Author: LANKA24X7

වැල්ලවාය බෙරගල ප්‍රධාන මාර්ගයේ විහාරගල 184 කිලෝමීටර් කනුව ප්‍රදේශයේ දී අද (19) අලුයම මාර්ගයට විශාල පස්කන්දක් සමග ගල්පර්වත ගස්කොළන් කඩා වැටීමෙන් මාර්ගයේ රථ වාහන ධාවනයට බාධා සිදුව ඇතයි ආපදා කළමනාකරණ මධ්‍යස්ථානය පවසයි . පැවති වර්ශාවත් සමග මෙසේ මාර්ගයට පස්කඳු ගල්පර්වත ගස්කොළන් කඩා වැටී තිබේ. මාර්ග සංවර්ධන අධිකාරියේ බණ්ඩාරවෙල විධායක ඉංජිනේරු කාර්යාලය සදහන් කළේ වැල්ලවාය බෙරගල ප්‍රධාන මාර්ගයෙට කඩා වැටී ඇති පස්කඳු ගල්පර්වත ගස්කොළන් ඉවත් කිරිමට කටයුතු කරන බවයි .

කිලිනොච්චිය අම්බාල්කුලම් ප්‍රදේශයේදී ටිපර් රථයක ගැටී වයස අවුරුදු එක හාමරක පමණ කුඩා පිරිමි දරුවකු ජිවිතක්ෂයට පත්ව ඇති බව කිලිනොච්චිය පොලිසිය සදහන් කරයි. පියා පැදවූ ටිපර් රථයටම කුඩා දරුවා මෙසේ යටව මෙම අනතුර සිදුව ඇති බව පොලිසිය සදහන් කරයි. මෙම අනතුරින් ජිවිතක්ෂයට පත්ව ඇත්තේ තවකුමාර් සින්දුජන් නමැති වයස අවුරුදු එක හමාරක් පමණ වන පිරිමි ළමයකු බව පොලිසිය සදහන් කරයි. ටිපර් රථය පිටුපස සෙල්ලම් කරමින් සිට ඇති අතර පියා ටිපර් රථය පිටුපසට ගැනීමේදී මෙම දරුවා ඊට යටව මෙම අනතුර සිදුව ඇති බව පොලිසිය සදහන් කරයි.

කඩවත සිට බණ්ඩාරවෙල බලා ධාවනය වෙමින් තිබූ මෝටර් රථයක් මතට අද උදේ 7.30 ට පමණ හල්දුම්මුල්ල නගර ආසන්නයේ දී කඳු මුදුනින් පෙරළි ආ ගල් කීපයක් මෝටර් රථය මතට වැටීමෙන් දැඩි හානි සිදුවී ඇතැයි ආපදා කළමනාකරණ මධ්‍යස්ථානය පැවසීය. මෙම මෝටර් රථයේ සිව් දෙනකු ගමන් කර ඇතත් කිසිවකුටත් හානියක් සිදුවී නොමැති වුවද මෝටර් රථයට දැඩි හානි සිදුවී ඇති බව බව හල්දුමුල්ල පොලිසිය පැවසීය. කඩවත සිට බණ්ඩාරවලට මෝටර් රථයකින් විනෝද චාරිකාවක් පැමිණි තරුණයන් සිව් දෙනකු මෙම අනතුරකට මුහුණ පා තිබේ. වර්ෂාව නොමැති අවස්ථාවක මෙසේ ගල්කුළු පෙරළී ඇති එබව ද මේ දිනවල පවතින වර්ෂාව සමඟ කඳුකර මාර්ගවලට ඉහළින් පිහිටි කඳුවලින් බුරුල් වූ ගල් පර්වත…

