Author: LANKA24X7

සමාජ මාධ්‍ය ක්‍රියාකරුවෙකු ලෙස සැලකෙන දර්ශන හඳුන්ගොඩට කොටුව මහෙස්ත්‍රාත් අධිකරණය විසින් ඇප ලබා දී තිබේ. සමාජ මාධ්‍ය ක්‍රියාකාරී දර්ශන හදුන්ගොඩ අද (06) පෙරවරුවේ කටුනායක බණ්ඩාරනායක ජාත්‍යන්තර ගුවන් තොටුපොළේ දී ආගමන විගමන නිලධාරින් විසින් අත්අඩංගුවට ගැනුණි. පසුව ඔහුව අද කොළඹ කොටුව මහෙස්ත්‍රාත් අධිකරණයට ඉදිරිපත් කළ අතර, එහිදී ඔහුට ඇප ලබාදීමට නියෝග කෙරුණි. ප්‍රචණ්ඩත්වය ඉස්මතුවන අන්දමේ වීඩියෝවක් සමාජ මාධ්‍ය ජාලාවලට මුදාහැරීම සම්බන්ධයෙන් අපරාධ පරීක්ෂණ දෙපාර්තමේන්තුවට ප්‍රකාශයක් ලබාදීම මඟ හැර යාමේ චෝදනාව මත දර්ශන හඳුන්ගොඩ අත්අඩංගුවට පත්වුණි. ඉකුත් වසරේ අරගල සමයේ මැයි 09 වැනිදා රාත්‍රියේ අරලියගහ මන්දිරය ඉදිරිපිට සිදුවූ කලහකාරී සිදුවීමේදී ප්‍රචණ්ඩත්වය ඉස්මතුවන අන්දමේ වීඩියෝවක් සමාජ මාධ්‍යවල මුදාහැරීම සම්බන්ධයෙන් සමාජ මාධ්‍ය ක්‍රියාකාරී දර්ශන…

ලිට්රෝ ගෑස් මිලට සමගාමීව ලාෆ් ගෑස් මිල ද ඉහළ දමා තිබෙනවා. ඒ අනුව කිලෝග්‍රෑම් 12.5 හේ ගෘහස්ථ ලාෆ් ගෑස් සිලින්ඩරයක මිල රුපියල් 200 කින් ඉහළ දමා ඇති අතර, ඒ අනුව එහි නව මිල සටහන් වන්නේ රුපියල් 5,280 ක් ලෙසයි. කිලෝග්‍රෑම් පහේ ලාෆ් ගෑස් සිලින්ඩරයක මිල රුපියල් 80 කින් ඉහළ ගොස් ඇති අතර, එහි නව මිල රුපියල් 2,112 ක් ලෙස දැක්වුණා. ඊට අමතරව කිලෝග්‍රෑම් දෙකේ ගෑස් සිලින්ඩරයක මිල රුපියල් 32 කින් ඉහළ ගොස් ඇති අතර, එහි නව මිල සටහන් වූයේ 845 ක් ලෙසයි. මෙම මිල සංශෝධනය අද (06) මධ්‍යම රාත්‍රියේ සිට ක්‍රියාත්මකයි. ලෝක වෙළඳපොලේ ගෑස් මිල ඉහළ ගොස් ඇති අවස්ථාවක අවම…

ගෑස් මිල සංශෝධයන්ට සමගාමීව බේකරි ආශ්‍රිත නිෂ්පාදන මිල ගණන් ඉහළ නැංවීමක් සිදුනොවන බව ආපනශාලා හිමියන්ගේ සංගමය පවසයි. “මේ රුපිල් 334ක ගෑස් මිල වැඩිවීම ආපන ශාලා පද්ධතිය තුළ කිසිදු ආහාර පානයක මිල ගණන් ඉහළ දාන්න අපි සිදුකරන්නේ නැහැ. මේ රටේ පාර්භෝගිකයාට තුන්වේල අහිමිවෙලා ඉන්නේ. අපිට අහිමි වෙච්ච එකේ පාරිභෝගීකයින්ට අපි මේ සහනය දෙන්න ඕනේ.” ලිට්‍රෝ ගෑස් මිල ඊයේ (05) මධ්‍යම රාත්‍රියේ සිට ඉහළ නැංවුණු අතර කිලෝග්‍රෑම් 12.5ක ගෘහස්ථ ගෑස් සිලින්ඩරයක නව මිල රුපියල් 4,743ක් වෙයි. කිලෝග්‍රෑම් 5ක ගෑස් සිලින්ඩරයක නව මිල රුපියල් 1,904ක් වන අතර කිලෝග්‍රෑම් 2.3ක ගෑස් සිලින්ඩරයක් අද සිට රුපියල් 883කි. ලිට්‍රෝ ගෑස් මිල ඉහළ නැංවීමත් සමඟ ලාෆ්ස් ගෑස්…

