Subscribe to Updates
Get the latest creative news from FooBar about art, design and business.
Author: LANKA24X7
දිවයිනේ ප්රධාන වශයෙන් වැසි රහිත කාලගුණ තත්ත්වයක් පවතින බව කාලගුණවිද්යා දෙපාර්තමේන්තුව පවසයි. එමෙන්ම දිවයින වටාවන මුහුදු ප්රදේශවල ප්රධාන වශයෙන් වැසි රහිත තත්ත්වයක් පවතී. දිවයින වටාවන මුහුදු ප්රදේශවල සුළං ඊසාන දෙසින් හමා එන අතර සුළගේ වේගය පැ.කි.මී. (20-30) පමණවේ. මන්නාරම සිට පුත්තලම හරහා හලාවත දක්වාත් මාතර සිට හම්බන්තොට හරහා පොතුවිල් දක්වාත් වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. (40-50) පමණ වැඩිවිය හැකි බව එම දෙපාර්තමේන්තුව දැනුම් දී තිබේ. මන්නාරම සිට පුත්තලම හරහා හලාවත දක්වාත්, මාතර සිට හම්බන්තොට හරහා පොතුවිල් දක්වාත් වෙරළට ඔබ්බෙන් වන මුහුදු ප්රදේශ විටින් විට තරමක් රළු වේ. දිවයින වටා වනසෙසු මුහුදු ප්රදේශ සාමාන්ය ස්වභාවයේ පවතී.
ශ්රී ලංකාවට මානුෂීය ආධාර ලබාදීම සඳහා එක්සත් ජාතීන්ගේ සංවිධානය කළ ඉල්ලීමට යහපත් ප්රතිචාර ලැබී තිබේ. මෙරට පිහිටි එක්සත් ජාතීන්ගේ කාර්යාලයේ නේවාසික සම්බන්ධ්කාරකවරයා පවසන්නේ මේ වනවිට ඊට ඩොලර් මිලියන 101.5ක් ලැබී ඇති බවය. ඒ අනුව ආධාර අත්යවශ්යම පුද්ගලයින් මිලියන 3.4ක් සඳහා මානුෂීය ආධාර ලබාදීම ට නියමිතය.
15 හැවිරිදි දැරියක් පැහැරගෙන ගොස් ආගම වෙනස් කර විවාහ කරගැනීමට සූදානමින් සිටි තරුණයෙකු සහ ඔහුගේ මාමා කෙනෙකුව පොලීසිය විසින් සැකපිට අත්අඩංගුවට ගෙන තිබේ. මාමා යනුවෙන් හඳුන්වන පුද්ගලයා විසින් මෙම විවාහය සඳහා උපදෙස් ලබාදී ඇති අතර ඔහු විසින් දැරියව සඟවා තබා ගැනීමට නවාතැන් ද ලබාදී ඇත. එම දැරිය ගලේවෙල ප්රදේශයේ පදිංචිකාරිනියක වන අතර දඹුල්ල නිකවටවන ප්රදේශයේ 24 හැවිරිදි තරුණයකු එලෙස ඇයව පැහැරගෙන ගොස් තිබුණි. සිද්ධිය සම්බන්ධයෙන් පොලීසියට තොරතුරු ලබාදී තිබුණේ නිකවටවන ප්රදේශයේ මුස්ලිම් ජනතාව විසිනි. සිද්ධිය සම්බන්ධයෙන් දඹුල්ල පොලීසියේ ළමා හා කාන්තා කාර්යාංශයේ නිලධාරීන් කණ්ඩායමක් විසින් විමර්ශන සිදුකර තිබුණි. සිදුකරන ලද මූලික පරීක්ෂණවලදී හෙළිවී ඇත්තේ මෙම පාසල් සිසුවිය මීට මාස 02කට…
