බොරැල්ල, ලෙස්ලි රණගල මාවත ප්‍රදේශයේදී අද (20) උදෑසන වෙඩි තැබීමක් සිදු වී තිබෙනවා.
යතුරුපැදියකින් පැමිණි පුද්ගලයින් දෙදෙනෙකු විසින් යතුරුපැදියකින් ගමන් කළ පුද්ගලයෙකුටයි මෙසේ වෙඩි තබා ඇත්තේ.
වෙඩි වැදීමෙන් තුවාල ලැබූ පුද්ගලයා රෝහල් ගත කළ බව පොලිසිය සඳහන් කළා.
පොලිස් මාධ්‍ය ප්‍රකාශකවරයා සඳහන් කළේ තුවාල ලැබූ අදාළ පුද්ගලයා රෝහල් ගත කිරීමෙන් පසු මිය ගිය බවයි.
මිය ගිය පුද්ගලයා වයස 53ක් වන කැළණිය ප්‍රදේශයේ පදිංචිකරුවෙක්.
මෙම වෙඩි තිබීමට හේතුව මෙතෙක් අනාවරණය වී නොමැති අතර සැකකරුවන් පලා ගොස් ඇති බවයි වාර්තා වන්නේ.
බොරැල්ල පොලිසිය මේ සම්බන්ධයෙන් වැඩිදුර විමර්ශන කටයුතු සිදු කරනවා.