දකුණු අප්‍රිකානු කණ්ඩායම එක්දින ලෝක කුසලාන ක්‍රිකට් තරගාවලියේ අවසන් පූර්ව වටයට සුදුසුකම් ලැබීමට ඊ (1) සමත් විය.
තරගාවලියේ පළමු වටයේ 32 වැනි තරගය ලෙස පූනේහිදී ඊයේ (1) පැවැති තරගයේදී දකුණු අප්‍රිකානු ක්‍රීඩකයෝ ලකුණු 190 කින් නවසීලන්තය පරාජය කරමින් පහසු ජයක් ලැබීමට සමත් වූහ.
දකුණු අප්‍රිකාව මේ වන විට සහභාගි වූ තරග 7 න් හයක් ජය ලබා ප්‍රසාද ලකුණු 12 ක් සමගින් ප්‍රසාද ලකුණු සටහනේ පළමු ස්ථානයට පත්ව සිටියි.
දකුණු අප්‍රිකානු පිල ඕවර 50 යෙදී කඩුලු 4 ට 357 (කුවින්ටන් ඩී කොක් 114, රෙසල් වෑන්ඩර් ඩුසේන් 133, ඩේවිඩ් මිලර් 53, හෙන්රිච් ක්ලාසීන් නොදැවී 15, ටිම් සවුති 77/2) නවසීලන්ත පිල ඕවර 35.3 කදී සියලු දෙනා දැවී 167 ( විල් යංග් 33, ඩැරිල් මිචෙල් 24 ග්ලෙන් පිලිප්ස් 60, මාකෝ ජැන්සන් 31/3, කේෂාව් මහරාජ් 46/4, ජෙරල්ඩ් කොයිට්ෂි 41/2)