Author: LANKA24X7

නියමිත කාලයට ඡන්ද විමසීම් නොපැවැත්වීම අපරාධයක් බවත් අගෝස්තු ලෝක තරුණ දිනයට කලින් හෝ එසේ නොමැතිනම් සැප්තැම්බර් 15 දාට යෙදෙන ලෝක ප්‍රජාතන්ත්‍රවාදී දිනයට ප්‍රථම මැතිවරණය පවත්වාවියැයි තමන් අපේක්ෂා කරන බව මැතිවරණ කොමිෂමේ හිටපු සභාපති මහින්ද දේශප්‍රිය මහතා පවසයි. “මොන තත්ත්වයක් උඩ හරි නියමිත කාලය තුළ ඡන්ද විමසීම පවත්වන්නේ නැති එක අපරාධයක්. ඒ වගේම කනගාටුදායක තත්ත්වයක්. රටක නොවිය යුතු දෙයක්. මේ ප්‍රශ්නය විසඳගන්න පුළුවන් කොහොමද කියන එක තමා අද තියෙන ගැටලුව. ඒ හැකියාව තියෙන්නේ මැතිවරණ කොමිෂන් සභාවටයි, මුදල් අමාත්‍යාංශයටයි, මහ භාණ්ඩාගාරටයි එකතුවෙලා මිසක් මාධ්‍යවලටවත්, අපටවත්, රටේ සාමාන්‍ය ජනතාවටවත් නෙමෙයි. නියෝජන ප්‍රජාතන්ත්‍රවාදය නැතිවීමක් තියෙනවා. ප්‍රජාතන්ත්‍රවාදය කියන එකට නියෝජන ප්‍රජාතන්ත්‍රවාදය ප්‍රජාතන්ත්‍රවාදය විතරක් නෙමෙයි ආර්ථික…

ජොන් හොප්කිංස් විශ්වවිද්‍යාලයේ ආර්ථික විද්‍යාඥ ස්ටීව් හැංකි මහතා සති දෙකකට වරක් ප්‍රකාශයට පත්කරන ලෝකයේ අධි උද්දමනයක් ඇති රටවල් ලැයිස්තුවෙන් වසරකට ආසන්න කාලයකට පසුව ශ්‍රී ලංකාව ඉවත් කර තිබේ. ඔහුගේ උද්ධමන දර්ශකය අනුව කලක් එහි දෙවැනි ස්ථානයට පත්වූ ශ්‍රී ලංකාව ආසියාවේ ඉහළම උද්ධමනයක් ඇති රට ලෙසද පැවැතියේය. කෙසේ වෙතත් මාර්තු 23දාට අදාළව ඔහු නිකුත් කර ඇති දර්ශකයෙන් ශ්‍රී ලංකාව ඉවත කර ඇති අතර රටවල් 18ක් ලැයිස්තුවට ඇතුළත් කර තිබේ.

ඩීසල් මිල අඩුවුවද තමන්ට ප්‍රවාහන ගාස්තු අඩු කළ හැක්කේ සියයට පහකින් බව අම්බලන්ගොඩ පාසල් ළමය ප්‍රවාහන සංගමය ඊයේ (31දා) අම්බලන්ගොඩ පැවති මාධ්‍ය හමුවකදී කීවේය. විශේෂයෙන්ම බස්නාහිර පළාතේ පාසල් ළමයි ප්‍රවාහන සංගම් සියයට දහයකින් ගාස්තු අඩු කළත් තමන්ට එය් කිරීමට හැකියාවක් නැති බව මෙහිදී අම්බලන්ගොඩ පාසල් ළමයි ප්‍රවාහන සංගමයේ සභාපති මංජුල පදීප් මහතා කීවේය. සිය සංගමය පාසල් නිවාඩු මාස වල ප්‍රවාහන ගාස්තු අය නොකරන බවත් එහෙත් බස්නාහිර පළාතේ නිවාඩු මාස වලද ගාස්තු අය කරන හෙයින් ඔවුනට සියයට දහයකින් ගාස්තු අඩු කළ හැකි බවද මංජුල මහතා කීය. ඩීසල් මිල අඩුවූවේ ඉතාම පොඩි මිලකින් බවත් සිය කර්මාන්තයට අවශය අනෙක් දෑවල මිල අහස උසට…

