Subscribe to Updates
Get the latest creative news from FooBar about art, design and business.
Author: LANKA24X7
අවිධිමත් ලෙස කසළ බැහැර කරමින් ශ්‍රී පාදය වන්දනා කිරීමට සහභාගී වන වන්දනාකරුවන්ට එරෙහිව නීතිය තදින් ක්‍රියාත්මක කරන බව පොලීසිය පවසයි. පොලිස් පරිසර ආරක්ෂණ කොට්ඨාසයේ නියෝජ්‍ය අධ්‍යක්ෂ පොලිස් අධිකාරී මනෝජ් පෙරේරා මහතා සඳහන් කළේ, ඒ සඳහා විශේෂ වැඩපිළිවෙළක් ක්‍රියාත්මක බවය. මෙවර ශ්‍රී පාද වන්දනා සමය හෙට (07) දිනට යෙදෙන උඳුවප් පුර පසළොස්වක පොහොය දිනයෙන් ආරම්භ වන අතර එය ලබන වසරේ වෙසක් පුර පසළොස්වක පොහොය දිනය දක්වා පැවැත්වේ. ශ්‍රී පාද වන්දනා සමය තුළ අදාළ ප්‍රදේශයේ සිදුවන පරිසර හානිය අවම කර ගැනීම සඳහා විශේෂ වැඩපිළිවෙළක් ක්‍රියාත්මක කර ඇති බව පොලිස් අධිකාරී මනෝජ් පෙරේරා මහතා සඳහන් කළේය. “පොලිතින් තවත් කෙනෙකුගේ සෞඛ්‍යට අහිතකර වෙන විදියට…
ආණ්ඩුක්‍රම ව්‍යවස්ථාවෙන් පැවරෙන මුදල් පිළිබඳ බලය වඩාත් හොඳින් ක්‍රියාත්මක කිරීම සඳහා පාර්ලිමේන්තුව තුළ අයවැය කාර්යාලයක් පිහිටුවීමට මුලික කෙටුම්පතක් ඉදිරිපත් කර තිබේ. එම කෙටුම්පත ජනාධිපතිවරයා විසින් ඉදිරිපත් කර ඇති අතර එයට කැබිනට් මණ්ඩලයේ අනුමැතිය හිමිව ඇත. මේ අතර එම කෙටුම්පත පාර්ලිමේන්තුවේ සියලූම පක්ෂ නායකයින් වෙත යොමුකර එහි සඳහන් කරුණු සම්බන්ධනේ අදහස් ලබාගැනීමට ද කැබිනට් හමුවේ දී තීරණය වී තිබේ. ඒ අනුව අග්‍රාමාත්‍යවරයා විසින් පක්ෂ නායකයින් සමග අදාළ මුලික කෙටුම්පත සම්බන්ධයෙන් සාකච්ඡා කර අවසන් කර ඇත. එහිදී ඉදිරිපත් වූ අදහස් අමාත්‍ය මණ්ඩලයේ අවධානයට යොමු කර තිබේ. එකී අදහස් ද සැලකිල්ලට ගෙන සකස් කර ඇති මුලික කෙටුම්පත මත පදනම්ව පනත් කෙටුම්පතක් සකස් කරන…
රුහුණු අධ්‍යාපන විද්‍යා පීඨයේ සිදුවූ සිසු ගැටුමට සම්බන්ධ සිසුන් 54 දෙනෙකුගේ ශිෂ්‍යභාවය අවලංගු කර තිබේ. අදාළ සිදුවීම සම්බන්ධයෙන් අධ්‍යාපන අමාත්‍යංශයේ අතිරේක ලේකම්වරයෙකුගේ ප්‍රධානත්වයෙන් පරීක්ෂණයක් ද ආරම්භ කර ඇති බව අධ්‍යාපන අමාත්‍යංශය සඳහන් කළේය. එමෙන්ම සිසු ගැටුම පිළිබදව රුහුණු අධ්‍යාපන විද්‍යා පීඨය මගින් ද පරීක්ෂණයක් ක්‍රියාත්මක කර තිබේ. පසුගිය නොවැම්බර් 26 වන දින රුහුණු අධ්‍යාපන විද්‍යා පීඨයේ සිසුන් දෙපිරිසක් අතර ගැටුමක් හටගෙන තිබූ අතර එහිදී තුවාල ලැබූ සිසුන් 12දෙනෙකු රෝහල් ගතකිරීමට ද සිදුවුණි. මෙම ගැටුම සම්බන්ධයෙන් අධ්‍යාපන අමාත්‍යංශයේ විශේෂ අවධානය යොමුකර ඇති බව පෙන්වාදෙන විද්‍යාපීඨ කොමසාරිස් රංජිත් චන්දසේකර මහතා ප්‍රකාශ කළේ, ගුරු අධ්‍යාපනයෙහි නියැලෙන ශික්ෂණලාභීන්ගේ විනය පවත්වා ගැනීම සඳහා ගතහැකි උපරිම…
