Author: LANKA24X7

මේ වන විට විදුලිබල මණ්ඩලය ලාභ ලබමින් පවතින බවත්, විදුලිබිල යළි වැඩිකිරීමේ අවශ්‍යතාවයක් නොමැති බවත්, හිටපු විදුලිබල ඇමැති, 43 වන සේනාංකයේ නායක, පාර්ලිමේන්තු මන්ත්‍රී පාඨලී චම්පික රණවක මහතා පැවසීය. විදුලි බිල වැඩි කිරීමෙන් පසු ඉකුත් ඔක්තෝම්බර් මස ලංකා විදුලිබල මණ්ඩලය රුපියල් කෝටි 28කට අධික ලාභයක් ලබා ඇතැයි කී මන්ත්‍රීරයා, ක්‍රමයෙන් එයට මුදල් ගලාගෙන එන නිසා පාඩුයි කීමට නොහැකි බව ද සඳහන් කළේය. පාඨලී චම්පික මහතා මේ බව පැවසුවේ 43 වන සේනාංක කාර්යාලයේ දී ඊයේ (7) පැවති මාධ්‍ය හමුවක් අමතමිනි. එමෙන්ම ලංකා විදුලි බල මණ්ඩලය සමාගම් 18කට හා වෙනත් ආයතන 4ක් ලෙස ලංකා විදුලිබල මණ්ඩලය හා අනුබද්ධ ආයතන 22 ක් ලෙස…

විදුලිබල මණ්ඩලය පාඩු ලබන නිසා මෙම වසරේ කිසිඳු පාර්ශවයකට පාරිතෝෂිත ගෙවිය නොහැකි බව ලිපියකින් දැනුම් දී ඇති බවත් පාඩු ලබන ආයතනවල සේවකයන්ට බෝනස් ගෙවිය නොහැකි බවත් මහජන උපයෝගිතා කොමිසමේ සභාපති ජනක රත්නායක මහතා ඊයේ (7) පස්වරුවේ පැවසීය. මහජන උපයෝගිතා කොමිසම යහතින් සිටින තාක්කල් කිසිඳු තුන්වැනි පාර්ශවයකට විදුලි බිල ඉහළ දැමීමට ඉඩ නොදෙන බව කී සභාපතිවරයා විදුලි ගාස්තු ඉහළ දමන ලෙස 2017 වසරේ තමන් ඉල්ලීමක් කරන තෙක් කිසිවෙක් එවැනි ඉල්ලීමක් නොකළ මෙන්ම එසේ ඉල්ලීමක් කර බව කියන ප්‍රකාශ අසත්‍ය බව ද සඳහන් කළේය. විෂය භාර අමාත්‍යවරයා පැය හත අටක් විදුලි කපන බවට බිය පතුරුවා ගාස්තු ඉහළ දැමීමට සූදානම් වන බවත් ඒවගේ…

ජපන් ණය ආධාර යටතේ ආරම්භ කළ කොළඹ – මාලබේ සැහැල්ලු දුම්රිය ව්‍යාපෘතිය ශ්‍රී ලංකා රජය ඒක පාර්ශ්විකව අවලංගු කිරීමෙන් රුපියල් මිලියන 5,978ක මුදලක් අපතේ ගොස් ඇතැයි ඒ පිළිබඳ නවතම විගණන වාර්තාවෙන් අනාවරණය කර තිබේ. එම ව්‍යාපෘතියේ ජපාන උපදේශන සමාගම බේරුම්කරණය සඳහා ජාත්‍යන්තර අධිකරණයට යාමට තීරණය කළහොත් ඊට අදාළවත් අමතර අධික පිරිවැයක් දැරීමට සිදුවන බවද එම වාර්තාවේ සඳහන්ය. කොළඹ මාර්ග තදබදය අවම කිරීම සහ මගී ජනතාවට වඩාත් යහපත් ප්‍රවාහන සේවාවක් ලබාදීමේ අරමුණ ඇතිව 2016 වසරේ ජපන් ණය ආධාර යටතේ ගිවිසුම්ගතව ආරම්භ කරන ලද සැහැල්ලු දුම්රිය ව්‍යාපෘතිය 2020 වසරේදී ශ්‍රී ලංකා රජය ඒක පාර්ශ්විකව අවලංගු කිරීම පිළිබඳව විගණන වාර්තාවක් මගින් මෙලෙස ප්‍රකාශයට…

