Subscribe to Updates
Get the latest creative news from FooBar about art, design and business.
Author: LANKA24X7
ඛනිජ තෙල් සංස්ථාව පෞද්ගලීකරණය කිරීමට රජය ගෙන ඇති තීරණය සම්බන්ධයෙන් විශේෂ සාකච්ඡාවක් අද (28) දිනයේ පැවැත්වෙන බව ඛනිජ තෙල් වෘත්තීය සමිති එකමුතුව පවසයි. එහි පොදුජන ප්රගතිශීලි සේවක සංගමයේ සභාපති බන්දුල සමන් කුමාර මහතා ප්රකාශ කළේ, එම සාකච්ඡාවෙන් අනතුරුව සිය ඉදිරි වෘත්තීය සමිති ක්රියාමාර්ග සම්බන්ධයෙන් දැනුවත් කිරීමට බලාපොරොත්තු වන බවය. ඛනිජ තෙල් නීතිගත සංස්ථාවේ රජය සතු කොටස් විකිණීමට එරෙහිව ඛනිජ තෙල් වෘත්තීය සමිති එකමුතුව ඊයේ (27) පෙරවරුවේ ආරම්භ කළ සත්යග්රහය අඛණ්ඩව පැවැත්වෙන බව බන්දුල සමන් කුමාර මහතා සඳහන් කළේය.
බදු ප්රතිපත්තිය සම්බන්ධයෙන් ඉදිරිපත් කර ඇති සංශෝධන ජාත්යන්තර මූල්ය අරමුදලට ඉදිරිපත් කරන තෙක් ගෙන එන අන්තර්වාර විසඳුම කුමක්දැයි ප්රකාශයට පත් කළ යුතු බව රජයේ වෛද්ය නිලධාරීන්ගේ සංගමය රජයට බලකර සිටී. ඊයේ (27) පැවති මාධ්ය සාකච්ඡාවකදී රජයේ වෛද්ය නිලධාරීන්ගේ සංගමයේ ලේකම් වෛද්ය හරිත අලුත්ගේ මහතා මේ බව පැවසීය. වෘත්තිකයාගේ ඉවසීම හෑල්ලුවට ලක් නොකරණ ලෙසටද එහිදී වැඩිදුරටත් අවධාරණය කළේය. “අවසානයේ දී ජනාධිපති ලේකම්වරයා සමග පැවති සාකච්ඡාවේ එකඟ වෙච්ච කාරණය තමයි අප ඉදිරිපත් කළ යෝජනා මත පදනම් වෙච්ච සංශෝධන ජාත්යන්තර මූල්ය අරමුදලත් සමග පවත්වන ඊළඟ වටයේ පළවෙනි සමාලෝචනයේ දී ධනාත්මක විදියට ප්රතිචාර දක්වලා ඒ සංශෝධන ඉදිරිපත් කිරීම සඳහා රජයේ තිබෙන අභිලාශය පෙන්වලා තියෙනවා.…
බස්නාහිර, සබරගමුව, ඌව සහ වයඹ පළාත්වලත් මහනුවර, නුවරඑළිය, ගාල්ල,මාතර සහ මන්නාරම දිස්ත්රික්කවලත් ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇති විය හැකිය. කාලගුණවිද්යා දෙපාර්තමේන්තුව නිවේදනය කළේ, ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙසය.o
