Author: LANKA24X7

සංවිධානාත්මක අපරාධ කරුවෙක් වන දැනට බන්ධනාගාරගතව සිටින දෙමටගොඩ රුවන්ගේ නිවසට බෝම්බ ප්‍රහාරයක් එල්ලකර තිබේ. පොලීසිය පැවසුවේ දෙමටගොඩ වේළුවන පාර ප්‍රදේශයේ පිහිටි ඔහුගේ නිවසට අද උදෑසන මෙම ප්‍රහාරය එල්ලවී ඇති බවය. එම නිවසට පෙට්‍රල් බෝම්බ ප්‍රහාර 3ක් එල්ලවී ඇති අතර ඉන් කිසිවෙකුටත් හානියක් සිදුව නොමැති බවද පොලීසිය පවසයි. එක් පෙට්‍රල් බෝම්බයක් නිවස තුළට වැටී ඇති අතර තවත් පෙට්‍රල් බෝම්බ දෙකක් නිවසේ ගේට්ටුවට වැදී ඇත. සිද්ධිය සම්බන්ධයෙන් දෙමටගොඩ පොලීසිය මේ වනවිට වැඩිදුර විමර්ශන ආරම්භ කර තිබේ.

බස්නාහිර, මධ්‍යම, සබරගමුව, දකුණු, වයඹ සහ ඌව පළාත්වල පස්වරු 02.00න් පමණ පසු තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව නිවේදනය කරයි. සබරගමුව සහ ඌව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්වලත් ඇතැම් ස්ථානවලට මිලි මීටර් 50ට වැඩි තරමක තද වැසි ඇති විය හැක. නැගෙනහිර පළාතතේත් පොළොන්නරුව දිස්ත්‍රික්කයේත් රාත්‍රී කාලයේ සිට විටින් විට වැසි හෝ ගිගුරුම් සහිත වැසි ඇති වනු ඇත. බස්නාහිර, සබරගමුව, මධ්‍යම, උතුරු – මැද සහ ඌව පළාත්වල ඇතැම් ස්ථානවල උදෑසන කාලයේ දී මීදුම් සහිත තත්ත්වයක් පැවතිය හැකි බව වාර්තා වේ. ගිගුරුම් සහිත වැසි සමඟ ඇති විය හැකි තාවකාලික තද සුළංවලින් සහ…

බදු ප්‍රතිපත්තිය සහ සෞඛ්‍ය ක්ෂේත්‍රයේ පවතින අර්බුද සම්බන්ධයෙන් ජනාධිපතිවරයා සමඟ අද (11) සාකච්ඡාවක් පැවැත්වීමට නියමිත බව රජයේ වෛද්‍ය නිලධාරීන් ගේ සංගමය පවසයි. එහි සභාපති වෛද්‍ය හරිත අලුත්ගේ මහතා සඳහන් කළේ, ආණ්ඩුව මෙතෙක් ලබා දී ඇති කිසිදු පොරොන්දුවක් ඉටු කර නොමැති බවයි. මේ අතර, විශ්වවිද්‍යාල ආචාර්යවරුන් ගේ සංගමයේ උපසභාපති ජ්‍යේෂ්ඨ කථිකාචාර්ය චාරුදත්ත ඉලංගසිංහ මහතා පවසන්නේ, මෙවර අයවැයෙන් අධ්‍යාපන කේෂ්ත්‍රයේ පවතින ගැටලු සඳහා විසඳුම් ලබා දීමට රජය පියවර නොගත හොත් විරෝධතා ක්‍රියාමාර්ග තීව්‍ර කරන බවය. මේ අතර, ඖෂධ ප්‍රතිපත්තිය සහ මිල සූත්‍රය සම්බන්ධයෙන් පවතින ගැටලු විසඳා ගැනීම සඳහා ජනාධිපතිවරයා ගෙන් සාකච්ඡාවක් ඉල්ලා ඇති බව සමස්ත ලංකා පෞද්ගලික ඔසුසල් හිමියන් ගේ සංගමය පවසයි.…

