Subscribe to Updates
Get the latest creative news from FooBar about art, design and business.
Author: LANKA24X7
තුන්වේලම හොඳට කාලා බීලා තෘප්තිමත් ජනතාවක් සිටිය රටක් බංකොලොත් කියලා ලෝකයටම ප්රකාශ කර තිබෙන්නේ වත්මන් ආණ්ඩුව යැයි හිටපු ජනාධිපතිනි චන්ද්රිකා කුමාරතුංග මහත්මිය කුරුණෑගලදී පැවැසුවාය. කුරුණෑගල දිස්ත්රික් පාර්ලිමේන්තු මන්ත්රී (පොදුජන පෙරමුණ ) ජයරත්න හේරත් මහතාගේ කුරුණෑගල වඳුරාගල පිහිටි නිවසේ මෙම ජනහමුවකට එක් වෙමින් හිටපු ජනපතිනිය එසේ කීවාය. එහිදී වැඩි දුරටත් අදහස් දැක්වූ හිටපු ජනාධිපතිනිය මෙසේද සඳහන් කළාය. දැන් ලංකාව ණය නොගෙවන රටක් බව ආණ්ඩුවම පිළිගෙන තියෙනවා. මොන විලිලැජ්ජාවක්ද ඒක. සීයට 33% ක් පවුල් වේලක් කන තත්ත්වයට අද පත් වෙලා තියෙනවා. අවුරුදු පහට අඩු ළමයි විශාල පිරිසක් අධි මන්ද පෝෂණයෙන් පෙලෙන රටක් බවට වත්මන් ආණ්ඩුව රට පත් කරලා ඉවරයි. මේ රට බංකොලොත්…
පලාලි ජාත්යන්තර ගුවන්තොටුපොළේ ගුවන්සේවා කටයුතු වසර ගණනාවකට පසුව අද (12) නැවත ආරම්භ කෙරිණ. ඒ අනුව ඉන්දියාවේ, චෙන්නායි සිට පලාලි ජාත්යන්තර ගුවන්තොටුපොළ දක්වා මගී ගුවන් යානයක් අද (12) උදැසන පැමිණියේය. පැවති කොරෝනා වසංගත තත්ත්වය හා පලාලි ගුවන්තොටුපොළ සංවර්ධන කටයුතු හේතුවෙන් පසුගිය සමයේ පලාලි සිට ඉන්දියාව දක්වා ගුවන් ගමන් නවතා තිබිණ. රුපියල් මිලියන 2,250ක වියදමකින් පලාලි ජාත්යන්තර ගුවන්තොටුපොළ සංවර්ධනය කළේය. නව ගුවන් ගමන් සේවා ආරම්භයත් සමඟ ඉන්දියාවේ සිට පලාලි දක්වා සතියේ සෑම සඳුදා, අඟහරුවාදා හා සෙනසුරාදා දිනයකම ගුවන් ගමන් ක්රියාත්මක කිරීමට සුදානම් කොට ඇති බව ගුවන්තොටුපොළ භාර නිලධාරීහු පැවසූහ.
ඊයේ (11) දිනට සාපේක්ෂව දිස්ත්රික්ක රැසක වායු ගෝලයේ දූෂණ මට්ටම අද (12) ඉහළ ගොස් තිබූ බව ජාතික ගොඩනැගිලි පර්යේෂණ සංවිධානය නිකුත් කළ නවතම වාර්තාවල දැක්වුණි. කෙසේ වෙතත් එම සංවිධානය පවසන්නේ අද දිනය තුළ වායු දූෂණ තත්ත්වය මධ්යම මට්ටමක් තුළ පවතී යැයි අපේක්ෂා කරන බැවින් එම තත්ත්වය සෞඛ්යමය වශයෙන් අහිතකර තත්ත්වයක් නොවන බවය. කෙසේ වෙතත් වායු ගුණය කෙරෙහි සංවේදී පුද්ගලයින් හට යම් අපහසුතා ඇති විය හැකි බවද එම දෙපාර්තමේන්තුව පවසයි. ඉන්දියාවේ නව දිල්ලි අගනුවර ඇතුළු ඒ අවට තිබු අයහපත් වායු ධාරාවල බලපෑම පසුගිය දින කිහිපය පුරා ශ්රී ලංකාවට ද දරුණු ලෙස බලපෑවේය. වායු ගුණ තත්ත්ව දර්ශකයට අනුව කොළඹ දිස්ත්රික්කයේ වායු දූෂණ…
