Subscribe to Updates
Get the latest creative news from FooBar about art, design and business.
Author: LANKA24X7
නුවරඑළිය, ලිදුල වෝල්ට්‍රිම් වත්තේ නිවසක පදිංචිව සිටි හැට නම හැවිරිදි කාන්තාවක් ඊයේ කිසිවකු ඝාතනය කර ඇය පැලඳ සිටි රන් මාලය හා කරාබු ජෝඩුව පැහැරගෙන පලාගොස් ඇති බව ලිඳුල පොලිසිය පවසයි. මෙසේ ඝාතනය කර ඇත්තේ වෙන්ගඩසලන් සත්‍යබාමා නැමැති කාන්තාවකි. කාන්තාව ඝාතනය කර ඇය පැළඳ සිටි රන් ආභරණ පැහැරගත් පුද්ගලයා ගැන තවම කිසිදු තොරතුරක් පොලිසියට ලැබී නොමැති අතර සැකකරු අත්අඩංගුවට ගැනීමට පොලීසිය පුළුල් පරීක්ෂණ පවත්වාගෙන යයි.
මෙරට පාස්කු ඉරිදා ත්‍රස්ත ප්‍රහාරයේ ප්‍රධාන සැකකරුවකු සමග ඕස්ට්‍රේලියාවේදී අත්අඩංගුවට පත්වූ අල්කයිඩා ත්‍රස්ත සංවිධානයේ ප්‍රබල නායකයකු සමීප සම්බන්ධතා පවත්වා ඇතැයි එරටින් තොරතුරු දැනුම් දුන් බව ත්‍රස්ත මර්දන කොට්ඨාසය කොළඹ අතිරේක මහේස්ත්‍රාත් පසාන් අමරසේන මහතා ඉදිරියේ ඊයේ (21) කරුණු වාර්තා කරමින් සදහන් කළේය. ඕස්ට්‍රේලියාවේදි අත්අඩංගුවට පත්වූ අල්කයිඩා ත්‍රස්ත සංවිධානයේ සාමාජිකයා මාලදිවයින් ජාතිකයකු වන අතර, එරට ආරක්ෂක අංශ ඔහුගෙන් කරනු ලැබූ ප්‍රශ්න කිරීමේදී මෙරට පාස්කු ඉරිදා ත්‍රස්ත ප්‍රහාරයේ ප්‍රධාන සැකකරුවකු වන ‘මොහොමඩ් ඊබ්‍රහීම් සාදික් අබ්දුල්ලා හක්’ නමැත්තා සම්බන්ධයෙන් එලෙස කරුණු අනාවරණය වූ බව ත්‍රස්ත මර්දන හා විමර්ශන අධිකරණයට දැනුම් දුන්නේය. ඒ අනුව ත්‍රස්තවාදය වැළැක්වීමේ පනත ප්‍රකාරව මේ සම්බන්ධයෙන් ප්‍රශ්න කිරීම සදහා ලබන…
මව්බිම සමෘද්ධිය කරා ගෙන යන අතර නිදහස, සමානාත්මතාවය සහ මානව ගරුත්වය රජයන සමාජයක් ගොඩනගන බව ජනාධිපති රනිල් වික්‍රමසිංහ මහතා විශේෂ ප්‍රකාශයක් කරමින් පැවසීය. ජාති, ආගම් භේදයකින් තොරව එකම ශ්‍රී ලාංකික ජනතාවක් ලෙස එක්සත්ව අප මව්බිම සමෘද්ධිය කරා ගෙන යා යුතුව තිබෙන බවද ජනාධිපතිවරයා කීය. සාමයෙන් සහ සහෝදරත්වයෙන් සපිරි දියුණු ශ්‍රී ලංකාවක් ගොඩනැගීමට තබන පියවරේ දී සමාජ ධර්මතා මනා පරමාදර්ශයක් වන අතර එමගින් ලබාදෙන පණිවිඩය සමාජයීය යහපැවැත්ම උදෙසා යෙදවීමට සියලුදෙනා අදිටන් කරගත යුතුයැයි ද ජනාධිපතිවරයා කීය. රාමසාන් දිනය නිමිත්තෙන් ජනපති මෙම ප්‍රකාශය කළේය.