විදුලිබල මණ්ඩලයේ නව ගොඩනැගිල්ලේ ඉදිකිරීම් කටයුතු තාවකාලිකව නතර කරන ලෙස දැනුම්දුන් බව විදුලිබල හා බලශක්ති අමාත්‍ය කංචන විජේසේකර මහතා පවසයි. මෙම නව ගොඩනැගිල්ලේ ඉදිකිරීම් කටයුතු 2021 වර්ෂයේදී ආරම්භ කළේය. අමාත්‍යවරයා සහ විදුලිබල මණ්ඩලයේ නිලධාරීන් අතර පැවති සාකච්ඡාවකදී මෙම තීරණය ගෙන ඇත. එසේම ලබන ජනවාරි මාසයේ සිට විදුලි බිල් සහ ගෙවුම් සහතික, මාර්ගගත ක්‍රමයෙන් පමණක් ලබාදීමට තීරණය කර තිබේ. අමාත්‍යවරයා ට්විටර් පණිවුඩයක් නිකුත් කරමින් වැඩිදුරටත් සඳහන් කළේ විදුලිබල මණ්ඩලයේ වියදම් අඩු කර ගැනීම සහ සේවාවන් කාර්යක්ෂමව පවත්වාගෙන යාම සඳහා ගතයුතු ක්‍රියාමාර්ග මෙන්ම පවතින ගැටළු පිළිබඳවද එහිදී සාකච්ඡා වූ බවය. මේ අතර වීදි ලාම්පු සවි කිරීම සහ ක්‍රියාත්මක කිරීම නියාමනය කිරීමට ද…

මෙරට නිල සංචිත වත්කම් ඔක්තෝබර් මාසයට සාපේක්ෂව නොවැම්බර් මාසයේදී සියයට 5.8 කින් වර්ධනය වී ඇතැයි ශ්‍රී ලංකා මහ බැංකුව නිවේදනය කර තිබේ. එම අගය දැක්වෙන්නේ අමෙරිකානු ඩොලර් මිලියන 1804ක් ලෙසටය. මෙරට නිල සංචිත වත්කම් ඉකුත් ඔක්තෝබර් මාසයේදී අමෙරිකානු ඩොලර් මිලියන 1705ක් ව පැවතියේය. ශ්‍රී ලංකා මහ බැංකුව ප්‍රකාශ කළේ චීන මහජන බැංකුවෙන් ‘ස්වැප්’ හෙවත් විනිමය හුවමාරු ක්‍රමයට ලබාගත් සීමිත ඩොලර් බිලියන 1.4ක්ද ඊට ඇතුළත් වන බවය. එහි ප්‍රධාන සංරචකය වන විදේශ විනිමය සංචිතයද ඔක්තෝබර් මාසයේ පැවති ඩොලර් මිලියන 1610සිට නොවැම්බර් මාසයේදී ඩොලර් මිලියන 1732 දක්වා ඉහළගොස් ඇති බව මහ බැංකු දත්ත වාර්තා කර සිටී. එය 7.6% ක වර්ධනයක් ලෙස සැලකිය…

පාසල් සිසුන් පමණක් නොව පාසල් සිසුවියන් ද මත්ද්‍රව්‍යවලට අබ්බැහිවීමෙන් ප්‍රතිකාර ලබාගැනීමට පැමිණිමේ අවස්ථා සීඝ්‍රයෙන් ඉහළ ගොස් ඇති බව ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පවසයි. මත්ද්‍රව්‍යවලට අබ්බැහිවීම් පිළිබඳව මීට පෙර නාගරික පාසල් ආශ්‍රිතව පමණක් වාර්තා වුවද වර්තමානය වනවිට එය ග්‍රාමීය පාසල් දක්වා වර්ධනය වී ඇති බවද ඔහු සඳහන් කළේය. දෙමව්පියන් මත්ද්‍රව්‍යවලට අබ්බැහිවීම ඇතුළු කාරණා හේතුවෙන් ළමුන් 13,000කට අධික සංඛ්‍යාවක් ළමා නිවාසවල රැඳී සිටින අතර ඔවුන්ගෙන් බොහෝ පිරිසක් අපයෝජන සිද්ධීන් හේතුවෙන් රෝහල්වලින් ප්‍රතිකාර ලබාගැනීමට පැමිණෙන බවද වෛද්‍යවරයා සඳහන් කළේය. පාසල් සිසුන් මත්ද්‍රව්‍යවලට අබ්බැහිවීමේ ප්‍රවණතාව දිනෙන් දිනම වර්ධනයවීමක් දක්නට ලැබෙන බව සඳහන් කරන විශේෂඥ වෛද්‍ය දීපාල් පෙරේරා මහතා, මෙය වැළැක්වීම…

විදෙස්ගතව සිට මෙරටට පැමිණෙන පුද්ගලයින් සඳහා පනවා තිබූ කොවිඩ් නීති කිහිපයක් අද (07) සිට ලිහිල් කර තිබේ. කොවිඩ් පැතිරයාම වැළැක්වීම සඳහා පනවා තිබූ කොවිඩ් නීති කිහිපපයක් එලෙස අහෝසි කර ඇති බව සෞඛ්‍ය සේවා නියෝජ්‍ය අධ්‍යක්ෂ ජනරාල්, වෛද්‍ය හේමන්ත හේරත් මහතා පැවසීය. ඒ අනුව, විදෙස්ගතව සිට මෙරටට පැමිණෙන පුද්ගලයින් සඳහා කොවිඩ් ආසාදිතයෙකු නොවන බවට ඉදිරිපත් කිරීම සඳහා වන PCR පරික්ෂණ වාර්තාව අනිවාර්ය කර තිබූ නීතිය අද සිට අහෝසි වන බව ඔහු සඳහන් කළේය. එමෙන්ම කොවිඩ් මර්දන එන්නත් ලබාගත් බවට වන සහතිකය ද අද සිට අනිවාර්ය නොවන බව වෛද්‍ය හේමන්ත හේරත් මහතා සඳහන් කළේය.