පළාත් පාලන මැතිවරණය පැවැත්වීම සම්බන්ධයෙන් ගනු ලබන ඉදිරි කටයුතු පිළිබඳ තීරණය කිරීම සඳහා මැතිවරණ කොමිෂන් සභාව ලබන සතියේ යළි රැස්වීමට නියමිතව තිබේ. මැතිවරණ කොමිෂන් සභාවේ සභාපති නිමල් ජී පුංචිහේවා මහතා සඳහන් කළේ, ලබන අප්රේල් මස 04 වන දින කොමිෂන් සභාව යළි රැස්වීමට නියමිත බවය. පළාත් පාලන මැතිවරණයට අදාළ තැපැල් ඡන්ද සළකුණු කිරීමේ කටයුතු අද (28) දිනයේ ආරම්භ කිරීමට මීට පෙර සැලසුම් කර තිබුණ ද එය දින නියමයක් නොමැතිව කල් දමන බව මැතිවරණ කොමිෂන් සභාව පසුගියදා නිවේදනය කළේය. ඒ අනුව අප්රේල් මස 25 වන දින පළාත් පාලන මැතිවරණයට අදාළ ඡන්ද විමසීම ද නොපැවැත්වෙනු ඇත. කෙසේවෙතත් පළාත් පාලන මැතිවරණ කටයුතු පිළිබඳ සාකච්ඡා…
ගෙලෙහි කැපුම් තුවාල සහිත පිරිමි පුද්ගලයේකුගේ මළ සිරුරක් හම්බන්තොට පැරණි බූන්දල මාර්ගයේ තිබී හමුව තිබේ. ඊයේ (27) පෙරවරුවේ හම්බන්තොට පොලීසියට ලැබුණු තොරතුරක් මත අදාළ මරණය සම්බන්ධයෙන් පරීක්ෂණ ආරම්භ කර තිබේ. පොලීසිය පවස්නනේ මෙම මියගොස් සිටින පුද්ගලයාට අවුරුදු 30 පමණ වයසැති බවය. මහෙස්ත්රාත් පරීක්ෂණය සිදුකර ඇති අතර පශ්චාත් මරණ පරීක්ෂණය සඳහා මෘත ශරීරය හම්බන්තොට රෝහලේ මෘත ශරීරාගාරයේ තැන්පත් කර ඇති බව පොලීසිය සඳහන් කළේය.
20යි 20 ක්රිකට් තරගාවලියකදී වැඩිම ලකුණු සංඛ්යාව හඹායමින් ලෝක වාර්තාවක් පිහිටුවීමට දකුණු අප්රිකානු කණ්ඩායම අද (26) සමත් විය. ඒ බටහිර ඉන්දීය කොදෙව් පිල පරාජය කරමිනි. බටහිර ඉන්දීය කොදෙව්වන් පන්දුවාර 20 අවසානයේදී කඩුලු 05ක් දැවී ලකුණු 258ක් ලබාගන්නට සමත් වූ අතර එම ලකුණු සංඛ්යාව විශිෂ්ට ලෙස හඹායමින් පන්දුවාර 18යි පන්දු 05කදී කඩුලු 04ක් දැවී ලකුණු 259ක් රැස්කොට ජයග්රහණය හිමිකරගන්නට දකුණු අප්රිකානු කණ්ඩායම සමත් විය.
පාස්කු ප්රහාරය සම්බන්ධයෙන් වන නඩු තීන්දුවට අදාළ වන්දි මුදල ගෙවීම සඳහා තමාට තවත් ඉතිරිව ඇත්තේ මාස තුනක කාලයක් පමණක් බව හිටපු ජනාධිපති මෛත්රීපාල සිරිසේන මහතා පවසයි. බද්දේගම ප්රදේශයේ පැවති ජනහමුවකදී මෛත්රීපාල සිරිසේන මහතා පැසුවේ මේ වන විට තමන් දන්නා හිතවතුන්ගෙන් හැකි පමණින් මුදල් එකතුකරමින් සිටින බවය. නියමිත කාලය තුළ එම මුදල ගෙවීමට නොහැකි වුවහොත් අධිකරණය විසින් තමා සම්බන්ධයෙන් කුමන තීරණයක් ගන්නේ ද යන්න තමන් නොදන්නා බවද හිටපු ජනපතිවරයා ප්රකාශ කළේය. “මම ලෝකය දිනාගෙන මේ රටේ ප්රජාතන්ත්රවාදය තහවුරු කරලා මේ රට හොඳ රටක් බවට පත්කරගෙන යනකොට තමයි ඔය පාස්කු ප්රහාරය ඇවිල්ලා මාව නැත්තටම නැති කරලා දාලා ඊයේ පෙරේදා මට කෝටි 10කුත්…