අපොස උසස් පෙළ විභාගය පැවැත්වෙන කාලසීමාව තුළ විදුලිය කප්පාදුකිරීම වැළැක්වීමේ නියෝගයක් නිකුත් කරන ලෙස ඉල්ලා මහජන උපයෝගීතා කොමිසම ගොනුකළ පෙත්සම සලකාබැලීමට මේ මස 8 වනදා එය කැඳවන ලෙස අභියාචනාධිකරණය නියම කළේය. මෙම පෙත්සම අද (06) සෝභිත රාජකරුණා සහ ධම්මික ගනේපොල යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල ඉදිරියේ කැඳවනු ලැබීය. එදින මෙම නඩුවට අදාළ ලේඛන ඉදිරිපත් කිරීම සඳහාත් අධිකරණය මහජන උපයෝගීතා කොමිසමට අවසර ලබා දුන්නේය.

බිත්තර සඳහා නව පාලන මිලක් නියම කරමින් නව ගැසට් නිවේදනයක් පාරිභෝගික සේවා අධිකාරිය විසින් නිකුත් කර තිබෙන බව අභියාචනාධිකරණය හමුවේ දැනුම් දී තිබේ. බිත්තර සඳහා පාලන මිලක් නියම කරමින් ඉකුත් අගෝස්තු මස නිකුත් කළ ගැසට් නිවේදනය බලරහිත කරන ලෙස ඉල්ලා බිත්තර නිෂ්පාදකයින්ගේ සංගමය විසින් ගොනුකළ පෙත්සම අද (06) කැඳවූ අවස්ථාවේදී පාරිභෝගික සේවා අධිකාරිය වෙනුවෙන් පෙනී සිටි අතිරේක සොලිසිටර් ජනරාල් සුමති ධර්මවර්ධන මහතා මෙම දැනුම්දීම සිදුකළේය. ඒ අනුව සුදු බිත්තරයක් සඳහා රුපියල් 44ක් ද රතු බිත්තරයක් සඳහා රුපියල් 46ක් වශයෙන් පාලන මිල නියම කර තිබෙන බව අතිරේක සොලිසිටර් ජනරාල්වරයා සඳහන් කළේය. මෙම ඉල්ලීම සම්බන්ධයෙන් සෑහීමකට පත්වන බව සඳහන් කළ පෙත්සම්කාර පාර්ශවය…

ඉදිරි දිනවල රට පුරා ජලභීතිකා රෝගය සීඝ්‍රයෙන් පැතිර යාමේ අවදානමක් ඇතැයි මහජන සෞඛ්‍ය පරීක්ෂකවරුන්ගේ සංගමය පවසයි. එහි සභාපති, උපුල් රෝහණ මහතා සඳහන් කළේ, ලංකාවේ ජලභීතිකා රෝගය තුරන් කිරීමට සාර්ථක එන්නත්කරණ ක්‍රියාවලියක් පැවතීම හේතු වූ බවය. නමුත් අවාසනාවන්ත ලෙස එම එන්නත් වැඩසටහන සම්පූර්ණයෙන්ම අඬාල වීම හේතුවෙන් මෙම අවදානම් තත්ත්වය ඇති ව තිබෙන බව ද ඔහු පැවසීය. “පසුගිය කාලය තුළ මෙරට ජලභීතිකා රෝගය හේතුවෙන් සිදුවන මරණ අවම කර ගැනීමට ප්‍රධානතම හේතුව වුණේ, සාර්ථක එන්නත්කරණ වැඩසටහනක් බිම් මට්ටමේ ක්‍රියාත්මක වීම නිසයි. නමුත් අවාසනාවන්ත ලෙස මේ වන විට එන්නත්කරණ වැඩපිළිවෙල සම්පූර්ණයෙන්ම අඬාල වී තිබෙනවා.සුනඛයින් සඳහා ලබාදෙන ජලභීතිකා එන්නත විශාල හිඟය මේ වෙද්දි සෞඛ්‍ය දෙපාර්තමේන්තුවේ…