විදුලිබල හා බලශක්ති අමාත්‍ය කංචන විජේසේකර මහතා විසින් පොලිස්පති සී.ඩී. වික්‍රමරත්න මහතා වෙත ලිපියක් යොමු කර තිබෙනවා. ලංකා ඛනිජ තෙල් තොග ගබඩා පර්යන්තයේ කොලොන්නාව නිමාවට බලහත්කාරයෙන් ඇතුළු වූ පුද්ගලයින් සම්බන්ධයෙන් විමර්ශන සිදු කරන ලෙස ඉල්ලමින් එම ලිපිය යොමු කර ඇති බවයි විදුලිබල හා බලශක්ති අමාත්‍යාංශය සඳහන් කළේ. ඛනිජ තෙල් වෘත්තීය සමිති නියෝජිතයින්, එහි ඇතැම් සේවකයින් සහ විශ්‍රාම ගොස් සිටින සේවකයින් කොලොන්නාව නිමාවේ ඉන්ධන බෙදාහැරීම් සිදු කරන ස්ථානවලට අනවසරයෙන් ඇතුළු වී එහි කටයුතුවල බාධා කරමින් අදාළ කටයුතු අඩපන කිරීමට කටයුතු කරමින් සිටින බව සඳහන්. කඩාකප්පල්කාරී ක්‍රියා මැඬපැවැත්වීම, සේවා කලාපය සහ පැමිණ සේවය කරන සේවකයින්ගේ ආරක්ෂාව තහවුරු කිරීමට අමාත්‍යාංශය සහ අනෙකුත් සියලු…

තාවකාලිකව වසා දැමුණු අනුරාධපුර ශික්ෂණ රෝහලේ ළමා වාට්ටුව සඳහා විශේෂඥ වෛද්‍යවරයෙකු යොමු කර ඇති බව සෞඛ්‍ය අමාත්‍යංශය පවසනවා. අදාළ වාට්ටුව භාරව සිටි විශේෂඥ වෛද්‍යවරුන් විදෙස් ගත වීම හේතුවෙනුයි එම ළමා වාට්ටුව තාවකාලිකව වසා දැමීමට පියවර ගෙන තිබුණේ. කෙසේ වෙතත් රජයේ වෛද්‍ය නිලධාරීන්ගේ සංගමය පැවසුවේ බදු සංශෝධන ඇතුළු රටේ පවතින අර්බුදකාරී තත්ත්වය හමුවේ වෛද්‍යවරුන් විදෙස් ගත වීම හේතුවෙන් රෝහල් පද්ධතියට දැඩි බලපෑම් එල්ල වී ඇති බවයි

පැල්මඩුල්ල බුලත්වැල්ගොඩ නිවසක අභිරහස් ලෙස මියගොස් සිටි නීතිඥවරියකගේ සිරුර සොයාගත් බව පැල්මඩුල්ල පොලිසිය කියයි. සැකසහිත ලෙස මියගොස් සිරි නීතිඥ දුෂ්මන්ති අබේරත්න (40) මහත්මියගේ සිරුර ඇය නිදන ඇද මත තිබූ බව පැල්මඩුල්ල පොලිසිය පවසයි . නිවසට උදෑසන පැමිණි මෙහකාරිය ඒ බව දැක තිබේ. නීතිඥවරියගේ සැමියා 30 රාත්‍රි සිට නිවසේ නොසිටි බව ඔහු පොලිසියට ප්‍රකාශයක් කර තිබේ . මෙම නිවසට පැමිණ උදයේ සිට පස්වරුව වෙන තෙක් සේවය කරන කාන්තාවකගෙන්ද පොලිසිය ප්‍රකාශයක් ලඹාගෙන ඇත. පැල්මඩුල්ල මහේස්ත්‍රාත්වරයා නීතිඥවරියගේ නිවෙසට පැමිණි ස්ථාණීය පරික්ෂණය සිදු කළේය. එහිදී ප්‍රදේශවාසි කාන්තාවක්ද මහේස්ත්‍රාත්වරයා ඉදිරියේ ප්‍රකාශයක් ලඹා දුන්නේය . මෙම මරණය සැකසහිත බව නීතිඥවරියගේ පවුලේ අය පැල්මඩුල්ල පොලිසියට දැනුම් දි…

