Author: LANKA24X7

කොළඹට ආරක්ෂක අංශ කැඳවීම සම්බන්ධයෙන් අද (16) දිනයේ පැවැත්වෙන ආරක්ෂක කවුන්සිලයේදී අවධානය යොමුවනු ඇති බව ආරක්ෂක අමාත්‍යංශය පවසයි. එම අමාත්‍යංශය පවසන්නේ පෙරහුරුවක් සඳහා අදාළ අංශ පසුගියදා කොළඹට කැඳවූ බවය. අද උදෑසන ජනාධිපතිවරයාගේ ප්‍රධානත්වයෙන් ආරක්ෂක කවුසිලය කැඳවීමට නියමිත බව වාර්තා වේ.

මැදවච්චිය පොලිස් වසමේ මැදවච්චිය නගරය ආසන්නයේ දී වයස අවුරුදු 16ක දැරියක්ව බලෙන් රැගෙනයෑමට උත්සාහ කිරීමක් වාර්තා වේ. පොලීසිය සඳහන් කළේ, දැරියගේ මව විසින් මැදවච්චිය පොලීසියට අදාළ සිදුවීම සම්බන්ධයෙන් පැමිණිලි කර ඇති බවය. සිදුවීමට අදාළ ස්ථානයේ ඇති CCTV දර්ශන සම්බන්ධව විමර්ශන සිදුකිරීමේ දී එම කාලය තුළ එවැනි සිදුවීමක් වාර්තා නොමැති බව පොලීසිය පවසයි. කෙසේ වෙතත් මේ සම්බන්ධව මාර්ගයේ අනෙකුත් CCTV දර්ශන පරීක්ෂා කර මැදවච්චිය පොලීසිය වැඩිදුර විමර්ශන සිදුකරයි.

ලබන ජුනි මස පළමු වනදා සිට බලපැවැත්වෙන පරිදි ජාත්‍යන්තර ක්‍රිකට් කවුන්සිලය විසින් තරග නීති 3ක් සංශෝධනය කිරීමට තීරණය කර තිබේ. ඒ පිරිමි හා කාන්තා ක්‍රිකට් කමිටුව විසින් ලබාදුන් නිර්දේශ ජාත්‍යන්තර ක්‍රිකට් කවුන්සිලයේ විධායක කමිටුව අනුමත කිරීමත් සමගය. ඒ අනුව පිටියේ විනිසුරුවන් විසින් පන්දු රකින්නෙක් උඩපන්දුවක් රැකගත් බව අපැහැදිලි නම් එය තෙවන විනිසුරුට යොමු කිරීමේදී ඊට අදාළව පිටියේ විනිසුරුවන්ගේ මතය ප්‍රකාශ කිරීම (Soft signal) අවශ්‍ය නොවෙයි. එමෙන්ම ක්‍රීඩා පිටියේ අධි අවදානම් අවස්ථාවන්හීදී හිස් ආවරණ පැළඳීම අනිවාර්ය කිරීමට ජාත්‍යන්තර ක්‍රිකට් කවුන්සිලය තීරණය කර තිබේ. ඒ අනුව පිතිකරුවන් වේගපන්දු යවන්නන්ට මුහුණ දෙන විට, කඩුලු රකින්නන් කඩුල්ල අසලට පැමිණ කඩුලු රැකීමේදී, කඩුල්ල ඉදිරිපස සිට…

