අවශ්‍ය නෑ. රටේ නායකයා රටින් ගිය වෙලාවේ මේ මාතෘ…

මෙරට මුහුදු සීමාව තුළ අනවසර ධීවර කටයුතු සිදුකළ ඉන්දීය ධීවරයින් 35 දෙනෙකු වයඹ මුහුදේදී නාවික හමුදාව විසින් අත්අඩංගුවට ගෙන තිබේ. වෙරළාරක්‍ෂක දෙපාර්තමේන්තුව සමග වයඹ මුහුදේ, කුදිරමලේ තුඩුවට ඔබ්බෙන් වූ මෙරට මුහුදු සීමාවේ සිදුකළ සෝදිසි මෙහෙයුමක දී ඔවුන් අත්අඩංගුවට ගත් බව නාවික හමුදාව පැවසුවේය. එහිදී අනවසර ධීවර කටයුතු සිදුකළ ඉන්දීය ධීවර යාත්‍රා හතරක් ද නාවික හමුදා භාරයට ගෙන තිබේ. අත්අඩංගුවට ගත් ඉන්දීය ධීවරයින් කල්පිටිය නාවික නෞකා විජය ආයතනය වෙත රැගෙනවිත් ඇති අතර ඉදිරි නීතිමය කටයුතු සඳහා ඔවුන් කල්පිටිය ධීවර පරීක්‍ෂක කාර්යාලය වෙත භාර දීමට නියමිතය.

රජයේ දේපොළ අයථා ලෙස පරිහරණය කරන්නේ නම් ඒවා නැවත භාරදෙන ලෙස අල්ලස් හෝ දූෂණ චෝදනා විමර්ශන කොමිෂන් සභාව දැනුම්දෙයි. නිවේදනයක් නිකුත් කරමින් එම කොමිෂන් සභාව සඳහන් කළේ, මීට පෙර රජයේ තනතුරු දරමින් සිටියදී රජය මගින් ලබාදුන් නිශ්චල සහ චංචල දේපොළ එම නිලතලවලින් ඉවත්වූ පසු නිත්‍යානූකූල නොවන ආකාරයට පරිහරණය කරන බවට පැමිණිලි රැසක් ලැබි ඇති බවය. ඒ අනුව එලෙස පරිහරණය කරන්නේ නම් ඒවා කඩිනමින් ආපසු භාරගැනීමට අවශ්‍ය කටයුතු සිදුකිරීම අදාළ බලධාරීන් සිදුකළ යුතු බව සඳහන් කරමින් අමාත්‍යාංශය ලේකම්වරුන්, පළාත් ප්‍රධාන ලේකම්වරුන්, පළාත් පාලන ආයතන ප්‍රධානීන්, දෙපාර්තමේන්තු ප්‍රධානීන් සහ දිස්ත්‍රික් ලේකම්වරුන් මෙන්ම රජයට අනුබද්ධ ව්‍යවස්ථාපිත ආයතන ප්‍රධානීන් දැනුම්වත් කරමින් අල්ලස් හෝ දූෂණ…

පයාගල පොලිසියේ රථවාහන අංශ නිළධාරින් අමානුෂික ලෙස පහරදුන් බව පවසමින් 16 හැවිරිදි පාසල් සිසුවෙකු රෝහල් ගතකර ඇති බව කළුතර නාගොඩ ශීක්ෂණ රෝහල් ප්‍රකාශකයෙක් පැවසීය . මෙසේ රෝහල් ගතකර ඇත්තේ පයාගල ප්‍රදේශයේ පදිංචි පාසල් සිසුවෙකු බව පොලිසිය කීය. මෙම සිසුවා මිතුරෙකු සමග පසුගිය (07) පස්වරුවේ පියාට අයත් යතුරු පැදියෙන් අසල ඇති වෙළද සැලකට ගොස් ඇති අතර , මිතුරා හෙල්මට් පැළද සිට නොමැති බව පොලිසිය සදහන් කරයි. ඒ බව දුටූ පයාගල පොලිසියේ රථවාහන අංශ ජංගම නිළධාරින් දෙදෙනකු ඔවුන් පසුපස ලුහුබැඳ විත් යතුරු පැදිය නවත්වා බැන වදිමින් යතුරු පැදිය අසලට පැමිණ තිබේ. ඒ මොහොත වනවිටත් එන්ජිම ක්‍රියාත්මකව තිබී ඇති අතර , බියටපත් පාසල්…