“රට හැර ගිය බොහෝ වෛද්‍යවරුන් සමාජ මාධ්‍යජාල ඔස්සේ රට පෙරලන්න උත්සාහ දරපු කයිවාරුකාරයන් බව හිටපු සෞඛ්‍ය අමාත්‍ය චන්න ජයසුමන මහතා පැවැසීය. මහා ලොකුට සමාජවාදය ගැන කතා කළාට, මේ අසීරු අවස්ථාවේ රට ගැන මොහොතකටවත් නොසිතා වෛද්‍ය සිසුන් අමාරුවේ දැම්මා යැයි ද ඔහු පැවැසීය. වෛද්‍යවරුන්ට පනවා තිබූ අධික බදු බර දරාගන්න බැරිව වෛද්‍යවරුන් රට හැර යාම බරපතළ ප්‍රශ්නයක් බව අපි දිගින් දිගටම කීවා . ඒ පිළිබඳව සෞඛ්‍ය අමාත්‍යාංශයවත් රජයවත් අවදානයක් යොමු කළේ නැහැ .එහි පළවෙනි ප්‍රතිඵලය හැටියට අනුරාධපුර ශික්ෂණ රෝහලේ මහාචාර්ය වෛද්‍ය සංකීර්ණ ඒකකයේ 63 වාට්ටුව වසා දැම්මා .අනුරාධපුර රෝහලේන් පටන් ගත්තට මුළු රට පුරාම මේ තත්ත්වය උද්ගත විය හැකියි . වෛද්‍ය…

ඉන්දියාවෙන් ආනයනය කළ තවත් බිත්තර ලක්‍ෂ 10 ක් කොළඹ වරායට ළගා වූ බව රාජ්‍ය වාණිජ විවිධ නීතිගත සංස්ථාවේ උසස් නිලධාරියෙක් පැවසීය. එම බිත්තර තොගය ද සත්ව නිෂ්පාදන හා සෞඛ්‍ය දෙපාර්තමේන්තුවේ අනුමැතිය ලැබිය යුතු බව කී එම නිලධාරියා එම දෙපාර්තමේන්තුව ඉදිරියේදී ඒ සඳහා සාම්පල ගැනීමට නියමිත බව ද සඳහන් කළේය.

ජාත්‍යන්තර මූල්‍ය අරමුදලේ ණය පහසුකම ක්‍රියාත්මක වන ආකාරය ගැන සොයා බැලීම වෙනුවෙන් පසු විපරම් කමිටුවක් ජනාධිපති රනිල් වික්‍රමසිංහ මහතා විසින් පත් කොට ඇත. ජනාධිපති කාර්ය මණ්ඩල ප්‍රධානී සාගල රත්නායක, මහා භාණ්ඩාගාර ලේකම් මහින්ද සිරිවර්ධන, මහබැංකු අධිපති නන්දලාල් වීරසිංහ ඇතුළු විද්වත්හු මෙම කමිටුවේ සාමාජිකයෝ වෙති. ජනාධිපතිවරයා විසින් මෙම කමිටුව කටයුතු කරන ආකාරය ගැන යෝජනාවක් ද කැබිනට් මණ්ඩලය වෙත යොමු කර ඉදිරියේදී මීට කැබිනට් අනුමැතිය ලබා ගැනීමට නියමිතය. අදාළ කමිටුව විසින් අයි.එම්.එෆ් ක්‍රියාවලිය සම්බන්ධයෙන් නිතර පසු විපරමක් කළ යුතු අතර බදු ප්‍රතිපත්ති, බදු ප්‍රතිශතයන් වෙනස්වීම්, වක්‍ර බදු අඩු කරමින් සෘජු බදු ඉහළ නැංවීම ආදිය ගැන නිරන්තයෙන් සොයා බලා ඊට අවශ්‍ය කටයුතු සම්පාදනය…

සමාජ සාධාරණත්වය සඳහා වූ සන්ධානය විසින් තොරතුරු දැනගැනීමේ පනත යටතේ තොරතුරු ලබා ගැනීමට අද (31) කොළම වරාය අධිකාරිය සහ ලංකා විදුලිබල මණ්ඩලය වෙත පැමිණෙන ලදී. එහිදී එම සංවිධානයේ සාමාජිකයින් පවසා සිටියේ අදාල ආයතන තුල සිටින පහලම තනතුරේ සිට ඉහලම තනතුරු දක්වා සේවකයන් සාමාන්‍ය ජනතාවට වඩා විශාල වැටුපක් ලබා ගන්නා බවයි. එම වැටුප් ලබමින් තවදුරටත් මහජනතාව අපහසුතාවයට ලක්වන අයුරින් වෘත්තීය ගැටළු මතුකරමින් කටයුතු කරන බවත්, අදාල සේවකයන් බදු ගෙවීමටද විරෝධය දක්වමින් උද්ඝෝෂණ පවත්වන බවයි. එබැවින් ඉදිරියේදී තොරතුරු දැනගැනීමේ පනත යටතේ සියළු සේවකයන්ගේ වැටුප් පිළිබඳ වාර්තාවක් ලබා ගන්නා බවත්, වෘත්තීය සමිති නායකයන් ඇතුළු සියළු දෙනාගේ තොරතුරු ජනගත කිරීමට කටයුතු කරන බවත් එම සන්ධානය වැඩිදුරටත්…