ගෝලීය කොවිඩ් අවදානම යළි ඉහළ යාම හමුවේ ශ්රී ලංකාව ද ඒ පිළිබඳ අවදානයෙන් පසුවීම වැදගත් බව සෞඛ්ය අමාත්යංශය පවසයි. සෞඛ්ය අමාත්යංශයේ නියෝජ්ය සෞඛ්ය සේවා අධ්යක්ෂ ජනරාල් විශේෂඥ වෛද්ය හේමන්ත හේරත් මහතා පෙන්වා දෙන්නේ, කොවිඩ් අවදානම වළක්වා ගැනීම සඳහා නිසි සෞඛ්ය ආරක්ෂිත ක්රමවේදයන්ට අනුගතවීමට ජනතාව පියවර ගතයුතු බවය. චීනයේ කොවිඩ් ව්යාප්තිය ඉහළ යාමත් සමග මේ වන විට රටවල් රැසක් කොවිඩ් පාලනය සඳහා යළි කොන්දේසි පැනවීමට පියවර ගෙන තිබේ. ඉන් ශ්රී ලංකාවට පවතින බලපෑම පිළිබඳ වැඩිදුරටත් පැහැදිලි කරන විශේෂඥ වෛද්ය හේමන්ත හේරත් මහතා, “රෝගය අපිට බරපතළ ප්රශ්නයක් ලෙස පෙනුනේ නැති වුණාට මේ රෝගය අවසන් වෙලා නැති නිසා රෝගය නැවත වැඩිවීමට අවදානමක් නැතුවා…
කොළඹ පාරිභෝගික මිල දර්ශකය මත පදනම් වූ උද්ධමනය දෙසැම්බර් මාසයේදී පහළ ගොස් තිබේ. ජන හා සංඛ්යාලේඛන දෙපාර්තමේන්තුව පවසන්නේ නොවැම්බර් මාසයේ 61%ක්ව පැවති උද්ධමනය දෙසැම්බර් මාසයේදී 57.2% දක්වා අඩුවී ඇති බවය. එසේම නොවැම්බර් මාසයේ 73.7%ක්ව පැවති ආහාර උද්ධමනය දෙසැම්බර් මාසයේදී 64.4% දක්වා අඩුවී ඇති බවද එම දෙපාර්තමේන්තුව පවසයි.
2023 ජනවාරි මස 1 වන දින සිට නිකුත් කරනු ලබන වාහන අංක තහඩු සඳහා පළාත් අක්ෂරයක් සඳහන් නොවන බව මෝටර් රථ ප්රවාහන කොමසාරිස් ජනරාල් නිෂාන්ත අනුරුද්ධ වීරසිංහ මහතා පවසයි. මාධ්ය හමුවකට එක්වෙමින් ඒ මහතා සඳහන් කර සිටියේ, රථවාහන ලියාපදිංචියේදී සහ පැවරීමේදී අංක තහඩුවේ පළාත් අක්ෂරය ඉවත්කරන බවය. මේ අතර 2023 වසරේ මුල් කාර්තුවේ සිට රියදුරු අකුසලතා ලකුණු ලබාදීමේ වැඩපිළිවෙල ක්රියාත්මක කරන බව ද ඒ මහතා පැවසීය.
රාජ්ය සේවය තුලනාත්මක ආකාරයෙන් පවත්වාගෙන යාම සඳහා පත්කළ කමිටුවේ නිර්දේශ අමාත්ය මණ්ඩලය වෙත ඉදිරිපත් කිරීමට නියමිතව තිබේ. අවුරුදු 60 සම්පූර්ණ වන රාජ්ය සේවකයින් විශ්රාම යාම හමුවේ රාජ්ය සේවය තුලනාත්මක ආකාරයෙන් පවත්වාගෙන යාම සඳහා වන තීන්දු තීරණ ගැනීමට අග්රාමාත්ය ලේකම්වරයාගේ ප්රධානත්වයෙන් යුතු කමිටුවක් පසුගියදා පත්කෙරුණි. ඒ අනුව රාජ්ය සේවකයින් විශාල පිරිසක් හෙට (31) දිනයේ විශ්රාම යාමට නියමිතව ඇති බැවින් ඇති වන පුරප්පාඩු සම්බන්ධයෙන් සොයාබලා ඊට අදාළ නිර්දේශ ඉදිරිපත් කිරීමේ වගකිම එම කමිටුවට පැවරි තිබේ. එහිදී සීමිත නව බඳවා ගැනීම් සිදුකිරීමට අවශ්යව ඇත්නම් එම බඳවා ගැනීම් සඳහා වූ නිර්දේශ අදාළ කමිටුව විසින් අග්රාමාත්ය දිනේෂ් ගුණවර්ධන මහතාට භාරදීමෙන් අනතුරුව අමාත්ය මණ්ඩලය වෙත ඉදිරිපත්…