සියලුම සිවිල් රාජ්‍ය නිලධාරීන් වයස අවුරුදු 60 සම්පූර්ණ වූ විට අනිවාර්යයෙන්ම සේවයෙන් විශ්‍රාම ගතයුතු බවට වන නියෝගය ගැසට් පත්‍රය මගින් ප්‍රකාශයට පත්කර තිබේ. අග්‍රාමාත්‍ය දිනේෂ් ගුණවර්ධන මහතාගේ අත්සනින් යුක්තව අදාළ ගැසට් පත්‍රය ඊයේ (05) දිනයේ ප්‍රකාශයට පත්කර ඇති බව වාර්තා වේ. ඒ අනුව එම නියෝගය ලබන වසරේ ජනවාරි මස පළමුවන දින සිට බලාත්මක වනු ඇත. 55 හැවිරිදි වයස පිරුණු විට හෝ ඉන් පසුව හෝ ආණ්ඩුවේ ඕනෑම සේවකයෙකුට ආණ්ඩුවේ සේවයෙන් විශ්‍රාම ගැනීමට හැකිවන අතර නියම බලධාරියෙකු විසින් සේවයේ රඳවා ගැනීමට තීරණය කළහොත් මිස ආණ්ඩුක්‍රම ව්‍යවස්ථාව මගින් හෝ වෙනත් නීතියක් මගින් අනිවාර්ය විශ්‍රාම ගැන්වීමේ වයස නිශ්චිතව තීරණය කර ඇති නිලධාරීන් හැර සියලුම…
තමන් ශ්‍රී ලංකා නිදහස් පක්ෂය හැර දමා, වෙනත් කිසිදු පක්‍ෂයකට එකතු නොවන බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය පවසයි. තමා දේශපාලනිකව ඉපදුනේත්, හැදී වැඩුණේත් ශ්‍රී ලංකා නිදහස් පක්‍ෂයේ බවත්, විවිධ පහර කෑම් වලට ලක් වූයේ ද පක්ෂය වෙනුවෙන් බවත් පවසන හිටපු ජනාධිපතිනිය තමා මිය යාමට බලාපොරොත්තු වන්නේ ද ශ්‍රී ලංකා නිදහස් පාක්‍ෂිකයෙකු ලෙස බව සඳහන් කරයි. බණ්ඩාරනායක දර්ශනය අගය කරන, තමන්, එම දර්ශනයට අනුගත දේශපාලනයක නිරත වන ඕනෑම දේශපාලන කණ්ඩායමකට උපදෙස් ලබා දීමට නොපැකිළි වන බව ද ඇය නිකුත් කළ නිවේදනයක දැක්වේ. එමෙන්ම මේ මොහොතේ පවතින ජාතික අර්බුද දෙකක් වන ළමා මන්දපෝෂණය සමනය කිරීම සහ ජනවාර්ගික ගැටළුවට ස්ථිර සාර…
ඓතිහාසික දිඹුලාගල ආරණ්‍ය සේනාසනයේ විසන්ධි කරන ලද විදුලිය නැවත දුන්නද රුපියල් දොළොස් ලක්ෂ දොළොස් දහස් පන්සිය හැට පහයි ශත අසූඅටක මුදලක් හා ඇමුණුම් ගාස්තු වශයෙන් රුපියල් 3,000ක මුදලක් නොගෙවුවහොත් මේ මස 14 වැනිදා යළි විදුලිය විසන්ධි කරන බව ලංකා විදුලිබල මණ්ඩලයේ මින්නේරිය ප්‍රධාන විදුලි ඉංජිනේරුවරිය ලිපියකින් දැනුම් දී ඇති බව දිඹුලාගල බුද්ධ ශ්‍රාවක සංඝ සභාවේ ලේඛකාධිකාරී දිඹුලාගල රාහුලාලංකාර නාමියෝ සඳහන් කළහ. ආරණ්‍ය සේනාසනයේ විදුලිය ඉකුත් 27 වැනිදා විසන්ධි කළ අතර ඒ පිළිබඳ ලංකාදීප පුවත්පතින් අනාවරණය කිරීමෙන් පසු බොහෝ දෙනාගේ අවධානයට ලක්වූ බවත් ඒ පිළිබඳ පාර්ලිමේන්තුවේදී දැඩි කතාබහට ලක්වීමෙන් පසුව 28 වැනිදා විදුලිය නැවත ලබාදීමට කටයුතු කළ බවත් උන්වහන්සේ ප්‍රකාශ කළහ.…
එයාර් බස් සමාගම ශ්‍රී ලන්කන් ගුවන් සේවයේ විධායක නිලධාරියකුට පගාවක්දී ඇතැයි වරාය හා ගුවන් සේවා අමාත්‍ය නිමල් සිරිපාල ද සිල්වා මහතා පැවසීය. මේ සම්බන්ධයෙන් පරීක්ෂණයක්ද පැවැත්වුණු බව පැවසූ අමාත්‍යවරයා සිද්ධිය පිළිබඳව එයාබස් සමාගමට විරුද්ධව නඩු පැවරීමට කටයුතු කරගෙන යන බවද සඳහන් කළේය. නඩු පවරා වන්දියක් අය කර ගැනීමට බලාපොරොත්තු වන බවත් එම කටයුත්ත එංගලන්තයේ නීතිඥ සමාගමකට පවරා ඇති බවත් හෙතෙම පැවසුවේය.