දිස්ත්‍රික් සංවර්ධන සැලැස්මක් ඉදිරිපත්කරන ලෙස උපදෙස් ලබාදී මාස 03 ක් ගතව ඇතත් ඒ පිළිබඳ දළ සැලැස්මක් හෝ ඉදිරිපත් කිරීමට දිස්ත්‍රික්ලේකම්රවරු කටයුතු කර නොමැති බව අග්‍රාමාත්‍ය දිනේෂ් ගුණවර්ධන පවසනවා. පළාත් පාලන ආයතනවල කටයුතු අධීක්ෂණය කිරීම වෙනුවෙන් සුදුසු වැඩපිළිවෙලක් සකස් කිරීම සඳහා වන කමිටුව අරලියගහ මන්දිරයේදී රැස්වූ අවස්ථාවේදී අග්‍රාමාත්‍යවරයා මේ බව සඳහන් කළ බවයි අග්‍රාමාත්‍ය කාර්යාලය නිවේදනය කළේ. දිස්ත්‍රික්කයේ ප්‍රමුඛත්වය දිය යුතු අංශ හදුනාගනිමින් කඩිනමින් දළ දිස්ත්‍රික් සංවර්ධන සැලැස්මක් හෝ කමිටුවට යොමුකරන ලෙස අග්‍රාමාත්‍යවරයා එහිදී දිස්ත්‍රික් ලේකම්වරුන්ට උපදෙස් ලබාදුන් බව සඳහන්.

ජනපති නියමයෙන් ඊයේ (15) සිට උතුර, නැගෙනහිර සහ වයඹ පළාත් ආණ්ඩුකාරවරුන් ඉවත් කර තිබෙනවා. නව ආණ්ඩුකාරවරුන් පත් කිරීම එළඹෙන බදාදා (17) සිදු කිරීමට නියමිතයි.

කළුතර ලැගුම්හලක ඉහළ මාලයෙන් ඇඳවැටී මියගිය පාසල් සිසුවිය මුදලට අලෙවිකර ඇති බව කළුතර මහේස්ත්‍රාත් අධිකරණයේදී ඊයේ අනාවරණය වුණා. එහිදී අපරාධ පරීක්ෂණ දෙපාර්තමේන්තුව කරුණු වාර්තා කළේ අදාළ සිසුවිය ප්‍රධාන සැකකරුට මුණ ගැස්වීම සඳහා මියගිය දැරියගේ මිතුරියගේ පෙම්වතා රුපියල් 20,000ක මුදලක් ඉල්ලා ඇති බවයි. ඒ අනුව ප්‍රධාන සැකකරු අත්තිකාරම් වශයෙන් රුපියල් 12,000ක් අදාළ තරුණයාගේ ගිණුමට බැර කර ඇති බව ද අපරාධ පරීක්ෂණ දෙපාර්තමේන්තුව සඳහන් කළා. මෙහිදී කළුතර ප්‍රධාන මහේස්ත්‍රාත් නීතා හේමමාලි හාල්පාන්දෙණිය නියෝග කළේ සිද්ධියට අදාළව අත්අඩංගුවට ගත් මියගිය පාසල් දැරියගේ 19 හැවිරිදි මිතුරිය, ඇගේ පෙම්වතා සහ ප්‍රධාන සැකකරුගේ රියදුරා ලබන 26 වැනිදා දක්වා යළි රක්ෂිත බන්ධනාගාර ගත කිරීමටයි. ජාතික හැදුනුම්පත නිසි…

වාණිජ ණය හිමියන් සහ ශ්‍රී ලංකාව අතර වන ණය ප්‍රතිව්‍යුහගතකරණ සාකච්ඡා සඳහා ජාත්‍යන්තර මූල්‍ය අරමුදල මැදිහත් නොවන බව එම අරමුදලේ ආසියානු පැසිෆික් කලාප අධ්‍යක්ෂ ක්‍රිෂ්ණා සිරිනිවාසන් ප්‍රකාශ කළා. දිවයිනට පැමිණි ජාත්‍යන්තර මූල්‍ය අරමුදලේ නියෝජිත පිරිසේ සහභාගිත්වයෙන් අද (15) පස්වරුවේ කොළඹ දී පැවති මාධ්‍ය හමුවට එක්වෙමිනුයි ඔහු මෙම අදහස් පළකළේ. ශ්‍රී ලංකාවේ ණය ප්‍රතිව්‍යුහගතකිරීමේ සාකච්ඡා සැප්තැම්බර් හෝ ඔක්තෝබර් වන විට මූල්‍ය අරමුදලේ විස්තීර්ණ පහසුකම් වැඩසටහනේ පළමු සමාලෝචනයෙන් අවසන් වනු ඇති බව ජාත්‍යන්තර මූල්‍ය අරමුදලේ ආසියානු පැසිෆික් කලාප අධ්‍යක්ෂ ක්‍රිෂ්ණා සිරිනිවාසන් කියා සිටියා. එහිදී මාධ්‍යවේදියෙකු ශ්‍රී ලංකාවට ලබාදෙන විස්තීර්ණ ණය පහසුකමේ පොලි අනුපාතය සහ අනෙකුත් රටවල පිරිනමා ඇති පොලී අනුපාතයමද යන්න ප්‍රශ්න…

