Author: LANKA24X7

ජනතා සහන දීමේ විප්ලවයක් අප ආරම්භ කරන බව ජනාධිපති රනිල් වික්‍රමසිංහ මහතා කුලියාපිටියේ දී අද (10) පැවසීය. බින්දුවට වැටුණු රට ගොඩ නැගීමට සහය දුන් එක්සත් ජාතික පාක්ෂිකයන් මෙන්ම පොහොට්ටුව, ශ්‍රී ලංකා නිදහස් පක්ෂය,සමගි ජන බලවෙිගය, ජනතා විමුක්ති පෙරමුණ ඇතුළු සියලුම පාක්ෂික ජනතාවට ස්තුති කරන බව කී ජනාධිපතිවරයා තමා කිසි විටෙක පටු දේශපාලනයට හිර නොවන බව අවධාරණය කළේය. “සැබෑව” යන තේමාවෙන් සංවිධාන කෙරුණු මැතිවරණ සටන ඇරැඹීමේ මෙම ප්‍රථම මහජන රැළිය කුලියාපිටිය නගර සභා ක්‍රීඩාංගනයේදී අති විශාල ජනකායකගේ සහභාගීත්වයෙන් පැවැත්විණි. කුලියාපිටිය ප්‍රමුඛ කුරුණෑගල දිස්ත්‍රික්කය නියෝජනය කරමින් දහස් සංඛ්‍යාත ජනකායක් නගර සභා ක්‍රීඩාංගණයට රැස්ව සිටියහ. එක්සත් ජාතික පක්ෂයේ උපනායක හිටපු අධ්‍යාපන අමාත්‍ය අකිල…

මුහුදුබඩ දුම්රිය මාර්ගයේ නඩත්තු කටයුත්තක් අනිද්දා (10 වැනිදා) දක්වා ක්‍රියාත්මක වීම නිසා එම මාර්ගයේ කොළඹ කොටුව දුම්රිය ස්ථානයේ සිට වැල්ලවත්ත දුම්රිය ස්ථානය දක්වා වන කොටසේ එක මාර්ගයක පමණක් දුම්රිය ධාවනය කිරීම නිසා දුම්රිය ප්‍රමාද වන බව දුම්රිය දෙපාර්තමේන්තුව නිවේදනය කරයි. කොම්පඤ්ඤවීදිය සහ කොල්ලුපිටිය දුම්රිය ස්ථාන අතර පාලමක නඩත්තු කටයුත්තක් සහ ජල සම්පාදන මණ්ඩලයේ නළ එලීම සඳහා කාණු කැපීම යන කටයුතු හේතුවෙන් මෙම තත්වය ඇති වන බව ද එම දෙපාර්තමේන්තුව කියයි.

චෙක් ජනරජය නියෝජනය කළ සුරූපිනී, ක්‍රිස්ට්යානා සිස්කෝවා, 2024 ලෝක රූ රුජින ලෙස කිරුළු පැලඳියාය. ඒ, රටවල් රැසක තරගකාරිනියන් 111 ක් අභිබවා යමිනි. මෙවර ලෝක රූ රුජින ජාත්‍යන්තර තරගාවලිය අතිඋත්කර්ශවත් අන්දමින් පැවැත්වූයේ ඉන්දියාවේ මුම්බායි වෙළෙඳ අගනගරය කේන්ද්‍රකොට ගනිමිනි. 23 හැවිරිදි ක්‍රිස්ට්යානා සිස්කෝවා නිරූපිකාවකි. ඇය නීතිය පිළිබඳවත්, ව්‍යාපාර පරිපාලනය පිළිබඳවත් වෙන වෙනම උපාධි හදාරමින් සිටී. මීට පෙර චෙක් ජනරජ සුරූපිනියක ලෝක රූ රැජින කිරුළ දිනුවේ 2006 වසරේදීය. ක්‍රිස්ට්යානා සිස්කෝවා ට කිරුළ පැලදීම සිදු කරනු ලැබුවේ, පසුගිය 2023 ලෝක රූ රුජින කිරැළ දිනා සිටි පෝලන්ත සුරූපිනිය කැරොලිනා බියෙලාව්ස්කා විසිනි. මෙවර තරගාවලියේ දී දෙවැනි ස්ථානය දිනුවේ, ලෙබනනය නියෝජනය කළ සුරූපිනී යැස්මින් මයිටෝන්ය. තෙවැනි ස්ථානය…

