Author: LANKA24X7

බිත්තර ආනයනය කිරීම සඳහා අන්තර්ජාතික මට්ටමින් ටෙන්ඩර් කැඳවීම අද දිනයේ ආරම්භ කරන බව රාජ්‍ය වාණිජ විවිධ නීතිගත සංස්ථාව පවසයි. ඒ අනුව බිත්තර ආනයනය සඳහා වන ටෙන්ඩර් කැඳවීම, ආනයනය කරනු ලබන බිත්තර සංඛ්‍යාව තීරණය කිරීම සහ සුදුසු ආනයනකරුවන් තෝරාගැනීමේ කටයුතු මෙම සතිය තුළ සිදුකර අවසන් කිරීමට කටයුතු කරන බව එම සංස්ථාව සඳහන් කළේය. පවතින තත්ත්වය හමුවේ වෙළෙඳපොළට අවශ්‍ය වන බිත්තර ප්‍රමාණය රජය විසින් තීරණය කර රාජ්‍ය වාණිජ විවිධ නීතිගත සංස්ථාව වෙත දැනුම්දීමට නියමිතව තිබේ. ඊට අදාළව මෙරටට අවශ්‍ය බිත්තර සංඛ්‍යාව මෙම සතිය තුළ ආනයනය කිරීමට සැලසුම් කර ඇති බව සඳහන්ය. මේ අතර දිවයිනේ පළාත් 03ක් කේන්ද්‍ර කරගනිමින් අද දිනයේ රුපියල් 53කට…

උතුරු මැද, නැගෙනහිර සහ ඌව පළාත්වලත් මාතලේ දිස්ත්‍රික්කයේත් වැසිවාර කිහිපයක් ඇති විය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, බස්නාහිර සහ සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බවය. සබරගමුව පළාතෙත්, කළුතර සහ ගාල්ල දිස්ත්‍රික්කවලත් ඇතැම් ස්ථානවලට මි.මී. 50ට වැඩි තරමක තද වැසි ඇතිවේ. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

කුරුණෑගල, පොතුහැර ඉදිකර ඇති බව පැවසෙන ව්‍යාජ දළදා මාළිගයේ පත්තිරිප්පු කොටස ඉවත් කිරීම අද (08) පෙරවරුවේ ආරම්භ කර තිබේ. පොලීසිය පැවසුවේ එහි භාරකරුවන් විසින් අද උදෑසන එම ඉවත් කිරීම් ආරම්භ කර ඇති බවය. මෙම ව්‍යාජ දළදා මාළිගය සම්බන්ධයෙන් මතභේදාත්මක තත්ත්වයක් නිර්මාණය වී තිබූ අතර ඒ පිළිබඳ විමර්ශනයක් සිදුකරන ලෙස අස්ගිරි මල්වතු මහානායක හිමිවරුන් ඇතුළු පාර්ශ්ව රැසක්ම රජයෙන් ඉල්ලීම් සිදුකර තිබුණි. ඊයේ අදාළ ස්ථානය නිරීක්ෂණයට ගිය හිටපු අමාත්‍ය මර්වින් සිල්වා මහතා ව්‍යාජ දළඳා මාළිගයේ පත්තිරිප්පු කොටස ඉවත් කරන ලෙස එහි නිර්මාතෘ ජානක සේනාධිපති නැමැත්තාට උපදෙස් ලබාදී තිබුණි. මෙම සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව ද විමර්ශනයක් ආරම්භ කර තිබේ.

මිරිහාන ප්‍රදේශයේ පිහිටි හිටපු ජනාධිපති ගෝඨාභය රාජපක්ෂ මහතාගේ නිවසේ ආරක්ෂක රාජකාරියේ යොදවා සිටි පොලිස් සැරයන්වරයකු ට ටී56 ස්වයංක්‍රිය ගිනි අවියකින් වෙඩි තැබීමට උත්සාහ කළේ යැයි කියන එම සැරෙන්වරයා සමග ආරක්ෂක රාජකාරි යොදවා සිටි පොලිස් කොස්තාපල්වරයකු අත්අඩංගුවට ගත් බව මිරිහාන මූලස්ථාන පොලිසිය කියයි. සැකකාර පොලිස් කොස්තාපල්වරයා අත්අඩංගුවට ගෙන ඔහුට රාජකාරි සඳහා නිකුත් කර තිබූ එම ගිනි අවිය ද පොලිස් බාරයට ගෙන ඇත. සැකකාර කොස්තාපල්වරයාට ගිනි අවිය සමග ජීව උණ්ඩ තිහක්ද නිකුත් කර තිබූ අතර එයින් එක උණ්ඩයක් අස්ථානගත වී ඇති නිසා එම උණ්ඩයට සිදු වූයේ කුමක් දැයි යන්න සොයා ගැනීමට ද පොලිසිය පරීක්ෂණ පවත්වාගෙන යයි.

