ව්‍යාජ බැංක ලේඛණ සකස් කර රුපියල් කෝටි 12කට අධික මුදලක් වංචා කිරීමක් සම්බන්ධයෙන් සැකකාරියන් දෙදෙනෙක් මූල්‍ය හා වාණිජ අපරාධ විමර්ශන කොට්ඨාසය මගින් අත්අඩගුවට ගෙන තිබේ.
යාපනය බැංකුවක තැන්පත් කර ඇති විශාල මුදලක් නිදහස් කර දිමට බව පවසා ව්‍යාජ ලේඛණ සකස්කර මුදල් වංචා කිරීමට අදාළව මෙම සැකකාරියන් 17 දා අත්අඩංගුවට ගෙන තිබේ.
ඔවුන් අවුුරුදු 30 හා 34 වැනි වියේ පසුවන යාපනයේ පදිංචි සහෝදරියන් දෙදෙනෙකි.
ව්‍යාපාරිකයෙකුව සිටි මියගිය සැකකාරියන්ගේ පියාගේ නමින් රුපියල් කෝටි 100ක මුදලක් හා රන් භාණ්ඩ විශාල ප්‍රමාණයක් පුද්ගලික බැංකුවක තැන්පත් කර ඇති බවත් එම මුදල් හා රන් බාණ්ඩ නීතිමය වශයෙන් නිදහස් කර ගැනිමට අවශ්‍ය නීතිමය කටයුතු සිදු කර ගැනීම බව පවසා 2021 ජනවාරි – ජුනි කාලයෙදී නොර්වේ පදිංචි ලාංකිකයෙකුගෙන් සැකකාරියන් වරින් වර ගිණුම් 23ක් හරහා මෙම රුපියල් කෝටි 12ක මුදල ලබාගෙන තිබේ.
එසේම ඔවුන්ට ලැබුණ මුදල් වලින් කොටසක් තවත් පුද්ගලයන්ගේ ගිණුම් වෙත යවා ඇති බවද අණාවරණය වි තිබේ.
නෝර්වේ පදිංචිව සිටින ශ්‍රී ලාංකිකයක් කළ පැමිණිල්ලක් අනුව කරනු ලැබී විමර්ශනයකින් අනතුරුව මෙම අත්අඩංගුවට ගැනීම සිදුකර තිබේ.
එසේම සැකකාරියන් අත්අඩංගුවට ගෙන සිදුකළ සෝදිසි කිරිම්වලදි ඔවුන් සන්තකයේ තිබී යාපනයේ අධිකරණ විනිසුරුවරුන්ගේ, බැංකු කළමනාකරුවන්, නීතිඥවරුන්, ග්‍රාම නිලධාරින් ඇතුළු තනතරු දරණ රජයේ ආයතනවල නිලධාරීන්ගේ අත්සන් නිල මුද්‍රා හා ලිපි ශිරිෂ යෝදා ව්‍යාජව සකසක් කරන ලිපි ලේඛණ රැසක් මෙන්ම වංචාවට උපයෝගි කර ගත් බැංකු පොත්, බැංකු රිසිට්පත් ඇතුළු දේපළ විමර්ශන නිලධාරින් සොයාගෙන තිබේ.
සැකකාරියන් යාපනය මහේස්ත්‍රාත් අධිකරණයට ඉදරිපත් කිරිමෙන් අනතුරුව ලබන 01 දා තෙක් රක්ෂිත බන්ධනාගාර ගත කර තිබේ.