Author: LANKA24X7

රටේ ඇතිවූ බංකොලොත්භාවයට හේතු සෙවීම සඳහා පත් කළ පාර්ලිමේන්තු විශේෂ කාරක සභාවෙන් සමගි ජන බලවේගයේ සහ සමගි ජන සන්ධානයේ මන්ත්‍රීවරුන් ඉවත්වීමට තීරණය කර තිබේනවා. පොදුජන පෙරමුණේ මහලේකම් පාර්ලිමේන්තු මන්ත්‍රී සාගර කාරියවසම්ගේ සභාපතිත්වයෙන් යුත් එම කාරක සභාව සදහා වන සමාජික මන්ත්‍රීවරුන් 13කුගේ නම් කථානායක මහින්ද යාපා අබේවර්ධන පසුගියදා පාර්ලිමේන්තුවට ඉදිරිපත් කරනු ලැබුවා. එහිදි විපක්ෂය ඊට විරෝධය පළකළේ එහි සභාපතිත්වය සහ වැඩි සමාජික පිරිසක් පොදුජන පෙරමුණෙන් නම් කර තිබිම හේතුවෙන්. එහි සභාපතිත්වය ලබා දෙන ලෙස විපක්ෂය ආණ්ඩුවට දැනුම් දී තිබුණත් එය ඉටු නොවීම නිසා අදාළ කාරක සභාවේ සාමාජිකත්වයෙන් සමගි ජනබලවේගය සහ සමගි ජන සන්ධානයේ මන්ත්‍රීවරුන් ඉවත් වීමට තීරණය කළ බවයි විපක්ෂ නායක…

මිථ්‍යාව තුළින් තම ගැටලු විසඳා ගැනීමට උත්සාහ කළ බොහෝ පුද්ගලයින්ට ඛේදනීය ඉරණමක් අත්වූ සිදුවීම් රැසක් පසුගිය සමයේ වාර්තා වුණා. දරුඵල අපේක්ෂාවෙන් ශාන්තිකර්මයක් සිදුකරගැනීමට ගිය 22 හැවිරිදි තරුණියකට ජීවිතයෙන් වන්දි ගෙවීමට සිදු වූ මේ පුවත වාර්තා වුණේ දියබෙදුම, ජඹුරේවෙල ප්‍රදේශයෙන්. පොළොන්නරුව, ජඹුරේවෙල, අත්තනකඩවල ප්‍රදේශයේ පදිංචි 22 හැවිරිදි දිල්මි සඳුනිකා දරුවෙකු අපේක්ෂාවෙන් සිට ඇත්තේ වසර 4ක කාලයක සිටයි. නිරන්තරයෙන් ලබාගත් වෛද්‍ය උපදෙස් මෙන්ම විවිධ ප්‍රතිකාර ක්‍රම අනුගමනය කළද ඉන් කිසිදු ප්‍රතිඵලයක් නොලද දිල්මිගේ අවධානය යොමු වුණේ ශාන්තිකර්මයක් කරගැනීම වෙතයි. ශාන්තිකර්ම මගින් ලෙඩ සුවපත් කිරීම සහ දරුඵල ලබාදෙන බවට පැවසෙන ගිරිතලේ, යාය 01 ප්‍රදේශයේ ඥාති කාන්තාවක් දිල්මිට හමුවන්නේ මේ අතරවාරයේයි. ඒ අනුව දිල්මි…

දෙදින නිල සංචාරයක් සදහා ඉන්දීය විදේශ ලේකම් විනේ මොහාන් ක්වත්‍රා දිවයිනට පැමිණ තිබෙනවා. නවදිල්ලි නුවර සිට ඉන්දීය ගුවන් හමුදාවට අයත් යානයකින් අද රාත්‍රියේ ඔහු ඇතුළු පිරිස කටුනායක ගුවන් තොටුපොළ වෙත පැමිණි බවයි ගුවන් තොටුපල හිරු වාර්තාකරු සදහන් කළේ. මේ අතර දෙදින නිල සංචාරයක් සඳහා ජනාධිපති රනිල් වික්‍රමසිංහ එළඹෙන 21 වනදා ඉන්දියාව බලා පිටත්ව යාමට නියමිත බව විදෙස් මාධ්‍ය පවසනවා. ජනාධිපතිවරයා මෙම සංචාරයේදී ඉන්දීය අග්‍රාමාත්‍ය නරේන්ද්‍ර මෝදි හමුවී සාකච්ඡා කිරීමට නියමිත බවයි එම වාර්තා සඳහන් කළේ. රනිල් වික්‍රමසිංහ ජනාධිපති ධුරයට පත්වීමෙන් පසු ඉන්දියාවේ සංචාරයක යෙදෙන පළමු අවස්ථාව ද මෙය වනවා. මේ අතර ශ්‍රී ලංකාව සහ ඉන්දියාව අතර කන්කසන්තුරය වරාය කේන්ද්‍ර කරගනිමින්…

බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (11) දිනයේ දී සිහින් වැසි වාර කිහිපයක් ඇති වන බව කාලගුණ විද්‍යා දෙපාර්තමේන්තුව පවසනවා. එම නිවේදනයේ දැක්වෙන්නේ උතුරු සහ නැගෙනහිර පළාත්වලත්, පොලොන්නරුව දිස්ත්‍රික්කයේත් උදෑසන කාලයේ දී වැසි ඇති විය හැකි බවයි. ඌව පළාතේ සහ අම්පාර, මඩකළපුව දිස්ත්‍රික්කවලත් සවස් කාලයේ දී හෝ රාත්‍රී කාලයේ දී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බවත් එම නිවේදනයේ සඳහන්.

පේරාදෙණිය, මීවතුර ජල පොම්පාගාරය අසල මහවැලි ගඟේ නාඳුනන පුද්ගලයෙකුගේ මෘත ශරීරයක් හමු වී ඇති බව පොලිසිය පවසනවා. පොලිසිය පවසන්නේ මියගිය තැනැත්තාගේ අනන්‍යතාවය මෙතෙක් තහවුරු වී නොමැති බවත්, වයස අවුරුදු 30ත් 40ත් අතර වන, අඩි 05 අගල් 06 ක් පමණ වූ මෙම මෘත ශරීරය සතුන් විසින් කා දැමීමෙන් හඳුනාගත නොහැකි තත්ත්වයට පත් වී ඇති බවයි. එම දේහය සම්බන්ධයෙන් පශ්චාත් මරණ පරීක්ෂණය සඳහා පේරාදෙණිය රෝහලේ මෘත ශරීරාගාරයේ තැම්පත් කර ඇති අතර, මෙම මරණය සම්බන්ධයෙන් පේරාදෙණිය පොලිසිය විසින් විමර්ශණ ක්‍රියාත්මක කරනු ලබයි.

ඇමරිකානු රාජ්‍ය දෙපාර්තමේන්තුවේ මූලිකත්වයෙන් සහ එරට රාජ්‍ය ලේකම් ඇන්ටනී බ්ලින්කන්ගේ ප්‍රධානත්වයෙන් පැවති කෘත්‍රිම මත්ද්‍රව්‍ය නිවාරණය සම්බන්ධයෙන් වූ ජාත්‍යන්තර සමුළුවට ශ්‍රී ලංකාව නියෝජනය කරමින් මහජන ආරක්ෂක අමාත්‍ය ටිරාන් අලස් එක්වී තිබෙනවා. අදාළ සමුළුව පසුගියදා සූම් තාක්ෂණය ඔස්සේ පැවැත්වූ බවයි මහජන ආරක්ෂක අමාත්‍යංශය සඳහන් කළේ. කෘත්‍රිම මත්ද්‍රව්‍ය නිෂ්පාදනය සහ බෙදා හැරීම මර්දනය කිරීමට ලොව සියලු රටවල් කටයුතු කළ යුතු ආකාරය පිළිබඳ මෙහිදී වැඩි අවධානයක් යොමු කර තිබෙනවා. ඊශ්‍රායලය, ජර්මනිය, ඉතාලිය ඇතුලු රටවල් රැසක නියෝජිතයින්ගේ සහභාගීත්වයෙනුයි මෙම සමුළුව පවත්වා ඇත්තේ.

ව්‍යාපාරිකයන් දෙදෙනෙකු විසින් රුපියල් දෙකෝටි අසූ ලක්ෂක වටිනාකමකින් යුත් ස්වර්ණාභරණ තොගයක් නීතිවිරෝධී ලෙස ශ්‍රී ලංකාවට ගෙන එමින් සිටියදී පොලිස් මත්ද්‍රව්‍ය නාශක කාර්යාංශයේ නිලධාරීන් විසින් අත්අඩංගුවට ගෙන තිබෙනවා. මොවුන් නිතර නිතර ගුවන් ගමන්වල යෙදෙමින් විදේශ රටවලින් භාණ්ඩ රැගෙනවිත් අලෙවි කරන අවුරුදු 44ක් වයසැති කොළඹ සහ වැල්ලම්පිටිය ප්‍රදේශයේ පදිංචිකරුවන්. මෙම ව්‍යාපාරිකයන් දෙදෙනා ඊයේ ඉන්දියාවේ චෙන්නායි නුවර සිට කටුනායකට පැමිණ ඇති අතර ඔවුන්ගේ ගමන් මලු වල තිබී කිලෝ එකයි ග්‍රෑම් 780ක් බරැති මෙම ස්වර්නාභරණ තොගය හමුවී තිබෙනවා. මේ අතර කිලෝග්‍රෑම් 5ක බරැති රන් සහිත ජෙල් ද්‍රාවණයක් සිය සිරුරේ සඟවා ගෙන කටුනායක ගුවන් තොටුපළෙන් පිට කිරීමට තැත් කිරීමේ සිද්ධියකට අත්අඩංගුවට ගත් ගුවන්තොටුපළේ බදු රහිත…

