තම දියණියට උසුළු විසිළු කිරිම නිසා කෝපයට පත් වි තරුණයෙකුට පිහියකින් ඇන ඝාතනය කිරීම සම්බන්ධයෙන් සොයමින් සිටි සැකකරුවකු ඊයේ (28) ග්‍රෑන්ඩ්පාස් පොලිසියට භාර වීමෙන් අනතුරුව අත්අඩංගුවට ගෙන තිබෙනවා.
අදාළ සිදුවීමෙන් මිය ගියේ ග්‍රෑන්ඩ්පාස් දෙවැනි නවගම්පුර ප්‍රදේශයේ පදිංචිව සිටි වයස අවුරුදු 21ක් වන තරුණයෙක්.
මෙම ඝාතනය සිදු කළ පුද්ගලයා තිදරු පියකු වන අතර ඔහු දෙවැනි නවගම්පුර ප්‍රදේශයට කුලී පදනම මත පදිංචිව සිටි පුද්ගලයෙකු බවයි පොලීසිය පැවසුවේ.
කෙසේ වෙතත් මේ වන විට ඝාතනය සඳහා යොදාගත් උල් පිහිය මෙන්ම සැකකරුට නවාතැන් දුන් මිතුරා ද පොලිසිය මගින් අත්අඩංගුවට ඇති බවයි වාර්තා වන්නේ.