කොළඹ හුණුපිටිය ගංගාරාම විහාරස්ථානයේ 45 වැනි වාර්ෂික නවම් මහා පෙරහැර ඊයේ (05) රාත්‍රී විථි සංචාරය කෙරුණි. පෙරහැර වීථි සංචාරය කිරීම සඳහා සධාතුක කරඬුව මංගල හස්ති රාජයා මත තැන්පත් කිරීම ජනාධිපති රනිල් වික්‍රමසිංහ මහතා සහ හිටපු ජනාධිපති ගෝඨාභය රාජපක්‍ෂ මහතා විසින් සිදුකරනු ලැබීය. උඩරට පහතරට සබරගමු නර්තනාංග රැසකින් මෙන්ම අලි ඇතුන්ගේන්ද මෙවර නවම් මහා පෙරහැර අලංකාරවත් කර තිබු බව “අද දෙරණ” වාර්තාකරුවන් සඳහන් කළේය. පෙරහැර මංගල්‍යයේ සමාරම්භක අවස්ථාවට එක්වෙමින් අදහස් දැක්වු ජනාධිපති රනිල් වික්‍රමසිංහ මහතා, “අද අපි ජීවත් වෙන්නේ අමාරු කාලක. ඒ කාලෙන් අපි ගොඩ එන්න බලන්නේ. ඒ කාලේ තුළදී අපි ගොඩ ඇවිල්ලා, පුද්ගලයෙක් හැටියට විතරක් නෙමෙයි රටත් ගොඩ ගන්න. එහෙනම්…

අරණායක, පොළඹේගොඩ ප්‍රදේශයේදී පුද්ගලයෙකු තම දරුවන් දෙදෙනා අමානුෂික ලෙස ඝාතනය කර සියදිවි හානිකර ගෙන තිබේ. එලෙස ඝාතනයට ලක්ව ඇත්තේ අවුරුදු 2ක් හා 9ක් වූ වයස්වල පසුවන දරුවන් දෙදෙනෙකි.

ඔස්ට්‍රේලියානු වේග පන්දු යවන ක්‍රීඩක ජෝෂ් හෙසල්වුඩ් හට ඉන්දියාව සමග පැවැත්වෙන පළමු ටෙස්ට් ක්‍රිකට් තරගය අහිමි වී තිබේ. ඔහුගේ වම් පාදයේ හට ගෙන ඇති ආබාධයක් හේතුවෙන් පළමු ටෙස්ට් ක්‍රිකට් තරගය සඳහා සහභාගී නොවන බව වාර්ථා වේ. හෙසල්වුඩ් වෙනුවට ස්කොට් බොලන්ඩ් ඔස්ට්‍රේලියානු කණ්ඩායමට ක්‍රීඩා කිරීමට නියමිතව තිබේ. ඔස්ට්‍රේලියාව හා ඉන්දියාව අතර පළමු ටෙස්ට් ක්‍රිකට් තරගය ලබන 09 වන දින නාග්පූර් හීදී ආරම්භ වීමට නියමිතය.

අමෙරිකානු ගුවන් සීමාවේදී සිය බැලුනයක් පුපුරවා විනාශ කිරීම හෙළා දකින බව චීනය පවසයි. නිවේදනයක් නිකුත් කරමින් චීන විදේශ අමාත්‍යංශය පෙන්වා දෙන්නේ අදාළ ප්‍රහාරය සම්බන්ධයෙන් දැඩි අතෘප්තිය සහ විරෝධය පළ කරන බවය. අමෙරිකානු ගුවන් සීමාවේ ඔත්තු බැලූ බව පවසන චීනයට අයත් යෝධ බැලුනයක් අමෙරිකානු ආරක්ශක අංශ විසින් පුපුරුවා හැරීමට පියවර ගනු ලැබීය. අමෙරිකානු ආරක්ෂක දෙපාර්තමේන්තුව සඳහන් කළේ ප්‍රහාරක ජෙට් යානා යොදාගනිමින් සිදුකළ ප්‍රහාරයකින් අනතුරුව එම බැලුනය මුහුදට කඩා වැටී ඇති බවය. අදාළ බැලුනය ඔත්තු බැලීමේ යානයක් නොවන අතර එය කාලගුණ තොරතුරු ලබාගැනීම සඳහා යොමු කර තිබූ බවත් කාර්මික දෝෂයක් හේතුවෙන් අමෙරිකානු ගුවන් සීමාවට බැලුනය ගසා ගෙන ගොස් ඇති බවත් චීනය ප්‍රකාශ…