ශ්‍රී ලංකාවේ භාණ්ඩ සඳහා සියයට 44ක තීරුබදු පැනවීමට ඇමරිකා එක්සත් ජනපදය ගත් තීරණයෙන් ශ්‍රී ලංකාවේ ආර්ථිකය දැඩි අභියෝගවලට ලක්වන බැවින් පක්ෂ පාට බේද නොසලකා මේ අවස්ථාවේදී එකම අරමුණක් වෙනුවෙන් සියලු දෙනා එක් වන්නැයි ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ සියලු දේශපාලන පක්ෂවලින් ඉල්ලීමක් කරයි.
මෙම තීරුබදු ඇඟලුම් වැනි ප්‍රධාන අංශවලට දැඩි බලපෑමක් ඇතිවී විරැකියාව වැඩිවීමට එය හේතුවක් විය හැකි බවද හෙතෙම සඳහන් කළේය
ශ්‍රී ලංකාව තවමත් 2022 ආර්ථික අර්බුදයෙන් යථා තත්වයට පත්වෙමින් සිටින බැවින් රජයේ අපනයන ඉලක්ක අවදානමට ලක්වීමෙන් ආර්ථික ප්‍රකෘතිය තවත් දුෂ්කර වන බවද නාමල් රාජපක්ෂ මහතා අවධාරණය කළේය.
තවද, ඇමරිකා එක්සත් ජනපදය සමඟ සාකච්ඡා සාර්ථක නොවන්නේ නම්, අයවැය යෝජනා නැවත සකස් කර අපනයන ආදායම් පවත්වා ගැනීම සඳහා විකල්ප විසඳුම් සොයන ලෙසට ඔහු රජයෙන් ඉල්ලා සිටියි.
“අපි මෙම දැවැන්ත බාධකයට මුහුණ දෙන බැවින්, සියලු දේශපාලන පක්ෂ එක්ව කටයුතු කර බලපෑමට ලක් වූ අංශවලට සහාය වීමට කාලයයි” යැයි නාමල් රාජපක්ෂ පැවසුවේය.