රජයේ සහ රජය අනුමත පාසල්වල දෙවන වාරයේ පළමු අදියර අද ආරම්භ කෙරෙනවා. එය අගෝස්තු 17 වන දා දක්වා ක්‍රියාත්මකයි.
එමෙන්ම අගෝස්තු මස 18 වනදා සිට 27 වන දා දක්වා පාසල් නිවාඩු ලබා දෙන අතර දෙවන අදියර ලෙස අගෝස්තු 28 වන දා සිට ඔක්තෝම්බර් 27 වන දා දක්වා පාසල් පැවැත්වෙනු ඇති බවයි අධ්‍යාපන අමාත්‍යංශය පවසන්නේ.
තුන්වන වාරයේ පළමු අදියර ඔක්තෝම්බර් 30 වන දා සිට නොවැම්බර් 24 දින දක්වා පාසල් පැවැත්වෙන අතර දෙවන අදියර ලබන වසරේ ජනවාරි පළමුවන දා සිට පෙබරවාරි 16 වන දා දක්වා ක්‍රියාත්මකයි.
නොවැම්බර් 25 වන දා සිට දෙසැම්බර් 31 වන දා දක්වා උසස් පෙළ විභාගය සඳහා නිවාඩු ලබා දී තිබෙනවා.