ලතින් ඇමෙරිකාවට අයත්, පරුගුවේ රාජ්‍යය නියෝජනය කරමින්, ප්‍රංශයේ පැරිස් අගනුවර ඔලිම්පික් උළෙලට සහභාගී වීමට පැමිණ සිටි, 20 හැවිරිදි පිහිනුම් ශූරිය ලුආනා ඇලාන්සෝ ඔලිම්පික් ගම්මානයෙන් නෙරපා හැරීමට ක්‍රීඩා බලධාරීන් කටයුතු කර තිබේ. ඔලිම්පික් ක්‍රීඩා බලධාරීන් මෙම තීරණය ගෙන ඇත්තේ ලුආනාගේ නොහොබිනා හැසිරීම නිසා යැයි මාධ්‍ය වාර්තා පෙන්වා දෙයි. ඒ අනුව, ඇයට පිහිනුම් ඉසව් අහිමි වී ඇතැයි ද පැවැසෙයි. පෙරුගුවේ ඔලිම්පික් කමිටු සභාපති ලරිස්සා ෂේරර් පවසා ඇත්තේ ලුආනා ඇලාන්සෝ අනවසරයෙන්, කිසිවකුටවත් නොදන්වා, සිය අභිමතය පරිදි, ඔලිම්පික් ගම්මානයෙන් පිටවී රැයක් ගත කළ බවත් එම සිදුවීම සැලකිල්ලට ගනිමින් ඇය ඔලිම්පික් ගම්මානයෙන් නෙරපා දැමීමට ඔලිම්පික් බලධාරීන් කටයුතු කළ බවත්ය.

ලෝකයේ නැව් නිර්මාණය කළේ නිකන් ඔහේ නැංගුරම්ලා තැබීමට නොවේ යැයි ශ්‍රී ලංකා පොදු ජනපෙරමුණේ ජනාධිපති අපේක්ෂක පාර්ලිමේන්තු මන්ත්‍රී නීතිඥ නාමල් රාජපක්ෂ මහතා පැවසීය. ඔහු මෙසේ පැවසුවේ සිය ෆේස්බුක් ගිණුමේ සටහනක් තබමිනි. තමා අභියෝගය බාරගෙන ජනාධිපති සටනට පිවිසුණු බව සඳහන් කරන රාජපක්ෂ මහතා නැවක් වරායේ තිබෙන තුරු සුරක්ෂිත බව ද සඳහන් කළේය. මේ සටන ජයග්‍රහණයෙන් අවසන් කරන බවත් ශ්‍රී ලංකා පොදු ජන පෙරමුණ තමා කෙරෙහි තබූ විශ්වාසය ගැන ස්තූතිවන්ත වෙන බවත් ඔහු සඳහන් කළේය.

මීගමුවේ රන් භාණ්ඩ වෙළෙදසලකින් රිදී කිලෝ 15 ක්, මැණික් ගල් 15 ක් සහ මාල දෙකක් සොරාගෙන ගොස් ඇති බව මීගමුව පොලිසිය පවසයි. සොරාගත් දේපළවල වටිනාකම තක්සේරු කරගෙන යන බව පොලිසිය පවසයි. මීගමුව පෙරියමුල්ල ප්‍රදේශයේ ව්‍යාපාරිකයකු කළ පැමිණිල්ලකට අනුව විමර්ශන ආරම්භ කළ බව පොලිසිය පවසයි. සැකකරුවන් මෙතෙක් හදුනාගෙන නොමැති අතර සී.සී.ටී.වී. දර්ශන ඔස්සේ විමර්ශන කරන බව පොලිසිය පවසයි.