පාස්කු ප්‍රහාරයට වැරදිකරුවකු ලෙස පිල්ලෙයාන් අත්අඩංගුවට ගත්ත ආකාරයක් පෙන්වන්නට ආණ්ඩුව උත්සාහ ගනිමින් සිටින බව සමගි ජන බලවේගයේ කුරුණෑගල දිස්ත්‍රික් මන්ත්‍රී නලින් බණ්ඩාර මහතා පැවසීය. නමුත් පිල්ලෙයාන් අත්අඩංගුවට අරගෙන තිබෙන්නේ මිනිමැරුමක් සම්බන්ධයෙන් බව කී මන්ත්‍රීවරයා වත්මන් ආණ්ඩුව විසින් ඉවත් කරන බව කියු ත්‍රස්ත මර්දන පනත යටතේ පිල්ලෙයාන් අත්අඩංගුවට ගෙන තිබෙන්නේ යැයි කීය. පිල්ලෙයාන්ගේ වරදක් තිබෙනවා නම් ඔහුට දඩුවම් ලබාදිය යුතු නමුත් ත්‍රස්ත මර්දන පනතින් නැතිව රටේ සාමාන්‍ය නිතිය අනුව ඔහු අත්අඩංගුවට ගන්න තිබූ බවද නලින් බණ්ඩාර මහතා පැවසීය. ආණ්ඩුව ඔවුන්ගේ නොහැකියාව , අසමත්භාවය , අකාර්යක්ෂමභාවය වසා ගැනිමට තවමත් පරණ බොරු වලින් ජනතාව මුලාවට පත් කරන්න උත්සාහ ගනිමින් සිටින බවද මන්ත්‍රීවරයා කීය.…

පසුගිය ජනවාරි 1 වැනිදා සිට අප්‍රේල් 15 වැනිදා දක්වා කාලයේදී මෙරටට සංචාරකයන් 816,191 ක් පැමිණ ඇතැයි සංචාරක සංවර්ධන අධිකාරිය නිකුත් කළ නවතම දත්ත වාර්තාවල දැක්වේ. එසේම අප්‍රේල් 1 සිට 15 වැනිදා දක්වා කාලයේදී මෙරටට සංචාරකයන් 93,915 ක් මෙරටට පැමිණ ඇතැයි එහි සඳහන් වේ. මෙරටට මෙම වසරේදී සංචාරකයන් වැඩිම පිරිසක් පැමිණ ඇත්තේ ඉන්දියාවෙන් වන අතර එය සංඛ්‍යාවක් ලෙස 136,535 කි. දෙවැනි ස්ථානයට මෙරටට සංචාරකයන් පැමිණ ඇත්තේ රුසියාවෙනි. මෙම වසර ආරම්භයේ සිට පසුගිය 15 වැනිදා තෙක් රුසියාවෙන් මෙරටට සංචාරකයන් 102,273 ක් ශ්‍රී ලංකාවට පැමිණ තිබිණි. තෙවැනි ස්ථානයට සංචාරකයන් පැමිණ ඇත්තේ එක්සත් රාජධානියෙන් වන අතර එය සංඛ්‍යාවක් ලෙස 81,130 කි. මෙම වසරේ පළමු…

පවුල් ආරවුලක් දුරදිග යාමෙන් හිගුරක්‌ගොඩ කිරිමැටිය ප්‍රදේශයේ පුද්ගලයෙකු සිය බිරිදට පොරොවකින් පහරදී ඝාතනය කර ඇතැයි හිගුරක්ගොඩ පොලිසිය කියයි. තියුණු ආයුධ පහරින් බරපතල තුවාල ලබා ඝාතනයට ලක්ව ඇත්තේ අංක 831, වැලිඇල, කිරිමැටිය ලිපිනයේ පදිංචි 51 වියැති මවකි. බරපතල තුවාල සහිතව සිටි මෙම කාන්තාව එම අවස්ථාවේදීම ගල්අමුණ රෝහලට ඇතුලත් කර ඇති අතර පසුව ඇය මිය ගොස් ඇත. ඝාතනය සිදු කළ බව කියන වයස අවුරුදු 56 වන මිය ගිය කාන්තාවගේ ස්වාමියා හිගුරක්ගොඩ පොලිසිය අත්අඩංගුවට ගෙන තිබේ.

ජනාධිපති අනුර කුමාර දිසානායක මහතා ද හෙට සිරි දළදා දැක්මට සහභාගී වී දළදා වහන්සේ වන්දනා කිරීමට නියමිතව තිබේ. සිරි දළදා දැක්මේ සමාරම්භක අවස්ථාව අද (18) දහවල් 12.30ට පමණ සිදුවන අතර ‍ජනාධිපති අනුර කුමාර දිසානායක මහතාද ඊට සහභාගී වේ. තවද, විදේශ රටවල රාජ්‍ය තාන්ත්‍රිකයන් රැසක්ද මෙම අවස්ථාවට එක් වීමට අපේක්ෂා කරන අතර ඔවුන් කොළඹ සිට විශේෂ දුම්රියකින් කැටුව යාමට කටයුතු සූදානම් කර තිබේ. ජනාධිපතිවරයාගේ ඉල්ලීම මත මල්වතු, අස්ගිරි මහා නා හිමිවරුන්ගේ අනුශාසකත්වයෙන් සහ මහනුවර ඓතිහාසික දළදා මාළිගාවේ දියවඩන නිලමේවරයාගේ මඟපෙන්වීමෙන් සංවිධානය කෙරෙන සිරි දළදා වන්දනාව අද සිට අප්‍රේල් 27 වැනි දා දක්වා දින 10ක් පුරා පැවැත්වීමට නියමිතය. ආරම්භක දිනය වන අද…