ඩුබායි හි සැඟව සිටින සංවිධානාත්මක අපරාධකරුවෙක් වන “කොස් මල්ලී ” නැමැත්තාගේ ගෝලයින් සිව්දෙනෙක් මනුෂ්‍ය ඝාතනයක් සඳහා යමින් සිටිය දී කඩුවක් සමග අත්අඩංගුවට ගැනීමට ගල්කිස්ස දූෂණ මර්දන ඒකකය සමත්ව තිබේ. මෙම අපරාධ කල්ලිය පසුගිය අගෝස්තු මස 19 වනදා දෙහිවරල ඕබන් පෙදෙසේ දී තවත් පාතාල කල්ලි සාමාජිකයෙකු වන “ඇටයා සහ සැන්ඩෝ” දෙදෙනා ඉලක්ක කර වෙඩිතැබීමක් සිදුකර තිබුණි. වෙඩි ප්‍රහාරයෙන් අදාළ පුද්ගලයින් දෙදෙනා ජීවිතය බේරාගෙන තිබූ නමුත් ඒ අසල සිටි නගරසභා සේවකයෙකුගේ කකුලකට වෙඩි වැදී තිබුණි. ඉලක්කය වැරදී යෑම හේතුවෙන් පසුගිය 9 වනදා නැවතත් “ඇටයා සහ සැන්ඩෝ” අධිකරණ කටයුත්තක් සඳහා ගල්කිස්ස ප්‍රදේශයට පැමිණෙන බවට ලද ආරංචියක් මත ඔවුන්ව ඝාතනය කිරීමට මෙම අපරාධ කල්ලි…

තැපැල් සේවකයින් ආරම්භ කර තිබු පැය 48ක සංකේත වැඩවර්ජනය අවසන් කර තිබේ. නුවරඑළිය තැපැල් කාර්යාලය පිහිටි ගොඩනැගිල්ල සහ මහනුවර තැපැල් කාර්යාලය පිහිටි ගොඩනැගිල්ල සංචාරක හෝටල් ආරම්භ කිරීමේ මුවාවෙන් විකුණා දැමීමට විරෝධය පළ කරමින් පසුගිය 8 වනදා තැපැල් සේවකයින් වැඩවර්ජනයක් ක්‍රියාත්මක කළේය. ඒ අනුව සිය වර්ජන ක්‍රියාමාර්ගය ඊයේ (09) මධ්‍යම රාත්‍රියේ අවසන් කළ අතර අද දින සිට සාමාන්‍ය පරිදි රාජකාරි කටයුතු සිදුකරන බව ඒකාබද්ධ තැපැල් වෘත්තීය සමිති පෙරමුණ සඳහන් කරයි. වර්ජන ක්‍රියාමාර්ගය හේතුවෙන් ගොඩගැසී ඇති ලක්ෂ 10කට ආසන්න තැපැල් භාණ්ඩ අද දිනය තුළ බෙදාහැරීමට අවශ්‍ය පියවර ගෙන ඇති බවද ඒකාබද්ධ තැපැල් වෘත්තීය සමිති පෙරමුණේ සම කැඳවුම්කරු චින්තක බණ්ඩාර මහතා පැවසීය.

අද (10) දිනයේ දිවයිනේ බොහෝ පළාත්වල පස්වරු 01න් පමණ පසු තැනින්තැන වැසි හෝ ගිගුරුම් සහිත වැසි ඇති වෙන බව කාලගුණ විද්‍යා දෙපාර්තමේන්තුව පවසයි. බස්නාහිර, මධ්‍යම, සබරගමුව සහ ඌව පළාත්වල ඇතැම් ස්ථානවලට මි.මී. 75ට වැඩි තරමක තද වැසි ද ඇතිවිය හැකිය. උතුරු පළාතේ සහ ත්‍රිකුණාමලය දිස්ත්‍රික්කයේ උදෑසන කාලයේදී ද වැසි ඇතිවෙයි. බස්නාහිර, සබරගමුව, මධ්‍යම, උතුරු-මැද සහ ඌව පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් පැවතිය හැකි බවද සඳහන් කරයි. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කරගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලීමක් ද කරයි

ඊයේ (08) සවස් කාලයේ කොස්ගම පොලිස් වසමේ ඇස්වත්ත උතුර ප්‍රදේශයේ සිදු වූ අනතුරකින් පුද්ගලයකු ජීවිතක්ෂයට පත් ව තිබේ. මෙරට නිෂ්පාදිත ගිනි අවියකට වෙඩි බෙහෙත් කොටමින් සිටිය දී එය පුපුරා ගොස් මෙම අනතුර සිදු ව ඇති බව පොලීසිය පවසයි. මරණකරු වයස අවුරුදු 59ක ඇස්වත්ත උතුර, පුවක්පිටිය ප්‍රදේශයේ පදිංචිකරුවෙකි. ඔහු නිවසේ තනි ව ජීවත් වූ පුද්ගලයකු වන අතර, මෘත ශරීරය සිද්ධිය වූ ස්ථානයේම තබා ඇති බව වාර්තා වේ. සිද්ධිය පිළිබඳ වැඩිදුර විමර්ශන කොස්ගම පොලීසිය මඟින් සිදු කරයි.