ඉදිරි පළාත් පාලන මැතිවරණයේදී එක්සත් ජාතික පක්ෂය සහ තවත් පක්ෂ ගණනාවක් සමග සන්ධාන ගතව තරග කළහොත් පමණක් ජයගත හැකි බව පාර්ලිමේන්තු මන්ත්රී එස්. එම්. චන්ද්රසේන මහතා පැවසීය. හොරිවිල ප්රදේශයේ දේශපාලන කටයුතුවල නිරතව සිටින අවස්ථාවේදී මාධ්යවේදීන් ඇසූ ප්රශ්නයකට පිළිතුරු දෙමින් මන්ත්රීවරයා ඒ බව සඳහන් කළේය. ප්රශ්නය – රනිල් වික්රමසිංහ ජනාධිපතිවරයා ඔබතුමාල එක්ක එකට එකතුවෙලා ඡන්දයට ඉදිරිපත් වෙනවාද ? “සාකච්ඡා එක එක මට්ටමෙන් යනවා. අපි සන්ධානයක් හැටියට ගොඩක් පක්ෂ සමග එකතුවෙනවා. එක්සත් ජාතික පක්ෂයත් එකතුවෙන්න පුළුවන්. තව පක්ෂ එකතුවෙන්න පුළුවන්. සන්ධානයක් හැටියට ඔක්කෝම එකතුවෙලා ගියොත් තමයි අපි ජයග්රාහණය තහවුරු වෙන්නේ. ඒ අවශ්ය කටයුතු අපි කරගෙනයනවා.”
රාජ්ය ඇමතිනී ඩයනා ගමගේ මහත්මියගේ පාර්ලිමේන්තු මන්ත්රී ධූරය බලරහිත කිරීමේ රිට් ආඥාවක් නිකුත් කරන ලෙස ඉල්ලා ගොනුකර ඇති පෙත්සම ජනවාරි මස 26 වන දා විභාගයට ගැනීමට අභියාචනාධිකරණය දින නියම කළේය. සෝභිත රාජකරුණා සහ ධම්මික ගනේපොල යන මහත්වරුන් ගෙන් සමන්විත අභියාචනාධිකරණ විනිසුරු මඩුල්ල විසින් මෙම නියෝගය කරනු ලැබීය. එම පෙත්සම අද කැඳවනු ලැබූ අවස්ථාවේදී පෙත්සම ඉදිරිපත් කළ ඔෂල හේරත් මහතා වෙනුවෙන් පෙනී සිටි නීතිඥ හෆීල් ෆාරිස් සහ වගඋත්තරකරුවකු වශයෙන් නම් කර සිටින සමගි ජන බලවේගයේ මහලේකම් රංජිත් මද්දුම බණ්ඩාර මහතා වෙනුවෙන් පෙනී සිටි ජනාධිපති නීතිඥ ෆර්මාන් කාසීම් මහතා අධිකරණය හමුවේ කරුණු දක්වමින් මෙය හදිසි නඩු කටයුත්තක් සේ සලකා කඩිනමින් විභාග කිරීම…
රාජ්ය අමාත්ය සනත් නිශාන්ත මහතාට එරෙහිව අධිකරණයට අපහාස කිරීම සම්බන්ධයෙන් චෝදනා පත්ර ගොනුකිරීම සඳහා අභියාචනාධිකරණය විසින් නීතිපතිවරයාට ජනවාරි මස 17 වනදා දක්වා කල් ලබාදී තිබේ. නිශ්ශංක බන්දුල කරුණාරත්න සහ ආර්. ගුරුසිංහ යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල ඉදිරියේ එම නඩුව කැඳවීමෙන් අනතුරුව මෙම නියෝග නිකුත් කළේය. මෙම පැමිණිලි කැඳවනු ලැබු අවස්ථාවේදී විත්තිකාර සනත් නිශාන්ත මහතා අධිකරණය හමුවේ පෙනී සිටියේය.
අන්තර් විශ්වවිද්යාල ශිෂ්ය බලමණ්ඩලයේ කැඳවුම්කරු වසන්ත මුදලිගේ ව නීතිපතිවරයාගේ උපදෙස් ලැබෙන තුරු හෙට (13) දක්වා රක්ෂිත බන්ධනාගාරගත කර තිබේ. ත්රස්තවාදය වැළැක්වීමේ පනත යටතේ රක්ෂිත බන්ධනාගාර ගතකර සිටින වසන්ත මුදලිගේ අද අධිකරණය හමුවට ඉදිරිපත් කිරීමෙන් අනතුරුව කොළඹ අතිරේක මහෙස්ත්රාත් තරංගා මහවත්ත මහත්මිය එම නියෝගය ලබා දුනි.