පාස්කු ප්‍රහාරයෙන් අගතියට පත්වූවන් වන්දි ඉල්ලා නඩු පැවරිය යුත්තේ පුද්ගලිකව තමන්ට එරෙහිව නොව රජයට එරෙහිව බව හිටපු ජනාධිපති මෛත්‍රීපාල සිරිසේන මහතා පවසයි. පාස්කු ප්‍රහාරයෙන් අගතියට පත්වූ 109ක් එක්ව පැවරූ නඩු විභාගයට නොගෙන නිෂ්ප්‍රභ කරන ලෙසට ඉල්ලා ගොනුකළ අභියාචනා පෙත්සමක් විභාගයට ගත් අවස්ථාවේදී සිය නීතිඥවරු මාර්ගයෙන් හිටපු ජනාධිපති මෛත්‍රීපාල සිරිසේන මහතා මේ බව අධිකරණයට දන්වා තිබේ. මෙම නඩුව ව්‍යවස්ථාපිත කරුණු පදනම් කරගෙන පවරා ඇති බව පෙන්වා පෙන්වාදුන් හිටපු ජනාධිපතිවරයා වෙනුවෙන් පෙනී සිටි ජනාධිපති නීතීඥවරයා ව්‍යවස්ථාපිත කරුණක් විභාග කළ හැක්කේ ශේෂ්ඨාධිකරණය පමණක් බවත්, සිවිල් අධිකරණයකට එම කරුණු විභාග කිරීමට අධිකරණ බලයක් නොමැති බවත් සඳහන් කළේය. මහාධිකරණ විනිසුරු එම්.බී.බී.එස් මොරායස් හා මහාධිකරණ විනිසුරු…
ගෑස් මිල ගැන සඳහන් කරමින් ලාෆ්ස් ගෑස් සමාගම විශේෂ නිවේදනයක් නිකුත් කර තිබේ. එම නිවේදනය මගින් අදාළ සමාගම ප්‍රකාශ කර ඇත්තේ ගෘහස්ථ ලාෆ්ස් ගෑස් මිලෙහි වැඩිවීමක් සිදුනොවන බවය. ඒ අනුව දැනට පවතින මිල ගණන් යටතේ ගෑස් අලෙවි කරන බවද එම සමාගම වැඩිදුරටත් ප්‍රකාශ කර සිටී.
අක්මීමන – මාදොල ප්‍රදේශයේ දී සිය බිරිඳ ඝාතනය කළ සැමියෙකු සියදිවි හානිකර ගෙන තිබේ. පොලිස් විමර්ශනවලදී අනාවරණය වී ඇත්තේ පවුල් ආරවුලක් හේතුවෙන් මෙම ඝාතනය සිදු වී ඇති බවය. සිය බිරිඳගේ ගෙළට තියුණු ආයුධයකින් පහර දී ඝාතනය කළ සැමියා අනතුරුව ගෙළ වැළලාගෙන සියදිවි නසාගෙන තිබේ. ඊයේ (05) පස්වරුවේ මෙම ඝාතනය සිදුව ඇති අතර මියගිය කාන්තාවගේ සිරුර නිවසේ මුළුතැන් ගෙයි තිබෙන අතර සැමියාගේ සිරුර නිවසේ කාමරයක් තුල තිබු බව අක්මීමන පොලීසිය පවසයි. මෙම යුවළට දරුවන් දෙදෙනෙකු සිටින බවද අනාවරණයවී ඇත. සිද්ධිය සම්බන්ධව අක්මීමන පොලීසිය වැඩිදුර පරීක්ෂණ ආරම්භ කර තිබේ.