Subscribe to Updates
Get the latest creative news from FooBar about art, design and business.
Author: LANKA24X7
දිවංගත අග්රාමාත්ය මහාමාන්ය ඩී. එස්. සේනානායක මහතාගේ දර්ශනය අපි ඈත් කළ නමුත් ලී ක්වාන් යූ අග්රාමාත්යවරයා එම දර්ශනය අනුව යමින් සිංගප්පූරුව සංවර්ධිත රටක් බවට පත් කර තිබෙන බව ජනාධිපති රනිල් වික්රමසිංහ මහතා පැවසීය. මෙරට දේශපාලනඥයින් ශ්රී ලංකාව සිංගප්පූරුවක් කිරීමට සිහින දුටුව ද, ඇතැම් දේශපාලන ව්යාපාරවල තීන්දු තීරණ හේතුවෙන් ශ්රී ලංකාවට පසුගිය 75 වසර තුළ සිදුවූ විනාශය අතිමහත් බවද ජනාධිපතිවරයා පවසයි. ජනාධිපති රනිල් වික්රමසිංහ මහතා මේ බව සඳහන් කළේ, නිදහස් චතුරස්ර පරිශ්රයේ දී ඊයේ (22) පස්වරුවේ පැවැති දිවංගත අග්රාමාත්ය මහාමාන්ය ඩී. එස්. සේනානායක මහතාගේ 71වන ගුණ සමරු වැඩසටහනට එක්වෙමිනි. ශක්තිමත් හා බලගතු ශ්රී ලංකාවක් ගොඩනැගීමට සේනානායක උරුමය ඉදිරියට ගෙනයා යුතු බවද…
රාමසාන් උපවාස සමය මෙම මස 24 වන සිකුරාදා සිට ආරම්භ කරන බව කොළඹ මහ පල්ලිය නිවේදනය කරයි. කොළඹ මහ පල්ලිය වැඩිදුරටත් නිවේදනය කරන්නේ නව අඩ සඳ ඊයේ දිනයේ දර්ශනය නොවූ බැවින් මෙලෙස රාමසාන් උපවාස සමය ආරම්භ කෙරෙන බවය.
ආර්ථික අර්බුදය මතුවූ අවස්ථාවේ දී ජාත්යන්තර මූල්ය අරමුදලේ සහාය ලබාගැනීම පමා කිරීම ඇතුළු කාරණා කිහිපයක් සම්බන්ධයෙන් රජයේ විගණකාධිපතිවරයා සිදු කළ විමර්ශනයේ වාර්තාව අධිකරණය හමුවේ ගොනුකර ඇතැයි නීතිපතිවරයා ඊයේ (22) ශ්රේෂ්ඨාධිකරණයට දැනුම් දුනි. ඒ, එම අර්බුදයට වගකිවයුතු පුද්ගලයන් සම්බන්ධයෙන් විමර්ශනයක් සිදු කරන්නැයි ඉල්ලා ගොනු කළ මූලික අයිතිවාසිකම් පෙත්සම් දෙකක් අද කැඳවූ අවස්ථාවේදීය. වත්මන් ආර්ථික අර්බුදයට වගකිවයුතු පුද්ගලයින් සම්බන්ධයෙන් විමර්ශනයක් සිදුකරන ලෙස ඉල්ලා ශ්රී ලංකා වාණිජ මණ්ඩලයේ හිටපු සභාපති චන්ද්රා ජයරත්න, පිහිනුම් ශූරයෙකු වන ජුලියන් බෝලිං ඇතුළු පිරිසක් සහ කොළඹ විවෘත විශ්වවිද්යාලයේ මහාචාර්ය මහීම් මෙන්ඩිස් ඇතුළු කථිකාචාර්යවරුන් පිරිසක් පෙත්සම් ගොනුකර තිබුණි. අදාළ පෙත්සමේ වගඋත්තරකරුවන් ලෙස හිටපු ජනාධිපති ගෝඨාභය රාජපක්ෂ, හිටපු අග්රාමාත්ය මහින්ද…
අද දිනයේ සබරගමුව, මධ්යම, ඌව, දකුණු සහ උතුරු-මැද පළාත්වල සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බව කාලගුණවිද්යා දෙපාර්තමේන්තුව පවසයි. සෙසු ප්රදේශවල ස්ථාන ස්වල්පයක සවස්කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇති විය හැක. බස්නාහිර සහ වයඹ පළාත්වලත් ගාල්ල සහ මාතර දිස්ත්රික්වලත් උදෑසන කාලයේදීත් වැසි ඇති විය හැක. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් වැඩිදුරටත් ඉල්ලා සිටී.