සුප්‍රකට ඉන්දීය නළු ෂාරුක් ඛාන්ගේ පුත් ආර්යන් ඛාන් ඉන්දීය රුපියල් කෝටි 25ක් නොගෙවන්නේ නම් ඔහුව මත්ද්‍රව්‍ය නඩුවකට හසු කරන බවට එරට මත්ද්‍රව්‍ය පාලන කාර්යාංශයේ හිටපු කලාප අධ්‍යක්ෂ සමීර් වන්කඩේ තර්ජනය කර ඇති බව ඉන්දීය මධ්‍ය වාර්තා කර තිබෙනවා. මේ හේතුවෙන් සමීර් වන්කඩේට එරෙහිව දූෂණ චෝදනා යටතේ නඩු පවරා ඇති බව සඳහන්. 2021 වසරේ මුම්බායිහි දී 24 හැවිරිදි ආර්යන් ඛාන් ඇතුළු 14 දෙනෙකු මත්ද්‍රව්‍ය සන්තකයේ තබා ගැනීමේ චෝදනා යටතේ අත්අඩංගුවට ගනු ලැබූව ද මත්ද්‍රව්‍ය පාලන කාර්යාංශය ඔහුගේ නඩුව ඉවත දැමුවේ, ආර්යන් ඛාන් සතුව තිබී මත්ද්‍රව්‍ය කිසිවක් හමුවී නැති බවට තහවුරු වීමෙන් පසුවයි.

අදත් දිවයිනේ පළාත් කිහිපයකට වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව නිවේදනය කර සිටිනවා. බස්නාහිර, සබරගමුව, මධ්‍යම සහ වයඹ පළාත්වලත් ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති විය හැකි බවයි එම නිවේදනයේ දැක්වෙන්නේ. ගිගුරුම් වැසි සමඟ තාවකාලිල තද සුළං තත්ත්වයක්ද ඇති විය හැකියි. කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටින්නේ ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙසයි.

වැලිගම පොලිස් වසමේ දෙනිපිටිය මුල්ලබොක්ක පාරට හැරෙන හන්දිය අසලදී ඊයේ (15) වෙඩි තැබීමකින් පුද්ගලයෙකු ජිවිතක්ෂයට පත්ව තිබෙනවා. යතුරු පැදියෙන් ගමන් කරමින් සිටි පුදලයින් දෙදෙනෙකු හට මෙලෙස නාදුනන පුද්ගලයින් දෙදෙනෙකු පැමිණ මෙලෙස වෙඩි තබා පලා ගොස් ඇති බවයි වාර්තා වන්නේ. වෙඩි වැදී එක් පුද්ගලයෙකු ජීවිතක්ෂයට පත්ව ඇති අතර යතුරු පැදියේ ගමන් කළ අනෙක් පුද්ගලයා තුවාල ලබා මාතර රෝහලට ඇතුළත් කර තිබෙනවා. මෙලෙස ජීවිතක්ෂයට පත්ව ඇත්තේ අවුරුදු 52ක් වන වැලිගම පැලෑන පදිංචි කරුවෙක් බව සඳහන්. පලා ගිය සැකකරුවන් සොයා පොලිස් පරීක්ෂණ ක්‍රියාත්මකයි.