සියලු දෙනා ප්‍රාර්ථානා කරන දූෂණයෙන් තොර ශ්‍රී ලංකාව බිහිකරගැනීමට අවශ්‍ය බවත් සිය පාලනයක් යටතේ මාස හයක උපරිමයකට යටත්ව මෙරට දූෂණය මුළුමනින්ම මුදාගැනීමට ප්‍රතිඥා දෙන බවත් මව්බිම ජනතා පක්‍ෂයේ නායක ව්‍යවසායක දිලිත් ජයවීර මහතා ඊ (1) පැවසීය.
කොළඹ හයිඩ් පිටියේදී ඊයේ (1) පැවැති දහසක් සිවිල් සංවිධාන රැස්වන ‘පිරිපුන් දේශයක්’ සමුළුවේදී දිලිත් ජයවීර මහතා එසේ පැවසීය.
උපායමාර්ගික වැඩපිළිවෙළකින් තොරව ගමේ දුප්පත්ම දුප්පත් සමෘද්ධි ලාභියාගේ ජීවිතයේ වෙනසක් කිරීමට වෙනත් කිසිඳු මගත් නොමැති යැයි පැහැදිළිවම තහවුරු වී ඇති බවත් සම්ප්‍රදායික දේශපාලනය කරමින් අස්වැසුමෙන් ලැබෙන රුපියල් පන්දහස තවත් රුපියල් පන්දහසකින් වැඩි කරනේ යැයි නොකියන බවත් ඒ මහතා කීය.
ජනතාවගේ හිතේ හයියෙන් ඔවුන්ට නැගිටිය හැකි ආකාරය දියා දෙන්න අවශ්‍ය බවත් කුටුම්බයක ආදායම අවම වශයෙන් ලක්‍ෂයක් දක්වා ගෙන යන වැඩපිළිවෙළක් දින වකවානු ඇතිව ජනතාව සමඟ බෙදාගැනීම බලාපොරොත්තු බවත් ජයවීර මහතා පැවසීය.
‘සර්ව ජන බලය’ හැටියට ලබන 8 වැනිදා ‘පිරිපුන් දේශයක්’ සංවිධානයේ අදහස් ද ඇතුළත් උපායමාර්ගය වැඩසටහන ජනතාවට ඉදිරිපත් කිරීමට බලාපොරොත්තු වන බවත් සිවිල් සංවිධාන සහ දේශපාලන පක්‍ෂ එකුව ලබන 4 වැනිදා මේ රටට ජනාධිපති අපේක්‍ෂකයා ඉදිරිපත් කිරීමට බලාපොරොත්තු වන බවත් ඒ මහතා සඳහන් කළේය.
එම අපේක්‍ෂකයාත් සමඟ ඔබ ඉදිරිපත් කළ කරුණු ඉතාම සාධනීය කරුණු ලෙස සැළකිල්ලට ගන්නා බව ද ඒ මහතා කීය.
පුද්ගල බද්ධ දේශපාලනයෙන් ඔබ්බට ගිය වැඩපිළිවෙළක් ලෙස පුද්ගල නායකත්වයන් මතම පිහිටා කටයුතු කළ යුගය අවසන් කළ යුතු බව ද දිලිත් ජයවීර මහතා වැඩි දුරටත් පැවසීය.