වර්තමාන ආණ්ඩුවේ කැබිනට් මණ්ඩලය සහ මැති ඇමතිවරු රටට සහ ජනතාවට බරක් නොවී වැඩ කළ හැකි බව ඔප්පු කරමින් සිටින බවත් දූෂණය, වංචාව සහ නාස්තිය නතර කර ඇති බව සියයට 100 ක් විශ්වාසයෙන් කිව හැකි බවත් අග්‍රාමාත්‍ය ආචාර්ය හරිනි අමරසුරිය මෙනෙවිය පැවසුවාය. කොළොන්නාවේදී පැවති ජන හමුවකදී අග්‍රාමාත්‍ය ආචාර්ය හරිනි අමරසූරිය මෙනවිය පැවසුවාය. මීට මාස හයකට පෙර අතිවිශාල පරිවර්තනයක් බලාපොරොත්තුවෙන් විශාල පරිවර්තනයක් වෙනුවෙන් සියලු දෙනාම එකතු වී වෙනස කරගත් බවත් වර්තමාන ආණ්ඩුව රට භාර ගන්නා විට තිබ්බෙ කොතනද, මොන වගේ තත්ත්වයකද යන්න සියලු දෙනාම හොඳින් දන්නා බවත් අග්‍රාමාත්‍යවරිය කීවාය.

දෙවුන්දර හුම්මාන මාර්ගයේ දි සැක කටයුතු මෝටර් රථයක් නවත්වා පරික්ෂා කිරීමේ දී මෝටර් රථයේ පසු පස ප්‍රදේශයේ සඟවා තිබු රුපියල් 32840000 මුදල් හා රත්තරන් වළලු, කරාබු , මාල ඇතුළු ග්‍රෑම් 150 ක් පමණ වන රත්තරන් සමග බස්නාහිර පළාත් බුද්ධි මුලස්ථානයට අනුයක්තව සේවය කරමින් සිටි පොලිස් කොස්තාපල්වරයෙකු සමග පස් දෙනකු සැකපිට අත්අඩංගුවට ගත් බව පොලිස් විශේෂ කාර්ය බළකාය පවසයි. අද අලුයම 3;00 ට පමණ පොලිස් විශේෂ කාර්ය බළකායේ දෙවුන්දර කදවුරේ පොලිස් පරීක්ෂක පි.ඒ.එන් ඩි ආරියරත්න මහතා ඇතුළු නිලධාරී කණ්ඩායමක් විසින් මෙම වැටලීම සිදුකොට තිබේ. දෙවුන්දර හුම්මාන මාර්ගයේදී අධික වේගයෙන් ගමන් කළ මෝටර් රථයක් නතර කිරීමට පොලිස් විශේෂ කාර්ය බළකා නිලධාරීන් විසින්…

බළපිටිය මරදාන මහ පාරේදී ඊයේ (17) රෑ සිදුවූ වෙඩි තැබීමකින් එක් අයකු තුවාල ලබා රෝහල්ගත කළ බව අහුන්ගල්ල පොලීසිය කියයි. මෙසේ වෙඩි වැදී තුවාල ලබා ඇත්තේ අහුන්ගල්ල,වැලිකන්දේ පදිංචි අයකු බවද පොලීසිය කියයි. වෙඩි වැදී තුවාලවූ අය බළපිටිය මූලික රෝහලට ඇතුළත් කොට ඇත. මේ පුද්ගලයාට වෙඩි වැදුණු ආකාරය මෙතෙක් අනාවරණයවී නැති බවද පොලීසිය කියයි. අහුන්ගල්ල පොලීසිය මේ පිළිබදව වැඩිදුර පරීක්ෂණ පවත්වයි.