අස්වැසුම සුබසාධන වැඩසටහනේ අභියාචනා සහ විරෝධතා ඉදිරිපත් කිරීමට ලබාදී තිබූ කාලසීමාව අවසන් වීමත් සමඟ එම ලැයිස්තුව ජනාධිපති ලේකම් කාර්යාලයට ලබාදීමට නියමිත බව සමාජ සුබසාධක ප්‍රතිලාභ මණ්ඩලය සදහන් කළා. ඒ අනුව මේ වනවිට ඉදිරිපත් වී ඇති අභියාචනා සංඛ්‍යාව නවලක්ෂ 59,109ක් වන අතර විරෝධතා 16,322ක් ලැබී තිබෙනවා. සමාජ සවිබල ගැන්වීම් රාජ්‍ය අමාත්‍ය අනූප පැස්කුවෙල් කියා සිටියේ කිසියම් ප්‍රදේශයක අභියාචනා ලබා ගැනීමට කටයුතු කර නැත්නම් ඒ පිළිබදව ජනාධිපති ලේකම් කාර්යාලයට පැමිණිලි කළ හැකි බවයි. එමෙන්ම දේශීය ණය ප්‍රතිව්‍යුහගතකරණයේදී සේවක අර්ථ සාධක අරමුදල සහ සේවක භාරකාර අරමුදල රැකගැනීම සඳහා ඊයේ සිට දීපව්‍යාප්තව ඒකාබද්ධ විරෝධතා මාලාවක් වරාය අධිකාරිය ඉදිරිපිට පිහිටි කාන් ඔරලෝසු කණුව අසළින් ආරම්භ…

ජන හා නිවාස සංගණනයක් පැවැත්විය යුතු බවට නියෝග කරමින් ජනාධිපති රනිල් වික්‍රමසිංහ අතිවිශේෂ ගැසට් නිවේදනයක් නිකුත් කර තිබෙනවා. මුදල්, ආර්ථික ස්ථායිකරණ හා ජාතික ප්‍රතිපත්ති අමාත්‍යවරයා ලෙස ජනාධිපතිවරයා නිකුත් කර ඇති මෙම ගැසට් නිවේදනයට අනුව එම සංගණනය 2023 සහ 2024 යන වර්ෂ වලදී පැවැත්විය යුතුයි. මීට පෙර අවසන් වරට ජන හා නිවාස සංගණනයක් පවත්වා ඇත්තේ 2012 වසරේදීයි.

රටේ මුල්‍ය බංකොලොත්භාවය පිළිබඳව සොයා බැලීම සඳහා පත් කළ පාර්ලිමේන්තු විශේෂ කාරක සභාව සහ එහි සභාපතීත්වය සංශෝධනය කරන ලෙස දන්වමින් කතානායකවරයා වෙත ඉල්ලීමක් සිදුකිරිමට සමගි ජනබලවේගය පක්ෂය තීරණය කර තිබේ. ඒ අනුව අදාළ ඉල්ලීම මීළඟ පාර්ලිමේන්තු සභාවාරයේ දී සිදුකිරීමට පියවර ගන්නා බව එම පක්ෂයේ පාර්ලිමේන්තු මන්ත්‍රී කබීර් හෂීම් මහතා පැවසුවේය. කෑගල්ල ප්‍රදේශයේ දී මාධ්‍ය වෙත අදහස් දක්වමින් පාර්ලිමේන්තු මන්ත්‍රී කබීර් හෂීම් මහතා මේ බව සඳහන් කළේය. “ඒ කණ්ඩායම ම තමා මේ රට බංකොලොත් කළේ. ඒ රජය යටතේ බැසිල් රාජපක්ෂ මහතා සහ ඔහු සමග හිටිය නිලධාරීන්, පී. බී. ජයසුන්දර ලේකම්වරයා, මහ බැංකු අධිපති ලෙස නිවාඩ් කබ්රාල්, ඒ අය තමා ආර්ථික ඝාතකයෝ.…