“ජනාධිපතිවරයාට මේ සම්බන්ධයෙන් තීරණයක් ගන්න පුළුවන්, සූදු ශම්මි ද ? රොෂාන් රණසිංහ ද ?” ලෙස ක්‍රීඩා අමාත්‍ය රොෂාන් රණසිංහ මහතා පැවසීය. ක්‍රිකට් ක්‍රීඩාව සහ එහි ඉරණම යන මැයෙන් අද (08) පාර්ලිමේන්තුවේදී විශේෂ ප්‍රකාශයක් සිදුකරමින් ක්‍රීඩා අමාත්‍ය රොෂාන් රණසිංහ මහතා මෙම අදහස් පළකළේය. එසේම ජනාධිපති කාර්යාලය තුළ ක්‍රිකට් ආයතනයට පක්ෂපාතීව කටයුතු කරන පුද්ගලයින් පිළිබඳව ජනපතිවරයා විමසිලිමත් විය යුතු බවද ක්‍රීඩා අමාත්‍යවරයා වැඩිදුරටත් පැවසීය. පසුගිය ගෝඨාභය රාජපක්ෂ හිටපු ජනපතිවරයාගේ ආණ්ඩුවෙන් තමා ඉවත්වූයේ එම ආණ්ඩුව ඉතාමත් ශක්තිමත්ව තිබූ කාලසීමාවක බවද ක්‍රීඩා අමාත්‍යවරයා එහිදී සිහිපත් කළේය. තමන් මේ මොහොතේ උඩුගම් බලා පිහිනීමක් සිදුකරන බව පවසන ක්‍රීඩා අමාත්‍යවරයා සඳහන් කළේ තමන් සිය හෘද සාක්ෂියට එකඟව…

පාර්ලිමේන්තු වරප්‍රසාදවලට ආවරණය වී ක්‍රීඩා අමාත්‍යවරයා නිවැරදි නොවන, නොමඟ යවන සුලු චෝදනා එල්ල කර ඇති බව ශ්‍රී ලංකා ක්‍රිකට් ආයතනය නිවේදනය කරයි. එම නිවේදනයේ දැක්වෙන්නේ, ලබන වසරේ දී මෙරට පැවැත්වීමට නියමිත යොවුන් ලෝක කුසලාන තරගාවලිය සම්බන්ධයෙන් නිවැරදි තොරතුරු ජනතාවට ලබාදීම අරමුණ බවයි. එම තරගාවලිය 2024 ජනවාරි මස ශ්‍රී ලංකාවේ පැවැත්වෙන බව ඒ සම්බන්ධයෙන් තමන් මේ දිනවල කැප වී කටයුතු කරන බවත් ශ්‍රී ලංකා ක්‍රිකට් ආයතනය පෙන්වා දෙයි. විශේෂයෙන් මේ දිනවල දඹුල්ල ජාත්‍යන්තර ක්‍රිකට් ක්‍රීඩාංගණයේ විදුලි ආලෝක පද්ධතිය සවි කිරීම සහ එහි අනෙකුත් පහසුකම් වැඩිදියුණු කිරීම 2023 ආසියානු කුසලාන තරගාවලියට සාපේක්ෂ ව ආරම්භ කළ බවත් ආනයන සම්බාධක හේතුවෙන් එහි කටයුතු අපේක්ෂා…

පසුගිය ඔක්තෝබර් මස 7 වැනිදා ඊශ්‍රායලයට එල්ල වූ හමාස් සටන්කාමීන්ගේ ප්‍රහාරයත් සමඟ ඇරඹි ඊශ්‍රායල යුද්ධයෙන් දරුණු බලපෑමක් එල්ල වී ඇති එරට කෘෂිකර්මාන්ත ක්ෂේත්‍රයට ශ්‍රී ලාංකික සේවකයන් 10,000 ක් ගෙන්වා ගැනීමට අදාළ ගිවිසුමට ඉකුත්දා අත්සන් තැබූ බව ඊශ්‍රායලයේ ග්ලෝබ්ස් පුවත්පත වාර්තා කර ඇත. ඊශ්‍රායල ස්වදේශ කටයුතු අමාත්‍ය මොෂේ අබෙල් සහ ශ්‍රී ලාංකික නියෝජිතවරයා අදාළ ගිවිසුමට එරට විදේශ කටයුතු අමාත්‍යංශයේදී මෙලෙස අත්සන් තැබූ බව එම පුවත්පත වාර්තා කළේය.මෙම ගිවිසුමට අනුව කෘෂි කාර්මික සේවා සඳහා වහාම ශ්‍රී ලාංකික සේවකයන් 10,000 ක් ගෙන්වා ගැනීමට ඊශ්‍රායලයට අවස්ථාව ලැබෙන බව එම පුවත්පත පෙන්වා දී තිබේ. ඊශ්‍රායල යුද්ධය හේතුවෙන් කෘෂි කර්මාන්තයේ නියැලි සේවකයන් 8000 ක් පමණ ඊශ්‍රායලය…