දූෂණ චෝදනාවක් සම්බන්ධයෙන් අල්ලස් කොමිසම විසින් අත්අඩංගුවට ගෙන රක්ෂිත බන්ධනාගාර ගත කර සිටි ශ්රී ලංකා රූපවාහිනි සංස්ථාවේ හිටපු සභාපතිවරයෙකු වන සරත් කෝන්ගහගේ සහ හිටපු අතිරේක අධ්යක්ෂ ජනරාල් දේවප්රිය අබේසිංහ යන අය ඇප මත මුදා හරින ලෙස කොළඹ මහේස්ත්රාත් අධිකරණය නියම කළේය.
අල්ලස් කොමිසමේ නිලධාරීන් හා සැකකරුවන්ගේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්රධාන මහේස්ත්රාත් අසංග එස් බෝදරගම මහතා විසින් මෙම නියෝගය නිකුත් කරනු ලැබීය.
ඒ අනුව එක් එක් සැකකරු රුපියල් ලක්ෂ 10 බැගින් වූ ශරීර ඇප දෙකක් මත මුදා හැරීමට නියෝග කළ මහේස්ත්රාත්වරයා සැකකරුවන්ගේ විදේශ ගමන් තහනම් කරන බවත් නියම කළේය.
ඉන් අනතුරුව මෙම නඩුව යළි ලබන සැප්තැම්බර් මස 08 වනදා කැඳවන ලෙස නියම කළ මහේස්ත්රාත්වරයා එදින විමර්ශනවල ප්රගතිය දැනුම් දෙන ලෙසත් නියම කෙරිණි.
ශ්රී ලංකා රූපවාහිනී සංස්ථාවේ අනුමත සේවක සංඛ්යාවෙන් පිටත සේවකයින් 06 දෙනෙකු බඳවා ගෙන හිටපු ජනමාධ්ය අමාත්ය කෙහෙළිය රඹුක්වැල්ලගේ පෞද්ගලික කාර්ය මණ්ඩලයට අනුයුක්ත කරමින් ශ්රී ලංකා රූපවාහිනි සංස්ථාවට පාඩුවක් සිදුකර ඇති බවට චෝදනා කරමින් අල්ලස් කොමිසම විසින් මොවුන් අත්අඩංගුවට ගෙන තිබුණි