Author: LANKA24X7

මෙරට න්‍යෂ්ටික බලාගාරයක් ඉදිකිරිම සඳහා රුසියානු නියෝජිතයින් එළඹෙන සැප්තැම්බර් හා ඔක්තෝබර් මසවලදී ශ්‍රී ලංකාවට පැමිණීමට නියමිතව තිබේ. ශ්‍රී ලංකාවේ රුසියානු තානාපතිවරයා විසින් ඒ බව සඳහන් කළේය. ශ්‍රී ලංකාවේ රුසියානු තානාපති ලෙවාන් ජගර්යාන්, “මේ සම්බන්ධයෙන් ශ්‍රී ලංකාවේ බලධාරීන් සමග සාකච්ඡා කිරීම සඳහා රුසියානු නියෝජිතයින් පැමිණෙයි. සාකච්ඡා සරත් සෘතු සමයේදී ඇරඹෙයි. බලාපොරොත්තු වෙනවා.. සැප්තැම්බර් සහ ඔක්තෝම්බර් මාසවලදී සිදුවේවි කියා. ඔවුන් පැමිණ එය අරඹනවා නම් ධනාත්මකව සියලු දේ සිදුවේ යැයි බලාපොරොත්තු වෙනවා.”

ඉරානයෙන් ලබාගන්නා තෙල් වෙනුවට මෙරට තේ නිෂ්පාදනවලින් පියවීම සඳහා 2021 වසරේදී දෙරටේ රජයන් එකඟතාවට එළැඹි අතර එම ක්‍රමවේදය ලබන ජුලි මස සිට ආරම්භ කිරීමට නියමිතව තිබේ. මෙහිදී පළමුව තේ අපනයන කරනු ලබන්නේ ශ්‍රී ලංකාව ඉරානයෙන් ලබාගත් අමෙරිකානු ඩොලර් මිලියන 250ක් වටිනා ඉන්ධන වෙනුවෙන් වන ගෙවීම් පියවීමටය. එම ගිවිසුමට අනුව මසකට අමෙරිකානු ඩොලර් මිලියන 05ක් වටිනා තේ මාස 48ක් පුරා ඉරානයට අපනයනය කිරීමට සැලසුම් කර තිබේ. බාටර් ට්‍රේඩ් නැත්නම් භාණ්ඩ හුවමාරු ක්‍රමය යටතේ ඉරානයට අපනයනය කරන මෙම තේ සඳහා ඛනිජ තෙල් සංස්ථාව ශ්‍රී ලංකාවේ තේ අපනයනකරුවන්ට ශ්‍රී ලංකා රුපියල්වලින් ගෙවීම් සිදුකිරීමට නියමිතය. එමෙන්ම ඉරාන තේ ආනයනකරුවන් ඉරාන ජාතික තෙල් සමාගම සඳහා…

ප්‍රදේශ 03කදී සිදුවූ රිය අනතුරුවලින් කුඩා බිළිඳෙකු ඇතුළු පුද්ගලයින් තිදෙනෙකු මියගොස් තිබේ. පොලීසිය සඳහන් කළේ රිදීමාලියද්ද ඩී 01 ඇළ ප්‍රදේශයේදී යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට පැන එක් අනතුරක් සිදුවී තිබූ බවය. එහිදී යතුරුපැදිය පෙරළීයෑමෙන් සිදුවූ අනතුරෙන් යතුරුපැදිකරු, එහි ගමන් කළ බිරිඳ සහ කුඩා දරුවා තුවාල ලබා රෝහල්ගත කිරීමෙන් පසු අවුරුදු දෙකහමාරක් වයසැති දරුවා මියගොස් ඇති බවය. එමෙන්ම දඹගල්ල කළුගහඅරාව ප්‍රදේශයේදී ලොරි රථයක් සහ බස් රථයක් මුහුණට මුහුණ ගැටී සිදුවූ අනතුරකින් ලොරි රථයේ ගමන් කළ තිදෙනෙකු තුවාල ලබා දඹගල්ල රෝහලට ඇතුළත් කිරීමෙන් අනතුරුව එක් අයෙකු මියගොස් ඇත. මියගොස් ඇත්තේ 26 හැවිරිදි බුත්තල ප්‍රදේශයේ පදිංචිකරුවෙකි. මේ අතර, මිරිහාන දෙල්කඳ -…

ඊයේ තරගයේ ජයග්‍රහණයත් සමග ශ්‍රී ලංකාව තරග වදින B කාණ්ඩයේ පෙරමුණ ගැනීමට ශ්‍රී ලංකා කණ්ඩායම සමත් වුනා. ඒ ප්‍රසාද ලකුණු 4ක් හිමිකරගනිමින්. එම කාණ්ඩයේ දෙවන තැන ස්කොට්ලන්තයද තෙවන තැන ඕමානය හිමිකරගෙන තිබෙන අතර සිව්වන ස්ථානයේ අයර්ලන්තය රැඳී සිටිනවා.