විදුලි ගාස්තු වැඩිකිරීමට එරෙහිව ගොනුකළ රිට් පෙත්සමක් විභාගයට නොගෙන නිෂ්ප්රභ කිරීමට අභියාචනාධිකරණය ගත් තීරණය බලරහිත කරන ලෙස ඉල්ලා ගොනුකළ අභියාචනා පෙත්සමක් සලකාබැලීම සඳහා අගෝස්තු මස 04 වනදා කැඳවන ලෙස ශ්රේෂ්ඨාධිකරණය නියම කළේය. මෙම පෙත්සම මුර්දු ප්රනාන්දු මහත්මිය ප්රමුඛ ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබීය. එහිදී විනිසුරු මඬුල්ල නියම කළේ අදාළ පෙත්සම සලකාබැලීම සඳහා අගොස්තු 4 වනදා කැඳවන ලෙසය. විදුලි පාරිභෝගික සංගමය සහ පරිසර යුක්ති කේන්ද්රය විසින් අදාළ අභියාචනා පෙත්සම ඉදිරිපත් කර තිබුණි. එහි වගඋත්තරකරුවන් ලෙස මහජන උපයෝගිතා කොමිසම, ලංකා විදුලිබල මණ්ඩලය ඇතුළු පිරිසක් නම්කර තිබේ. ශ්රේෂ්ඨාධිකරණය හමුවේ ගොනුකළ අභියාචනා පෙත්සමින් සඳහන් කර තිබෙන්නේ පසුගියදා විදුලි ගාස්තු සංශෝධනය කිරීමට අමාත්ය…
හෙරොයින් මත්කුඩු ග්රෑම් 220ක් සන්තකයේ තබාගෙන ජාවාරම් කිරීමේ චෝදනාවට වරදකරු කෙරුණු පෙරියසාමි සුරේෂ් කුමාර් නමැති පුද්ගලයෙකුට කොළඹ මහාධිකරණය විසින් ජීවිතාන්තය දක්වා සිරදඬුවම් නියම කළේය. කොළඹ මහාධිකරණයේ පූර්වගාමී විනිසුරු මොහොමඩ් ඉර්ෂඩීන් මහතා විසින් තීන්දුව ලබාදුන්නේය. 2013 වසරේ පෙබරවාරි 8 වනදා කොළඹ ග්රෑන්ඩ්පාස් ප්රදේශයේ දී හෙරොයින් මත්කුඩු කිලෝ ග්රෑමයකට ආසන්න ප්රමාණයක් සන්තකයේ තබාගෙන සිටියදී මෙම විත්තිකරු පොලීසිය විසින් අත්අඩංගුවට ගෙන තිබුණි. පසුව අදාළ මත්ද්රව්ය තොගය රජයේ රස පරීක්ෂකවරයා විසින් පරීක්ෂාවට ලක් කළ අතර ඒ තුළ හෙරොයින් ශුද්ධ බර ග්රෑම් 220ක් තිබූ බව රස පරීක්ෂකවරයා විසින් අධිකරණයට වාර්තා කළේය. දීර්ඝ නඩු විභාගයකින් අනතුරුව තීන්දුව ප්රකාශයට පත්කළ විනිසුරුවරයා සඳහන් කළේ විත්තිකරුට එරෙහි චෝදනා සාධාරණ…
මැතිවරණය කල් යෑමෙන් පීඩාවට පත්වූ රාජ්ය සේවකයින්ට සහනයක් දෙන්න – මෛත්රී ගෙන් ජනපතිට ලිපියක්
පළාත් පාලන ආයතන ඡන්ද විමසීම සඳහා ඉදිරිපත්වී ඇති රාජ්ය සේවක අපේක්ෂකයින්ගේ වැටුප් ලබාදීමට සුදුසු නීතිමය පියවරක් ගන්නා ලෙස ශ්රී ලංකා නිදහස් පක්ෂයේ සභාපති හිටපු ජනාධිපති මෛත්රීපාල සිරිසේන මහතා ජනාධිපති රනිල් වික්රමසිංහ මහතාගෙන් ඉල්ලීමක් කරනවා. ඒ, ජනාධිපතිවරයා වෙත ලිපියක් යොමුකරමින්. මැතිවරණය කල්යාම හරහා වැටුප් නොගෙවීම හේතුවෙන් එම රාජ්ය සේවක අපේක්ෂකයින්ට තම ජීවිකාව ගෙනයාම සඳහා නොහැකි තත්ත්වයක් උද්ගතව ඇති බවයි හිටපු ජනාධිපතිවරයා සිය ලිපියෙන් පෙන්වා දෙන්නේ. මීට පෙරද මෙවැනි මැතිවරණවලදී නීතිමය හා ප්රායෝගික ගැටලුවලට මුහුණදුන් අවස්ථාවේදී රාජ්ය සේවක අපේක්ෂකයින්ගේ වැටුප් සහ රාජකාරි කටයුතු ආවරණය කිරීම සම්බන්ධයෙන් වැදගත් තීරණ ගෙන තිබෙනවා. මෙවර මැතිවරණයට ඉදිරිපත්ව සිටින රාජ්ය සේවක අපේක්ෂකයින් මුහුණදෙන අර්බුදකාරී තත්ත්වයට රජය ලබාදෙන…