ශ්‍රී ලංකා පොදුජන පෙරමුණේ හෙට පවත්වන මහ සභා රැස්වීම කැඳවූයේ පක්ෂ ව්‍යවස්ථාව අනුව නොව පාර්ලිමේන්තු මැතිවරණ පනතට අනුව බව එම පක්ෂ ප්‍රධාන ලේකම් පාර්ලිමේන්තු මන්ත්‍රී නීතීඥ සාගර කාරියවසම් පවසනවා. ඔහු මේ බව කියා සිටියේ පාර්ලිමේන්තු මන්ත්‍රී මහාචාර්ය ජී.එල්. පීරිස් මෙම මහ සභා රැස්වීම නීත්‍යානුකූල නොවන බව සඳහන් කරමින් නිකුත් කළ නිවේදනයට ප්‍රතිචාර දක්වමින්. හෙට (22) පෙරවරු 10ට බත්තරමුල්ල නෙළුම් මාවතේ ශ්‍රී ලංකා පොදුජන පෙරමුණේ 2023 වසර සඳහා වන මහ සභා රැස්වීම පත්වන බවට දැනුම් දෙමින් ඒ සඳහා යෝජනා ඇත්නම් දින 5 ක් තුළ තමන් වෙත ලැබීමට සළස්වන ලෙස පක්ෂ ප්‍රධාන ලේකම් සාගර කාරියවසම්, මහාචාර්ය ජී.එල්. පීරිස් වෙත පසුගිය 11 වනදා…
පාතාල ක්‍රියාකාරකම් සහ මත්ද්‍රව්‍ය මර්දනය සඳහා පොලිස් නිලධාරීන් ඍජුව කටයුතු කළ යුතු බව මහජන ආරක්ෂක අමාත්‍ය ටිරාන් අලස් පවසනවා. අමාත්‍යවරයා මේ බව කියා සිටියේ ඔහුගේ ප්‍රධානත්වයෙන් ඊයේ (20) දින පැවති කළුතර – කටුකුරුන්ද පොලිස් අභ්‍යාස විද්‍යාලයේ පුහුණුව අවසන් කළ පොලිස් නිලධාරීන් 189 දෙනෙකු විසිර යාමේ උත්සවයේදී අදහස් දක්වමින්. මෙහිදී ආධුනික උප පොලිස් පරීක්ෂකවරුන් 167 දෙනෙකු සහ ආධුනික කාන්තා උප පොලිස් පරීක්ෂකවරුන් විසි දෙදෙනෙකු විසිර ගියා. එම උත්සවය අමතමින් මහජන ආරක්ෂක අමාත්‍ය ටිරාන් අලස් වැඩිදුරටත් කියා සිටියේ පාතාලය මැඩලීමට සහ මත්ද්‍රව්‍ය උවදුර තුරන් කිරීම සඳහා පොලිස් දෙපාර්තමේන්තුව ගෙන යන වැඩපිළිවෙලට සියලු දෙනාගේ සහය අවශ්‍ය බවයි.
ලිහිසි තෙල් කර්මාන්තයේ ඡායා මාත්‍ර නියාමන බලතල ශ්‍රී ලංකා මහජන උපයෝගිතා කොමිෂන් සභාවෙන් ඉවත්කිරීම සදහා විදුලිබල හා බලශක්ති අමාත්‍යංශය කැබිනට් පත්‍රිකාවක් සකස් කර ඇතැයි ශ්‍රී ලංකා මහජන උපයෝගිතා කොමිෂන් සභාවේ සභාපති ජනක රත්නායක මහතා චෝදනා කරයි. ඔහු පෙන්වා දෙන්නේ 2006 වසරේ සිට ලිහිසි තෙල් කර්මාන්තයේ නියාමන කටයුතු සදහා ලිහිසි තෙල් කර්මාන්තකරුවන් විසින් ශ්‍රී ලංකා මහජන උපයෝගිතා කොමිෂන් සභාවට ගෙවු දායක මුදල් මහ භාණ්ඩාගාරයට ලබාගැනීමට අදාළ කැබිනට් පත්‍රිකාව මගින් තීරණය කර ඇත්තේ කිසිදු තර්කානුකූල පදනමකින් තොරව බවය. ශ්‍රී ලංකාවේ ලිහිසි තෙල් වෙළෙඳපොළ පරිමාව ආසන්න වශයෙන් කිලෝ ලීටර 70,000 වේ. වෙළෙඳපොළේ බලපත්‍රලාභී සමාගම් 26 ක් ක්‍රියාතමක වන අතර ඉන් සමාගම් 4ක් බලපත්‍රලාභි…