ත්රස්තවාදය වැළැක්වීමේ පනත යටතේ රක්ෂිත බන්ධනාගාර ගතකර සිටින අන්තර් විශ්වවිද්යාල ශිෂ්ය බලමණ්ඩලයේ කැඳවුම්කරු වසන්ත මුදලිගේ මහතා බන්ධනාගාර නිලධාරීන් විසින් කොළඹ මහෙස්ත්රාත් අධිකරණයට රැගෙනවිත් තිබේ. එලෙස රැගෙන විත් ඇත්තේ, නඩු විභාගයක් සඳහා ඉදිරිපත් කිරීමටය. එම නඩුව පසුව කැඳවීමට නියමිත අතර එහිදී වසන්ත මුදලිගේ සම්බන්ධයෙන් සිදුකළ විමර්ශනවල ප්රගතියද නීතිපතිවරයාට විසින් අධිකරණයට වාර්තා කිරීමට නියමිතය.
පේරාදෙණිය විශ්වවිද්යාලයේ හිටපු උපකුලපති භූ විද්යා ජ්යෙෂ්ඨ මහාචාර්ය අතුල සේනාරත්න මහතාට පහරදීමේ සිද්ධියට සම්බන්ධ විශ්වවිද්යාල සිසුන් 10 දෙනෙකු පමණ මේ වන විට හඳුනාගෙන ඇති බවට වාර්තා වේ. පෙරේදා රාත්රී මහාචාර්යවරයාගේ නිල නිවස ආසන්නයේදී ඔහුගේ පුත්රයාගේ මෝටර් රථය, නවතා තිබූ යතුරුපැදියක ගැටී ඇති බව පවසා විශ්වවිද්යාල සිසුන් කිහිපදෙනෙකු සමග බහින් බස්වීමක් සිදුවී ගැටුමක් හටගෙන තිබුණි. අදාළ පහරදීම සම්බන්ධයෙන් සිදුකළ පොලිස් පරික්ෂණවලදී මහාචාර්යවරයාගේ නිවසේ CCTV දර්ශන උපයෝගී කර ගනිමින් එහි දේපළවලට හානි සිදුකරන විශ්වවිද්යාල ශිෂ්යයෙකු නිශ්චිතව හඳුනාගෙන ඇති බව වාර්තා වේ. ඒ අනුව සිද්ධියට අදාළව මේ වන විට හඳුනාගෙන විශ්වවිද්යාල සිසුන් අත්අඩංගුවට ගැනීමට අවශ්ය පියවර ගනිමින් සිටින බව සඳහන්ය. එමෙන්ම මෙම සිදුවීම…
මරදාන, දෙමටගොඩ, ග්රෑන්ඩ්පාස් පොලිස් වසම් ආවරණය වන පරිදි විශේෂ පොලිස් මෙහෙයුමක් සිදුකර තිබේ. ඊයේ (11) රාත්රී 8.00 සිට රාත්රී 10.00 දක්වා මාළිගාවත්ත පොලිස් ස්ථානය විසින් එම මෙහෙයුම ක්රියාත්මකළ බව පොලීසිය පවසයි. අදාළ මෙහෙයුමෙන් වරෙන්තුකරුවන් 10දෙනෙකු, අයිස් මත්ද්රව්ය ග්රෑම් 01යි මිලිග්රෑම් 860ක් ළඟ තබාගෙන සිටි සැකකරුවන් 08දෙනෙකු, හෙරොයින් මත්ද්රව්ය මිලිග්රෑම් 155ක් සන්තකයේ තබාගෙන සිටි සැකකරුවන් දෙදෙනකු අත්අඩංගුවට ගෙන ඇත. මීට අමතරව ගංජා ග්රෑම් 04ක් ළඟ තබාගැනීම සම්බන්ධයෙන් සැකකරුවන් දෙදෙනෙක්, ගංජා මිශ්ර මාවා කිලෝ 02යි ග්රෑම් 72ක් සන්තකයේ තබාගෙන සිටි සැකකරුවෙක්ද අත්අඩංගුවට ගෙන තිබේ. අත්අඩංගුවට ගත් සැකකරුවන් වයස අවුරදු 23ත් 54ත් අතර වයසේ පසුවන මාළිගාවත්ත, මරදාන, මට්ටක්කුලිය ප්රදේශවල පදිංචිකරුවන් ය. සැකකරුවන් අද…