කෝට්ටේ ශ්‍රී ජයවර්ධනපුර රෝහලෙහි පරිපාලනය විසින් සිදුකර ඇති අක්‍රමිකතා රැසක් විගණකාධිපති වාර්තාවෙන් අනාවරණයවීම පිළිබඳව පාර්ලිමේන්තු පොදු ව්‍යාපාර පිළිබඳ කාරක සභාව හෙවත් කෝප් කමිටුවේදී අවධානය යොමුවී තිබේ. කෝප් කමිටු සභාපති මහාචාර්ය රංජිත් බණ්ඩාර මහතා ශ්‍රී ජයවර්ධනපුර රෝහලේ පාලනාධිකාරියෙන් ඒ පිළිබඳව ප්‍රශ්න කර සිටියේය. රෝහල් භූමියට අයත් ඉඩම් වෙනත් පාර්ශ්ව විසින් අත්පත් කරගැනීම මෙන්ම හඳුනාගැනීමට සිදු කළ මැනුම් කටයුත්තේ ද අක්‍රමිකතාවක් සිදුවී ඇති බව එහිදී අනාවරණය වුණි. මේ සම්බන්ධයෙන් රංජිත් බණ්ඩාර මහතා සහ විගණකාධිපති ඩබ්ලිව්.පී.සී වික්‍රමරත්න මහතා විමසා සිටි අතර රෝහල් අධ්‍යක්ෂ වෛද්‍ය රත්නසිරි හේවගේ මහතා ඊට ප්‍රතිචාර දැක්වීය. කෝප් කමිටුවේ සභාපති මහාචාර්ය රංජිත් බණ්ඩාර මහතා, “සොෆ්ට්වෙයාර් ඩිවලොප්මන්ට් එකකට විශාල මුදලක් අත්තිකාරම්…

පොලිස් වෙස්ගෙන නිවසකට ඇතුළුවූ පුද්ගලයින් තිදෙනෙක් එහි නිවැසියන් බියගන්වා ඔවුන්ට පහරදී දේපළ කොල්ලකා තිබේ. පොලීසිය සඳහන් කළේ ඊයේ (06) අලුයම් කාලයේදී කෑගල්ල ගලිගමුව ප්‍රදේශයේ නිවසකදී මෙම කොල්ලකෑම සිදුවී ඇති බවය. අදාළ ප්‍රදේශයේ ඉදිකරමින් පවතින නිවසක් ආසන්නයේ තාවකාලිකව සාදා ඇති නිවසකට ඇතුළුවී ඇති සැකකරුවන් එහි තිබූ රන් භාණ්ඩ සහ දේපළ එලෙස කොල්ලකා තිබේ. අදාළ නිවසේ හිමිකරු සිය මිතුරන් තිදෙනෙකු සමග තාවකාලිකව ඉදිකළ නිවසේ නිසා සිටියදී පොලීසිය බව පවසමින් ඊයේ අලුයම් කාලයේදී සැකකරුවන් නිවසට ඇතුළුවී ඇත. සැකකරුවන් විසින් නිවැසියන්ව දණගස්සා ඔවුන් සතුව තිබූ රන් අත්පළඳනාවක්, රන්මුදු 02ක්, රන් මාලයක්, පෙන්ඩන්ඩ් 02ක්, මුදලින් රුපියල් 355,000ක් සහ ජංගම දුරකථනයක් ඇතුළු තවත් දේපළ කොල්ලකා පළාගොස්…

2022 වසරේ මාර්තු මාසයෙන් පසු පළමුවරට වාර්ෂික ලක්ෂ්‍යමය පදනම මත වෙළෙඳ භාණ්ඩ අපනයන ආදායම පහළ ගොස් තිබේ. ඇඟලුම් අපනයන ආදායම පසුගිය ඔක්තෝබර් මාසයේ පහළ යෑම මීට ප්‍රධාන හේතුවවී ඇති බව ශ්‍රී ලංකා මහ බැංකුව සඳහන් කරයි. පසුගිය වසරේ ඔක්තෝබර් මාසයේ වෙළෙඳ භාණ්ඩ අපනයන ආදායම අමෙරිකානු ඩොලර් මිලියන 1,192ක් ලෙස සඳහන්ව තිබූ අතර එම ආදායම මෙම වසරේ ඔක්තෝබර් මසයේ සඳහන්ව තිබුණේ අමෙරිකානු ඩොලර් මිලියන 1,051ක් ලෙසය. පෙර වසරේ ඔක්තෝබර් මාසයට සාපේක්ෂව මෙම වසරේ ඔක්තෝබර් මස වෙළෙඳ භාණ්ඩ අපනයන ආදායම අමෙරිකානු ඩොලර් මිලියන 11.9ක අඩුවීමක් පෙන්නුම් කරන බව ශ්‍රී ලංකා මහ බැංකුව පවසයි. මේ අතර මෙම වසරේ ඔක්තෝබර් මාසයේ විදේශ සේවා නියුක්තිකයින්ගේ…