ලංකා ඛනිජ තෙල් නීතිගත සංස්ථාව සතු කොටස් විකිණීමට එරෙහිව අද (27) උපවාසයක් ආරම්භ කරන බව ලංකා ඛනිජ තෙල් නීතිගත සංස්ථාවේ නිදහස් සේවක සංගමය පවසයි. එහි සභාපති ජගත් විජේගුණරත්න මහතා සඳහන් කළේ, අද උදෑසන 7 සිට සිය උපවාසය ආරම්භ කිරීමට සැලසුම් කර ඇති බවය. මේ සම්බන්ධයෙන් තවදුරටත් කරුණු පැහැදිලි කරන ලංකා ඛනිජ තෙල් නීතිගත සංස්ථාවේ නිදහස් සේවක සංගමය සභාපති ජගත් විජේගුණරත්න මහතා, “අද වෙනකොට ලංකා ඛනිජ තෙල් නීතිගත සංස්ථාව ඉතාමත් හොඳින් ලාභ ලබනවා. මෙහෙම තියෙන ඛනිජ තෙල් නීතිගත සංස්ථාව කිසිම හේතුවක් තැතුව ඒ සංස්ථාවට අයිති ඉන්ධන පිරවුම්හල් 600කට අධික ප්රමාණයක් පිටරට සමාගම්වලට පවරලා දෙන්න යනවා. මේ ගනුදෙනුව තමයි මේ අවුරුද්දේ වෙන්න…
අරගලය පිළිබඳ ගැටලුවක් නැතත් අරගලකරුවන් සම්බන්ධයෙන් ගැටලු පවතින බව ශ්රී ලංකා පොදු ජන පෙරමුණේ පාර්ලිමේන්තු මන්ත්රී නාමල් රාජපක්ෂ මහතා පවසයි. ඔහු මේ බව සඳහන් කළේ, බණ්ඩාරගම ප්රදේශයේ පැවති උත්සවයකදීය. ශ්රී ලංකා පොදුජන පෙරමුණේ බණ්ඩාරගම ආසනයේ ප්රධාන කාර්යාලය විවෘත කිරීම ඊයේ (26) සිදුකෙරුණු අතර පක්ෂයේ ජ්යෙෂ්ඨ මන්ත්රීවරුන් කිහිපදෙනෙකු ද එම අවස්ථාවට එක්ව සිටියේය. එහිදී වැඩිදුරටත් අදහස් දැක්වූ ශ්රී ලංකා පොදු ජන පෙරමුණේ පාර්ලිමේන්තු මන්ත්රී නාමල් රාජපක්ෂ මහතා, “බෝහෝ අය උත්සහ කරනවා මේ පොහොට්ටුවේ පාක්ෂිකයාව බය කරලා නවත්තගන්න. මැයි 9 වනදා මේ එක සිදුවීමක් විතරයි. අනික මැයි 9 වනදා අපේ අහිංසක පාක්ෂිකයා මම විශ්වාස කරන්නේ නෑ ගෝල්ෆේස් එකට ගහන්න ගියා කියලා. මහින්ද…
ත්රිකුණාමලයේ පදිංචිව සිටියදී යුද්ධය නිසා වෙන්වීමට සිදු වූ අඹුසැමි යුවළක් වසර 33 කට පසුව හමු වී තිබේ. කොළඹ ජාතික රෝහල අසල අසරණව සිටි කාන්තාව පිළිබඳ තොරතුරු ලද රෝහල් කාර්ය මණ්ඩලය ඇයට දින ගණනක් පුරා ප්රතිකාර සහ සත්කාර කොට ඇගේ අනන්යතාව හෙළිකරගෙන කාන්තාවගේ සැමියා සහ ඥාතීන් සොයාගැනීමට සමත්වුණි. යුද වාතාවරණය තුළ දිවි රැකගැනීමට දරුවන් කිහිපදෙනෙකු සැමියාට භාරකර තවත් දරුවෙකුද සමග පවුලෙන් වෙන්ව ඇති ඇය කොළඹට පැමිණ, එතැන් සිට වසර 33ක් පන්සල්, පල්ලි සහ පොදු ස්ථාන ආශ්රීතව විවිධ තැනැත්තන්ගේ උපකාර මත දිවි ගෙවා තිබුණි. කෙසේ වෙතත් ඇය සමග පැමිණි දරුවා සම්බන්ධයෙන් මෙතෙක් තොරතුරක් අනාවරණ වී නැත.