නැවත කිසි දිනක ගොවීන්ගේ කෘෂි නිෂ්පාදන තුට්ටු දෙකට විකුණන්න ඉඩ තබන්නේ නැතැයි ජනාධිපති අනුර කුමාර දිසානායක මහතා පොළොන්නරුව ජන හමුවකදී පැවසීය.
ආරම්භක පියවරක් ලෙස රජය වී මිලදී ගැනීමට වී අලෙවි මණ්ඩලයට කෝටි 500ක් දුන් බව කී ජනාධිපතිවරයා සතොස වී මිලදී ගන්නට තවත් සැලැස්මක් හැදූ බව පැවසීය.
ඕනෑ කෙනෙක් ගොවීන්ට වැඩිපුර මුදල් දී වී මිලදී ගත්තාට කමක් නැති බව කී ජනාධිපතිවරයා හැබැයි සහල් පාලන මිලට විකිණිය යුතු බව සඳහන් කළේය.
අඩුවට යන හැම වී ඇටයක්ම ආණ්ඩුව මිලදී ගන්නවා. තවදුරටත් ගොවි ජනතාවට තමන්ගේ අස්වැන්න විකුණගන්න බැහැ කියලා අස්වැන්න කුණු කොල්ලයට ගියා කියලා හඬා වැටෙන්න අවශ්‍ය නෑ. මිල ස්ථාවර කර ගැනීම සඳහා මැදිහත් වෙන්න ආණ්ඩුව ලෑස්තියි.
වී මිල බැස්සොත් අපි ගන්නවා. ඉහළ ගියොත් ඒ ගොල්ලො ගනියි. ආණ්ඩුව අරන් ගොඩ ගහගන්න ඕන කමක් නෑ. අපිට ඕනේ ගොවියාට සාධාරණ මිලකට වී මිල ස්ථාවරව තියන්න. ඒ සැලැස්ම සාර්ථක වෙලා තියෙන්නේ යනුවෙන්ද ජනාධිපතිවරයා කීය.