මෙවර ලෝක කුසලානයේ මූලික වටයෙන්ම ඉවත්වූ කණ්ඩායම් ගොන්නට අළුතෙන්ම ඒකතුවීමට කැනඩාවට සිදුවිය. ඒ් ඊයේ (27දා) ක්‍රොයේෂියාව සමගින් පැවති තරගය ගෝල 4-1 ක් ලෙසින් පරාජයට පත්වීමට සිදුවීම නිසාය. එෆ් කාණ්ඩයේ තරගයක් ලෙසින් මෙය අල් රයන් හි කලීෆා ක්‍රීඩාංගණයේදී පැවැත්විණි.
තරගාවලියේ සහභාගිවූ පළමු තරගයෙන්ද කැනඩාවට බෙල්ජියම හමුවේ ගෝල 1-0 ක පරාජයක් හිමිවිය. ඔවුන්ට මොරොක්කෝව සමගින් තරගාවලියේ තවත් එක් තරගයක් ඉතිරිව ඇතත් එහි ප්‍රතිඵලය දෙවැනි වටයට යාමට සුදුසුකමක් නොවේ.
මීට පෙර තරගාවලියේ මූලික වටයෙන් ඉවත්වූ පළමු කණ්ඩායම වූයේ සත්කාරක කටාරයයි.
කෙසේ වෙතත් මෙම තරගාවලියේ මූලික වටයෙන් ඉවත්වන කණ්ඩායම් සඳහාද ඇ.ඩො. මිලියන ගණනක ත්‍යාග මුදලක් හිමිවන බව නිවේදනය කෙරිණි. ඒ් අනුව මූලික වටයට සහභාගි වූවාට ඔවුන්ට ඇ.ඩො. මිලියන 9 ක මුදලක් ලැබීමට නියමිතය. ඒමෙන්ම සෑම කණ්ඩායමකටම ලැබෙන ඇ.ඩො. මිලියන 1.5 ක මුදලත් සමගම කණ්ඩායමට ලැබෙන සමස්ථ ත්‍යාග මුදල පමණත් ඇ.ඩො මිලියන 10.5 කි. ඒය ආසන්න වශයෙන් රුපියල් කෝටි හාරසියයකට ආසන්න දැවැන්ත මුදල් කන්දරාවකි.
තරගාවලියේ ජයග්‍රාහකයින්ට ඇ.ඩො මිලියන 42 (රු. කෝටි 1500) ක්ද, අනුශූරයින්ට මිලියන 30 (රු. කෝටි 1100) ක්ද , තෙවැනි ස්ථානයට ඇ.ඩො. මිලියන 27 ක්ද (රු. කෝටි 990) , සිව්වැනි ස්ථානයට ඇ.ඩො. මිලියන 25 (රු. කෝටි 918) ක්ද අර්ධ අවසන් පූර්ව වටයට ඇ.ඩො. මිලියන 17 (රු. කේාටි 624) ක්ද, අවසන් 16 දෙනාගේ වටයට පිවිසෙන කණ්ඩායම් සඳහා ඇ.ඩො. මිලියන 13 (රු. කෝටි 477) ක්ද වශයෙන් ලැබීමට නියමිතය.
මෙම සියළු කණ්ඩායම් වෙනුවෙන් සහභාගි වීම වෙනුවෙන් මූලික වටයේදී අතිරේක ඇ.ඩො. මිලියන 1.5 (රු. කෝටි 55) ක් බැගින්ද ලැබීමට නියමිත බව තරගාවලිය ආරම්භයේදීම නිවේදනය කෙරිණි. මෙය දෙවැනි හා තෙවැනි වටයන් කරා ගමන් කිරීමේදී තවත් වැඩිවිය හැකි බව විදෙස් මාධ්‍ය වාර්තා වැඩිදුරටත් සඳහන් කරයි.