පාලන මිලට වැඩියෙන් බිත්තර ඇතුළු පාරිභෝගික ද්රව්ය අලෙවි කළ වෙළෙඳුන් පිරිසකට දඩ නියම කර තිබේ. බොරලැස්ගමුව, බෝකුන්දර ආර්ථික මධ්යස්ථානයේ සහ ඒ අවට වෙළෙඳසැල් කිහිපයක ව්යාපාරිකයින් පිරිසකට කැස්බෑව මහෙස්ත්රාත් අධිකරණය මඟින් එම දඩ නියම කර ඇති බව සඳහන්ය. එහිදී රුපියල් 44ක පාලන මිල නොතකා රුපියල් 50කට බිත්තර අලෙවිකළ වෙළෙඳුන් තිදෙනෙකුට රුපියල් ලක්ෂ 03 බැගින් දඩ නියම කර තිබේ. එමෙන්ම කිලෝග්රෑමයක් රුපියල් 210 ක පාලන මිලට අලෙවි කළ යුතු සුදු කැකුළු සහල් කිලෝග්රෑමයක් රුපියල් 240 කට අලෙවිකිරීම සම්බන්ධයෙන් වරද පිළිගත් ව්යාපාරිකයෙකුට ද කැස්බෑව මහෙස්ත්රාත් අධිකරණය මඟින් රුපියල් ලක්ෂ 03 ක දඩයක් නියම කර ඇති බව සඳහන්ය.
යම් යම් සීමාවන්ට යටත්ව උද්ධමනයට සරිලන ලෙස ඉදිරියේ දී රාජ්ය සේවක වැටුප් හා විශ්රාම වැටුප් වෙනස් කිරීමට නියමිත බව ජනාධිපතිවරයා පැවසීය. අද (22) පාර්ලිමේන්තුවේ දී IMF විස්තීර්ණ මූල්ය පහසුකම පිළිබඳ අදහස් දක්වමින්, රාජ්ය වියදම් කළමනාකරණය කිරීමේ දී ගන්නා පියවර සම්බන්ධයෙන් අදහස් දක්වමින් ජනාධිපතිවරයා මේ බව කියාසිටියේය. රාජ්ය වියදම් කළමනාකරණය ….. *රජයේ වියදම් සඳහා ලබාදෙනවා ප්රතිපාදන වැඩිකිරීමට පියවර. *ප්රාථමික අයවැය ශේෂයේ සීමාවන් තුළ උද්ධමනයට සරිලන ලෙස වැටුප් හා විශ්රාම වැටුප් ගැලපීම. *ඉන්ධන මිල තීරණය කිරීම දේශපාලන අධිකාරියෙන් සම්පූර්ණයෙන් ඉවත් කරනවා. *ඉන්ධන මිල තීරණය කරන්නේ 2018 මිල සූත්රය අනුව පමණයි. *සෑම 6 මසකට වරක්ම විදුලිබිල ගැලපීමට පියවර ගන්නවා. *මහා පරිමාණයෙන් පාඩු ලබන…
ජාත්යන්තර මූල්ය අරමුදලේ එකඟතා ගිවිසුම අද (22) පාර්ලිමේන්තුවට ඉදිරිපත් කිරීමට නියමිතව තිබේ. පෙරවරු 9.30 පාර්ලිමේන්තුව රැස්වීමෙන් අනතුරුව ජනාධිපතිවරයා විසින් විශේෂ ප්රකාශයක් සිදුකිරීමට නියමිතය. අනතුරුව ජාත්යන්තර මූල්ය අරමුදලේ එකඟතා ගිවිසුම ඉදිරිපත් කිරීමට නියමිත බව වාර්තා වේ. ශ්රී ලංකාවේ ආර්ථික ප්රතිපත්ති සහ ප්රතිසංස්කරණ සඳහා සහාය වීමට ඩොලර් බිලියන 03ක පමණ විස්තීර්ණ ණය පහසුකම යටතේ මාස 48ක වැඩපිළිවෙළ සඳහා ජාත්යන්තර මූල්ය අරමුදලේ විධායක කමිටුවේ අනුමැතිය මේ වන විට හිමිව තිබේ. ඒ අනුව ශ්රී ලංකාවට ලබාදෙන විස්තීර්ණ ණය පහසුකමේ පළමු වාරිකය අද හෝ හෙට (23) දිනය ඇතුළත මුදාහරින බව ජාත්යන්තර මූල්ය අරමුදල පවසයි. ඒ යටතේ ඩොලර් මිලියන 333ක් මෙරටට නිදහස් කිරීමට නියමිතය.