සංචාරක ශ්‍රී ලංකා පිල සහ බංග්ලාදේශ පිල අතර තරග තුනකින් සමන්විත විස්සයි20 ක්‍රිකට් තරගාවලියේ සිලාත්හිදී ඊයේ (9) පැවති තුන්වෙනි සහ අවසන් විස්සයි20 තරඟයෙන් ශ්‍රී ලංකා ක්‍රීඩකයෝ ලකුණු 28 ක පහසු ජයක් ලැබීමට සමත් වූහ. මෙම ජයග්‍රහණයත් සමග ශ්‍රී ලංකාව 2-1 ක් ලෙස තරගාවලියේ ජය ද හිමිකරගත්තේය. යොවුන් වේග පන්දු යවන ක්‍රීඩක නුවන් තුෂාර විශිෂ්ට පන්දු යැවීමක නිරත වෙමින් ලකුණු 20 කට කඩුලු පහක් දවාගනිමින් තරඟයේ වීරයා ලෙස සම්මාන හිමිකර ගත්තේය. ශ්‍රී ලංකා පිල ඕවර 20 කදී කඩුලු 7 ට 174 (කුසල් මෙන්ඩිස් 86, වනිදු හසරංග 15, දසුන් ශානක 19, ටස්කින් අහමඩ් 25/2, රිෂාඩ් හොසේන් 35/2) බංග්ලාදේශ පිල ඕවර 19.4 කදී…

ඇල්පිටිය තලාව පාර, නානායක්කාර මාවත ප්‍රදේශයේ පිහිටි තේ ඉඩමකදි, තිබි ගෙල කපා ඝාතනය කරන ලද දැරියකගේ මළසිරුරක්  ඊයේ (9) සොයා ගත් බව ඇල්පිටිය පොලීසිය කියයි. මෙසේ සොයා ගනු ලැබූවේ කරන්දෙණිය මණ්ඩකන්ද තල්ගහවත්ත පදිංචි වන්නි ආරච්චි කංකානම්ගේ හංසිකා නදීෂා දාහත් හැවිරිදි දැරියක බවද පොලීසිය කියයි. මේ තරුණිය ඥාතියකු විසින් ත්‍රිරෝද රථයකින් තවත් කිහිප දෙනකු සමග පැමිණ බලහත්කාරයෙන් පැහැරගෙන ගොස් ඇතැයි අනාවරණයවූ බවද පොලීසිය කියයි. මෙය ඔවුන්ගේ වැඩක්දැයි සෙවීමට පරීක්ෂණ ආරම්භ කර ඇති අතර ඔවුන් ප්‍රදේශයෙන් පලා ගොස් ඇති බව ද පොලීසිය කියයි.

හයිලෙවල් මාර්ගයේ කොස්ගම මිරිස්වත්ත ප්‍රදේශයේ දී සිමෙන්ති පැටවූ ලොරියක් යතුරු පැදියක ගැටීමෙන් සිදු වූ අනතුරකින් යතුරු පැදියෙහි ගමන් ගත් පිය පුතු දෙපළක එම ස්ථානයේදීම මියගොස් ඇතැයි කොස්ගම පොලිසිය පවසයි. අනතුරින් බරපතල තුවාල ලැබූ එම පවුලේ මව කොළඹ ජාතික රෝහලට ඇතුලත් කර ඇත. සිමෙන්ති පටවාගෙන කොළඹ දෙස සිට අවිස්සාවේල්ල දෙසට ගමන් කරමින් තිබූ ලොරි රථයෙහි ටයරයක් පුපුරා එක්වරම ප්‍රතිවිරුද්ධ දෙසට ධාවනය වීමෙන් යතුරු පැදියෙහි ගැටී මෙම අනතුර සිදුව ඇති බවද පොලිසිය පවසයි. මෙලෙස මියගොස් ඇත්තේ කොස්ගම අලුබෝදල ප්‍රදේශයේ පදිංචිකරුවන් වන 44 හැවිරිදි පියා සහ 08 හැවිරිදි පිරිමි දරුවෙකි. කොස්ගම පොලිසිය පරීක්ෂණ පවත්වයි.