මෙරට ප්‍රබල මත්ද්‍රව්‍ය ජාවාරම්කරුවෙකු වන දෙමටගොඩ චමින්දගේ ප්‍රධාන ගෝලයෙකු පොලිස් විශේෂ කාර්ය බළකාය විසින් අත්අඩංගුවට ගෙන තිබේ. විශේෂ කාර්ය බළකායේ බුද්ධි අංශයේ නිලධාරීන්ට ලද තොරතුරකට අනුව සිදුකළ වැටලීමකදී සැකකරු අත්අඩංගුවට ගෙන ඇත. මෙලෙස අත්අඩංගුවට ගෙන ඇත්තේ දෙමටගොඩ ප්‍රදේශයේ පදිංචි 58 හැවිරිදි වියේ පසුවූ පුද්ගලයෙකි. මොහු සංවිධානාත්මක අපරාධකරුවෙකු හා මත්ද්‍රව්‍ය ජාවාරම්කරුවකු වන සිරිනායක පතිරණගේ චමින්ද රවී ජයනාත් නොහොත් දෙමටගොඩ චමින්ද යන අයගේ පුත්‍රයා වන මලීෂ යන අයගේ මෙහෙයවීම මත මත්ද්‍රව්‍ය ජාවාරම් සිදු කරන බවට තොරතුරු අනාවරණය වී ඇත. එහිදී පොලිස් විශේෂ කාර්ය බළකාය විසින් සැකකරු සන්තකයේ තිබී හෙරොයින් ග්‍රෑම් 25 ක් අඩංගු පැකට් 400 ක් සොයාගෙන ඇත. සැකකරු සහ හෙරොයින් වැඩිදුර…
අප්‍රේල් මස 29 දා ආරම්භ කිරීමට නියමිතව තිබූ යාපනය කන්කසන්තුරේ හා ඉන්දියාවේ කරෙයිකාල් අතර මගී බෝට්ටු සේවය ඉන්දියාවේ ඉල්ලීමක් මත මැයි මස 15 වෙනිදා දක්වා කල් දමා තිබේ. මෙම බෝට්ටු සේවාව පවත්වා ගෙන යාම සදහා ආගමන විගමන නිලධාරීන් හා රේගු නිලධාරීන් සේවයේ යෙදවීමට අවශ්‍ය ගොඩනැගිලි හා සෙසු උපකරණ පහසුකම් සපයා ගැනීමට තවත් කාලයක් අවශ්‍ය වන බැවින් මෙලෙස කල් දැමීමට සිදුවන බව ඉන්දියාව විසින් නිවේදනය කරනවා.
පසුගියදා (11) දින මුදල් මෙහෙයුම් වලදී මහ බැංකුවේ සුරක්ෂිතාගාරයේ මුදල් මිටියක අස්ථානගත වීම සම්බන්ධව අද (20) දින මාධ්‍ය නිවේදනයක් නිකුත් කරමින් මහ බැංකුව ප්‍රකාශ කළ සිටියේ, අදාළ සිද්ධිය සම්බන්ධ පොලිස් පරීක්ෂණ තවදුරටත් ක්‍රියාත්මක බවයි. එම මුදල් මිටියේ වටිනාකම රුපියල් මිලියන 5ක්. අදාළ සිද්ධිය පිළිබඳව ගැඹුරින් විමර්ශනය කිරීමට අවශ්‍ය ක්‍රියාමාර්ග ගනිමින් සිටින අතර අභ්‍යන්තර පාලනයන්, ක්‍රියාවලීන් යනාදිය ශක්තිමත් කිරීම සඳහා අවශ්‍ය පියවර ගනිමින් සිටින බව එම නිවේදනයේ වැඩි දුරටත් සඳහන් වුණා.
අද(21) දිනයේ දී බස්නාහිර, සබරගමුව, දකුණ, මධ්‍යම සහ උතුරු-මැද පළාත්වලත් මුලතිවු දිස්ත්‍රික්කයේ ත් තැනින් තැන සවස් කාලයේ දී හෝ රාත්‍රී කාලයේ දී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව නිවේදනය කරනවා. එමෙන්ම බස්නාහිර සහ දකුණු වෙරළබඩ ප්‍රදේශවල උදෑසන කාලයේදී ද වැසි ස්වල්පයක් ඇති විය හැකි බවත් සඳහන්. තවද ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙසද එම දෙපාර්තමේන්තුව ජනතාවගෙන් ඉල්ලා සිටී.