ශ්‍රී ලංකා පොදුජන පෙරමුණේ අනුබද්ධ සංවිධාන වලට ජාතික කැඳවුම්කරුවන් ඊයේ (13) පත් කෙරිණි.
පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නාමල් රාජපක්ෂ මහතාගේ ප්‍රධානත්වයෙන් එම කැඳවුම්කරුවන් සඳහා පත්වීම් ලිපි ප්‍රදානය බත්තරමුල්ල නෙළුම් මාවත පක්ෂ කාර්‍යාලයේ දී පැවැත්විණි .
ඒ අනුව පොදුජන බස් රථ වෘත්තිකයන්ගේ සංවිධානයට සී.බී. රත්නායක,පොදුජන ජාතික සංවිධාන ව්‍යාපාරයට සරත් වීරසේකර, පොදුජන පෙරමුණ නීතිඥ සංවිධානයට මොහාන් ද සිල්වා, පොදුජන ඉංජිනේරු පෙරමුණට ඉන්දික අනුරුද්ධ,පොදුජන මැණික් ව්‍යාපාරිකයන් හා පතල් කරුවන්ගේ පෙරමුණට ප්‍රේමලාල් ජයසේකර,පොදුජන ත්‍රීරෝද රථ හිමියන්ගේ සංවිධානයට ප්‍රසන්න රණවීර,පොදුජන වැවිලි භෝග වගාකරුවන්ගේ සංවිධානයට ජානක වක්කුඹුර,පොදුජන හෝටල් සහ සංචාරක වෘත්තිකයන්ගේ සංගමයට අරුන්දික ප්‍රනාන්දු ,රාජ්‍ය ගුරු සේවක සංවිධානයට ශාන්ත බණ්ඩාර, පොදුජන රාජ්‍ය නිලධාරීන්ගේ සංවිධානයට අශෝක ප්‍රියන්ත,පොදුජන රණවිරු සංවිධානය සංජීව එදිරිමාන්න,පොදුජන සංස්කෘතික හා කලා සංවිධානය ජයන්ත කැටගොඩ,පළාත් පාලන මන්ත්‍රී සංසදය යූ. කේ සුමිත්, පොදුජන ක්ෂේත්‍ර නිලධාරී සංවිධානය – ලලිත් වර්ණකුමාර,පොදුජන ස්වයං රැකියා සංවිධානය ,ජානක තිස්සකුට්ටිආරච්චි, පොදුජන සමූපකාරික සංසදය – සමන්ප්‍රිය හේරත්, පොදුජන පෙරමුණ පෙර පාසල් ගුරු වෘත්තිකයින්ගේ සංගමය – සම්පත් අතුකෝරළ මහත්වරු ජාතික කැඳවුම්කරුවන් ලෙස පත්වීම් ලිපි ලබා ගත්හ.
මෙම අවස්ථාව සඳහා ශ්‍රී ලංකා පොදුජන පෙරමුණේ මහලේකම් සාගර කාරියවසම්, පක්ෂයේ මෙහෙයුම් ප්‍රධානී ජොන්ස්‍ටන් ප්‍රනාන්දු මහත්වරු ද සහභාගී වූහ.