සුනඛයෙක් ව අපයෝජනයට ලක්කළ බවට මාධ්ය හමුවක් පවත්වමින් ආශු මාරසිංහ මහතාට චෝදනා එල්ල කළ සමගි වනිතා බලවේගයේ හිරුණිකා ප්රේමචන්ද්ර මහත්මිය සහ ආදර්ශා කරදනට අපහාස කිරීම සම්බන්ධයෙන් රුපියල් බිලියන 1.5ක වන්දියක් ගෙවන ලෙස ඉල්ලා ඔහු විසින් එන්නරවාසී යොමුකර තිබේ. හිරුණිකා ප්රේමචන්ද්ර සහ ආදර්ශා කරදන මාධ්ය සාකච්ඡාවක් පවත්වමින් එල්ල කළ සියලු චෝදනා අසත්ය බව මහාචාර්ය ආශු මාරසිංහ සිය එන්තරවාසියෙන් පෙන්වාදී ඇත. පසුගිය 23 වන දින සමගි වනිතා බලවේගයේ හිරැණිකා ප්රේමචන්ද්රට සහ ආශු මාරසිංහ සමග වයිවාහක ජීවිතයක් ගතකළ බව පැවසූ ආදර්ශා කරදන මාධ්ය හමුවක් පවත්වමින් මහාචාර්ය ආශු මාරසිංහ සුනඛයෙකු අපයෝජනයට ලක්කළ බවට චෝදනා එල්ල කළේය. මහාචාර්ය ආශු මාරසිංහ මහතා පිළිබඳ සකස් කර සංස්කරණය…
මෙරට තානාපති කාර්යාලය මගින් සිය රටවල සිට ශ්රී ලංකාවට පැමිණෙන සංචාරකයන්ට මහනුවර පැමිණියහොත් මහනුවර ඇති ත්රීරෝද රථ වල ගමන් නොකරන්නැයි දන්වා යවා ඇති බව වාර්තා වේ. මහනුවර නාගරික කොමසාරිස්වරයා මේ පිළිබඳව සඳහන් කරමින් පවසන්නේ මහනුවර ත්රීරෝද රථ රියැදුරන්ගේ අනීතික කටයුතු හේතුවෙන් මෙම උපදෙස් නිකුත් කර ඇති බවයි. බොහෝ රටවල සංචාරකයන් තුළ මහනුවර නගරය පිළිබඳව පවතින්නේ අයහපත් ප්රතිචාරයක් බව නාගරික කොමසාරිස්වරයා එහිදී වැඩිදුරටත් පවසා තිබේ. ඒ මහතා මේ බව කියා සිටියේ මහනුවර පුස්තකාල ශ්රවණාගාරයේදී පැවති වැඩසටහනක් අමතමිනි.
මධ්යම පාන්තික නිවාස ඩොලර්වලට අලෙවි කිරීමේ වැඩපිළිවෙල යටතේ මේ වනවිට අමෙරිකානු ඩොලර් ලක්ෂ 5කට වැඩි ආදායමක් උපයාගෙන ඇති බව නාගරික සංවර්ධන අධිකාරිය පවසයි. මේ වසරේ ඩොලර්වලින් නිවාස අලෙවි කොට ලබාගැනීමට අපේක්ෂා කළ ආදායම ඩොලර් ලක්ෂ 05ක් වන අතර වසර අවසන් වීමටත් පෙර එම ඉලක්කය ඉක්මවා යාමට හැකිවු බව එම අධිකාරිය සඳහන් කළේය. මෙරට ඩොලර් අර්බුදයට විසඳුමක් ලෙස නාගරික සංවර්ධන අධිකාරිය විසින් ඉදිකර ඇති මධ්යම පාන්තික නිවාස, විදෙස්ගත ශ්රී ලාංකිකයන්ට හා විදෙස්ගත ශ්රී ලාංකික ශ්රමිකයන්ට අලෙවි කිරීමට පියවර ගත් අතර ඊට අදාළ පළමු නිවාස පසුගිය සැප්තැම්බර් මාසයේදී අලෙවි වුණි. ඒ අනුව මේ වනවිට නිවාස 11ක් ඩොලර්වලට අලෙවි වී ඇති බව නාගරික…