පොලිස් අණ නොතැකු ජීප් රථයට පොලීසියෙන් වෙඩි

0
21

අද(14) උදෑසන 6.20ට පමණ කිලිනොච්චිය පොලිස් වසමේ අරවියල් නගර් ප්‍රදේශයේ පොලිස් අණ නොතකා ධාවනය වු ජිප් රථයකට පොලීසියෙන් වෙඩි තබා තිබේ.

අදාළ ජිප් රථයෙන් විශාල ගංජා තොගයක් ප්‍රවාහනය කරන බවට කිලිනොච්චිය කොට්ඨාස දුෂණ මර්දන අංශයේ නිලධාරීන්ට ලද තොරතුරක් මත ඔවුන් අත්අඩංගුවට ගැනීම සඳහා පොලිස් නිලධාරීන් කණ්ඩායමක් පිටව ගොස් තිබේ.

එහිදී සැක සහිත ජිප් රථය නැවැත්වීමට පොලිස් නිලධාරීන් උත්සහ කිරීමේ දී ජිප් රථය නොනවත්වා ධාවනය කර ඇත.

එම අවස්ථාවේ දී පොලිස් නිලධාරීන් විසින් එම ජිප් රථයට වෙඩි තැබීමක් සිදු කර ඇති අතර වෙඩි තැබීමෙන් ජිප් රථයේ සිටි පුද්ගලයෙකුට වෙඩි වැදී සුළු තුවාල ලබා කිලිනොච්චිය රෝහලට ඇතුළත් කර තිබේ.

මෙම ජිප් රථයේ ගමන් කර ඇත්තේ කැබිතිගොල්ලෑව සුරාබදු ඒකකයේ නිලධාරීන් බවට පසුව අනාවරණය වී ඇත.

මෙසේ තුවාල ලබා ඇත්තේ සුරාබදු ඒකකයට තොරතුරු සපයන අයෙකු බව අනාවරණය වී ඇත.

කිලිනොච්චිය පොලීසිය මේ සම්බන්ධයෙන් වැඩිදුර විමර්ශන සිදු කරයි.