ඇමරිකාව කියන්නේ ලංකාවටත් වඩා හිඟන රටක් බව පොදුජන පෙරමුණේ කොළඹ දිස්ත්‍රික් මන්ත්‍රී උදය ගම්මන්පිල මහතා පාර්ලිමේන්තුවේදී පැවසීය.
ඩොලරය වෙනුවට බිට්ස් නැමැති ජාත්‍යන්තර මුදල් ඒකකයක් ගෙන ඒමට දැන් ලෝකය කතාබහ වෙමින් තිබෙන බව කී ගම්මන්පිල මහතා මෙලෙස ජාත්‍යන්තර මූල්‍ය ඒකකයක් ගෙනාවොත් ඇමරිකාවේ මූල්‍ය බලය එතනින් ඉවර බවද සඳහන් කළේය.
ගිය වසරේ ලංකාව ආර්ථික අර්බුදයට මුහුණ දුන්නේ අත්‍යවශ්‍ය භාණ්ඩ ආනයනය කරන්නට සහ ණය ආපසු ගෙවන්නට ඩොලර් නැති වූ නිසා යැයිද දේශීය වෙළඳාම මෙන්ම ජාත්‍යන්තර වෙළඳාමත් ඩොලර් වලින් සිදු වීම නිසා ඇමරිකාවට තිබෙන වාසිය ලෝකේ වෙන කිසිම රටකට නැතැයි ගම්මන්පිල මහතා කීය.