ශ්‍රි ලංකාවේ ගැටලු විසඳීම සඳහා දිස්ත්‍රික් සංවර්ධන සභා ක්‍රමය ඇති කළ යුතු බවට හිටපු ජනපති මෛත්‍රීපාල සිරිසේන මහතා කළ යෝජනාවට ජනපති රනිල් වික්‍රමසිංහ එකඟ විය.
ඒ අනුව ඒ පිළිබඳව සාකච්ඡා කිරීමට තමන් සූදානම් බවත් ඒ හරහා ඉදිරියට යාමට සූදානම් බවත් ජනපතිවරයා සඳහන් කළේය.
ඒ සඳහා ශ්‍රී ලංකා නිදහස් පක්ෂය පූර්ණ සහාය ලබා දෙන බවද ජාතික ප්‍රශ්නය ඇතුළු ගැටලු රාශියක් විසඳා ගත හැකි බවද මෛත්‍රීපාල සිරිසේන මහතා පැවැසීය.
පවතින දේශපාලන සංස්කෘතිය වෙනස් කර නව දේශපාලන සංස්කෘතියක් ඇති කර රට ගොඩ ගැනීමට කටයුතු කරමු යැයිද හිටපු ජනපතිවරයා වැඩිදුරටත් පැවැසීය.