පෙතියාගොඩ ප්‍රදේශයේ දී දෙපිරිසක් අතර ඇතිවූ ආරවුලක් දුරදිගයාමෙන් ඇති වූ ගැටුමකදී සිදුකළ පහරදීමකින් පුද්ගලයෙකු මියගොස් තිබේ. පොලිස් මාධ්‍ය ප්‍රකාශක කාර්යාලය පැවසුවේ ඊයේ (07) රාත්‍රියේ මෙම පහරදීම සිදුවී ඇති බවය. මෙම පහරදීගැනීමෙන් තුවාල ලැබු පුද්ගලයින් දෙදෙනෙක් කොළඹ ජාතික රෝහලට සහ තිදෙනෙක් රාගම රෝහලට ඇතුළු කර තිබුණි. එහිදී මියගොස් ඇත්තේ බරපතළ තුවාල ලබා කොළඹ ජාතික රෝහලේ ප්‍රතිකාර ලබමින් සිටි අයෙකි. ඔහු අවුරුදු 42ක් වයසැති පෙතියාගොඩ, කැලණිය ප්‍රදේශයේ පදිංචිකරුවෙකි. පොලිස් විමර්ශන වලදී හෙළි වී ඇත්තේ තියුණු ආයුධ සහ පොලු මුගුරුවලින් මෙම පුද්ගලයාට පහර දී ඇති බවය. මෙම ආරවුලට හේතුව මෙතෙක් අනාවරණය වී නොමැති අතර පෑලියගොඩ පොලීසිය වැඩිදුර විමර්ශන සිදුකරයි.

නොරොච්චෝල ගල්අඟුරු බලාගාරයේ අක්‍රීය කර තිබූ ජනන යන්ත්‍රය මගින් අද (08) සිට යළි විදුලි උත්පාදනය ආරම්භ කිරීමට නියමිතය. ගල්අඟුරු තොග ප්‍රමාණවත් නොවීම සහ අලුත්වැඩියා කටයුතු හේතුවෙන් නොරොච්චෝල බලාගාරයේ එක් ජනන යන්ත්‍රයක් පසුගිය මස 23 වනදා අක්‍රිය කිරීමට ලංකා විදුලි බල මණ්ඩලය පියවර ගෙන තිබුණි. මේ වනවිට ප්‍රමාණවත් පරිදි ගල් අඟුරු තොග ලැබෙමින් පවතින බැවින් එම ජනන යන්ත්‍රය ක්‍රියාත්මක කිරීමට හැකියාව ලැබී ඇති බව විදුලි බල මණ්ඩලය පවසයි. මේවන විට ගල් අඟුරු මෙට්‍රික්ටොන් 60,000 බැගින් වූ නෞකා දෙකක් දිවයිනට පැමිණ ඇති අතර ඉන් එක් නෞකාවක ගල්අඟුරු තොග ගොඩ බෑමේ කටයුතු සිදුකෙරෙමින් පවතී.

සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් මෙවර පළාත් පාලන මැතිවරණයේ දී කොළඹ පුරපති ධුරය සඳහා ඉදිරිපත් වීමට සූදානම් වන බවට වාර්තා වනවා. ඒ අනුව මෙවර මැතිවරණයේ දී මහ නගරාධිපති ධුරය සඳහා මන්ත්‍රීවරයා තරග වදිනු ඇති. එම පක්ෂකයේ ආරංචි මාර්ග සඳහන් කළේ, ඉදිරියේ දී මුජිබර් රහුමාන් මන්ත්‍රීවරයා මේ බව සඳහන් කිරීමට නියමිත බවයි. මේ වනවිට (08) කොළඹ පුරපති නොහොත් මහ නගරාධිපති ලෙස කටයුතු කරන්නේ රෝසි සේනානායකයි. ඒ අනුව මෙවර මුජිබර් රහුමාන්ගෙන් වත්මන් පුරපතිනි රෝසි සේනානායකට දේශපාලන අභියෝගයක් එල්ල වනු ඇති බවට ද වාර්තා වනවා.

චීනයෙන් පරිත්‍යාග කළ ඩීසල් තොගය ලබන සඳුදා සිට ගොවීන්ට බෙදා දෙන බව කෘෂිකර්ම අමාත්‍යංශය පවසනවා. කෘෂිකර්ම අමාත්‍යංශය විසින් නිර්මාණය කළ නව යෙදවුමක් හරහා ගොවීන්ට ඩීසල් බෙදා හැරීමට නියමිතයි. ගොවීන්ට නොමිලේ බෙදා දීම සඳහා චීනයෙන් ඩීසල් ලීටර් මිලියන 10යි දශම 6ක් ලබා දී තිබුණා. ඉන් කොටසක් ධීවරයන්ට ලබා දීමටයි කෘෂිකර්ම අමාත්‍යංශය කටයුතු කළේ. ඉතිරි ඩීසල් තොගය වන ලීටර් මිලියන 6යි දශම 9යි 8ක ප්‍රමාණය ලබන සඳුදා සිට ගොවීන්ට ලබා දෙනු ලබනවා. ලංකා ඛනිජ තෙල් නීතිගත සංස්ථාවට අයත් ඉන්ධන පිරවුම්හල්වලින් ගොවීන්ට මෙම ඩීසල් ලබා ගත හැකි බවයි කෘෂිකර්ම අමාත්‍යංශය පැවසුවේ. හෙක්ටයාරයක් දක්වා වගා කර ඇති ගොවීන්ට අස්වනු නෙලීමට මෙම ඩීසල් ලබාදෙන අතර…

බෞද්ධ සිද්ධස්ථාන ලෙස ව්‍යාජ සකස් කරන ස්ථානවලට නොරැවටෙන ලෙස අස්ගිරි පාර්ශවයේ ලේඛකාධිකාරී ආචාර්ය මැදගම ධම්මානන්ද හිමියන් ජනතාවගෙන් ඉල්ලීමක් කරනවා. බුදු දහම පදනම් කරගෙන ව්‍යාජව කටයුතු කරන පුද්ගලයන්ටද හසු නොවන ලෙසයි උන්වහන්සේ ජනතාවගෙන් ඉල්ලා සිටියේ.

රාමසාන් උපවාස සමය ආසන්න වෙත්ම පාකිස්තානය තුළ ආහාරවටල අදාළව අර්බුදයක් මතුවිය හැකි බව විදෙස් මාධ්‍ය අනතුරු අඟවා තිබේ. ඒ, එරට ගිතෙල් සහ ආහාර පිසීමට ගන්නා අනෙකුත් තෙල්වර්ගවල හිඟයක් ඇතිවෙමින් තිබෙන බවට කරුණු අනාවරණයවීමත් සමගය. රට තුළ පවතින ඩොලර් අර්බුදය ඊට ප්‍රධාන හේතුව බවට පත්වී ඇත. පවතින තත්ත්වය පාලනය කර කඩිනම් විසදුම් ගෙනඒමට රජය අපොහොසත් වුවහොත් වෙළෙඳපොලේ පවතින ආහාර පිසීමට ගන්නා තෙල්වල මිල ඉහළ යනු ඇති බවද විදෙස් මාධ්‍ය සඳහන් කරයි. ආනයනික භාණ්ඩ නිෂ්කාසනය සඳහා ණයවර ලිපි සහ අනෙකුත් ලියකියවිලි විවෘත කිරීමට වාණිජ බැංකු අපොහොසත්වීම හමුවේ මෙම අර්බුදය මතුවෙමින් ඇති බවද විදෙස් මාධ්‍ය පෙන්වා දෙයි.