වෙළෙඳපොළේ එළවළු මිල මේ දිනවල යළිත් වරක් ශීඝ්‍රයෙන් ඉහළ ගොස් තිබෙනවා. ආර්ථික මධ්‍යස්ථාන වෙත එළවළු තොග ලැබීම අඩුවීම හේතුවෙන් මෙම තත්ත්වය උද්ගතව ඇති බවයි වෙළෙඳුන් පවසන්නේ. මේ අතර වෙළෙඳපළේ මත්ස්‍ය මිල ගනන් ද පවතින්නේ ඉතා ඉහළ අගයකයි. වෙළෙඳපොළේ එළවළු මිල මේ දිනවල යළිත් වරක් ශීඝ්‍රයෙන් ඉහළ ගොස් තිබෙනවා. දඹුල්ල ආර්ථික මධ්‍යස්ථානයේ එළවළු මිල සටහන් වූ ආකාරයයි මේ. ඒ අනුව කැරට් කිලෝවක් රුපියල් 300ත් 310ත් අතර මිලකටත් ලීක්ස් කිලෝවක් රුපියල්200ත් 280ත් අතර මිලකටත් අලෙවි කෙරුණා. එමෙන්ම අමුමිරිස් කිලෝවක තොග මිල රුපියල් 600ත් 650ත් අතර අගයකටත් වම්බටු කිලෝවක් රුපියල් 150ත් 200ත් අතර මිලකටත් අලෙවි වී තිබෙනවා. මේ අතර පෑලියගොඩ මැනිං වෙළෙඳ සංකීර්ණයේ…

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව නිවේදනය කොට සිටිනවා. ඌව පළාතේත් අම්පාර සහ මඩකළපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බව එම නිවේදනයේ සඳහන්. මධ්‍යම කඳුකරයේ බටහිර බෑවුම් ප්‍රදේශවලත්, උතුරු-මැද පළාතේත් පුත්තලම, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට හමන පැ.කි.මී. (40-45) ක පමණ තරමක තද සුළං ඇතිවිය හැකි බවයි එම දෙපාර්තමේන්තුව සඳහන්කර සිටින්නේ. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙසයි කාලගුණ…

සිමෙන්ති මිල රුපියල් 300ත් 400ත් අතර මිලකින් ඉදිරියේ දී අඩුවනු ඇති බව නාගරික සංවර්ධන අමාත්‍ය ප්‍රසන්න රණතුංග පවසනවා. ජනාධිපති මාධ්‍ය කේන්ද්‍රයේ ඊයේ (23) කැඳවා තිබූ මාධ්‍ය හමුවකට එක්වෙමින් ඔහු මේ බව සඳහන් කර සිටියා.

ඩුබායි රාජ්‍යයේ චොකලට් නිෂ්පාදන ආයතනයක රැකියා ලබා දෙන බව පවසමින් මුදල් වංචා කළ කාන්තාවක් ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන අංශය විසින් අත්අඩංගුවට ගෙන තිබෙනවා. එම කාර්යාංශය සඳහන් කළේ, මෙම ජාවාරම විවාහක යුවලක් විසින් මෙහෙයවා ඇතිබවයි. එක් පුද්ගලයෙකුගෙන් රුපියල් හත් ලක්ෂ පනස්දහස බැගින් පුද්ගලයින් 7 දෙනෙකුගෙන් මොවුන් මුදල් ලබාගෙන තිබෙනවා. ජාවාරමේ ප්‍රධාන සැකකාරිය වන අත්අඩංගුවට ගත් කාන්තාව මරදන ප්‍රදේශයේ විදේශ රැකියා නියෝජිත ආයතනයක සේවය කර ඇති අතර ඇය මහියංගනය ප්‍රදේශයේ පදිංචිකාරියක් බවටයි අනාවරණ වී ඇත්තේ. ජාවාරමට සම්බන්ධ ඇයගේ සැමියාද අත්අඩංගුවට ගැනීමට මෙහෙයුමක් ක්‍රියාත්මකයි.

පසුගිය 18 වැනිදා මිනුවන්ගොඩ දී පුද්ගලයන් දෙදෙනෙකුට වෙඩි තැබූ සැකකරු ඇඹිලිපිටිය – වැලිකඩයාය ප්‍රදේශයේදී පොලිස් විශේෂ කාර්ය බළකාය සමඟ ඇති වූ වෙඩි හුවමාරුවකදී ජීවිතක්ෂයට පත්ව ඇතැයි පොලිස් මාධ්‍ය ප්‍රකාශකවරයා පවසනවා.

ගාලු‍මුවදොර දී පුද්ගලයෙක් පැහැරගෙන ගොස් පහරදී මුදල් ඉල්ලූ සිද්ධියකට අත්අඩංගුට ගත් තුන්දෙනෙකු ලබන 30 දක්වා රක්ෂිත බන්ධනාගාර ගත කර තිබුණා. ඒ ඔවුන් ඊයේ (23) කොටුව මහේස්ත්‍රාත් තිළිණ ගමගේ හමුවට ඉදිරිපත් කිරීමෙන් අනතුරුවයි. මෙලෙස රක්ෂිත බන්ධනාගාර ගත කරනු ලැබුවේ පානදුර පදිංචිකරුවන් තුන්දෙනෙක්. ඔවුන් විසින් බකමූණ ප්‍රදේශයේ පදිංචිකරුවෙකු පැහැරගෙන ගොස් තිබුණේ පසුගිය 21 වනදායි. තම පුත්‍රයා ගාලු‍ මුවදොරට ගෙන්වා පැහැරගෙන ගොස් ඇති බවත් ඔහු මුදා හැරීමට රුපියල් දස ලක්ෂයක මුදලක් සැකකරුවන් ඉල්ලූ බවට ඔහුගේ පියා සිදු කළ පැමිණිල්ලක් අනුවයි ඔවුන් අත්අඩංගුවට ගැනුනේ.