රජයට බදු ආදායම් අහිමි කරමින් නීති විරෝධීව සිගරට් දහතුන්දහස් පන්සීයක් රැගෙන යමින් සිටි යුද හමුදා සෙබළු දෙදෙනෙක් පොලිස් විශේෂ කාර්ය බළකාය විසින් ඊයේ අම්පාර බස් නැවතුම් පොලේදී අත්අඩංගුවට ගනු ලැබූහ. අත්අඩංගුවට ගත් සැකකරුවන් දෙදෙනා කොළඹ සිට අම්පාර දක්වා මෙම සිගරට් තොගය ප්‍රවාහනය කරමින් තිබූ අතර අම්පාර බස් නැවතුම්පොළේ දී මොවුහු අත්අඩංගුවට ගනු ලැබූහ. සැකකරුවන් වැඩිදු විමර්ශන සඳහා අම්පාර පොලිසියට භාරදී තිබේ.

ඉහළ වත්කම් ඇති පුද්ගලයින් 100 දෙනෙකු කෙරෙහි දේශීය ආදායම් දෙපාර්තමේන්තුවේ විශේෂ අවධානය යොමු වී ඇතැයි දේශීය ආදායම් කොමසාරිස් ජනරාල් ඩබ්ලිව්.ඒ.සේපාලිකා චන්ද්‍රසේකර මහත්මිය පැවසුවාය. ඒ සඳහා ඉහළ ධනවත් පුද්ගල අංශය නමින් විශේෂ ඒකකයක්ද ඇතිකර එහි විමර්ශන කටයුතු සඳහා විශේෂඥයින් 10 කුගෙන් යුත් කණ්ඩායමක්ද අනියුක්ත කර ඇත මේ යටතේ ඉහළ වත්කම් ඇති පුද්ගලයින්ගේ වාර්තා යාවත්කාලීන කිරීම ‍මෙන්ම දෝෂ හා අඩුපාඩු හඳුනාගැනීමටද සැලසුම් කර ඇති බව දේශීය ආදායම් දෙපාර්තමේන්තුව ප්‍රකාශ කළේය

බැසිල් රාජපක්ෂ මහතාගේ ගෝලයන් දමා කෝප් කමිටුව ශක්තිමත් කළ නොහැකි බව මන්ත්‍රී පාඨලී චම්පික රණවක මහතා පැවසීය. කෝප් කමිටුව අද හුදු ප්‍රචාරක යාන්ත්‍රණයක් පමණක් වී ඇති බවද හෙතෙම පෙන්වා දුන්නේය.

උතුරු කොරියාව ඕනෑම මොහොතක යුද්ධයකට සූදානම් බව පිළිබිඹු කරමින් එරට නායක කිම් ජොං අන්, සිය කාලතුවක්කු හමුදාවේ වෙඩිතැබීමේ පෙරහුරුවක් මෙහෙයවීමට එක්වී තිබේ. උතුරු කොරියානු රාජ්‍ය ප්‍රවෘත්ති සේවාව සඳහන් කළේ දකුණු කොරියානු දේශසීමාවේ රඳවා ඇති බලඇණියක් එහිදී සතුරු අගනුවරට ප්‍රහාරයක් එල්ල කරන ආකාරය අත්හදාබැලූ බවයි. මිලියන 10ක ජනකායක් වෙසෙන දකුණු කොරියාවේ සෝල් අගනුවරට ප්‍රහාරයක් එල්ල කිරීම සඳහා අවශ්‍ය බලය මෙමගින් අත්හදාබලා ඇති බව වාර්තා වෙයි. එමගින් වැදගත් හමුදාමය පෙරහුරුවක් සපුරාලීමට හැකි වූ බවත්, එය තම යුද ශක්තිය විදහා පෑමක් බවත් උතුරු කොරියානු රාජ්‍ය ප්‍රවෘත්ති සේවාව සඳහන් කළේය. කෙසේ නමුත් උතුරු කොරියාව මෙම ප්‍රහාර එල්ල කර ඇත්තේ දකුණු කොරියාව දෙසට නොව කහ…